الموضوع: فندق مارينا السفير بالكويت وأسوأ تجربة

السلام عليكم

اشكر جميع اخواني في بوابة الكويت على ماقدمتموه وعلى مااستفدنا منكم في رحلتنا الرائعة للكويت
ماشاءالله بلد رائع وودود ومتعاون انبسطنا كثير ولله الحمد لكن نصيبي في الفنادق هذي المرة لم يكن جيدا او بالأحرى اختياري
لاني شخص حقيقة اتذوق الفنادق جيدا وهي تشكل لي ثلاثة ارباع الرحلة فأحرص على اختيار افضلها وحتى لو يكون اغلاها في سبيل الشعور بالراحة والمتعة والله لايغيرها علينا من نعمة

اخذت ليلة في فندق مارينا السفير من باب التجربة لأني قرأت حقيقة عن بعض الثناء عليه هنا فقررت تجربته حتى لو حصل فرصة اخرى للذهاب للكويت فلن اضل الطريق واختاره على طول لكن الحمدلله حطيت عليه باللاصق الاحمر نظرا للخدمة التعيسة عندهم والي ماخذين عليها 15 بالمئة ماادري على ايش ههههه
في البداية دخلنا الفندق ومن باب اعطاء الحق لاهله اعجبني عندهم انهم ياخذون السيارة منك ويجيبونها لك في كل مرة تطلع وتدخل تكلفتها فقط دينار واحد في اليوم
نجي للسئ فيه دخلت الفندق وعملوا لنا اجراءات سريعة للدخول بدون اصرار او ازعاج منا طبعا
بعد مااستقرينا في الغرفة خمس دقايق بنريح شوي تعال شف الازعاااااااااااااااج اول شئ واحد يطق نروح نفتح قال بشيك على الميني بار قلنا احنا نزلاء جدد قال لا ماشيكنا على الي قبلكم وبنشيك الحين طبعا رفضنا وقلنا اذا طلعنا يصير خير
وتونا بنريح ثانية الباب يطق توهم الاخوان بيعبون سلة الفواكة في الغرفة وانا والله كنت مستغرب ان مافيها الا على حبة فواكه ومو انواع بعد هههههه طبعا رفضنا ماتسوى دخلتهم الغرفة واحنا فيها عشان يجيبون فاكهة

بعد شوي طلبنا كفي وحلى
وجابوه لنا صراااااحة درت الفنادق وشفت شلون يقدمون الاكل والله احيانا اطلب بس عشان استمتع بفخامة التقديم والطعم قسم بالله مافيه اي شئ يستاهل صينية صغيرة بدون عربة والحلى الله يكرم النعمة حتى الكابتشينو ماكملته

بعدها طلعنا ونزلنا وخبرناهم عن الازعاج الي حصل وطلعنا ووعدونا يضبطون الغرفة في اثناء خروجنا بعد مارجعنا الغرفة على وضعها
وجينا بنطلع مرة ثانية وبلغناهم جينا لقينا سلة الفاكهة وتحت سلة مية خط ههههه بحباتها الاربع ماتغير شئ يعني انواع التطنييييييش وحتى الشاي عندهم فقط شاي احمر طلبنا اخضر طبعنا لبتن كالمعتاد في الفنادق يتوفر بالمجان قالوا ادفعوا ثلاث دنانير هههههه خوش لبتن بثلاث دنانير وبالنسبة للميني بار والله حوموا كبدي ومافتحته اشوف غيروا شئ ولالا ويوم جينا بنسوي تشيك اوت نبهناهم على هالنقطةوالخدمة السيئة وش كان رده طيب كويس احنا ماحسبنا عليكم الناقص بالميني بار هههههههه ماشاءالله ولا بتحسبونه بعد
والارضيه مااظلمهم بس مااحسها رخام كأنها سيراميك مع ان تجربتي لجميع انواع الفنادق الخمسة والاربعة نجوم دائما موكيت راقي يعني والله احساسي كأني في شقة مفروووشة مو فندق خمسة نجوم وب1700 ريال سعودي لليلة الواحدة
بس يالله صارت خيرة درس لي ماارجع له مرة ثانية

هذي تجربتي حبيت اعرضها عليكم لاني الي قريته عنه احسن من كذا فحبيت اوضح الصورة للي تهمهم سالفة الفنادق مثلي
وللعلم هذي تجربة شخص دار فنادق الخليج وشرق اسيا وامريكا واوروبا ولله الحمد يعني اتوقع عندي بعد نظر نوعا ما في هالمسألة

مواضيع عشوائيه ممكن تكون تعجبك اخترناها لك:

• الفندق الدولي اسعار الغرف ابتداء من دينار فقط
• من الكويت الى براتسلافا
• مسرح المبارزه بالدعيه وين موقعه بالضبط ؟؟
• موقع الخطوط الجويه الكويتيه الجديد
• مخبز أمير الامراء
• صور جديدة لمجمع المهلب وسوق شرق
• الزي الكويتي ياهل الكويت
• سيرك في هلا فبراير
• استفسار عن مكان مرور حولي
• مواعيد المعرض والمهرجانات في الكويت
• وين أرووح في الكويت؟؟
• هل يفتح سوق الجمعة في الكويت طوال الاسبوع أم لا
• مسافر الليله باذن الله
• أم اس ريتيل ورابع معرض إقليمي لبروي بمجمع الليوان
• إستفسار عن تأجير السيارات بالكويت والسكن؟؟
• ارجو الرد يسرعه يا النشاما تكفون
• من يدلني على مكان المجلس الوطني للثقافة والفنون والآداب؟
• استفسار عاجل جدا
• ياليت تساعدوني أين مواقع معارض السيارت
• عاجل طلب معلومات

الحمدالله على السلامه

اخي العزيز ذا انت اهم شي عندك الفندق

من المفترض تاخذ فندق خمس نجوم

و اتوقع لو سالت الاخوان بالمنتدى

اكيد مراح يقصرون و يعطون اسامي الفنادق الخمس نجوم

و حياك الله ببلدك الثاني الكويت

الزائر للكويت ,,, برأيي

يسكن بالشارع أرحم له من الفنادق السيئه اللي في الديره
وأسعارها غاليه بعد على شنو مادري

السلام عليكم ......يمكن انت قاري عن فندق المارينا اللي عند مارينا مول على البحر ........ولا هذا الفندق اول مرة اسمع عنه...........وبعدين معروف تبي ترتاح وخاصة بالخليج كلها اخذ خمس نجوم هي الفاخرة ولا غيرها عادية وشكرا

طيب المشكلة هذا هو فندق المارينا الخمس النجوم مو اربعة وهو تابع لسوق المارينا الي على البحر والممشي

ليه فيه مارينا غيره ؟!!!!

ياشباب انا اتكلم عن فندق المارينا الي على البحر والمدح له هو وهو نفسه الي انا اخذته بالأمارة حتى تلفزيوناتهم صغار مو بلازما هههههه

الحمدالله على السلامه

بالنسبة لشركة كبيره ومشهوره فنادق السفير فهي شركه ولها اكثر كم 5 فنادق بالكويت ولها فنادق كثيره في دول عربيه مصر وسوريا ولبنان والجزائر والعراق

على العموم الاشياء اللي ذكرتها بسيطه شاي وقهوه

اهم شي ان الفندق له موقع اكثر من رائع وله اطلاله بحريه جميله الفندق نظام منتجع وكل الفنادق من هذا النوع تكون ارضياتهم من السيراميك

وبالنسبه انهم يدقون عليك الباب تقدر تحط كرت الرجاء عدم الازعاج

انشاء الله تكون الرحله القادمه بفندق افضل وحياكم الله

الحمدالله على كل حال والحياة تجارب ان شاء الله تعوضها بالسفرات القادمة

شووووف انا جربتة و كانت تجربة ناجحة و كان وقتها عرض الليلة ب 77 دينار كويتي هاف بورد
بدوون ضريبة او رسوووم اضافية و هذا المنتدي فعلا موجووود لكي نعبر عن ارائنا و تجاربنا

حياك الله اخوي بالكويت و فعلا فنادق الكوي اسعارها مبالغ فيها و تقارب اسعار فنادق دبي مع الفارق الكبير من الناحيه السياحيه بين البلدين

انا معاك ان الفندق لا يرقى لمستوى فندق 5 نجوم و الغريب انه ماخذ جائزه افضل فندق بالكويت و تقدر تشوف تجربتي من الرابط الموجود بتوقيعي

الأشياء المذكورة وأعني بها السلبيات أشياء بسيطة ولا تعكر صفو الرحلة

أول ما قرأت العنوان بصراحة ظننت مباشرة أن المشكلة في نظافة الفندق مثلاً أو الأدوات الخاصة بالغرفة الكهربائية مثلاً

أما سالفة شاي وفهوة وسلة فاكهة

أمور لا تعكر صفو الرحلة مطلقاً

يكفيك إطلالة الفندق وروعة موقعه وقربه من كثير من الخدمات

نعم

ربما لا يستحق المبلغ المدفوع به

لكن أن يكون سيئاً بسبب ما ذكرته فقط فلا


وجهة نظر فتقبلها أو دعها ، فالكل له مطلق الحرية في حدود اللباقة والـأدب

تمنياتي لك بالتوفيق

بالنسبة لي انا جربته وكانت تجربة ممتعة جدا
وكتبت تقرير مفصل ودون صور عن اقامتي فيه

أعوذ بالله

1700 بالليلة


وين ساكن ؟ لاتكون بلاس فيجاس واحنا ماندري ؟


عاد الله وأكبر هالخدمه !


من جد شيء محزن !!!

السلام عليكم
أرجو الانتباه يا جماعه
أنا ملاحظ ان كاتب الموضوع يستخدم نفس الكلام والانتقاد عن هذا الفندق من كاتب ثاني اسمه مشاري بن علي

أنا اتوقع هو نفس المستخدم لو ترجعون للموضوع عن فندق بلازيو اللي بحولي كان نفس الكلام والانتقاد

ما أدري أيش السر صراحه
أتمنى نتكلم كلام هادف سواءاً بالنقد أو المدح حتى نستفسد كلنا من تجارب الآخرين