الموضوع: بوسطن ديينفر ممكن تساعدوني

السلام عليكم ورحمة الله وبركاته


صباح - مساء الخير

كيف حالكم أعضاء ومشرفين البوابه :101:

بدخل بالموضوع على طول
طبعا من العنوان ابغى تساعدوني بمعرفة اهم الاشياء في تلك المدينتين :106:


لان ان شاء الله في نص شهر 7 زوجي راح يطلع دوره في بوسطن ونبغى نمر على ديينفر :108:
واحتمال نطلع معه وابغى اخذ فكره عامه عن هالمدينتين :11ight:


أكون شاكره لكل من يرد على موضوعي :24:

مواضيع عشوائيه ممكن تكون تعجبك اخترناها لك:

• ابغى سكن في
• ضروري امباكت محتاره
• هل تم تشديد اجراءات الدخول إلى امريكا واسئلة اخرى
• أشكركم على
• تمت المقابلة وللأسف بكل صعوبة
• استفسار بخصوص حجز وايجار سيارة في امريكا من ناشونال
• الي يعرف شي عن ولايه مسيسبي بلوكسي
• كاش بالمطار
• رايح امريكا ومحتار الاخ امباكت وباقي الخبراء
• مساعدة في رحلة إلى اورلاندو جزاكم الله خير
• رحلتي تتوقف في لندن في مطارين
• رفض مزاجي
• حامل وأريد خطوط طيران مريحة
• تفاصيل مقابلتي في السفارة الأمريكية
• مسافرة امريكا السبت ان شاء الله و اتمنى اخد رايكم في جدولي
• استفسار سريع جدا بليييييز عن شيكاغو
• فنادق المطار بواشنطن دي سي
• سؤالي بخصوص استلام الجواز يا اخوان
• احتاج اصدقاء بولاية فلوريدا
• استفسار بخصوص مقابلة السفارهارجو الرد جزاكم الله خير

أختي الكريمة ..

هل تعلمين أن المسافة بين بوسطن ودنفر هي 3000كم تقريبا ؟؟

على العموم .. مدينة بوسطن الواقعة في الشمال الشرقي من أمريكا تعتبر مدينة تاريخية وهامة ، منذ إقامة حفلة الشاي التي أقيمت ضد ملك بريطانيا - المقاطعة ثم الثورة - وحتى يومنا هذا ..

طبعا مدينة بوسطن كثير تشبه مباني لندن طبعا انا مازرت لندن بس

على كلام اللي كانوا معي ببوسطن

طبعا بالصيف اذكر جوهم حار واحيانا رطوبه بس مو زي رطوبتنا لانه تقع على بحر وبالشتاء سنووووووووووووو:109:

يوجد نهر فيها وحلو بالصيف ممكن تتمشي بجانبه ممرات واسعه وحدائق

فيها متحف كان قريب من مستشفى الاطفال

مدينة سيلم تبعد تقريبا ساعه عنها توجد فيها ملاهي ومول مايوجد فيه تاكس على خبري

عاد الاسواق حدث ولا حرج:109:

موجود فيها عروض الدالفين والحديقه المائيه

هذا الي يحضرني من 7 سنوات مازرتها فقدت الذاكره عن الاماكن:109:

اتمنى اني افدتك

شكرا وراثة الطيب

اخي ابن الازد اعلم انها بعديه ولكن ظروف العمل والدوره هي مايجعلنا ننتقل من بوسطن الى ديينفر

ياليت معلومات اكثر

انتظركم

السلام عليكم ورحمة الله وبركاته،،،

من واقع تجربة شخصية ،،، بوسطن من أجمل مدن أمريكا،،، ودنفر مدينة جميلة حيث جبال كولورادو الرائعة..

من بوسطن يمكنكم زيارة ولاية رود آيلاند القريبة وعاصمتها بروفدنس وكذلك زيارة المدينة الرائعة نيوبورت،رود آيلند

حيث أنها من مصايف الأغنياء ورائعة صيفاً..

تحياتي

بالسلامه ان شاء الله

دنفر وايد حلووه الصراحه

الطبيعه فيها شي عجييب

طبعا بولدر من احلى المناطق حبيتها وايد

اذا تبين السوق :

عندج مجمع cherry creek واايد حلوو المجمع و مرييح
http://www.shopcherrycreek.com/IM/index.html


و طبعا الشارع الشهير 16th Street
حلو حق التمشي و تاكلون مثلا ب cheese cake factory


و من احلى الاوتلتات الصراحه Outlets at Castle Rock

و اوتلت Outlets at Silverthorne واااااااااااايد حلوو و الطريج له شرررح و مكان الاوتلت عجييب
بس بررررد لانه صووب الجبال بس يستحق الزياره

واذا تحبوون سوالف ال Rafting

الف شكر لك ابن الرفاع
واختيnotty
اجابتك تشرح النفس:24::24:


بس حبيت اسئل عن اسواق بوسطن ؟؟
وهل فيه اوت ليت هناك ؟؟:106:

السلام عليكم ورحمة الله وبركاتة
اخت أمونه يمكنك الاطلاع على الرابط التالي

http://www.arabtravelersforum.com/travel274759/

وبالتوفيق

بخصوص بوسطن الصيف اللي طاف كنت فيها وبسافر لها بشهر 7
بخصوص المولات عندك الجالريا سنتر مو 3 ادوار فيه كل اللي تبينه حتى في مطعم هندي يسوي برياني على كيفج وعندج مطعم اسمه زيتونه لبناني في المنطقه اللي جنب المول في مجمع المنيوم اسالي عنه
وعندج برج البرودينشال اطول برج في بوسطن والطابق 52 فيه مطعم حلو مره يطل على بوسطن من فوق بس لازم يكون اللبس رسمي ونفس البرج فيه مول تحت فيه اغلب الماركات العالميه
وعندك حديقه البارك استريت وحديقه بجنبها بينهم شارع احلى من بارك استريت اسمها ليجنت تقريبا
واذا خليتي حديقه البارك استريت على يمينك بتكون منطقه الداون تاون على يسارك فيه مول اسمه ميسس ونفس الشارع فيه سينما
وعندك الله يسلمك الحي الايطالي في مطاعم وبيتزا ايطاليه مره بتجنن وبالويكند يسوون كرنفالات بنفس الحي
وفي منطقه مره اسمها ادمز سكوير منطقه حلوه بالويكند يسوون فيها احتفالات
ولاتنسين تزورين منطقه هارفرد اللي فيها الجامعات منطقه حلوه وهاديه تركبين القطار الاحمر ومره ماتضيع قطاراتهم
واذا حابه تروحين لمنطقه جنب بوسطن اسمها برنتلي تركبين القطار الاحمر اللي مكتوب عليه برنتلي فوق السايق واول ماتوصلين للمنطقه تقريبا نص ساعه تركبين تكسي وتقوليله ساوث شور بلازا على طول بيوديج للمول ويوم تخلصين تقوليله على محطه قطار لبوسطن وتركبين بالرد لاين على بوسطن
واذا تبين اي استفسار انا حاضر
وعندك شارع نيوبري استريت افخم شارع في بوسطن كله مطاعم وقهاوي حتى فيه مطعم كشمير اسالي عنه

شكرا جزيلا لك أخ عشق بدوي
اكيد راح استفيد كثير من هالمعلومات
لكن حبيت اسئل عن الجو؟؟

وهل فيه اوت ليت قريب وياليت اسمه اذا تذكره

مع الشكر الجزيل ..

صحيح في اوت ليت جريب تقريبا نص ساعه بس ما اعرف اسمه انتي حاولي تاخذين معاك التلفون اللي فيه جارمن اللي هو النفقيشن وتسوي بحث بيظهر لك الاوت ليت القريب من بوسطن اعتقد في شارع 395 نحن كنا نسوي هاي الحركه

شكرا لك ماقصرت