السلام عليكم


نيويورك زحمة و لوس انجلوس بعد زحمة

في نيويورك ما تحتاج سيارة .. اما في لوس انجلوس فانها من الضروريات .. يعنى ما بتخلص شغلك الا بسيارة

نيويورك جوها بارد .. لوس انجلوس جوها أفضل ... صحيح حرارة في الصيف .. لكن تفرق عن حرارة الخليج

بالنسبة للمساجد ... في نيويورك أكيد فيه مساجد ... و في لوس انجلوس ما شاء الله المساجد في معظم المناطق

بالنسبة للاكل ... في لوس انجلوس عندك منطقة اسمها انهايم ... كل اللى تباه بتحصله هناك .. فيمتو جين كرافت خبر عربي .. كل شي ... مطاعم مخابر

بالنسبة لماكدونالدز و المطاعم الامريكية طبعاُ أكلهم غير مذبوح بالطريقة الاسلامية .. لكن المشايخ اجازوا اكله .. و ما نريد نتعمق فالموضوع هذا لانه فالنهاية بيدخل واحد بيقول ما يجوز و الثاني بيقول حلال .. و حتى لا نخرج عن سياق الموضوع ... اللى يريد ياكل ياكل .. و اللى ما يبا .. ياكل اللى يبا ياكله .. كل واحد حر بنفسه

بالنسبة لدراسة الدكتوراه !! يقولون الماجستير في امريكا سهل و الدكتوراه صعبة .. ولا تعتمد هذا الكلام ... اسأل المجربين لانهم اصحاب الخبرة

بالنسبة للاتصالات .. الاثنين ما عليهم كلام و كل وحده احسن من الثانية ... لكن يفضل انك تاخذ تلفونك المحمول معاك .. و هناك بس تاخذ عندهم البطاقة و العقد .. و يفضل انك ما تاخذ Lease لمده طويلة .. يمكن ما تعجبك الشركة و خدماتها .. و بالتالي تقدر تحول من عندهم

بالنسبة للدراسة .. اذا تدور جامعة هب ريح .. و قوية .. UCLA من اقوى الجامعات .. لكنها صعبة بمعنى الكلمة


بالنسبة لاجار الشقق .. في كل مكان تحصل الغالي والرخيص .. على حسب مستوى الشقة و موقعها لكن بشكل عام الايجارات و الحياة غالية في المنطقتين ..


لوس انجلوس فيها تنوع كبير .. من ناحية المناطق و الترفيه و الحياة بشكل عام


نتمنى لك التوفيق و الفلاح

مواضيع عشوائيه ممكن تكون تعجبك اخترناها لك: