السلام عليكم ورحمة الله وبركاته، الحمد لله توني رجعت من المطار من باريس، وحاب أشكر أعضاء المنتدى اللي لولا الله ثم هم ما كانت رحلتلي كذا، حسيت روحي ابن البلد كل شي اعرفه ما شاء الله خصوصا المترو، وحاب أوجه شكري لجميع الأعضاء وبالأخص
1-sereemjio
2-*؛؛شـمــوخ ؛؛*
3- &فيصل&
وانا آسف جدا إذا نسيت أعضاء آخرين.
واتمنى ان اسوي تقرير ولكن للأسف ما عندي خبره وما اعرف التفاصيل الأسعار عدل لأن الوالد الله يحفظه اهو اللي يدفع بس بقول اشياء بسيطه اعرفها
الطيارة: كان موعد السفر من 5/7 واحنا حجزنا قبل اسبوعين او ثلاثه ما لقينه على الكويتية وشفنا الثانين شفنا الأنسب من ناحية الاوقات والترانزيت القطرية فكان ترانزيت لمدة لا تزيد عن ساعتين او ساعه مع تبديل طائرة ب 350 دينار كويتي للشخص، وكنا بنحز خلاص، ولا فجأة لقينا على الكويتي ترانزيت روما بدون تبديل طائرة ب 290 دينار كويتي فرحنا بالكويتية.
الفندق: كونكورد لافاييت "بكل بساطة خيآآآآآآآآآآآآآآآآآآآآآآل " هادي رخيص وراقي جدا وغرفتي كانت ما شاء الله تطل على برج ايفيل وغابة بولينيا والادفانس " ما شاء الله" والسعر كان للغرفة الدبل بحدود من 45 إلى 49 دينار لليلة.
وعندي جم شي كنت وايد متخوف منه وهو الميترو واستخدامه بليل، بصراحة شي مضحك آمان إلى ابعد الحدود ما شاء الله اركبه الساعه 12 بليل عادي وفي بعد عوايل خليجية عادي ما شاء الله.
الحي الاتيني: جميل......................... ولكن انا رحتله يوم السبت بليل يعني ويك اند وكان روعة إلى الساعه 10 وفجأة تحول إلى مراقص تشتغل.. اوكي عادي خلهم........ وصلت إلى درجة رجال وانتو بكرامه لابسين لبس حريم ومنظر مخدش للغاية جدا جدا جدا جدا. يمكن بالويك ان بس ما ادري بس اللي حاب اقوله لا احد يطول اكثر من 10 بالويك اند.
الادفانس: كسرت خاطري بصراحة مظلووووووووووووووووومه وايد خصوصا مجمع الفصول الأربع او les 4 temps فهو مجمع مسكر وايد حلو دمه خفيف رحت له اكثر من مره.
قوص النصر: تنبيييييييييييييييييييييه تنبييييييييييييييييييه ترا سلم ضيج دائري 284 درجه يعني فوق التعب ادور ينقلب راسك فما انصح الي ما عنده لياقه أبدا ان يزوره انا طبعا متين وايد ليمن وصلت فوق حست قلبي قام ينبض مادري شفيه بس الحمد لله لقيت كرسي وقعدت، وحتى بالنزلة يدووووووور راسك لأن صغير ودائري وطويل.
طبعا انا رحت اماكن وايد ما شاء الله بس حبيت اعلق على هالنقاط. ومشكورين مع السلامة.
مواضيع عشوائيه ممكن تكون تعجبك اخترناها لك:
رد مع اقتباس
المشاركة الأصلية كتبت بواسطة &فيصل&
المشاركة الأصلية كتبت بواسطة حلااا السعوديه
بس بصراحة غالي نوعا ما ف كلينا 3 بيتزات مختلفه الانواع وسلطة سيزر و 2 ماء و 2 كولا ب 92 يورو يعني مو غالي وايد على مستواه ولكن يتم غالي بس الصراحة يستاهل 
المفضلات