السلام عليكم ورحمة الله وبركاتة
اسعد الله مسائكم بكل خير
الله يعطيكم العافية ان شاء الله ناوي اسافر بتاريخ 24/6/2012م الى 5/7/2012م
لمدة 11 ليلة وتم شراء التذاكر على الخطوط السعودية (الرياض/ جنيف) والعودة (جنيف / الرياض)
بمبلغ اجمالي 5000 ريال لشخصين وتم استأجر سيارة فولكس واجن 2011 قير عادي ديزل لمدة 11 ليلة من شركة يورب كار بمبلغ 1685 ريال والأستلام والتسليم بمشيئة الله من مطار جنيف .
نجي الحين التوزيع الأيام على النحو التالي :
من 24/6 إلى 27/6 في مدينة مونترو(فندق Bon port ثلاث نجوم) ثلاث ليالي بمبلغ 1773 ريال
ومن 27/6 إلى 3/7 في مدينة انترلاكن (فندق المتروبول اربع نجوم) ست ليالي بمبلغ 5142 ريال
ومن 3/7 إلى 5/7 في مدينة لوزان فندق (الموفنبيك اربع نجوم) اخر ليلتين وكان سعرة غالي 2445
الحجوزات كلها عن طريق موقع بوكنق الله لايخلينا منه الفيزا رحت ابطلعها قالولي لسى بدري ياعم
لازم قبل سفرتك بثلاث اشهر على الأقل قلنا ماشي
الحين انا محتاج وقفتكم الله لايحرمنا منكم خاصة أني اول مرة ازور أوربا نجي للمهم الأماكن المراد زيارتة في كل من مونترو وانترلاكن اما لوزان الأكتفاء بالأسترخاء والتسوق والذهاب إلى جنيف والعودة إلى ارض الوطن الغالي .
مونترو راح تكون ان شاء الله نقطة انطلاق الى الأماكن اللي راح تعلموني عليها ان شاء الله
مثل أنـــسـي وشامونية ابي احداثيات انسي وشامونية بعدين شامونية عبارة عن ايش يعني تستحق الذهاب لها وايش فية اماكن تستحق الذهاب لها في مونترو مع ذكر الأحداثيات بعدين ابي احد يشرحلي طريقة المواقف ماعرف لها بعدين شلالات الراين هل اول مااوصل اروح لها لأني حسب مافهمت انها قريبة من جنيف وابي احداثياته بعدين ارجع للفندق في مونترو ولا اروح لشلالات الراين من لوزان وبعدين اذا عملت شيك اوت من فندق مونترو وابي اروح على انترلاكن احط احداثيت فندق متروبول ويكون الخط سريع ولا في احداثية افضل اما بالنسبة لاانترلاكن ماقصر واحد من اخوياي
عطاني كل الأماكن السياحية في انترلاكن مع الاحداثيات الأشكالية فقط اول مااوصل مطار جنيف علما اني راح اوصل الساعة 2 الظهر بمشيئة الله هل اروح للفندق ويكون اليوم الاول راحة وتمشي على بحيرة ليمان ولا اروح على طول شلالات الراين وهل انسي وشامونية ازورهم بيوم واحد
وهل القارمن سهل لأني الى الأن ماشريتة وشي افضل نوع وكم سعرة وهل استخدامة سهل لأني من جد شايل هم لو الرحلة شباب كان ماشلت هم بس الرحلة عائلية أنا وأم عبدالله عشان كذا لازم يكون التخطيط سليم تقفون اللي يدخل موضوعي وعندة اي معلومة ممكن تفيدني يسدحة هنا
محبكم أبوعبدالله ...
مواضيع عشوائيه ممكن تكون تعجبك اخترناها لك:
رد مع اقتباس
المفضلات