الموضوع: أجواء سويسرا شهر مــارس بلييييز ابي رد لا حد يبخل علينا

بسم الله الرحمن الرحيم ,,

الموظوع باين من عنوانه أجواء سويسرا ,, ما حاب اطول عليكم .. ع طوول ندخل
انا رحلتي لسويسرا شهر (3) مارس ,, حاب اعرف كيف راح تكوون الاجواء هناك بالعربي وش اخذ ملابس معي ويعطيكم الف عافيه واعذرووني ع طوول دخلت في الموظووع من دوون مقدمات
ويعطيكم الف عاافيه ,, وجزاكم الله خير الجزاء ,,

مواضيع عشوائيه ممكن تكون تعجبك اخترناها لك:

• ارجو المساعده في لم شتات رحلتي
• مساااااااااعدتكم من بعر اذنكم ياحلوين
• مشاهداتي في انترلاكن صيف م
• خبرا سويسرا وربع سويسرا سؤال الله خليكم لاتردوني فيه ؟
• ؤحلتي الاوروبيه الاولى
• الى اعضاء سويسرا رايكم من فضلكم
• استفسار قمة بيلاتوس
• جنيف تقرير رحلتي مارس
• إستفسار ما الأفضل في لوغانو
• أستفسار بخصوص المخالفات المرورية
• رحلتي لسويسرا بداية سبتمبر بس محتاج مساعدتكم
• محتار في سفري ممكن ترتيبها
• خلصت حجوزاتي في الدول الثلاث وما زلت بحاجتكم للمساعدة
• تاشيرة الشنقن
• ياحلوين ابغى فزعتكم 
• عاجل جدا فندق في انترلاكن
• طلب المشورة بخصوص مخطط الرحلة
• جفاف أوروبي وحرارة مرتفعة يجعل هذه السنة واحدة من الأكثر جفافاً في سويسرا
• مطار جنيف
• المسافات بين المدن السويسرية على شكل جدول مجهود شخصي

السلام عليكم ,,
صباح الخير ,,
حاب استفسر من الاخوان اللي قد راحوا من جنيف الى باريس بالقطار اصحاب تجارب ,,

س: هل يختم الجواز دخول باريس ؟ أرجوا الاجابه الأكيده لظرووف العمل ,,

وحاب استفسر من الاخوان اجواء سويسرا و باريس شهر (3) مــارس ,, تقريبا 20 مارس كيف الاجواء,,


وشكرا.. وجزاكم الله خير الجزاء ,, ما تقومون به من افاده لزوار هذا المنتدى الرئع ..

الاجواء بارده

اذا الفيزا شينقن لن يكون هناك ختم وكأنك تنتقل من مدينة الى اخرى تحيااااااااااتي

يسلموو ,, يعطيكم الف عافيه ما قصرتوا ,,

السلام عليكم ورحمة الله وبركاته ..

كما عودتمونا اعظاء هذا المنتدى الراقي باخبارنا عن التفاصيل ,,
ارجو منكم مساعدتي

بالنسبة للقطار المتجه من جنيف الى باريس اهم شيء تحجز على رحلة مباشرة بدون توقف او تغيير قطار وهناك درجتين درجة اولى ودرجه ثانيه وكل درجة نوعين من الحجز فهناك الحجز المرن والحجز الغير قابل للاسترجاع وهذا النوع من الحجز يعتمد على تاريخ اليوم وكل ما بكرت بالحجز كل ما قل السعر طبعا هناك رحلات كثيره بمعدل تقريبا كل ساعه ولكن الرحلات المباشرة قليله بمعدل رحله كل اربع ساعات وانسب توقيت رحله الساعه 9:42 صباحا وتستغرق 3 ساعات وعشر دقائق للوصول وهناك رحلة اخرى الساعه 13:42 يمكنك الاطلاع على اسعار الرحلات وجدولها ويمكنك الحجز من هذا الموقع http://www.raileurope-gcc.com/ كما يمكنك من خلال الموقع مشاهده مقارنه بين الدرجات من حيث المقاعد لان كل درجه لها شكل مقعد فبعضها بطاوله والبعض بكبينه مستقله تحيااااااااااااااااااتي

السلام عليكم ورحمة الله وبركاته..

اخواني المشرفين ع استفسارات سويسرا واصحاب الخبرة الرجاء لحد يبخل علينا بكم هل استفسار,,

انا ان شاء الله طالع شهر 3 مارس20 تقريبا ,,
زبدة الموظوع يا اخوان والله محتاار وش اخذ ملابس لهناك نااس تقوول ربيع وناس تقوول ثقل. امس اشوف بالاخبار درجة جنيف والحين اتوقع عندهم عز الشتاء 8 درجات تقريبا ,, فما بالك بعد شهرين فأتمنى احد يصدقني وهوو متأكد والله محتااار ما ادري شتوي صيفي افيدوونا الله يرظا عليكم ..

الاستفسار الثاني الصرف وش تنصحوني فيه اصرف في المطار حقهم ولا من هنا اصرفها (الرياض)..

ولكم جزيل الشكر.. الله يعطيكم الف عافيه ..

بسم الله الرحمن الرحيم ..

اخواني اعظاء هذا المنتدى ومتابعين القسم السويسري و الله انا في حيرة من أمري اول عندما اسمع كلمة جنيف كان القلب يهز لها وكم كنت متى تسنح لي الفرصة للذهاب لها .. وعندما اتت الفرصة وحان ةقت الجد بدأ الرعب ينتابني عندما أقرأ تقارير بعظ الأعظاء فلا أشعر بأنها جميله وقبل قليل كنت اتجول في هذا المنتدى الرائع واقرا لاحد الأعظاء تقرير ذهابه لسويسرا العظو(ra3y amreeka) ,, ولكن عندما تتلمس من كلامه تشعر بأنها ليست جنيف التي نسمع عنها .. وكان يردد هذي الجمله في وسط تقريره (وش فيها جنيفا !!

ياما سمعنا ... جنيفا و جنيفا ... جنيفا و جنيفا

طيب وش فيها !!

مافيها شي
) فلا أعلم كم أنا متخوف من هذه الرحلة وكم تردد في ذهني عبارة انت تستطيع تحويل مسارها قبل فوات الأوان لأني حجزت بكل حماس لسويسرا شهر مارس .. والله انا متخوف هل أغير المسار ام أذهب وانا مطمن اني بنبسط وبفلها وما خسرت شي ..

فلذلك أرجو من اخواني ان يرشدووني .. هل أغير المسار ولا اخلي الرحله لسويسرا وتوكل على الله اني بنبسط هناك .. للعلم رحلتي كلها أسبوع فلذلك لا اريد ان اندم لان هذا ما استطعت ان اخذه اجازه فلذلك لا اريد ان يكون اسبوع استرخاء السنه يذهب سدا ..

دخلت وما ودي اطلع بدون ما ارد مع اني مو خبيره فيهابس باقول راي

عن تجربة ثلاث ليالي في جنيف

جنيف رااااااااااااااااااااااااااائعه ساااااااااااااااااااااااااااااحره جميله
جدا جدا
بس انت وش ذوقك لازم تعرف ميولك

اتمنى انك استفدت

عليكم السلام ورحمة الله وبركاته
هذا الموقع يفيدك إن شاء الله بالجو
وأكيد تجربه شخصيه بتكون مفيده أكثر...
worldweather.met.gov.om:8000/087/c00193.HTM

بالنسبه للعمله الخبراء إن شاء الله ما يقصرون
تحيآآآآآآآآآآآآتي,,,

يعطيك الف الف عافيه اختي ما قصرتي ,, اجل شكل من كلامك ان شا الله ما راح اتردد ,, رحلتي شهر مارس في الخريف اتوقع وتمنى من باقي الأعظاء المشاركة للافادة..

يعطيك العافيه اختي بس الرابط ما فتح مدري ليه ممكن مو كامل ,, وتمنى من باقي الاعظاء المشاركة ..

كلامي له جانبين بالنسبة للوجهة سويسرا رائعة جدااااا واختيار موفق الله يهنيك
لكن جنيف كمدينه ماعجبني والناس اذوااااق ممكن تتمشى فيها يوم وبس بالنسبه لي حدها
لكن سويسرا عموما ملياااااانه مدن سياحية تفوووق جنيف من ناحية الهدوء والطبيعة الخلابه
طبعا هالكلام كله اذا انت من هواة الاستجمام والراحه والهدوء اما اذا كنت تحب الزحمه والعواصم وكذا اتوقع جنيف تعجبك
ممكن مثلا تخلي السكن بديفون الفرنسيه هاديه ورايقه وارخص من جنيف وتروح زياره لجنيف قريبه منك تقريبا ثلث ساعه
وكذلك عندك انسي وشامونيه
وباقي المده تقضيه بانترلاكن جوهرة سويسرا ومنها تزور مصنع الجبن والشوكلاته وهايدي لاند وشلالات الراين

حياك اخوي ,, ردودنا تعتبر تصبيرة لحد ما يجون خبراء سويسرا ..

انت ما حددت مين مسافر معاك؟ وسفرتك لوين بالضبط.. يعني اسبوع بتجلسها بس بجنيف؟؟ هنا اقولك stop

جنيف حبيتها بالشتاء اكثر بكثير من الصيف .. لقلة السياح ولهدوئها وتخفيضاتها لووول واعتقد بشهر مارس بيكون الجو جميل ..

ممكن لو عندك 7 ايام فقط توزعها على مدينتين ومنها تتنقل القرى اللي حولها .
مثلاً جنيف يكون السكن في ديفون وتستأجر سيارة وتطلع على شامونيه, انسي, جنيف , لوزان, مونترو, واكيد ايفيان .. كل يوم قريتين ..

وعندك تختار مكان قريب من زيوريخ وتطلع لشلالات الراين, اوروبا بارك( حسبما قرات انها تعتبر قريبة ) هايدي لاند , لويزيرن ,,

او انترلاكن ومنها تطلع لمصنع الجبن والشوكلت والقرى اللي حولها رااائعة جداً

لو تحدد مدن الوصول والمغادرة وعدد المسافرين ووسيلة التنقل المفضلة بتحصل اقتراحات افضل ..
بالتوفيق

بالنسبة للجو اعتقد لبس ربيعي يعتبر خيار جيد مع جاكيت اذا حسيت بالبرد وشيك على احوال الطقس قبل السفر ..

هذا نفس الموقع فتح معي: http://worldweather.met.gov.om:8000/087/c00193.htm

اما الصرف فاتوقع ما راح تحصل فرنك لذلك اصرف يورو من الرياض وهناك حولها فرنك لكن مو من المطار..
اذا اول محطة في رحلتك جنيف فيوجد صرافين فالجهة المقابلة لمحطة القطار الرئيسية Gare Cornavin واحد عاليسار وخلفك المحطة بين ستاربكس و ماكدونالدز والثاني عاليمين بعد المطعم التركي استنبول .. اصعار الصرف عندهم ممتازة والا المطار اشوف فرق كبير في سعر الصرف ..

ملاحظة: دونر الدجاج في مطعم استنبول الذ واحدة ذقتها لا تفوتك

بنسوار
أخر مارش بيكون الجو معقول نوعا ما لأانه لا يقارن ابد بالوضع الحالي متوقعين بكره -15 الله يعين بس
في النهار اذا كان الجو مشمس بيكون بحدود 15 الى 17 واذا غيم وممطر ممكن ينزل الى 12
في اللي جدا بارد ينزل الى 4 و 5 درجات
محتاج في النهار جاكيت حلو يدفي واذا بتنزل في الليل خاصة المشي على البحيرة بتحتاج تثقل في اللبس

بالنسبة للصرف اصرف فرنك من صرافين البطحاء او خذ دولار او يويرو وحوله اول ما توصل من المطار
وانتبه لا تشيل كاش كثير سواء في الفندق او الجيب ولا تدخل محلات الصرافة اللي في جنيف لانهخا بالعادة العصابات مراقبينها
بالنسبة لي ما احمل الى فراطة 100 فرنك مو اكثر وكل شيء ادفعه كريدت او صراف
واذا بتقول لي سعر صرف وعمولة فراح اقول لك ايه فيه لكنها ما تسوى راحة بالي وامني الله يحفظنا
طبعا هذا الكلام على جنيف وعلى اي مدينة اوروبية كبيرة معروف فيها ذي الشغلات
كنت أتمنى ان تكون جيتك قبها ب3 ايام تحضر معرض السيارات اللي عن جد ما يتفوت
رحلة سعيدة

يعطيكم الف عافيه ما قصرتوو والله لولا الله ثم انتم ما ادري وش كنا بنسوي بنرووح ونظيع ..

الرحله راح تكوون لشخصين انا ومرافق وع طاري الطبيعة الطبيعه مره حلوه بس انا تعجبني الاماكن المزدحمه وفيها حركه أكثر .. و عطاري التخفيضات لووووول يعطيك العافيه (ام نواف و نورة) نبهتونا لشي مهم مرره ميزانيه الحالها اجل التسوق ,, محد يوصي ع شي ,,

وحاب استفسر من الاخوان ادري ثقلنا عليكم ,, الجو بالعربي اتعرفوون حنا ظباان اثقل ولا كيف والله الظاهر الدولاب كله باخذه ما ادري في ناس تقول ربيع وناااس تقوول شتااا بلييز ابي اكيد الله يعطيكم الف عافيه ..

والف شكر للجميع .. لا تحرموونا من الردوود..

يعطيك الف عافيه (ام نواف و نورة ) الله لا يحرمنا من طلتك .. في كل موظووع افدتيني الله يجزاك خير .. بالنسبه للصرف بصراحه كلامك جيد بس الأخ ابو عزيز خوفني من ناحية العصابات وهل كلام .. ما ادري وش رايكم رسووونا ع بر ,,
بالعربي اللي فهمته منكم جكيت طوول اليووم و تي شيرت ثقيل ... بصراحه انا رحت وتقظيت هل يومين بما ان المحلات مخفظه ع الشتوي وكل تقظيتي كانت شتويه اتمنى اني ما اتوهق هناك ... ام نواف عطاري الدجاج في مطعم اسطنبوول لا توصين حريييص لازم نجربه مادامه من توصيتك ونزودكم بالصور والتفاصيل ..

بسم الله الرحمن الرحيم..

اخواني معليش ادري ادوشناكم هل فتره كل وومين منزلين موظوع بس اتحملووني .. اتعرفوون أول مره طالع لجنيف خخخخخ باز فيها
بصراحه انا احب الاماكن المزدحمه وموولات وكافيهات ومن هل كلام اكيد فهمتوونا الطبيعه موو مره ..
هل جنيف اختيار مناسب للموود .. ؟!!
وذا فيه اي نصيحه لا حد يبخل علينا وبالنسبه للصرف في موظوع سابق طرحته وام نواف ما قصرت يعطيها العافيه قالت خذ يورو وصرف هناك ورد احد الاخوان قال ما انصحك لان العصابات دايم تكوون مراقبه الصرافات فلذلك وش رايكم هل البطحا تفي بالغرظ ع طوول فرنك ولا الصرف هناك مغري وراح اطلع بفرق يعني يستحق المخاطره خخخخخ جاكي شان ,..

وفي النهايه ..

يعطيكم الف عافيه جزاكم الله خير الجزاء على ما تقوومون به من ردوود وافااده ...

مع التحيه..

اخوي بارك الله فيك ليتك تحط كل استفساراتك في موضوع واحد ,,

بالنسبة لموضوع الصرف فشوف اللي انسب لك ..
اذا انت ماراح تروح الا سويسرا بس حول فرنك من الرياض اذا لقيت ويفضل تحول من البنوك لو حصلت افضل واضمن ..
وطبعاً ضروري تكون معاك بطاقة ائتمان ( فيزا - ماستر كارد)
ولا تشيل معاك في التمشي الا قليل يعن مو اكثر من 100 فرنك ووزعها ..
جنيف حلوة تطلع منها لمونترو , لوزان, ديفون وانسي وشامونيه وممكن ايفيان لو معاك سيارة ..
شوف تقارير الاخوان والاخوات وانت قرر وش الانسب لمودك

ليت تراسل احد المراقبين وتعطيه روابط استفساراتك وتخليه يدمجها بموضوع واحد ..

بالتوفيق

تم الدمج
..........