الموضوع: مواقف مطار الكويت أرجو الإفادة

مساء الخير

حبيت استفسر أنا سعودي وعندي حجز على الخطوط الكويتيه (الكويت / بيروت / الكويت ) وان شالله بسافر للكويت على سيارتي وأوقفها بمواقف المطار

سؤالي : هل أقدر أغادر الكويت وسيارتي السعوديه بمواقف المطار ولازالت بالكويت ؟

وماهي أسعار المواقف بمطار الكويت ؟

دمتم بود

مواضيع عشوائيه ممكن تكون تعجبك اخترناها لك:

• سوق الصفافير
• عندي استفسار
• ممكن استفسار
• حبايبي أهل الكويت
• عندي سؤال بخصوص بيوت الشباب ياليت تجاوبوني ولكم جزيل الدعاء
• تذكرة سفر
• معرض المنتجات السورية يبدأ ؟؟؟
• المسجد الكبير بالكويت
• مطعم فريج صويلح
• ممكن صور لمخافظة الجهراء
• سؤال لأهل الكويت الكرام
• افتتاح فروع الطازج دانكن دونتس
• لبى قلب الكويت استفسارات
• طلب مساعده لو سمحتوا
• هل يوجد مراكز لهواية الرماية الحية بالكويت ؟
• صديقتي بتزوركم ياليت تجون تساعدونها وتسون لها برنامج حـــلو
• الى العاصمه الكويت
• منطقه الرحاب في الكويت ضروري جدا
• مجمع 360 في الكويت
• طيران الجزيرة تقدم عروضاً مميزة لـ وجهات

اخوي في شركه تلقى موظفينها عند البوابه الخارجيه للمغادرون .. حسب ذاكرتي اول يوم 3 دنانير وبعدين كل يوم دينارين .. بس اغلب الاحيان ما يستلمون سيارتك لان مواقفهم تكون فل ... وتضطر للوقوف في المواقف العاديه للمطار وهي غاليه جدا لانهم راح يحسبون وقفتك بالساعات .. اذا مالقيت مكان عند الشركه اللي قلتلك عليها روح اسأل عن المواقف طويلة المدى ووقف سيارتك فيها راح تكون بعيده شوي يعني ترجع مشي للمطار لكن سعرها عادي قريب للشركه اللي ذكرتها ..يحسبون وقفتك باليوميه

اسهل الشرح عليك، لك 3 خيارات :
1- الشركه اللي موظفينها عند بوابه المغادرون ( تحسب وقفتك باليوم )
2- مواقف طويلة المدي ( تحسب سيارتك باليوم )
3- المواقف العاديه اللي هي ملاصقه للمطار ( تحسب وقفتك بالساعات )

الله لأيهينك

شرح وافي وكافي

مشكور

انا سافرت 8 ايام اخذوا مني 19 دينار

العفووو طال عمرك
وهذا اخوي بو حسون اكد كلامي ان اول يوم 3 دنانير وكل يوم اضافي دينارين طبعا بالنسبه للشركه واعتقد مواقف المدى الطويل نفس السعر

افضل مكان الى عندك الباب ياخذونهم منك عندباب وتاخذها عند الباب

الله لايهينكم جميعا

بس سؤالي الثاني أنا سعودي وسيارتي سعوديه هل أقدر أغادر الكويت بدون السياره يعني ماهي مربوطه بجواز السفر زي بعض الدول مثل سوريا ولبنان .

أنا سألت كم شخص قالو عادي تسافر وسيارتك بمطار الكويت .

بس حبيت إتاكد منكم

دمتم بود

ياخوي اكيد تقدر وقف في مواقف المدي الطويل فقط سواء سعوي ولا كويتي نفس الشي .. لان المواقف الثانية لايسمح باكثر من 24 ساعة .. واذا تبي توقف عند بيتنا والله حياك الله وانا اوديك المطار وارجعك تامر امر

ابو حسون

أخجلتني بكرمك بالرد وبكرمك بهذه الدعوه

وأجاباتك عن أسألتي كانك مضيفني ببيتك شهر

لك وللجميع مني كل الشكر

حياك الله اخى انت بين اخوانك واهلك بالكويت اى شى عنها بشوفه

هلا بيك اخوي

نعم تقدر تسافر وتخلي سيارتك بالمطار انا سعودي وقفت سيارتي بالمطار لمده خمسه ايام عادي لاتحاتي

تحياتي لك