الموضوع: مساعده واجركم على الله

السلام عليكم ورحمة الله وبركاته


اخواني انا ابي ادرس ماستر في امريكا , وفيه اشياء كثيره اجهلها وابي مساعدتكم الله لايهينكم


1- ابي اعرف اجراءات استخراج الفيزا للدراسه , وسمعت اني لازم احجز موعد واتمنى تفيدوني وش الاوراق المطلوبه وكيف الاجراءات المتعلقه بالفيزا.

2- الضمان المالي هل اقدر اطلعه من وزارة التعليم العالي , وايضا وش المطلوب حتى اطلع الضمان المالي.


3- لما توصلني اوراق قبول المعهد والجامعه وش الخطوه اللي لازم اسويها بعد ذلك , وايضا هل فيه اي اجراءات لازم اسويها قبل مايوصلني قبول المعهد والجامعه.


اتمنى تفيدوني لاني بروح ادرس على حسابي واحاول اني التحق بالبعثه , اي معلومه تفيدوني فيها اشكركم عليها


وربي ييسر للكل ويساعد من يساعدنا

مواضيع عشوائيه ممكن تكون تعجبك اخترناها لك:

• الى كل مسافر ذهب الى ولاية اوهايو الامريكية
• أريد المساعدة للدراسة بشيكاقو
• استفسار هل جوال يعمل في أمريكا ولاية اوريغون
• الحمد لله على كل حال اولا واخيرا
• اللي عندهم الخبرة اتمنى يردون على موضوعي
• استفسار عن الفيزا في الجواز القديم فقط
• غريبة تختار دولة وتطلع لك غيرها أرجو المساعدة
• رايح تدرس ومستواك مش ولا بد ــ تفضل
• يومك في رمضان كيف تقضيه
• شروط القبول في الجامعات الأمريكية؟؟ مساعدة
• الكندية
• دعوة للمقيمين في ولاية كنتاكي ممكن لحظة من فضلكم
• اريد معلومات عن المعيشة في كارليفونيا
• يأهل القانون والبزنس
• معاهد يكثر فيها العرب
• مدينة بورنموث
• بلييز اللي يقدر يساعدني
• مجموعة استفسارات أرجو المساعدة
• تأشيرة دراسية للسعوديين
• الي رحلته الى امريكا يوم الاربعاء القادم

اخوي هذي خطوات الواجب اتباعها ..

اولا تكون حاصل على بعثه من جهه معينه ..

ثانيا بعد حصولك على البعثه ابحث عن جامعه امريكيه تقبلك

ثالثا بعد ماتحصل على قبول وهذا صعب من الاسف يعني يبيلك تتعب , بعد ماتقبلك الجامعه بترسل لك ضرف فيه ورقه اسمها i20 , هذي شهادة من الجامعة تفيد انك مقبول ..

رابعا بعد حصولك على i20 , ادخل الانترنت على موقع سفارة امريكا وعبي الابلكيشن وبعدها اختار موعد عشان تاخذ الفيزا

نقطة اخيره , عند قبولك في البعثه وزارتكم تعطيك شهادة منها انها متكفلة بالصرف عليك

بالتوفق لك

اخوي stranger man

الله يعطيك الف عافيه على ماقدمته لي من معلومات , بس انا ابي اروح لامريكا وبعدها التحق بالبعثه لان التحاقي من الداخل صعب جدا , يعني بالبدايه بدرس على حسابي وبعدها احاول الالتحاق بالبعثه . فهل الضمان المالي هو المقصود ان الوزاره تتكفل بمصاريفي والا ايش , لاني مو عارف معنى الضمان المالي المقدم من الوزاره وش يعني, وبالنسبه للقبول فيه احد الزملاء يحاول لي بالقبول من احد الجامعات

انا شهادتي بكالوريوس ادارة اعمال دوليه من جامعة الملك عبدالعزيز , وابي ادرس ماستر في المحاسبه , اذا فيه نصائح او خطوات لازم اتخذها ياليت تفيدوني

والف شكر لك اخوي الغالي واتمنى من باقي الاخوان افادتي

المشاركة الأصلية كتبت بواسطة khalidoh
http://www.arabtravelersforum.com/tr...0/#post3319759

السلام عليكم ورحمة الله وبركاته


اخواني انا ابي ادرس ماستر في امريكا , وفيه اشياء كثيره اجهلها وابي مساعدتكم الله لايهينكم


1- ابي اعرف اجراءات استخراج الفيزا للدراسه , وسمعت اني لازم احجز موعد واتمنى تفيدوني وش الاوراق المطلوبه وكيف الاجراءات المتعلقه بالفيزا.
+ لابد اولا من الحصول على قبول من أي جامعة
+ نعم، لابد من حجز موعد ادخل على موقع السفارة الأمريكية واحجز موعد ولا تنتظر القبول

الأوراق المطلوبة هي كالتالي:
1- صورة 5x5
2- sevis
3- رسوم التأشيرة من البنك الأمريكي ( ورقة صفراء)
4- نموذج 156، 157و 158
5- القبول من الجامعة ، i-20
6- الضمان المالي

أحياناً يطلبون الجوازات القديمة لكن نادراً واذا ما معك لا تخاف
أعتقد هذي متطلباتهم

2- الضمان المالي هل اقدر اطلعه من وزارة التعليم العالي , وايضا وش المطلوب حتى اطلع الضمان المالي.

الضمان المالي الوزارة يرسلونه مباشرة للسفارة الأمريكية
لاستخراج الضمان المالي من الوزارة لا بد ان يكون عندك بعثة
3- لما توصلني اوراق قبول المعهد والجامعه وش الخطوه اللي لازم اسويها بعد ذلك , وايضا هل فيه اي اجراءات لازم اسويها قبل مايوصلني قبول المعهد والجامعه.

الاجراءات اللي تسويها خذ موعد من الآن للسفارة الأمريكية
اتمنى تفيدوني لاني بروح ادرس على حسابي واحاول اني التحق بالبعثه , اي معلومه تفيدوني فيها اشكركم عليها


وربي ييسر للكل ويساعد من يساعدنا



لك مني كـــل التقدير والاحترام والمحبة وكل عام وانت طيب

الشروط سهلة اكثر مما تتصور لكن شوف لك مكتب يجيب لك قبول من جامعة معترف بها من التعليم العالي

اتمنى ان تطلع على رابط الجامعات الموصى بها وتختار جامعة قوية بالتخصص اللي تبحث عنه

الفيزا لا تستغرق اكثر من 10 ايام الى اسبوعين عمل اذا عندك قبول يوجد رابط في اعلى الصفحة مخصص

لكيفية الحصول على الفيزا في الصفحة الرئيسية

اليك الرابط ياباش مهندز

http://www.arabtravelersforum.com/travel209819/

تمنياتي لك بالتوفيق

فوق مستواك

ربي يسهلها عليك دنيا واخره يالغالي


بشووف الرابط الحين


ربي يوفقك يالغالي

ياخوان مشكلتي الحين وقفت على الضمان المالي

بس ابي اعرف هل الضمان المالي يمكن ان استخرجه من البنك ولكن لايتم حجز مبلغ الضمان , يعني بعد ماطلع شهادة الضمان اقدر اسحب المبلغ , انا سمعت ان البنك يحجز المبلغ


والله تفكيري تشتت من هالضمان , اللي يعرف طريقة الضمان المالي يعلمنا وهل يتم حجز المبلغ والا لا

وجزاكم الله خير

اللي اعرفه ان المقصود بالضمان ..كشف من البنك يبين المبلغ الموجود في الحساب ..بدون مايحجز المبلغ
...يعني تقدر تسحب المبلغ بعدين ...
ليش ماتمر اقرب بنك عندك وتسألهم ؟ راح يكون الجواب بشكل ادق
والله اعلم