الموضوع: استفسار عن بعض الاشياء في الكويت

السلام عليكم ياشباب

انا رايح بأذن الله الكويت يوم الاربعاء واحتاج مساعدكم في بعض الامور:-

1- شرح بالتفصيل الممل افضل واسرع الطريق من الدمام من عند الكورنيش بالضبط الى الكويت
2- هل العمله السعوديه تمشي في الكويت او لازم اغير العمله وهل تغير العمله في الكويت احسن اوفي السعوديه احسن (تغير من ريال الى دينار)
3-ماهو احسن فنادق الكويت من حيث الراحه والموقع والخدمه ويكون قريب من كل شي وياريت يكون الجواب بالعنوان وشرح بالتفصيل الممل
4- ماهي افضل المجمعات التجاريه التي تستحق الزيارة مع شرح العنوان بالتفصيل
5-وماهي افضل الاسواق الشعبيه لبيع الاقمشه الرجاليه بالسعر ممتاز والسبح والغتر والجلابيات النسائيه الرخيصه مع الشرح بالعنوان بالتفصيل
6-ماهي افضل المطاعم الكويت التي تستحق الزياره مع الشرح العنوان بالتفصيل
7-اين موقع مسجد الشيخ راشد العفاسي وهل يصلي الجمعه وياريت شرح العنوان بالتفصيل الممل
8-هل يوجد عرض الان للمسرحيات وماهي افضل المسرحيات الموجوده
9-اين احصل محل يبيع المسرحيات والمسلسلات الكويتيه القديمه بالسعر رخيص
10-ماهي الشوارع الرئيسه والتجاريه المهمه في الكويت

وياريت تنصحوني لو كان في شي مهم وارجوا ان تكون الاجوبه بالتفصيل الممل مع العنوان لاني اول مره اروح الكويت وشاكر لكم تعاونكم معي

مواضيع عشوائيه ممكن تكون تعجبك اخترناها لك:

• •··´¯`··• زيارتي لمطعم زعتر وزيت •··´¯`··•
• قص تذاكر مسرحية الصيدة بلندن من السعودية
• صور زيارتي لمجمع البيرق
• لـ عشاق الـ
• عدة قرقيعان ؟؟؟
• درة الفنطاس
• مساعده عاجله ياهل الكويت بكرا السفر
• نور
• الطريق من البحرين إلى الكويت ، وبعض الإستفسارات ؟
• صور رائعة لأمطار الكويت صباح اليوم بعدسة عسل
• مجمع 360 في الكويت
• شباب وبنات الكويت عنوان للطيبه والكرمسؤالين خفيفه جدا
• موفنبيك البديعاستفسار عاجل
• صور من اكواريوم المركز العلمي
• خصومات الماركات العالمية في الكويت
• نفسي اشوف الكويت
• هل في كويتي جرب السفر بالبطاقه المدنيه من الكويت الى دبي ؟
• خط الهاتف النقال
• ياأتباع محمد الدال على الخير كفاعله
• خااااص لبنوتات الكويت الشيك

:smile: ياهلا فيك اخوي bass911 حياك الله في بلدك الثاني الكويت ...


1- اخويbass911 بخصوص الطريق فهو طريق واحد - طريق بوحدرية تمسكه لحد الخفجي وتدخل الكويت


2- للاسف العملة السعودية غير متداوله


3- كل الفنادق الموجوده في السالمية او حتى العاصمة قريبه من اماكن التسوق


وهذا رابط للفنادق واماكن التسوق والشقق المفروشه وايجار السيارات ان شاء الله يفيدك

http://www.kuwaitpictures.net/new_page_2.htm



4- افضل المجمعات المارينا مول - سوق شرق - الراية - البستان - ليلى جاليري - الفنار وهناك مجمعين في منطقة الفحيحيل جنوب الكويت ( مجمع الكوت واجيال)


5- البلوكات عند المباركية وشارع فهد السالم

6- المطاعم كثيره اشهرها ميس الغانم وهذا رابط جميل جدا فيه صور لمطاعم شارع الخليج

http://www.hamaden73.com/rest.htm


7- للاسف كان ودي افيدك بس ماعندي فكرة


8- حاليا لاتوجد عروض مسرحية واغلب العروض اتكون في المناسبات والاعياد


9- مسلسلات ومسرحيات كويتية بسعر رخيص ماظن اتحصل
واذا كنت تبي المسرحيات والمسلسلات عندك النظائر في منطقة حولي وهي قريبه من مجمع الرحاب اذا سالت هناك عنها راح يدلونك وعندك بعد بيت الفنون ويقع على الدائري الخامس


10 -

* شارع سالم المبارك بالسالمية
* شارع احمد الجابر في منطقة شرق - الكويت
* شارع فهد السالم في الكويت مرتبط بدوار الشيراتون
* شارع الخليج العربي يطل عليه المارينا مول وسوق شرق



ارحب فيك مرة ثانية اخوي bass911

وين ياشباب المساعده

يعطيك العافيه يا nice_man

مشكورين ياشباب بس باقي اشياء ماعرفتها
1-شرح بالتفصيل الممل افضل واسرع الطريق من الدمام من عند الكورنيش بالضبط الى الكويت
2-اين موقع مسجد الشيخ راشد العفاسي وهل يصلي الجمعه وياريت شرح العنوان بالتفصيل الممل

[align=center]الاخ bass911
الله يعطيك العافية
تصحيح لرد الاخوه الاعزاء نايس مان وكويتي 2وهو قد يلتبس عليك الموضوع
هو انك تستطيع صرف العملة السعودية اذا كانت معاك عند احد محلات الصرافة سواء في العاصمة بالقرب من منطقة الصفاه وحديقة البلدية المقابله لقصر العدل
او في منطقة الفروانية شارع المخفر
او في السالمية سوق السالمية القديم
او في منطقة الفحيحيل في شارع مكه
كل تلك المناطق تستطيع صرافة العملات الصعبة بالاضافة الى العملات الخليجية وبعض عملات العمالة الاسيوية في الكويت .
ام كتداول في المحلات مثل مملكة البحرين لا تستطيع التداول فيها ومثل ماقلوا الاخوان تستطيع الدفه بواسطة الشبكة الخليجية او احدى البطاقات الائتمانية العالمية كالماستر كارد او الفيزا الو الداينزكلوب او الفيزاليكترون او الفيزا بلاس[/align]

يعطيك العافيه يا الباب العالي

هلا اخوي حياك الله بالكويت
المسلسلات راح تحلصها باغلب محلات الفيديو
واذا تحب مسلسلات ومسرحيات عبدالحسين عبدالرضا تقدر تزوره بمحله مركز الفنون تحصله بالسالميه بشارع عمان
وباججي المسرحيات لكويتيه الحديثه والقديمه تحصلها باي محل واذا تبيها بسعر رمزي عندك محل اسمه دريم موفي بالسالميه بشارع لبلاجات مايبيلعك النسخه الااصليه يبيلعك نسخه وواضحه وبسعر رمزي

وشكرا

شكرا اخوي Honey
بس ممكن تعطيني وصف المحل حسين عبدالرضا و محل دريم موفي بالتفصيل الممل من فندق جي دبليو ماريوت لاني اول مره اجي الكويت

[align=center]أخوي bass911 حياك الله ببلدك الثاني الكويت.

وبالنسبة للإستفسار رقم 7 على ماأعتقد واللي أعرفه ان الشيخ مشاري راشد العفاسي
حاليا مو متواجد بالكويت لأنه يدرس بالمملكة العربية السعودية
ولكن برمضان يصلي في مسيد الراشد الكائن بمنطقة العديلية
ومايبيله وصف هالمسيد ،من أي دخله تدخل العديلية تكمل سيده لما اييك الدوار
المسيد راح يكون على هذا الدوار مسيد كبير وفيه منارتين هذا اهو مسيد الراشد[/align]




[grade="00BFFF 4169E1 0000FF"]تحياتي ...F9y[/grade]

شكرا اخوي F9y على ردك واخيرا عرفت المسجد بس مافي حظ انصلي خلف العفاسي

يا اخوان ابي شرح بالتفصيل من الحدود الكويتيه الى فندق جي دبليوا ماريوت ارجوكم بسرعه عشان بكره السفر

عزيزي bass911

بالنسبة للطريق فهو سهل جدا من الدمام تاخذ الطريق الي مدينة الخفجي عبر خط بوحدرية الي مركز جوازات الخفجي وبعد ذلك سوف تدخل مركز النويصيب الكويتي ومنها بالضبط 100 كيلو الي داخل مدينة الكويت العاصمة حيث الطريق هو واحد عبر طريق الملك فهد رحمة الله وسوف تشاهد لوحات ارشادية وطريقك هو مدينة الكويت اذن كل الطرق تؤدي الي مدينة الكويت وبعدها يحب عليك التوجه الي شارع فهد السالم الشهير وهناك سوف تجد فندق جي دبيليو ماريوت وهو فندق 5 نجوم جميل وهذه صورة الفندق ولشارع فهد السالم ليلا

شكرا اخوي Kuwaity2 على الرد السريع
بس لو توضح اشوي الطريق من الدمام من الكورنيش بالضبط الى فندق جي دبليو ماريوت

شكرا اخوي Kuwaity2 على الرد السريع
بس لو توضح اكثر الطريق من الدمام من الكورنيش بالضبط الى فندق جي دبليوا ماريوت اكون ممنون لك