الموضوع: الهيلتون في اورلاندوزا

السلام عليكم

كيف حالكم ياجماعه الخير ..

عندي استفسار عن تأجير السياره في اورلاندوا ..

انا بوصل اورلاندوا الساعه 11 بالليل وبكون شابك طيران دولي وبعدها داخلي يعني بوصل اورلاندوا ما اقدر افتح عيوني .. عشان كذا فكرت ولقيت اني ماراح اقدر استأجر سياره من مطار اورلاندوا لاني من التعب يمكن ما اقدر امشي السياره او يمكن اضيع الفندق .. عشان كذا حبيت اسأل الاخوان هل في الفندق الي انا حاجر فيه مكاتب تأجير تابعه للفندق او قريبه منه ..

وهذا هو الفندق الي انا حاجر فيه


http://www1.hilton.com/en_US/hi/hotel/ORLDWHH-Hilton-located-in-the-WALT-DISNEY-WORLD-Resort-Florida/index.do

اتمني الاجابه من اصحاب الخبره .. وفي انتظار الرد

مواضيع عشوائيه ممكن تكون تعجبك اخترناها لك:

• مشكله بسبب تغيير جواز السفر
• فنادق مياميلاس فيغاس ؟؟؟؟؟
• ارجوا المساعده بسرع وقت
• سؤال بخصوص اسئلة السفاره
• سؤال عن الخروج من مطار دلس واشنطن
• موعدي بعد يومين بس عندي استفسار
• أسماء الجامعات المغلقة بتاريخ هـ
• الدراسة بامريكا للعرب السوريين
• محتاااج الجواب باسرع وقت صلاحية الفيزا
• الرجاء الافادة بسرع مايمكن
• هل ممكن اشحن ماء وزيت مقري عليه؟
• هل يمكن السفر بعد سنة ونصف بعد الحصول علي فيزا السياحة ؟
• كم المكافأة واي جامعة اختار ساعدوني في اتخاذ القرار
• ساعدوني تكفون الفيزة الامريكية
• استفسار مهم جدا
• ارجوكم ساعدونى بسرعة وخاصة بنت الصقور
• عاجلافيدوني اثابكم الله
• مشورتكم لسفرة
• متى تستلم الجواز
• بخصوص الفيزا للسياحه امل التوضيح

هلا والله بولدنا

لحسن حظك داخل الفندق في مكتب Avis

أحنا متأجرين منه من قبل

إذا بحثت في موقعهم و حطيت Orlando, FL راح يكون الموقع رقم 13 في اللست. شوف الرابط اللي تحت

http://www.avis.com/car-rental/location/results.ac

الصراحة الفندق مكانه رهيب مقابل Disney Downtown

مع ودي
أم عالية

شوف يا ابن الرفاع انا الحين متواجد في اورلاندو الفندق اللي قاعد فيه اسمه ريجل صن مقابل فندق الهلتون بالضبط اثنيناتهم يصيرون مقابل الداون تاون مال دزني لاند اوكي انا شفت بالفندق عندنه شركة دولار لتأجير السيارات وشفت صوب فندق ورانه أتوقع وستن اسمه شركة ألمو لتأجير السيارات فجذي لازم تعرف انه كل فندق فيه شركة او ثنتين لتأجير السيارات بس في نقطه أحب أوضحها لك تره ساعات ما تلاقي وايد تنوع بالسيارات بالفندق عكس المطار لك الحريه بالاختيار في انك تنقي السياره وانشاء الله انا اليوم اذا مريت يم فندق هلتون اشوفلك شنو الشركه اللي موجوده اهناك بس اعتقد انها ايفز وسامحني على الاطاله وعلى القصور في المعلومات واي لحظه بعد نسيت اقولك تره ما يحتاج تتعب نفسك وتحجز تذاكر حق ديزني والأماكن الترفيهيه لانه كل فندق في داخله مكتب للحجوزات نفس السعر تره لا والفندق عطاني عرض بعد حجزت 4 أيام وعطاني يوم مجاني وبالتوفيق لك

مشكوره يابنت ديرتي ام علالي على المعلومه الطيبه ... ومشكور يا the-wise-man مراسل المنتدى من قلب الحدث :109:

بس ياريت ياخوي تفيدني هل زي ماقلت الفندق سياراته معدوده ولا فيها كل الانواع ؟

اتمني انك لو لقيت اجابه تفيدني ..

وشكرآ على الردود

ابن الرفاع والله انا للحين ما مريت اهناك سامحني واللي شفته انه في سيارات بس مو نفس الكميه اللي شفتها بالمطار والمشكله انك ما تظمن ساعات بالفندق تخلص السيارات وتبقه وحده او ثنتين فساعتها تنجر فيهم عرفت شنو اقصد وعلى فكره في بعد جم شغله بقولك اياهم بالنسبه اذا معاك ناس كبار بالعمر تره بكل حدائق دزني في تأجير سياره على باتري للكبار بالعمر أو اللي ما يقدرون يمشون وفي بعد أجار عربانه للأطفال اذا احتجت بس ما عندي فكره عن اسعارهم وعلى فكره تره في باصات تنقلك من الفندق الى الداون تاون والحدائق والعكس مجاني

سعر التاكسي الي بيوصلك بقيمة ايجار يوم للسيارة !!

استأجرها من المطار افضل واحجز قبلها وعندك اختيارات كثير ولا تخاف الــ Gps ماراح يخليك تضيع

وصدقني اذا على النوم بيروح اول ما تطب كاليفورنيا


بالتوفيق

المشاركة الأصلية كتبت بواسطة Impact
http://www.arabtravelersforum.com/tr...4/#post2973743

سعر التاكسي الي بيوصلك بقيمة ايجار يوم للسيارة !!

استأجرها من المطار افضل واحجز قبلها وعندك اختيارات كثير ولا تخاف الــ Gps ماراح يخليك تضيع

وصدقني اذا على النوم بيروح اول ما تطب كاليفورنيا


بالتوفيق




انا اضم صوتي لصوت اخي امبيكت انا رجعت السياره لم رحت لميامي وكان اليوم ب 100 دولار ولم جيت اروح مشوار رحت الى سواقرس مول دفع في الروحه 135 دولار وفي الرجعه 95 دولار قسم بالله امريكا خذ السياره من اول الرحلة الين اخر يوم فيها اهم شي ما تتورط معهم والله يخلي الجارمن