الموضوع: عاجل ابي مساعدتكم لسفره عائليه لسويسرا والنمسا

السلالالالالالام عليكم

بصراحه ماعندي فكره خييييييييييييييير شر عن اوروبا وانشالله بقرا تقارير وبثقف نفسي بهالفتره قبل السفر بس الحين لالالالالالالالالالالازم احجز التذاكر لانه مسوين عرووووض روعه للصيف وابي احجز هاليومين ,,

المهم
سفره عائليه مكونه من 4 اشخاص واحتمال رضيع وانشالله ناوي أأجر سياره .. وناوين على سويسرا .. والمده اسبوعين .. ابي اعرف شلون اقسمها لاحظت الكل ينصبح بفرنسا وسويسرا بس مانقدر على فرنسا لانه يمنع النقاب ,,

فأبي لو سمحتو تكتبون المناطق المهمه بسويسرا وجم يوم تستحق ..
واقرب دوله لها سواء النمسا او المانيا لانه معانا كبار بالعمر صعب علينا التنقل بالسياره لمسافات والرحلات .. الهدف من السفر اهو الاستمستاع بالطبيعه فقط وتغير جو ,,


وبغيت اسأل لو اخذ معاي الخدم يسبب مشكله ولا عادي !؟ بصراحه الافكار عندي متخربطه بس يريت تفيدوني لو بحجز الذهاب من وين والعوده من وين !! وضحت لكم الوضع انشالله فهمتو علي ..

ومشكوووووووووووورين

يريت فهمتو على

مواضيع عشوائيه ممكن تكون تعجبك اخترناها لك:

• فندق في جنيف
• بخصوص سويسرا والمانيا والنمسا
• انترلاكن
• رحلتي ظهرا من جنيف ۔ هل اسافر فجرا من انترلاكن ؟
• ساعدوني يااهل الخبره الله يجزاكم خير
• محتاج فزعتكم ياخبراااااء
• مساعدة في ترتيب الرحلة في جنيف
• افيدوني
• لنتشارك في
• ضروري ارجو المساعدة
• ارجو الأجابه ب اسرع وقت
• سويسرا والنمسا هل من يساعدني
• مساعده بخصوص رحله شهر العسل
• شهر العسل يا خبراء سويسرا
• هل من الممكن مساعدتي يا إخواااان
• أنواع رسوم الطرق ؟؟؟
• برنامج مقترح بعد العيد أبي شوركم عاجل جداً
• استفسار ضروري ارجو الرد
• مساعده في سويسرا
• خماسيات المانيا و سويسرا والنمسا وايطاليافنيسيا وفرنسا ديفون

بصراحه ماتوقعت هالتفاعل معاي احزنتوني الصراحه ..



محتاج مساعدتكم .. في عروووض حلوه وابي احجز الحين فتره العرض محدوده


انزين لو اقتصرت السفره كلها بسويسرا بس وين التنقل يكون لمده اسبوعين والذهاب والعوده من وين !! انتو بس قوقولو لي الذهاب والعوده عشان احجز بس بعدين اشوف باقي التفاصيل

جد زعلت كثير ماتوقعت هالقسم جذي !!

باجر ناوي احجز التذاكر الذهاب زيورخ العوده جنيف شرايكم !!!


ومنها ناوي ازور انترلاكن .. بصراحه مو عارف شنو افضل مكان واحسن وجهه سير ,,

من حقك تزعل اخوي ولكن نستبيحك العذر مدري وش اللي صاير يمكن فتره بيات شتوي عموما بالنسبه لوضعك وظروفك العائليه ولرغبتك التركيز على المناطق الريفيه انصحك باختيارين فقط اما سويسرا او النمسا وهم متشابهتين من حيث الطبيعة ولكن سويسرا اجمل والنمساء ارخص واقل تكلفه

اذا قررت النمساء يكون برنامجك كالتالي الوصول الى ميونخ (المانيا ) ويمكنك السكن في ضاحية قارمش ذات الهادئه ذات الطبيعة الخلابه ثم الانتقال الى زل امسي النمساوية الساحره واخير العوده من ميونخ طبعا تركيزك يجب ان يكون على زل امسي


واذا قررت سويسرا الوصول الى جنيف ثم الانتقال الى انترلاكن ذات الطبيعة الخياليه وهناك برامج كثيرة وعديده ومن ثم العوده من زيورخ اذا كان الطيران له محطة في زيورخ ويمكن عكس المسار وهو الافضل حيث الوصول الى زيورخ والسكن مباشرة في لوزيرن (ساعه من زيورخ ) ثم الانتقال الى انترلاكن (ساعه من لوزيرن ) ثم العودة من جنيف او العوده من زيورخ لانني لا احبذ جنيف اطلاقا لمن يرغب سويسرا للطبيعة فقط طبعا تركيزك يجب ان يكون على انترلاكن تحياااااااااااااااااااااتي

شكراااااااااا شكرا واخيييييييييييرا احد عبرني ..
بس يريت تكمل جميلك وتوزعلي عدد الايام ...

الحين انشالله بعتمد الذهاب زيورخ العوده جنيف ,,

زيورخ كم يوم2 ايام
ثم لوزيرن 5 ايام
ثم انترلاكن 5 ايام
والعوده جنيف2 ايام ,,



شرايك بالجدول حلو ؟؟ مع مراعاه انه معاي الوالده الله يحفظها و طفل رضيع فهل التنقلات مناسبه ام كثيره ؟؟

واذا انت ناوي للسفر ترا الاماراتيه مسويه عروض خطيره تنتهي 9-1

عشان جذي ابي احجز مبجر .. بس امس قريت خبر ضيق خلقي انه سويسرا حظرت النقاب هل صحيح هالكلام !؟

والسياره الاستلام من مطار زيورخ التسليم بجنيف !! في شركه معينه تعرفها !
ومشكوووووووووووورين خلاص بعتمد خطتك انشالله



سؤال ذكي نوعا ما .. لوزان اهي نفسها لوزين ! ,,, وزيرمات غير عنهم !! سوري كلهم نفس الاسم !

بالعكس الشكر لك اخوي على التنبيه لعروض الاماراتيه طبعا خط سيرك ابتدائا من زيورخ وانتهائا بجنيف جدا مرريح لان المسافات متقاربه وبالنسبه لترتيب المحطات عندك خيارات كثيره راح انصحك بالاسهل والانسب لك الوصول الى زيورخ والسكن في منطقة كونستانس الالمانيه Constance على حدود سويسرا فقط تبعد 70كم عن زيورخ اقل من ساعه وهي مناسبه للسكن لتوفر الشقق ورخصها ولان المدينه انسب واهدىء لكم من زيورخ ولسهولة القياده فيها كما انها قريبه من اماكن عديدة للزياره مثل شلال الراين والغابات الالمانيه السوداء ومناطق ريفية رائعه وراح تحصل تقارير كثيره عنها وراح تعجبك بأذن الله تجلسون فيها 4 ليالي لاني ما انصحك بالسكن ولا ليلة في زيورخ بسبب زحمتها وغلاء السكن وعدم توفر المواقف والسقق السكنيه ولانها تصلح لمن يرغب التسوق والسهر او لمن يسافر بالشتاء ويهرب من الارياف

المحطه الثانيه الانتقال من كونستانس الى انترلاكن مباشرة المسافه 196كم فقط ساعتين وربع بالسياره وتجلسون في انترلاكن الرائعه لمدة اسبوع لانها تستاهل ومناسبه جدا جدا لكم وراح تنبسط الوالده فيها بأذن الله وخلها تدعي لي واسبوع يسهل لك عملية البحث عن الشقق لان هناك شقق كثيره ولكنها لا تؤجر الا بالاسبوع


المحطه الاخيره الانتقال الى جنيف ساعتين ونصف


لو تلاحظ اني حذفت لوزيرن Lucerne لان السكن فيها شوي صعب وغالي كما انه ليش ضروري فبأمكانك زيارتها لنصف يوم فهي تقع في الوسط بين زيورخ وانترلاكن حيث تبعد عن انتر لاكن 70كم فقط لذلك ما انصحك تسوي محطتين سكن قريبات جدا من بعض ما راح تستفيد
وبالنسبه الى لوزان Lausanne فهي تقع بين انترلاكن وجنيف وهي اقرب الى جنيف حيث تبعد عنها 65كم وتستغرق 55 دقيقه ويمكن ان تسكن فيها بدلا عن جنيف لانها اهداء واجمل كطبيعه وتنتقل منها مباشرة الى المطار فهو يبعد فقط 50 دقيقه


بالنسبه الى زيرمات فهي منطقة جبليه على حدود ايطاليا وطبيعتها رااائعه والوصول اليها صعب نوعا ماء حيث تبعد عن انترلاكن 110 كم فقط بينما يستغرق الوصول ساعتين ونصف
بالنسبه للسياره فانا افضل اليورب كار فهي متوفره بسويسرا ولديها خصومات


اخيرا اقولك اخوي خط سيرك كبدايه ونهاية ممتاز لذلك احجز بدون تردد وبالنسبه لترتيب المحطات الداخليه فلك الخيار وعندك الوقت علشان تحدد وانصحك باستخدام موقع http://maps.google.com/ علشان تعرف مواقع المحطات اللي تبغاها والمسافات وتاخذ فكره عن سويسرا وحدودها تحياااااااااااااتي

شكر اخوي ماقصرت اتعبتك معاي .. بصراحه خطتك اكثر من روعه ..انشالله الوالده بكرا ترجع من السفر وراح اخبرها عن النقاب واخيرها بين النمسا وسويسرا ..

اذا وافقت على سويسرا بمشي على مخططك .. واذا النمسا الذهاب والعوده من ميونخ ,, اعتقد ماكو مطار بالنمسا الا فينا !! وبعيد عن باقي المناطق
وانشالله باجي التفاصيل ابحث عنها عالراحه .. بس اهم شي حجز التذاكر اولا ..


ومشكووور ماقصرت

اختار الوصول فرانكفورت والعوده جنيف ويصير المخطط

فرانكفورت وصول فقط - 4ليالي رست اوبادن بادن - 6ليالي انترلاكن - 3ليالي لوزان - جنيف مغادره فقط
هذي 13ليله يعني 1 يوم
تستاجرون السياره من فرانكفورت وتسلمونها في جنيف راح تضطرون تدفعون ضريبه لتسليم السياره في دوله ثانيه

^
^
يريت لو توضحين المسافات بينهم كم ساعه ,,

انا جد احترت الحين احس النمسا مليقه ووودي بسويسرا بس سالفه النقاب مأرقتني

خلالالالاص الحمدالله وضحت الصووره الحين سالفه النقاب انشالله تكون مو عائق .. فالاحتمالات وسعت عندي ..

الاخ دايم والاخت دموع يريت تفيدوني ..

الحين في مجال نزور قرى فرنسيه وغيره انشالله ..


السفره بتكون تاريخ 14-6 الي 27-6 اذا الله كتب .. باجر بروح احجز ..

الذهاب زيورخ والعوده جنيف ..

مخططي .. زيورخ انترلاكن ديفون جنيف ..

الا اذا عندكم اقتراح ثاني .. اهم شي المسافات قراب من كل منطقه او ما تتعدى الساعتين ..

والسكن وين تقترحون .. عندي اسبوعين بس .. الحمدالله الوالده رضت تلبس اللثام فانشالله مافي عائق بهالمسأله .. ماعندي خبره بأوروبا شنو المناطق اللي تقترحونها على بالسكن !! ولا جدولي زين !!

اللثام نفس النقاب لان بالقرار تكلموا عن تغطيه الوجه كامل و اظهار العيون ما قالوا النقاب واللثمه عادي انتبهوا

مو مشكله دام الوالده تقبلت الامر نوعا ما .. اضعها في الامر الواقع

الحين شرايكم يومين زيورخ
5 ايام انترلاكن
5 ايام ديفون .. شنو القرى اللي يمها ممكن نزورها ؟؟
2 جنيف


ولا في مناطق احلا ؟ وتوزيعه احسن !

زيورخ وصول فقط
4ايام رست اوبادن بادن اللي يبغون الالعاب يروحون يوم كامل لها واللي مايبغون يروحون اماكن ثانيه لاتفوتونها نصيحتي لك روعه
5ايام انترلاكن
5 ايام الريف الفرنسي
جنيف مغادره
ممكن تزورون لوزان ومونترو وانسي وشامونيه وايفيان
من انرتلاكن لاتنسون تزورون زيرمات روعه

شكراااا بعد في مقترح ثاني !! ولو عندكم فكره شنو احسن الفنادق في انترلاكن وديفون !!