الموضوع: محتار و الله يكتب الخيره

بسم الله الرحمن الرحيم

أخوتي الكرام ، أسعد الله أوقاتكم بكل خير

محتار وين اسافر و أتمنى مساعدتكم في تحديد الوجهة

كنت مخطط على سرنديب و عاقد العزم لأني من هواة الطبيعة

لكن قدر الله علي و تابعت تقارير أخينا الفاضل أبو العصافير و الأخ كاشخ 24 ساعة و لا يهون البقية

فحنيت للأندومي

اريد أستفسر عن التكلفة التقريبية لعدد 5 أخوة في الله

جاكرتا يوم واحد بعد السفر

و بعدها الجبل بوشناك 4 أيام

و 4 في تريتيس بالذات مع لفة على الشلالات و حركات ابو العصافير الحنيذ و السليق

و يومين باندونق

و يوم إخير جاكرتا

كم تقريبا التكلفة علشان اخذ القطة من الأن

طبعًا نظامنا نظام شقردية من الفجر دوجة و تمشية و سعة بال

و الله يسعدكم و يوفقكم لكل خير

كم أتمنى إرسال رقم سائق موثوق فيه و أرقام فلل مناسبة

جزاكم الله خيرا

مواضيع عشوائيه ممكن تكون تعجبك اخترناها لك:

• لأهل الخبرهـلاتخلونن ترآي بإذن الله نآويهااا نآويهااا
• رحلتي العائلية إلى بلاد الاندومي2012 (بالتفصيل)
• استفسار عن حجز فنادق
• كيف الاسعار والجو في شهر 5 و 6 في اندونيسيا
• استفسار بخصوص التذاكر ياخبراء
• استفسار عن رحله عائلية الى اندونيسيا لاتبخلون علي باللي عندكم
• استفسارات
• سؤال مهم عن الفيزة ارجوا ممن عنده الجواب يجيب
• رحلة عائلية الى اندنويسيا
• الى خبراء بونتشاك توهقت بالسكن
• كيف الاسعار في الصيف
• اخواني تكفون مشورتكم بالخطوط القطرية هلا احجز فيها ام لا
• نريد فلة في سيميناك نصيحة لعائلة
• مطلوب سواق في قاروت
• لخبراء بالي ارجو الدخول
• بالنسبة للحجز وشراء التذاكر بالفيزا ؟؟
• فلل بونشاك للاهميه
• استفسارات عن موعد المغادرة والوصول الي جاكرتا في اندونيسيا
• استفسار
• استفسار بخصوص منتجع

هلا اخوي .. القطه احسب على الواحد 150$ يوميا وعليك الحساب (طبعا الاعلى)

مشكور أخوي جاكرتاوي

بس و الله كنها غويلية شوي

سرنديب أقل ممكن بالنصف حسب تقارير الأخوة

طبعًا اعرف فيه فرق بس مو لها الدرجة

لأني متوقع الميزانية 20 الف ريال كافية طبعًا من غير التذاكر

فقط للأكل و السكن و التنقلات

هل المبلغ اعلاه كافي و إلا نزيد القطة شوية

لازلت أنتظر رأي بقية الأخوة

المنتدا يمنع ذكرارقام سوقين

شوف يالغالي


اذا انت راعي طبيعه وتمشيه وفلة حجاج فلن تصرف سوى القليل


رحلتكم خلها 10 ايام صافيه

يعني يوم روحه ويوم جيه تطلع 12 يوم


يوم بجاكرتا تاخذون منهاتن ليله وحده بس وانتو 5 بتكلفكم 3 غرف 2100000 روبيه يعني 900 ريال تقريبا + 300 عشا او غدا لان الفطور الصباح مجاني وانتم اصلا بتمشون دايركت لما تصحون من النوم وتتمشون شوي في جاكا


الجبل بونشاك تجلسون فيه 5 ايام الفيلا ب 600 الف روبيه بيطلع المجموع 3000000 يعني 1250 ريال + 3000 ريال مصاريف الجبل من اكل وتمشيه وخلافه


بوقور يوم واحد بدون مبيت تروحون لها الصباح وانتم طالعين من الجبل وبعد المغرب تتوجهون الى باندونق يومين الفندق بتاخذونه 3 غرف ب4200000 يعني تقريبا 1800 ريال + 1500 مصاريف واكل وتمشيه


اخر يومين بجاكا تمشيه وتسوق وسكن بيكلفكم تقريبا 4000 ال 5000 طبعا ما حسبت التسوق لانه على حسب المبلغ الباقي معكم



السائق بيكلفك 500 الف في 10 ب 5 مليون يعني 2000 ريال طبعا راح يكون معك 24 ساعه

يعني 14الى 15 الف تكفيكم على 5 اشخاص

تطلع تقريبا 3000 ريال للشخص من غير التذاكر


وسفره سعيده

انا اشوف انكم تخلون الميزانية 18000ريال

أخوي كاشخ الله يوفقك دنيا و اخره

كذا معقولة الأسعار و الترتيب رائع

دعواتي لك بالتوفيق و ترى تقريرك حاس مرير التخطيط لسريلانكا

و الله يكتب الخير لنا و لك و لكل مسلم

أخي الحبيب فارس

إلى 20 الف عادي

يعني كل واحد 4000 ريال

بس هل تكفي ؟؟

الله يجزاك خير و شاكر و مقدر لك

يعني انا اقول 4000 ريال رائعه جدا تحسبا لاي ظرف طارئ

أخوي سندي مشكور و تقدر ترسل الرقم برسالة خاصة

و الله لا يهينك

مشكور أخوي الكاسر

و 4000 ما فيها إشكال الأهم أن تكفي

و الله لا يهينك على الرد

بارك الله فيك

يلذيب خلك مع الذيب كاشخ وشف رده عليك ولايهنون الربع ما قصروا
بجاكرتا اسكنوا بشقق مفروشه شقه ام 3 غر وشقه ام غرفتين يوم وصلكم واخر يومين ان حبيتوا
واغلب ايامك دامكم راعين طبخ ونفخ وفله حجاج وعلوم رجال خلك ببونشاك وحواليها مادام رحلتك قصيره وميزانيتك محدده
وخذ لك مبلغ احتياط ان قدرت في احد بطاقاتكم
يوم ما تبون تطلعون تكنسلون السياره وسواقها وتاخذون دبابا يجيب اغراضكم ان حبيتوا
صدقني جلسه في وحده من فلل بونشاك تسوي شهر في غيرها مع الصحبه الطيبه وعلوم الرجال
---
بخصوص السواق وانااخوك لا تشيل هم الموقع يمنع ذكر السواقين والسوال عنهم عشان ما تقع فريسه للتسويق لسائق لك عليه
الافضل انك تقرا تقارير الاخوان حاطين ارقام سائقين ثقات مجربينهم خاصه التقارير الاخيره عشان تشوف صوره السواق اللي مقابلك ولا يخمك بواحد من ربعه اذا كان مشغول
وعموما البلد مافيها اشكال ان عجزت اسال عن شارع رادن صالح وقل ابي مطعم اميره ادخل المطعم واسال عن سواقين يودونك للجبل او اطلع من خلف المطعم في باب خلفي يطلعك لشارع صغير واسال هناك
او في الفندق تقدر تطلب سائق يوديك للجبل مثلا وفي الجبل فيه مكتب تاجير سيارات بسواقينها قدام البقاله السعوديه
طبعا بتقول كل هالاماكن مااعرفها
بقولك اسال بس عن البقاله السعوديه في البونشاك ومليون من يدلك
وان كنت متخوف خم لك سواق من المطار دايركت للجبل المسافه 80 كيلو بس فيها شويه تعب لانك جاي من سفر طويل والافضل تريح بجاكرتا ليله عقب السفر

الله لا يهينك مشرفنا الغالي

شاكر و مقدر