الموضوع: مراسلكم من نيويورك

السلااااااااااااااااااام عليكم يا أحبابي وأخواني في أعز وأغلى منتدى عى قلي تحية طيبه لكل العرب المسافرون وبعد ....

أنا يوم الخميس تاريخ 21 / 5 وصلت نيويورك والحمدلله أبشركم الوضع جدا عادي والسواح كثار وبالنسبه للاستفسارات اللي تبونها راح أجاوب عليها ان شاء الله وبقولكم عن اجاراءات تسجيل الدخول تره ما قالولي سو تسجيل دخول ولا شئ بالطياره عطوني نموذجين أعبيهم واحد معلومات والثاني للجمارك وبس ونزلت المطار وعلى كاونتر الجوازات ما قالي شئ قالي انت ليش جاي اهني؟ قلت له سياحه وتسوق وبعدين قالي جم يوم بتقعد؟ قلت له 36 يوم قالي خوش فندق حاجز وضحك قلت له مشكور بصمني عنده وقالي شوف الكاميرا وجهها على عيوني وبس وختم الجواز ودبس لي ورقة بالجواز قالي هذي للمغادرة ونفس الشئ سواه ويا زوجتي وبعدين قالي خلاص روح استلم الشنط والحمدلله تسهلت ولا تفتيش حق الشنط ولا اللاب توب ولا شئ وثاني شئ بالنسبه لموضوع انفلونزا الخنازير مافي اي اجراء سووه معاي بالمطار وانا قاعد اشوف الناس عادي الطياره كانت مليانه والناس بنيويورك ياكثرهم تقولون نمل وخاصتا بالتايم سكوير وان شاء الله لا تحاتون شئ تتسهل الامور ومافي الا العافيه وبهذا نكون وافيناكم بآخر الأخبار عبر محطة العرب المسافرون من نيويورك وسلامتكم وسامحوني على الاطاله .:24:


كان معكم مراسلكم the-wise-man من نيويورك - منهاتن - تايم سكوير :113:

مواضيع عشوائيه ممكن تكون تعجبك اخترناها لك:

• استفسار ضرورى جدا ارجوكم
• شباب ممكن خدمة بسيطة ؟
• استفسار عن النقاب في امريكا ؟
• الانجليزية في اورلاندو
• بغيت اعرف احسن خطوط امريكيه للطيران الداخلي نيويورك لوس انجلوس
• فزززعتكم ياهل مواعيد
• كليفلاند
• ترتيب خطة سير الرحلة الغريبة لاهنتم
• محتاج مساعدة
• مارايكم بمخطط الرحلة؟
• أخر طلب ياخبراء فندق ميامي
• مساعدةمنفضلكم
• سيارات ال بامريكا مافي أمل ؟
• محتاج مساعدتكم في تخطيط رحلتي لأمريكا
• دالاس تكساس
• تعليقاتكم على جدولي اليومي في أورلندو لو سمحتو
• من عنده خبره يفيدني
• طلب بخصوص سكن في لوس انجلوس
• الورقة الصفاراء قبل اصداار الفيزا
• او ما الافضل

حي الله اهل نيويورك :8888:



بس حبيت اسأل وش اخبار الفنادق الممتازة اهناك (يعني خمس نجوم

الحمد لله على السلامة ياغالي ..

وفي انتظار التقرير

ضحكتني هالجملة






كان معكم مراسلكم the-wise-man من نيويورك - منهاتن - تايم سكوير



خلنا نشوف الشغل العدل في الربورتاج الكامل للسفرة

الحمدلله على السلامة

وان شاء الله لاحقينكم

الحمدالله على السلامه وأن شاء الله رحله سعيده


ريحت بالي الله يريح بالك ويسعدك كنت متخوف من المرض الي مايتسمى


بس الغالي حبيت سألك يوم قالك خوش فندق حجز وين الفندق هاذا الغالي وشسمه وأن شاء الله يكون في التايم سكوير


انا متحير بين فندقين بين فندق " دبليو التايم سكوير " و " كراون بلازا التايم سكوير "

المشاركة الأصلية كتبت بواسطة qatar3333
http://www.arabtravelersforum.com/tr...8/#post2939098

الحمدالله على السلامه وأن شاء الله رحله سعيده


ريحت بالي الله يريح بالك ويسعدك كنت متخوف من المرض الي مايتسمى


بس الغالي حبيت سألك يوم قالك خوش فندق حجز وين الفندق هاذا الغالي وشسمه وأن شاء الله يكون في التايم سكوير


انا متحير بين فندقين بين فندق " دبليو التايم سكوير " و " كراون بلازا التايم سكوير "



الفنادق الممتازة كثيرة في نيويورك !!


لاكن اذا بين هذولي الاثنين الــ W افضل بمراحل !!


بالتوفيق

حمد لله على السلامة

الحمد لله على السلامه .. واجازه سعيده .. وفي انتظار التقارير اول بأول

الحمدالله عل سلامه و طمنتنا بالنسبه للاجراءات

والآن نشرة أخبار التاسعه صباحا السلام عليكم ورحمة الله وبركاته معكم محدثكم the-wise-man عبر أثير العرب المسافرون نتمنى لكم حسن المتابعه لنشرة الأخبار .

اللله يسلمكم كلكم من كل شر وبالنسبه للفنادق اخوي الكريم (بيت التعريج ) واتلله قاعد اشوف زحمة بكل مكان بش للأمانه ما دخلت ولا فندق ثاني بس الفندق اللي انا قاعد فيه الحين وايد ممتاز وموقعه حلوووووو وايد ما بينك وبين التايم سكوير مشي تقريبا 150 متر وكل شئ موجود يمك يصير الفندق مقابل فندق ماريوت بالضبط والغرف اللي عطووني اياها مطله على التايم سكوير علطوووول وممتاز الفندق وبالنسبة لاخوي العزيز والغالي( Impact) اللي ساعدني وايد ان شاء الله ما راح تشوف الا اللي يسرك راح تشوف تقرير متعوب عليه وبالنسبة للاخو الكريم ( qatar3333 ) الله على راحتك بس انا اشوف الفندق اللي انا جالس فيه الحين وايد أقرب من التايم سكوير وأرخص أنا ما أقولك انه اللي انا ساكن فيه أفضل تره اهو 4 نجوم أو 3 ما أدري بالضبط بس مستواه وايد زين وسلامتكم

كان معمكم مراسلكم the-wise-man عبر الفضائية العربيه ( العرب المسافرون ) ----- الولايات المتحدة الامريكية - نيويورك

مرحبا فيك اخوي والحمدلله على السلامه . بس ما تلاحظ انك ماذكرت اسم الفندق . كم نجمه . عنوانه . اسعاره . علشان يستفيد الجميع . شكرا لك مراسلنا من Ny

الحمد لله على السلامة يالغالي اتمنى لك وللمدام اقامة سعيدة وترجعون ان شاء الله بالسلامة, وان شاء الله عقبالي من تطلع الفيزا اليوم الثاني مسافر وبعبي المنتدى كله من الصور ولابخلي شي بامريكا بحاله بصور كل شي.

حمدلله على السلامة.. وان شاء الله سفرية موفقة..
نبغى النقل الاهم من اورلاندو.. والله يعطيكم العافية..

المشاركة الأصلية كتبت بواسطة sportiv
http://www.arabtravelersforum.com/tr...1/#post2940211

مرحبا فيك اخوي والحمدلله على السلامه . بس ما تلاحظ انك ماذكرت اسم الفندق . كم نجمه . عنوانه . اسعاره . علشان يستفيد الجميع . شكرا لك مراسلنا من Ny

هاذا الي ناقص النشره الغالي نسيت تذكره

الحمد لله على السلامه
سيروا ونحن من ورائكم
احنا ان شاء الله يايينكم عقب 10 ايام
طمنتنا الله يطمنك بالخير بس حبيت اسال عن شغلتين لوسمحت
شلون الجو نييب صيفي والا شتوي
واحنا يمكن نحجز في فندق دبل تري تايم سكوير شوضعه وموقعه زين والديره امان
اسفه كثرت بالاسئله
شكرا

الحمدلله على السلامة

وانا اكتب الرد الحين ياني اتصال ان في قناة الراي خبر باصابة ١٨ جندي امريكي يايين من امريكا مصابين او مشتبه باصابتهم بانفلوزا الخنازير !

المهمـ اتمنى لكمـ رحلة سعيدة ومنتظرين باقي الاخبار

حمد لله على السلامة .. ان شاء الله تنبسط في نيويورك ..

مع الجو هاليومين حررررر امس درجه الحراره تقريبا 30 بس بالمغرب كان الجو رهيب

شكلك ما تبغا تذكر اسم الفندق علشان ما ينحرق التقرير

الحمد لله على سلامتك ويا اخي الاخبار مطمنه للحين بس عفيه تكفى ابي اخبار عن لوس انجلوس بس مطمنه وحلوه ترا حدي محتاره ومقبوض صدري وريلي يقولي حاس انج بتجنيين علينا بهالسفره وعلى اليهال يعني حطها براسي انا خصوصا لما سمع عن هزه بكلفورنيا وهزات قويه بالمكسيك

ياريت اول ماتوصل لوس انجليس تطمنا واسفه طولت عليك والله يحفظكم

اشكرك اخيthe-wise-man على الاخبار المباشره من موقع الحدث والله انك مراسل ممتاز ننتظر اخبار الولايه الثانيه اللي ناوي تروح لها.

مشكووووووورين كلكم على المرور الطيب والله يسلمكم من كل شر ان شاء الله وبالنسبه يبه لإسم الفندق millennium broadway من فئة أربع نجوم وسعره 236.62 $ دولار بالليله شامله الضرائب نوع الغرفه عاديه standard room وثاني شئ سامحوني للتأخر بالرد بسبب اني ما أرد الفندق الا على المغربيه علشان اريح اشوي واشبك فيكون عندكم التوقيت بالخليج الفجر وبالنسبه للاستفسارات ان شاء الله راح احاول ارد عليها كلها .

1- اللي طلب مني وضع المناخ الجو قبل يومين حر اشوي ولكن اليوم قلب الجو وصار في هوى اشوي تارس وغيم واحتمال أمطر الاسبوع هذا كله على حسب الأخبار اللي شفتها بالتلفزيون .

2-الاخت اللي طلبت مني الاخبار بلوس انجلوس ما عندي اي فكره لاني للحين ما وصلت اهناك جدام طريج طويل على ما اوصل لوس انجلوس وان شاء الله اذا سمعت اي خبر بقولكم .

3- الاخ الي سأل عن فندق دبل تري تايم سكوير شوضعه وموقعه زين والله سامحني يا اخوي ما شفته لسبب انشغالي بالأماكن السياحية اللي قاعد اروحلها حته التايم سكوير للحين ما تمشيت فيه عدل واذا شفته أو لمحته راح اقولك عنه وبالنسبه للأمان بالديره انا والله ما شفت شئ سيئ للحين الحمدلله كل شئ اوكي وقاعد احاول احافظ على اغراضي وفلوسي بحيث محد يقدر يسوي شئ وانا أمس كنت قاعد اتمشى بالتايم سكوير لحد الساعه 1 بالليل والوضع كان عادي وزحمه بعد

4- بالنسبه للأخ اللي طلب مني أرقام واسماء الفنادق القريبه من السفاره السعودية والله ما عندي فكره عنهم حبيبي ولو حصلي ان شاء الله بشوفلك وسامحني على القصور .

5- الاخت ام فارس ان شاء الله بعد نيويورك راح اتوجه الى اورلاندو وراح اكون مراسل محطة المسافرون العرب ن اهناك

كان معكم محدثكم the-wise-man من ضواحي نيويورك

انا اليوم اول يوم لي فالبحرين ..
الساعه 6 الصبح تقريباً وانا مانمت .. للحين نومي على التوقيت الامريكي ..
قضيت الايام العشره اللي طافت في نيويورك .. وكانت ممتعه جداً ..
نصايحي لك ..

في محل .. Century 21 يطل على موقع التوين تاور .. يعني في جراوند زيرو .. كله ماركات مخفضه يعني كأنه اوت لت وايد حلو ولايطوفكم بتستفيدون منه حق الهدايا ..

Tanger Outlet قريب وفيه محلات وااااااااايد .. وعندكم بعد Woodburry طريجه حلو كله جبال خضره والاوت لت كله ماركات .. اينن! وانتو فالطريج تقدرون تمرون على Cheese Cake Factory في NewJersy لأنها على طريقكم ..

اما الاماكن السياحيه فمعروفه .. وان شاءلله تستانسون ..

Ozyeee مشكورة يا خبيرتنا بس احم احم سكتي لا تفتحين عين زوجتي مالي خلقها تحن تقولي ودني انا قايلها بعدين بوديج لانه انا اصلا بفتر بأمريكا قريبا 7 مناطق فلاحقين على الخساير بيني وبينج وبيني وبينج انا مالي خلق السوق الحين اهي شافت محل ام أند ام ينت علي ما خلت شئ ما خمته صج انه تستاهل بس اذا رخيت على الخيط لها رحت فيها يمكن ما أكمل الرحله لوووووووووول وحمدلله على سلامتكم والرجوع الى أراضي الوطن الغالي عقبالنه لو تعطيني عنوان هالمحلCentury 21 بالضبط علشان اقدر اروحله بس مابي محلات ثانيه

المشاركة الأصلية كتبت بواسطة the-wise-man
http://www.arabtravelersforum.com/tr...1/#post2942071

Ozyeee مشكورة يا خبيرتنا بس احم احم سكتي لا تفتحين عين زوجتي مالي خلقها تحن تقولي ودني انا قايلها بعدين بوديج لانه انا اصلا بفتر بأمريكا قريبا 7 مناطق فلاحقين على الخساير بيني وبينج وبيني وبينج انا مالي خلق السوق الحين اهي شافت محل ام أند ام ينت علي ما خلت شئ ما خمته صج انه تستاهل بس اذا رخيت على الخيط لها رحت فيها يمكن ما أكمل الرحله لوووووووووول وحمدلله على سلامتكم والرجوع الى أراضي الوطن الغالي عقبالنه لو تعطيني عنوان هالمحلCentury 21 بالضبط علشان اقدر اروحله بس مابي محلات ثانيه



هههههههههههههههه صاج .. ونصيحتي فلوريدا اقل ديره فيها التاكس .. وسوق لاس فيجاس الافضل ..
فيعني ضبطو نفسكم .. اما Century 21 فمايبيله Ground Zero .. موقع التون تورز سابقاً .. اهوا يطل عليه وسألو الكونسرياج فالفندق بيعطيك العنوان بالضبط

هذا عنوان المحل .. سنشيري 21

22Cortlandt St
في مسافه بين 22 و اسم الشارع لو شلت المسافه الرقم يطلع اخر شي
, New York, NY

و موقعهم على الانترنت : http://www.c21stores.com/
في فرع في منهاتن و الثاني في بروكلين وفيه فروع ثانيه في نيوجرسي ولونج انلد .. انا رحت الي في منهاتن المحل كبير و لكن عيبه انه حووووسه .. الاغراض مهوب مرتبه.

مشكووووووووورين ويعطيييييييييييييييييييييييكم ألف عافيه ونطروووونه بأولاندو لبث أخر الأخبار

اخوي الحمدلله على السلامة

بغيت اسئلك عن جامعة نيويورك .,,,,,,,,,,,

الي عندك بنيويورك

ياليت تمر عليها يووم وتشووف وش التخصصات المتاحة وشروط القبول

المشاركة الأصلية كتبت بواسطة dark angel girl
http://www.arabtravelersforum.com/tr...5/#post2944435

اخوي الحمدلله على السلامة

بغيت اسئلك عن جامعة نيويورك .,,,,,,,,,,,

الي عندك بنيويورك

ياليت تمر عليها يووم وتشووف وش التخصصات المتاحة وشروط القبول



الحين عندنه بنيويورك المغرب أي جامعه مبطله الحين سوري اختي و انا باجر الصبح راح اطير من نيويورك رايح اورلاندو فما راح اقدر اروح الجامعه وعلى فكره تقدرين تراسلين أي جامعه بالعالم عن طريق البريد أو الايميل وتستفسرين منها الي تبينه و سوري مره ثانيه :24:

ألف الحمد لله على سلامتك إنت والمدام :106:، والله فرحت لكم وايد

لأنكم ماشاء الله متيسرة اموركم هناك والله يحفظكم من كل مكروه...

إسلوبك وايد حلو وياريت تستمر عليه، كأنك توافينا بنشرة إخبارية على

الهوا، لأني بصراحة أحس كأني معاكم :109:


بالتوفيق :tongue:

درب السلامه يا رب ... و ناطرين التقرير

Dove La More 3 الله يسلمج و ثانكس على المرور الطيب هذا وا ن شاء الله نحاول نوافيكم بأخر الأبار والتطورات اللي تحصل في موقع الحدث اللي نكون متواجدين فيه وانشاء الله تستفيدون من كل شئ نقوله

الكويت ديرتي ثانكس على المرور والله يسلمج ان شاء الله وان شاء الله راح تشوفين تقرير عليه القيمه وتستفيدون منه كلكم

الحين احنه متواجدوووون في مطار نيويورك جي اف كيندي لنقل الحدث الأهم في العالم كله حيث تتم مغادرة مراسل قناة المسافرون العرب وحرمه المصون للتوجة الى مطار أورلانو في ولاية فلوريدا للتمتع بهذه المنطقه بجميع نواحيها وارسال أخر الأخبار لجميع الأعضاء والقائمين على قناة المسافرون العرب مع تمنياتي للكل بالراحه والتوفيق .

كان معكم مراسل المسافرون العرب the-wise-man في ضواحي الولايات المتحدة الأمريكيه شكرا عفوا

بالسلامه ان شالله

اقول و حزنا على فرقاكم ترى فجروا مقهى ستار بكس بمنهاتن نيويورك .... كله بسبب الحزن انكم طلعتوا من نيوويورك

توصل بسلامه يارب

لوووووووووووووووووووووول ضحكتني شكرا عفوا.. بالسلامه ان شاء الله وناطرين التقرير

المشاركة الأصلية كتبت بواسطة الكويت ديرتي
http://www.arabtravelersforum.com/tr...2/#post2947942

بالسلامه ان شالله

اقول و حزنا على فرقاكم ترى فجروا مقهى ستار بكس بمنهاتن نيويورك .... كله بسبب الحزن انكم طلعتوا من نيوويورك



احم احم من صجج انتي اي ستار بكس فيهم سبع ألاف ستار بكس بمنهاتن وانا اليوم طلعت الصبح من منهاتن على الساعه 9 ونص الساعه جم صاير الانفجار ومنو اللي مسوي جذي الله ياخذه

السلام عيكم ورحمة الله وبركاته

معكم مراسلكم the-wise-man عبر أثير محطة المسافرون العرب لينقل لكم أهم الأحداث في ولاية فلوردا بمنطقة أورلاندو حيث تجمهر كبير لاستقبالي انا وحرمي المصون بالمطار ومسيره طويله عريضه لنقلنا الى الفندق حيث اننا نقطن احدى فنادق الداون تاون للدزني لاند كانت الرحله ممتعه بعض الشئ وحزينه بعض الشئ بسبب تأخرنا ي مطار نيويورك مقاربة الساعه تقريبا ولا اعرف ما السبب حته الآن ولاكن عند وصولنا الى أراضي أورلاندو عمت الفرحة ودخل السرور الى قلوبنا انا وحرمي المصون بسبب تغير المناخ علينا حيث ان المناخ كان يميل الى الشتوي قليلا السماء كانت ممتلئه بالغيوم والمطر الخفيف عند نزولنا الى الشارع .

وفي جهة اخرى كانت الأحشاد تتكاثر في منطقه الداون تاون في وقت العشاء وذلك بسبب تواجد مراسلكم وحرمة بالمنطقه نفسها وكانت اعينهم مليئه بالفرح لملاقاتي انا وزوجتي والكل يهتف ويقول the-wise-man وبس والباقي خس بالانجليزي (اتغشمر ).

وبهذا تنتهي نشرة أخبار الثانية عشر بعد منتصف الليل نتمنى لكم حسن الاستماع والمشاهده وبانتظار آخر التطورات.

كان معكم محدثكم the-wise-man من قلب الحدث فلوريدا - أورلاندو شكرا عفوا

الحمد الله على السـلامـة .... و أخيــرا ً وصلت و ارتحت .. الحمد الله إن كل شي طلع طبيعي ... الله يونسكم بالعافـيـه

ماشاء الله مراسل ميه ميه.. حمدلله على سلامتكم ويارب تنبسطوا .. ولاتنسونا من اخر الاخبار من هناك..

الحمدالله عل سلامه ... و ناطرين تقارير اورلاندو و يا ريت تخلون لنا شوية بضايع مو تخلصونها

[b][center][size="4"][color="Indigo"]الحمدلله على السلامة وان شاء الله تستانسون ممكن تمر تشوف فيلتنا وتقولون لنا شلونها :tongue:

بنستغل تواجدكمـ الله يعينكم عليننا اللي يسأل عن جامعة واللي يسأل عن الاجواء والي عن الفنادق قلت ياللا مع الخيل ياشقرا

انا ابي اسأل على فلتنا بنستغلكمـ آخر استغلال:109: .. ترا اتغشمر :101:

الله يوفقكم وتستانسون آخر وناسة بس ها لا تنسون تروحونthe arabic night show لا يطوفكم

الله يسلمكم جميعا من كل شر ان شاء الله ويوفقكم بكل خطوه تخطووونها يارب واتمنى للكل زيارة أمريكا وانه يستانس فيها ويعيش احله ايامه وان شاء الله راح احاول قد ما اقدر اعطيكم معلومات أول بأول والله يقدرنه ونرد شئ من جمايل هالناس اللي بهالمنتدى علينه ويلله اخليكم انا الحين الى اللقاء في نشرة الأخبار المسائية بيباي جو جو

اخوي طيب ماعرف اراسل الجامعة كيف ؟؟

اراسلهم ياليت تعلمني

وسوري على التطفل

المشاركة الأصلية كتبت بواسطة dark angel girl
http://www.arabtravelersforum.com/tr...5/#post2951565

اخوي طيب ماعرف اراسل الجامعة كيف ؟؟

اراسلهم ياليت تعلمني

وسوري على التطفل



لا عادي ولو مفيها اي تطفل احنه اخوان بس صدقيييني لو اعرف جان قلت لج شوف احد يكون يعرف بهالسوالف انا ما اعرف والله وانجليزيتي مو قوية وايد وسامحيييني اختي والله لو بيدي شئ جان سويته لج انا في خدمتكم باللي اقدر عليه وانا الحين موقعي بفلوريدا مو نيويورك وبالتوفيق.:24:

آخر الأخبار مو أورلاندو الجو متكهرب هاليومين اليوم تبهدلنه بالمطر في الديزني من الصبح لحد الساعه 4 العصر كان الجو مووووت حر ورطوبه خفيفه ومن الساعه 4 صار هوى وغيوم وبرق ورعد الدنيا تغيرت 180 درجة مطر قوي ذبحنه وسكرو الالعاب وقعدنه لن خف المطر وبعدين وقف بو ساعه ونصف تقريبا من غير مطر بعدين رد الغيم مره ثانيه وطق يا مطر علينه طق بيتنه يديد مرزامنه حديد وغرقنه مره ثانيه وسكروا بعض الالعاب واحنه صافين دوووور طابور من اهني لين الخباز وآخر شئ بكل بساطه يقولنه سكرنه علشان المطر شئ عجيب كان وبعدين أيسنه وطلعنه من الحديقه الساعه 8 ونصف واهي تسكر الساعه 10 وردينه الفندق وبس .

كان معكم محدثكم the-wise-man عبر أثير محطتكم محطة المسافرون العرب شكرا عفوا

المشاركة الأصلية كتبت بواسطة the-wise-man
http://www.arabtravelersforum.com/tr...7/#post2953127

آخر الأخبار مو أورلاندو الجو متكهرب هاليومين اليوم تبهدلنه بالمطر في الديزني من الصبح لحد الساعه 4 العصر كان الجو مووووت حر ورطوبه خفيفه ومن الساعه 4 صار هوى وغيوم وبرق ورعد الدنيا تغيرت 180 درجة مطر قوي ذبحنه وسكرو الالعاب وقعدنه لن خف المطر وبعدين وقف بو ساعه ونصف تقريبا من غير مطر بعدين رد الغيم مره ثانيه وطق يا مطر علينه طق بيتنه يديد مرزامنه حديد وغرقنه مره ثانيه وسكروا بعض الالعاب واحنه صافين دوووور طابور من اهني لين الخباز وآخر شئ بكل بساطه يقولنه سكرنه علشان المطر شئ عجيب كان وبعدين أيسنه وطلعنه من الحديقه الساعه 8 ونصف واهي تسكر الساعه 10 وردينه الفندق وبس .

كان معكم محدثكم the-wise-man عبر أثير محطتكم محطة المسافرون العرب شكرا عفوا



هذا عيب فلوريدا بصفه عامه .. الجو الواحد ما يعرف له .. و فجاه يجي مطر وياليت اي مطر يكون عزيرررر.. و اشين شي لو صادفت انك دخلت ملاهي وجا مطر بكل بساطه يقفلون الالعاب ان شاء الله تكون باقي الايام الجو حلووو وتستمتع في باقي رحلتك.

اخوي the-wise-man مساء الخير ياليت تفيدنا بالنسبة لاورلاندو بكم استاجرت السيارة ووين نزلت وسعر الفندق وكيف الاجواء بمدينة اورلاندو بالنسبة لانفلونزا الخنازير عفانا الله وياكم وجميع المسلمين من كل مكروه ان شاء الله لانه سفري المفروض بعد 11 يوم من الان ومعي اطفال وانا جدا متخوف

المشاركة الأصلية كتبت بواسطة fms
http://www.arabtravelersforum.com/tr...9/#post2953229

هذا عيب فلوريدا بصفه عامه .. الجو الواحد ما يعرف له .. و فجاه يجي مطر وياليت اي مطر يكون عزيرررر.. و اشين شي لو صادفت انك دخلت ملاهي وجا مطر بكل بساطه يقفلون الالعاب ان شاء الله تكون باقي الايام الجو حلووو وتستمتع في باقي رحلتك.



مشكووووور حبيبي على مرورك الرائع على الموضوع وجودك معانا يطغي علينا البهجه والسرور ثانكس على كل المساعدات اللي قدرمتها لي ويعطيك ألف عافيه .


pilot b777 وبالنسبه حق استفسارك ما ودي احرق التقرير بس راح اقولك الفندق ريجل صن في الداون تاون لدزني ليلته تقريبا 80 $ اذا ما خاب ظني والسياره كلفتني 500 $ المده 16 يوم ويالنسبه للجو تره حر ورطوبه بس عادي يقلب الجو بلحظات يصير غيم ومطر وبالنسبه لانفلوزا الخنازير كرم السامع تره مافي شئ كل حجي فاضي كاني انا اهناك الحين والحمدلله والناس مليانه يعني انت الله يخليلك عيالك تخاف عليهم والناس ما تخاف على اعيالها كاهم اشكثر مشاء الله شوفهم قاعدين يلعبون بدزني واليهال على قدر شعر راسك موجودين وبالتوفيق ان شاء الله

كان معكم محدثكم the-wise-man :24: عبر أثير إذاعة المسافرون العرب - أورلاندو.:8888: شكرا عفوا

مطاعم و اماكن تمشي جميلة
لو سمحت

عليك بالعافية انت والحرم المصون في هالسفرة و الحمدالله على سلامتكم
ياريت تفيدنا بالاسوق بعد اذا ما عليك امر
ومشكوور

حمدلله على السلامة.. وبالنسبة للجو مو ممكن تشيك من النت حالة الطقس لكل يوم ولا ماينفع؟؟؟

السلام عليكم ورحمة الله وبركاته
نستمع الآن الى الاجوبه لاستفسارات بعض من المسافرون العرب عن مدينه أورلاندو

tanya بالنسبه للأماكن الحلوه للتمشي والله انا رحت الداون تاون حلوو حق التمشي والشباب امدحوولي شارع انترناشيونال درايف اعتقد اسمه اذا ماني غلطان بس للحين ما رحت له والمطاعم والله انا مشكلتي ما آكل من أي مكان فمقزرها بيتزا

q8ya metnaqla بالنسبه حبيبي حق الاسواق والله للحين ما رحت قاعد بس افتر على الحداق ملوت دزني بس اخلص من العب والوناسه بعدين أدور على الاسواق واذا تبي اسامي الاسواق الشباب مو مقصرين بتقاريرهم عن اسواق اورلاندو .

أم فارس قاعد اجيك على الجو بالنت كل يوم بس المشكله انه الاسبوع هذا كله أمطار شنو نسوي بعد حضنه بس الحمدلله انه الامطار تبدي من العصر تقريبا تهطل علينه بس بلليل شغاله الأمطار الله كريم ويعدي هالجم يوم على خير .

سامحوووني على القصور وانشاء الله أقدر اوصل لكم الاوضاع اللي صاير باورلاندو أول بأول . ( الجو للحين مطر )

كان مع محدثكم the-wise-man عبر أثير محطة المسافرن العرب - أورلاندو . شكرا عفوا

سؤال ماعليكـ امر ..

متى تغيب الشمس بأورلاندو؟

sullmish تغيب الشمس الساعه تقريبا 8 الا اشوي

الحمدلله على السلامه ويارب تستانسون في هالرحلة كلها بس ماوصيك لاتخلي مكان الا وتروحلة ونصيحة السوق خله عقب ولاترا بتتلعوز.. بالسلامه يارب :101:

Stranger Man مشكووووووور حبيبي الله يطولنه بعمرك على هالكلام الحلو وعلى السوق لا تحاتي قد ما أحاول أضبط الوضع انه اخليه اخر شئ

السلام عليكم ورحمة الله وبركاااتوووو ....

معكم مراسلكم the-wise-man عبر أثير محطة المسافرن العرب ننقل لكم آخر الأخبار بمدينة أورلاندو اليوم كان الوضع طبيعي الحمدلله والمطر ما كان وايد على الاقل خلانه نستانس اليوم بالحديقه الأخيره للدزني وكنه مسيطرين على الوضع والحمدلله استانسنه بس كان في سؤال من المراسل يبي يستفسر عنه اذا احد يعرف عنه شئ بالنسبه لوضع المشتريات بأمريكا كل شئ نشتريه عليه تاكس سواء كان ملابس أغراض أكل .... إلخ ، انزين هالتاكس اللي قاعدين ياخذونه يردون لي بالمطار نفس نظام أوربا يعني أحتفظ بالفواتير والا لأ لأني مو عارف النظام اهني ؟ وسامحوووني على الاطاله.

كان معكم مراسل المسافرون العرب من أورلاندوووو- فلوريدا شكرا عفوا

الي اعرفه هل تاكس ما ترد تاخذه نفس اوربا ... جني قريت هل شي .. و ياريت الخبراء يفيدونا اكثر

والله ما عندي فكره عن التاكس انا للحين ناطر أحد يجاوبني عليه في انتظار ردوووود الخبراء

نشرة الأخبار مافي اليوم المحطة مسكره اليوم عندها راحه اليوم تسوق ورحله خفيفه الصبح كانت وان شاء الله راح تشوفونها بالتقرير والجو كان حلووو مشمس ومافي مطر غيم خفيف كان هذا بالنسبه للنشره الجويه


مع تحياتي للجميع بالتوفيق the-wise-man

المشاركة الأصلية كتبت بواسطة dark angel girl
http://www.arabtravelersforum.com/tr...5/#post2944435

اخوي الحمدلله على السلامة

بغيت اسئلك عن جامعة نيويورك .,,,,,,,,,,,

الي عندك بنيويورك

ياليت تمر عليها يووم وتشووف وش التخصصات المتاحة وشروط القبول



:bounce8:
:109:


-----------------------------------------

الله يعطيك الف عافيه
وترجع بالسلامة