الموضوع: ممكن مساعدة يا اهل الكويت؟

السلام عليكم
في البداية احب أقول لكم أن هذي أول مشاركة لي معكم
ولدي بعض الاستفسارات
أنا ساقوم بزيارة هي الأولى لجارتنا الكويت الحبيبة
وستكون انطلاقتي من مدينة حقل في أقصى الشمال الغربي من السعودية
وحسب معلوماتي ان هناك طريقين للدخول للكويت
لكن السؤال هو أي الطريقين أفضل من داخل الكويت وأيهما الاقرب للعاصمة الخفجي أم الرقعي
وكم تكون المسافه من الحدود السعودية الى العاصمه الكويت ان شاء الله ما تكون أكثر من 400كم
لأن بصراحه وراي مشوار طويل عشان أوصل للحدود الكويتية قريب من 2000كم
السؤال الثاني
ماهي اهم مدينتين بعد العاصمة تنصحوني بزيارتها لأن وقتي ما يسمح لي أجلس اكثر من خمسة ايام؟
السؤال الثالث
هل محلات الكوفي شوب متوفره بكثره بحيث لا أحتاج أن أسأل عنها لأن هناك ستقام مباراة مهمة في الفترة التي سأزور فيها الكويت وأنوي مشاهدتها بين الهلال والإتحاد
السؤال الاخير
ماهو أفضل مطعم خاص المندي وما هو افضل مطعم خاص بالأكلات البحرية في العاصمة؟
ولكم جزيل الشكر

مواضيع عشوائيه ممكن تكون تعجبك اخترناها لك:

• استفسار اخواني الكويتيين
• شقق مفروشة او فندق تأجر عزاب وتكون نظيفة
• مواقف مطار الكويت
• موعد غداء مطعم أوتار لبنان سليل الجهراء
• الحاسب الآلي
• مقاهي عالبحر
• أين تخرج مع عائلتك؟ موضوع للنقاش
• بسوي زفة بالكويت دلوني وين اروح
• التنقل بين السعودية والكويت لحاملو اقامة نظامية في احد البلدين
• ايش رايكم فيه
• احد هالفندقين ؟؟
• استفسا عن ايجار السيارات
• استفسار
• زيــارتــي الــى الــبيـــرق
• دورات تجميل للمحترفين
• منع استخدام الهاتف النقال باليد اثناء القياده بالكويت
• اسواق بيع ملابس الأطفال
• ممكن؟
• افضل خياط و محل اقمشة
• ممكن مسآعده ياالنشامى

ما فيه أي رد !!؟

يامرحبا أخوي أمازون
بالنسبه للأقرب هو منفذ الخفجي يبعد عن العاصمه بحدود 100 كيلو
بالنسبه للمدينه عندك السالميه فيها أكثر المجمعات والبلاجات والفنادق ثم الفحيحيل
بالنسبه للمطاعم البحريه عندك النوخذه وأذا تبي شعبي فريج صويلح
والكوفي شوب متوفر في كل مكان

وهذه الي أعرفه والله محييك

أخوي المهاجر
الله يعطيك العافية ومشكور ما قصرت على المعلومات

حياك الله أخوي في ديرتم الثانيه الكويت.أنا راح أجاوب على ثاني سؤالين.

الأول عن المأكوات الشعبيه:

عندك فريج صويلح

والثاني موجود في فندق النخيل اسمه المهلب ويتميز بالأجواء الشعبيه والأكل الشعبي اللذيذ

كذلك في فندق المريديان الي على شارع الخليج فيه مطعم اسمه المرسى للمأكولات الكويتيه الشعبيه

وبالنسبه للقهاوي راح تلقى وايد منهم في منطقة السالميه وبالمولات أما الي تتوافر فيها شاشات للتلفاز فتلقاها في السالميه وفي وحده بجانب مارك أند سبنسر في منطقه السالميه

ولاتطوف زيارة سوق المباركيه لأنه السوق الشعبي الوحيد بالكويت ويأتي لزيارته من كل دول العالم لأنه فعلا حلو وفيه محلات متنوعه وكثيره وأسعارها جدا مناسبه كما أن فيه الكثير من القهاوي والقعدات وتقدر أيضا تتابع المباريات هناك.

حياك الله في بلدك الثاني الكويت ...

اقرب شي عليك بعد الخفجي هي الفحيحيل وهناك تجد http://www.q8shots.com/kuwait-hotels...-rotana-hotel/ وhttp://www.q8shots.com/kuwait-malls/...l-full-report/ مطل على البحر مباشر وفي العديد من الكافي شوبس اما قهاوي فيها مباريات في منطقة الفحيحيل على شارع البحر فوق بنك الكويت الوطني قريب من الكوت.

بعدين عندك السالمية مجمع المارينا طبعا .. وخلفه في مجموعة من القهاوي منها الصخرة والصفدي والكثير ،، وفي بعد في السالمية قهاوي الستي سنتر بجانب دوار الجوازات.

اما مطعم ماكولات شعبية فانصحك في فريج صويلح اوhttp://www.q8shots.com/kuwait-restur...on-restaurant/ في السالمية

مممم وبخصوص المندي .. افضل مطعم http://www.q8shots.com/kuwait-restur...aka-resturant/ وعند اكثر منها فرع ( الفحيحيل - المهبوله - الرقعي .. الخ)

وحياك الله

http://www.q8shots.com/kuwait-malls/...l-full-report/

http://www.q8shots.com/kuwait-restur...aka-resturant/

بالنسبة للمسافات وايهم الأقرب بالنسبة لك

انا ما ادري عن الطريق من الشمال الغربي الى الشمال الشرقي

لكن اتوقع انك بتمر على حفر الباطن اولا

والمسافة من حفر الباطن الى منفذ الرقعي السعودي تقريبا 90 كم

ومن منفذ السالمي الكويتي الى السالمية تقريبا 130 كم

يعني الاجمالي من حفر الباطن الى السالمية بالكويت تقريبا 220 كم


ومن الخفجي الى السالمية تقريبا 100 كم


بس فيه نقطة مهمه وهي المسافة مابين حفر الباطن والخفجي

وهي تقريبا في حدود الـ 300 كم


وبالأخير انت حدد الاختيار الأنسب

على حسب الطريق اللي انت بتسلكه داخل السعودية


وبالتوفيق لك يالغالي وبإذن الله راح تنبسط بالكويت

انا من سكان الرياض ولي الآن ثلاث سنوات وانا بكل سنه ازور الكويت

وبإذن الله ماراح اقطع هالعاده