الموضوع: ارجوا تخطيط رحلتي الى لندنباريسسويسرا

السلام عليكم

خططوا معي رحلتي

انا حابه اسافر الصيف اليايشهر 7 سنه 2012

الصيف هالسنه رحت للنمسا وميونخ

والصيف الياي حابه اروح لندن _ باريس (فقط علشان ديزني لاند) يعني ما ابي اقعد وايد _ سويسرا وبالتحديد انترلاكن

ما ابي اروح وايد مناطق يسويسرا فقط انترلاكن وماكو مشكله اذا معاها جنيييف

السفره ابيها تكون من 20 الى 25 يوم لا تكثرون

احنا شخصين كبار و3 اطفال

ابي ااجر سياره من وقت الوصول

شنو تفضلون بلده الوصول تكون ؟؟؟؟ وبلده المغادره

وياريت تعطوني المسافه بين كل منطقه ومنطقه بالتنقلات واشكثر ياخذ وقت بالسياره

انا ما عرف ولا شي بخصوص هالدول وياريت يا اهل الخبره تفيدوني رحمه الله والدينكم

ايييييييييييييي ونسيت اقووووولكم

ضروري ضروري تخلوني امر يوروب بارك اغتقد موجوده بالمانيا

بس اشلون اروحلنا خططولي ولازم اعرف المسافات لا تنسون


سفرتي راح تكون شهر 7

هل ندن بارده او حاره
هل باريس حاره او بارده
وهل سويسرا (انترلاكن ) (جنيف) بارده او حاره؟؟



ابي اعرف كل دوله بالتحديد

هل اهم مثل النمسا
بصراحه النمسا بالصيف جوها مو حار كان حلو
ومرات يكون باااارد ومطر شبه يومي في شهر 7



يا الله انتظر ردوووودكم يا اخواني

مواضيع عشوائيه ممكن تكون تعجبك اخترناها لك:

• مساعدتكم جزاكم الله خير
• محتار بين التوجه بالسيارة أو القطار لقمة جنقفروا
• استفسار بخصوص رحلة زميلي
• ســويــســرا بــعــيــون الــقــطــري
• مساعدتكم تكفون
• ماهو ارخص طيران من جنيف الى ملقا
• سؤال عن المواصلات الداخليه ياخبراء
• تكفون يالربع غدا رحلتي
• احنا فى مشكلة كبييييييرة
• طالب مشورت أهل الخبره
• المساعده في سير الرحلة
• ابو عزيز ولا يهونون بقية الاخوان
• استفسار زيورخ
• موعد الفيزا بعد موعد السفر😔
• رايكم في فندقين بانترلاكن
• رحلة عمل يتخللها سياحه مطلوب استشاره
• استفسار عن اجواء سويسرا فضلا لاأمرا
• عاااااااااجل فنادق سويسرا
• أرجو من الاخوه المساعده في تحديد موعد السفر
• سوال عن الجو

وييييييين الردوووود يا اهل الخبره

لندن ألغيها أحسن

الاقتراح الأول :

الوصول فرانكفورت يومين ثلاثة (راح تعجبكم)بعدها ساعة ونص الى قرية غوشت ر Rustلألمانية حيث (يوروبا بارك) ثلاثة ايام فيها مع تكت يومين للملاهي ثم منها الى انترلاكن ساعتين ونص بالسيارة تقريبا ..(طبعا أسبوع أقل شي في انترلاكن) ثم الى باريس خمس ساعات أظن بالسيارة ثم بالقطار المجنون الى لندن .۔ تقسيم الايام يخضع لأسلوبك ومزاجك بينهما .۔

ميزة هذا الاقتراح

1-التعرف على فرانكفورت بلد ناطحات السحاب في اوروبا والعاصمة الاقتصادية لليورو
2-المرور بشكل مريح وانسيابي على أفضل ملاهي باوروبا وأفضل من ديزني باريس (للكبار) لكن للصغار ديزني أفضل.۔ وكلاهما رائع للجميع


الاقتراح الثاني :

الوصول جنيف كم يوم مع أنشطتها الجميلة وأجواءها الجديدة عليكم ثم الى انترلاكن ثلاث ساعات ونص تقريبا بالسيارة (البقاء فيها اسبوع طبعا) ثم منها الى غوشت(ساعتين ونص) والبقاء فيها ثلاثة ايام (يومين تكت للملاهي) ثم منها الى باريس 4ساعاتونصف تقريبا بالسيارة ثم في باريس ولندن تختمين وتوزعين الباقي على مزاجك

ميزة الاقتراح:

1-التعرف على مدينة مهمة بحجم جنيف (مدينتي الأولى اوروبيا) وماحولها كايفيان وآنسي وشامونيه وأسواقها وطبيعة أهلها
2- المرور بشكل انسيابي ومريح من الجنوب (جنيف) الى الشمال تدريجيا(لندن)

هذي مقترحاتي بعد تجارب عديدة لفيت فيها كل هذه المناطق بالسيارة والقطارات

طبعا أجواءها متقاربة في جولاي كل 4 ايام تقريبا ينتقل من مشمس الى غائم وممطر وهكذا .۔ ودرجات الحرارة ليست منخفضة جدا لكن في انترلاكن تحتاجون لملابس ثقيلة نسبيا خصوصا في بعض الأماكن والأنشطة ..(الأطفال يحتاجون ملابس خفيفة وثقيلة).۔ كل الأمور سهلة توكلوا على الله واحجزوا كوخ في محيط انترلاكن وليس فندق وشرطه يكون اسبوع كامل يبدأ من السبت وينتهي بالسبت .۔ رتبوا حجوزات الأكواخ من الآن أما الفنادق فلابأس لو تأخرتوا ..موفقين

هلا والله يا اختي الغاليهاشكرج جدا لانج قاعده تساعديني وتقريبا بديت افهم منج تسلسل المناطق

انا بجذي قررت اني اكنسل باريس واكنسل لندن لانها راح تحتاج فيزا بروحها

اللي رسيت عليه سويسرا واليوروب بارك


اللي ابيه منج تنظمين لي تسلسل المناطق

يعني ابي جنيف وانترلاكن وهل احط زيورخ بالحسبه او لوزين؟؟؟ وابي اليوروب بارك (غوشت)

وهل اختار محطه الوصول ميونخ او فرانكفورت ؟؟

وايهما افضل
هل يوجد بفرانكفورت اسواق ؟؟ مثل ميونخ ؟؟


انطر منج ترتيب رحله حلوه الله لايهينج

ويعطيج الف عافيه

وابيج تعطيني اماكن فيها ريف بسويسرا

اموت بالارياف والبحيرات والانهار وين تفضلين اسكن

ولا يهمك أختي الكريمة .۔ الليلة أو بكره نمخمخ عالموضوع انا وبقية الاخوة هنا .۔

على فكرة أنا اخوك : نوبة سياحية .۔

وييييييييييييييييي اسفه

وشكرا عالمجهووووووووود

انتظرك يا نوبه سياحيه
مو تنساني

تحياتي وأعتذر عن التأخير .۔ فرانكفورت من أجمل مدن ألمانيا (شوبينق وسياحة عائلية ومطاعم ونهر جميل ومتاحف وغيرها) فقط الاشكال في اسلوب اهلها الجاف (وكلنا يتذكر هايدي (الشخصية الكرتونية المحبوبة) عندما سافرت الى فرانكفورت وأتعبها اسلوبهم الجاف.. لكن هذا لا يدعو للقلق !فالمدينة تختلط فيها ناطحات السحاب مع المباني الكلاسيكية بشكل جميل .۔ واخترت فرانكفورت لأنها أقرب الى روشت (قرية يوروبا بارك) وعلى طريقكم الى انترلاكن وأجار السيارة منها أرخص بكثير من سويسرا ..والنهاية تكون بجنيف .۔

اما لوزيرن فأنا شخصيا تشدني هذه المدينة وفيها جدول يوم كامل يبدأ من الساعة 9 صباحا الى 9 المساء (التقارير أشبعتها تفصيلا) وأنصح بزيارتها ليوم كامل والعودة الى سكنكم بنفس اليوم من انترلاكن اذا كنتم لا تحبون كثرة تغيرات السكن

بامكانك مراجعة التقارير في البوابة الالمانية عن فرانكفورت .۔ وبخصوص الأرياف بسويسرا فلا أستطيع أن أحصر كل المعلومات باجابة واحدة لأن الأعضاء أفاضوا علينا بتقاريرهم عن أنواع الأرياف .۔ أتمنى أن تكون الخطوة الأولى قراءة التقارير والدخول بالتفاصيل وتحديد رغباتكم ثم العودة لمناقشة الاستفسارات ولكم تحياتي

اخوووووي نوبه سياحيه

انا ابي احجز اليوم التذاكر واذا ما رديت علي اليوم راح احجز باجر
المهم انا مستعجله لان الاسعار حلوه الحين والمقلعد محدوده


وليلحين ما ضبطتولي جدول وعدد الايام علشان اعرف متى احجز

انا ابي اروح فرانكفورت - يوروب بارك - انترلاكن - زيورخ او لوزين ومحتاره اي واحد اسكن فيهم وهل اخليهم بالحسبه او اكنسلهم هل يستاهلون السكن فيهم او اكتفي بزيارتهم ما اعرف والله
واخييييييييييرا جنيف


واذا اكو منطقه مقترحه تستحق السكن فيها قولي او اذا ابدل احد المناطق والله ماني عارفه

انا شفت وايد مواضيع وتقارير والله العظيم بس هم مو عارفه

ياريت تشوفون لي شنو المناسب وتسوون جدول لي

من بلد الوصول الى بلد المغادره وعدد الليالي بكل منطقه والمسافه بين كل منطقه ومنطقه بالسياره

والغابات السوداء من وين اروح لها وهل يسكنون فيها والا بس يزورونها ؟؟؟؟؟

ومن وين ااجر السياره ووين اسلها ؟؟؟

هل استخدم الاندرقراوند في بعض المناطق والا لا ؟؟ مثلا جنيف

وشكرا