الموضوع: استفسار عن الخطوط الجوية الكويتية ومطار نيويورك

السلام عليكم جميعا يعطيكم العافيه أدري وايد استفساراتي وكل جم يوم أستفسر عن شغله بس هم أدري ما تقصرون وياي ولا ويا أحد من المسافرين وهذا العشم فيكم يا أعضاء ومشرفين بوابة الولايات المتحدة الأمريكية استفساري عن الخطوط الجوية الكويتيه اللي عنده خبره فيها رحلتها لنيويورك مطار JFK حبيت أعرف في أي تيرمنل تهبط ومن أي تيرمنل تقلع علما بأن الرحله المتوجه من الكويت ترانيزتها بلندن واللي راجعه من نيويورك ترانيتها هم لندن وحبيت أستفسر عن مطار نيويورك هم عن التيرمنل انا اللي اعرفه فيها وايد ترمينلات فحبيت اعرف اشلون طريقة التنقل من تيرمنل للثاني ولو تحطون لي خرايطه أو ما شابه ذالك وشكرا وادري ازعجتكم بكثرة الكلام اخوكم the-wise-man :8888:

مواضيع عشوائيه ممكن تكون تعجبك اخترناها لك:

• انواع الصدمات
• بخصوص مطار اورلاندو هل هو دولي ام داخلي ؟
• قدمت للفيزا واليكم ماحصل
• بليييييز ساعدوني ابي مسااعدتكم بسافر ومو عارفه شسوي بوسطن
• كيف احصل على تذاكر رخيصه مهم جدا وعاجل
• اليوم كانت مقابلتي في السفاره الامريكيه ولاكن😂؟؟ابي حل
• النموذج جنني
• الرجاء الاجابه على استفساراتي بالنسبة لوزن الشنط و الاغراض المسموحه بها
• سؤال الا خبراء لوس انجلس
• القسم المناسب من ؟
• مشكلة مع حجز الفنادق
• كم الميزانية المتوقعة لشهر عسل 21 يوم في امريكا
• مسااااعده بالسكن اورلاندو
• نصيحة أخوية طلب خدمة حج وقضيان حاجة
• فتح غلاف اريد الحل
• امباكت وبنت الصقور وبقية الاعضاء ساعدوني محتار بين هالمدينتين
• ماسك خط ممكن تتفضل
• الفيزا العلاجية لامريكا
• ياخـبراء أمريكـا هل خطاب العمل هذا ينفع أقدمه للسفارة الأمريكية من اجل الفيزا ؟ ؟
• مساعدة عاجلة

بالنسبة للخطوط الكويتيه تهبط في ترمنال ٤ .. و نفس الشي الاقلاع ..

انا التنقل بين الصالات في مطار كيندي عن طريق القطار Air train القطار مجاني وتقدر تدخل فيه العربه الي موجود فيها الشنط..

احب اوضح لك في كل صاله جهتين للقطار واحد يدور على عقارب الساعه و الثاني عكس .. في اغلب الاوقات يكون في موظف اساله لو ما عرفت افضل طريق لك.. لانه هو موجود علشان يساعد المسافرين.

صورة لخريطة المطار مع القطار ..



القطار الازرق والاخضر عكس عقارب الساعه .. القطار الاسود مع عقارب الساعه..

لو تعرف الخطوط الي بتواصل منها بيكون اسهل اشوف الصاله الي بتكمل فيها رحلتك ..

ولمعلومات اكثر عن القطار عن طريق موقع المطار : اختر اللغه المناسبة علشان يفتح لك البرشوررر.

http://www.panynj.gov/airtrain/


واي استفسار تحت امرك.

ما قصرت حبيبي طول عمرك ذخر انا كنت احاتي الرده للكويت اكثر من الروحه لانه الرده راح تكون على طيران الدلتا الداخلي من سان فرانسيسكو على التيرمنل 3 راح اوصل المطار الساعه 6.15 مساء وطيارتي للكويت راح تكون الساعه 9.45 كنت بشوف الوقت يكفي علشان اخلص الاحراءات والا لأ وبالنسبه للشناط راح انا اخذهم واوديهم كاونتر الوكيتية صح لاني انا حاجز التذاكر مو مع بعض ؟ وكنت بستفسر عن شغله بعد الحين اذا بروح من نيويورك الى اورلاندو فرضا نقول انه رحلتي على التيرمنل 3 اقول للتاكسي اللي راح يوديني من الفندق للمطار انه رقم التيرمنل والمطار والا اشلون ؟

المشاركة الأصلية كتبت بواسطة the-wise-man
http://www.arabtravelersforum.com/tr...2/#post2874012

ما قصرت حبيبي طول عمرك ذخر انا كنت احاتي الرده للكويت اكثر من الروحه لانه الرده راح تكون على طيران الدلتا الداخلي من سان فرانسيسكو على التيرمنل 3 راح اوصل المطار الساعه 6.15 مساء وطيارتي للكويت راح تكون الساعه 9.45 كنت بشوف الوقت يكفي علشان اخلص الاحراءات والا لأ وبالنسبه للشناط راح انا اخذهم واوديهم كاونتر الوكيتية صح لاني انا حاجز التذاكر مو مع بعض ؟ وكنت بستفسر عن شغله بعد الحين اذا بروح من نيويورك الى اورلاندو فرضا نقول انه رحلتي على التيرمنل 3 اقول للتاكسي اللي راح يوديني من الفندق للمطار انه رقم التيرمنل والمطار والا اشلون ؟



لا تحاتي ولا شي وان شاء الله تتسهل الامور .. لمن توصل من رحله داخليه ما في اي تعقيد ابد تاخذ الشنط و تروح للقطار و تركب الاخضر او الارزق و تنزل في الترمنال رقم ٤ و منها تلاقي الكاونتر حق الخطوط الكويتيه وتعطيهم الشنط. و بعدها ادخل على طول للبوابات لان في زحمه في طابور التفتيش عاده وبيكون اكثر في الصيف. لان ترمنال اربعه فيه خطوط كثيره تنزل عليه.

كلامك صح بالنسبة للشنط انت الي راح تاخذهم و تعطيهم الخطوط الكويتيه.

بالنسبة للتاكسي تقوله المطار و مع رقم الرترمنال وهو بينزلك قدامها.

الشناط تحطها من ساتفرانسيسكوا ما يحتاج تاخذها في مطار نيويورك عطهم تذكرتك الدولية هناك وقلهم ابغاها في الكويت !!

وبكذا ترتاح من شيل الشناط معاك !!

لما توصل مطار جون كندي روح غير البوردنق باس حقك وقلهم يشيكولك انه معك شناط وانها وصلت من سانفرانسيسكوا وحطوها في الكويتية !!

الوقت جداً كافي تسوق في المطار وخذلك وجبة وسافر بالسلامة ان شاء الله

والله ما ادري شنو اقولكم انتو الاثنين يا Impact و fms ودون تقصير بباجي الأعضاء الصراحه لولا تفاعلكم معاي والاجابه عن استفساراتي وأسألتي اللي ما تخلص جان ما قدرت أسوي شئ بروحي مشكووووورين وما تقصرون والله يعطيكم ألف عافيه وأشوفكم إلى الأمام دائما يارب مع تحياتي اخوكم the-wise-man

امباك في خطوط ترفض انهم يحولون شنطك لو التذكره مو مشتركة.. اذكر اهلي قبل سنتين كانوا في كاليفورينا و كان عندهم رحله مواصله في مطار كيندي و الخطوط us airways قالوا لا استلموا الشنط وانتم ودوها الى الخطوط الي بتكملون عليها.

اتوقع تختلف من خطوط لثانية .. او اذا في شراكه "بارتنرنز" بين الخطوط الي بتسافر فيها..

المشاركة الأصلية كتبت بواسطة fms
http://www.arabtravelersforum.com/tr...7/#post2874187

امباك في خطوط ترفض انهم يحولون شنطك لو التذكره مو مشتركة.. اذكر اهلي قبل سنتين كانوا في كاليفورينا و كان عندهم رحله مواصله في مطار كيندي و الخطوط us airways قالوا لا استلموا الشنط وانتم ودوها الى الخطوط الي بتكملون عليها.

اتوقع تختلف من خطوط لثانية .. او اذا في شراكه "بارتنرنز" بين الخطوط الي بتسافر فيها..



كلامك صحيح !!

لاكن ما ادري دورت لاكن ما لقيت ان الكويتية codeshare مع الــ Delta Airline


على العموم لا تشيل هم the-wise-man بتتسهل ان شاء الله معاك في المطارات !!

بالتوفيق

انا كنت بقول نفس الكلام الي قاله امباكت, في مثل شركه كبيره ومتحدين فيها شركات الطيران نفس شركه الكي ال ام والنورث ويست, عموما حتى لو استلمت جنطتك في مطار جون ف كينيدي, ان شاء الله تساهيل وبيكون في وقت حتى تتسوق وتاكل لك شي... الله يسهل عليك وعلينا يارب

مشكووووورين وايد ويعطيكم العافيه مو مشكله الجناط عادي يا معود ناخذهم احنه ونوديهم انا كنت احاتي الوقت يكفي والا لأ وان شاء الله على قولتكم تتسهل الأمور انا لازم أسأل هالأسئله علشان يكون عندي كل شئ جدام اعيوني تقريبا لا انصدم لمه اروح اهناك وانا بروحي أول مره اروح وانجليزيتي مو قويه وايد فلازم أفهم اشلون الوضع صاير واشلون مخطط المطار ومن هالأسئله اللي عورت راسكم فيها ان شاء الله ما تكونون متضايقين مني ومشكورين مره ثانيه

صحيح اني ماقدرت افيدك بشي بس حاضرين واي سؤال لا تتردد وتقوله ان شاء الله ماراح نقصر معاك والله يوفقك ويوفق الجميع يارب

لم تروح مطار سان فرانسيسكو قول لموضف الجوازات all the way to Kuwait و ان شالله تستلم جناطك بالكويت
و راوه تذكرتك الدوليه يمكن يصير

الكويت ديرتي ان شاء الله انا بشوق شنو الوضع بأسل الموظف اللي على الكاونتر واشوف اشلون الطريقه اذا يصير علطول تروح الكويت بعد زين وفكه واذا ما يصير أمري لله أروح أخذهم وادخلهم على كاونتر الكويتيه ومشكورين على النصائح والخدمات اللي قاعدين تقدمونها لي