الموضوع: اي استفسار عن الدراسة في ؟؟ أنا حاضر

أنا الأن لي أكثر من شهر فيها والحمد لله الوضع جدا تمام


وهاذي اسئلة مستعارة من موضوع سابق لي في المنتدى خاصة بـ Margate


وأي سؤال أناحاضر باللي أقدر عليه

---------------------------------------------------------------------------------------
=======================================
---------------------------------------------------------------------------------------


1- المدينة :

Margate

طقسها :

متقلب كعادة الجو في بريطانيا لكن في الأغلب جيد

مستوى المدينة:

تعتبر أكبر القرى أللي حواليها ( Braodstairs , Ramsgate , Westwood )

طبيعتها :

ساحلية وعلى البحر

البيئة الاجتماعية :



عدد العوائل السعودية في المدينة :

لايوجد عوائل سعودية

عدد الافراد السعوديين في المدينة :

تقريبا مايتعدون الـ 25 شخص

الأمان :

أمان جدا (( لاتطلع آخر الليل وتقول ماهي أمان ))

الغلاء :

بريطانيا كلها غالية لكنها أرخص من لندن بواجد

الترفية :

فيها حديقة كبيييرة ( Dane park )
فيها صالة بولينغ
الشاطئ دائما تقام عليه مهرجانات
فيها نادي رياضي تستطيع التسجيل فيه
فيها مركز تسوق ( West Wood Cross ) وفيه أي شي تبغونه من ملابس ومواد غذائية وكل شي
فيها سينما ( في مركز التسوق )

موقعها :

في الجنوب الشرقي لبريطانيا

قربها من لندن :

ساعة و 45 دقيقة بالقطار

اقرب مدينة لها :

كانتبري

عدد سكانها تقريبا :

75000 نسمة

تركيبة السكان :

فيها هنود ولكن الأغلب بريطانيين

طبيعة السكان :

عوائل ويكثر الشيبان

ملاحظات آخرى :




2- المعهد :

مستوى التدريس فيه :

عموما رائع ولكن يبقى تفرق من مدرس لمدرس

نسبةالطلاب العرب في المعهد :

فيه تقريبا 13 طالب عربي (( من فوق الـ 120 طالب ))

نسبةالطلاب الاجانب في المعهد :

الأغلبية (( فرنسيين واسبان بالدرجة الأولى وبعدين الإيطاليين والألمان والروس ))
وفيه أقليات طبعا من اليابان وكوريا (( مايتعدون الخمسة تقريبا ))

ملائمة الموقع :

أنا أرى إنه ممتاااز

مرونة و سهولة ادارته:

الإدارة زي العسل وصايرة زي الصداقة مابين الطلاب والإدارة

مستوى المدرسين :

برضوا عموما جيد ولكن يعود للمدرس أللي عندك

ملاحظات آخرى :

الصراحه المعهد ممتاز للناس أللي تحب تعاشر البشر من كل العالم
لكن إذا صرت تبي تجلس لحالك ولاتكلم أحد يبي يصير شيييييين
وفيه نادي بالمعهد يفتح ثلاث أيام بالأسبوع بالليل والطلاب كلهم يجون
ويفلونها يعني بالعربي يبي واحد مايستحي (( بمعناها الجيد ))


3-السكن :

نوع السكن :

أنا عند عائلة ولكن المعهد يوفر إذا تبي لحالك او مع عائلة أو لحالك أو بهوتيل
(( في سكن خاص بالمعهد ولكن تصير أنت المسئول عن أكلك وشربك وغسيل الملابس ))

مواضيع عشوائيه ممكن تكون تعجبك اخترناها لك:

• اسمي غلط بالاستمارة وش الدبرة ؟؟؟
• بدي مساعدة يا إخوان
• الدراسة لمقصد اللغة شهور كندا ام نيوزيلندا ؟؟
• الجواز الأمريكاني
• طالبة ماستر من العلوم الطبيه يا ليت تساعدوني
• أستفسار لاهنتوا
• يااهل بريطانيا وكندا وامريكا وايرلند واللي يدرس ماستر مختبرات
• ماهي افضل جامعة لدراسة العلوم السياسية؟
• ممكن نصيحة شو افضل اخذ التوفل من امريكا او من الامارات ؟
• استشاره ارجوا المساعده شكرا
• معدلي مقبول في البكالوريس وابي قبول في الماستر
• شرايكم في سكن الجامعات ؟ وخاصه جامعة درم
• مساعدة اخوكم في الله جزاكم الف خير
• طالبتكم الله يخليكم انا بورطه
• الفيزا بلها واشرب مويتها اذا كنت غير مطابق للشروط
• كورس لمدة اسبوع في هيوستن
• استفسار
• طار قرار الابتعاث
• والله دخنا مع هالمعاهد
• مدرسه ثانويه؟؟بريستول

الله يعطيك العافية أخوي ......وييوفقك إن شاء الله ........

بالنسبة للمدينة ......كم نسبة العرب فيها ..........وهل نسبتهم عالية زي بورنموث ............

ملاحظة .....مطعم كنتاكي ماهي حلال ....حسب موقع كنتاكي .....فقط عدد محدود من الفروع في لندن هو الحلال وباقي الفروع ماهي حلال ........

http://www.kfc.co.uk/about-kfc/halal/

تحياتي ........

أخوي سلمان حيّاك الله

بخصوص نسبة العرب منخفضة
يعني تقدر تتجنبهم بالراحه (( مو تسحب عليهم يعني ))

يعني أنا مثلا أعرف السعوديين كلهم أللي في المعهد
لكن القروب أللي أنا دايما معاهـ كل واحد من دولة (( التشيك و المانيا و إيطاليا وثلاثة من اسبانيا ))

من ناحية معاهد كانتبري ما أدري والله (( كانتبري 30 دقيقة بالقطار أو أقل ))

ومن ناحية الـ 30 ألف ريال (( أنت كم ناوي تجلس هناك ؟؟ ))

ومن ناحية أسعار المعهد من رأيي إنها حلوهـ ,,

هلا والله اخوي وشكرا على تجاوبك
30 الف لمدة 10 اسابيع
هل يوجد معاهد اخرى في margate

تسلم اخوي على طرح هذا الموضوع الجميل
وكم هو رائع المبادرة في مساعدة الآخرين

شكرا جزيلا مرة أخرى

أخي أبو سيكل
كانتربي
مدينة كئييييبة ومملة بجميع المقاييس
ولا تقارن مطلقا بمارقيت

أخوي أبو سيكل

من ناحية 30 ألف لـ 10 أسابيع كافيه جدا جدا

ولايوجد معاهد أخرى في Margate == لكن فيه في القرى أللي جنبها معاهد بس ماأدري عنها الصراحه

أخوي ناعوس

مشكور على الرد
ومن ناحية كانتبري أنا أشوف لإنه أغلب المدن البريطانية كئيبة لكن الواحد يشوف المعهد الأول وبعدين المدينة ثانيا

الغالي smsh1408
مشكور على الموضوع
لو تسمح لي الوصول للمدينه يتم عن طريق اي مطار
وبالنسبه لموقع المعهد هل هو في منطقه يكثر فيها المطاعم والاسواق او منطقه معزوله كيف تصف موقع العهد
لان توضيحك لموقعه مختصر جدا .
مع الشكر .

شكراً لكـ، على المعلومات

هل المعهد يقوم برحلات سياحية إلى لندن أو غيرها من المناطق ؟

هل لديك صور للمعهد أو للمنطقة المحيطة به ؟

[font="Arial Black"][size="4"][color="Blue"]شكراً لك اخوى
بصراحه اشكرك على مبادرتك الطيبه فى مساعده الناس:x1:
وزين انك نبهتنى على الموضوع لانى ما شفته

مايهمنى كم عدد الطلبه العرب فى المستوى الاول المنترى
العايله اللى عندها بريطانيه ولا جنسيه اخرى
كم تكلفه المعهد الشهريه مع سكن العائله بالجنيه الاسترلينى (باوند)


اذا فى اسئله اخرى بضيفها

أخوي صوت الغربة

من ناحية الرحلات المعهد ينظم رحلات أسبوعية إلى كانتربري كل جمعة
وكل سبت فيه رحلة وكل أسبوع تقريبا مدينة (( لندن , كامبريدج , دوفر , أشفورد , اكسفورد , ليدز ))

من ناحية الصور ماعندي ألحين لكن أبشر باللي يحط صور هنا للمعهد

شاكر لك تجاوبك اخوى
لكن سئلتك كم عدد الطلبه العرب فى المستوى الاول المنترى ؟؟
وانت حاليا اى مستوى وكم عدد الطلبه العرب معاك ؟؟
وشنو عيوب العمدينه او المعهد او اى شي تشوفه مو زين من وجهه نظرك
ومن الاخر هل تنصح بالمدينه ولا لا ؟؟

smsh1408
مشكور على الرد والتجاوب، ماقصرت ابدا

هلا واضح ان المعهد والمدنية ممتازه كانت لي تجربه العام في برايتون
وبعد رمضان ان شاء الله ابي اطور مهارة القرامر للاسف ضعيفه جدا عندي لمدة 5 اسابيع فقط هل المعهد يركز على المهارات وفيه حصص خاصه لها
يهمني العايله قبل المعهد وقبل المدينة لو تعرف عايله كويسه ومتعاونه اكون شاكر لك وودي تفصل اكثر في سكن المعهد من ناحية تجمع الطلاب الامن قربه من المعهد قربه للشاطئ
شكرا لك

المشاركة الأصلية كتبت بواسطة smsh1408
http://www.arabtravelersforum.com/tr...9/#post3249379

أخوي صوت الغربة

من ناحية الرحلات المعهد ينظم رحلات أسبوعية إلى كانتربري كل جمعة
وكل سبت فيه

من ناحية الصور ماعندي ألحين لكن أبشر باللي يحط صور هنا للمعهد



مشكور يا الغالي

نتمنى لو تشرح أكثر عن هذه الرحلات وطريقة تنظيمها من قبل المعهد وتكلفتها وهل يستطيع أي طالب أن ينظم للرحلة

ويعطيك العافية

الرحلات ياطويل العمر

يحطون ورقة مكتوب فيها كل شي على مكتب الإستقبال في ( المكان والموعد والتكلفة )
وإذا تبي تروح تكتب اسمك وتدفع رسوم الرحلة

طبعا الرسوم تختلف على حسب المدينة وطريقة الذهاب لكن على العموم
ماتتعدى العشرين باوند ..

وإذا صارت الرحلة بالقطار أفضل لو تلقا لك ثلاثة من أصحابك وتصيرون مجموعة من أربع أشخاص
وتصير التذكرة نص السعر على طول


يعني عموما الإجراءات سهلة والأسعار في متناول الجميع وأعتبرها أنا رخيصة يعني ..



سلام ..

مشكور وما قصرت
أنا والله تحمست بس ودي أسألك
أنا بأروح ثلاث أسابيع سياحه ودراسه فهي تصلح كذا ولا زهق, انا من النوع الي ما يحب لندن وطقتها!
وش رايك أسكن في الرزدنت ولا في مع عائله أنا أحس الرزدنت أحلى وتاخذ راحتك أكثر
ولاحظت سعر الرزدنت دبل العائله.

إذا كنت تبي تجي ثلاث أسابيع مابين عطله و دراسة فهي ممتازة لك

ومن ناحية السكن العائلة أفضل لأنك جاي تتمشّى ماتشيل هم أكل وغسيل ومدري إيش

وأي وقت تبي تطلع قول لهم بس اليوم ماني متعشّي معاكم وخلاص سهله يعني

سلام

يعطيك الف عافيه اخوي ع الجهود ..
في ميزان حسناتك بإذن الله ..

ان شاءالله انا باخذ كورس شهرين ببريطانيا ..
عندي أسأله كثيره بعد أذنك ..

ماأدري اروح لأي منطقه امنه ووسيعه صدر ..
مع العلم اني بنت وبروح بروحي ولسى ثانويه ومحجبه
وابي اسكن مع عائله عجوز وعجوزه بس ابي يكون البيت مريح ونظيف ..
وين اقدر القى عائله بهالمواصفات :d

انا لغتي الانجليزيه ضعيفه جداً من ناحيه الكتابه والقرمر
معهدك كم يكلف لمده 8 اسابيع ..!
والمده تكفي اني اتعلم ..؟

دخلت ع معهد بالنت مدري هو كويس ولالا ؟
اسمه ..
London emoire academy
الي جرب ذا المعهد ياليت يفيدني ووين موقعه بالضبط ..!


وكم تكلف دراستي هناك كـ كلك سكن +معهد +معيشه ..

من ناحية المناطق خليكي في الجنوب الشرقي هو الأفضل ببريطانيا

ولكن أي ديرهـ أنا ماأدري لكن الديرهـ أللي انا فيها عاجبتني أي سؤال عنها أنا حاضر ..

وبعدين نصيحه أختي لا تجين لحالك وخصوصا بعد الثانوي واللغة عندك ضعيفة طوري لغتك وبعدين تعالي

علشان تصيري بالمستويات العليا أحسن لك



انتظر ردّك ...

هلا ياغالي اولا اشكرك على الموضوع وانشاءلله يكون في ميزان حسناتك

حبيت اعرف لو بروح اخذ لغة في نفس المعهد الي درست فيه
ابي ادخل كورس في تطوير القواعد و المحادثة لمده شهر و اسبوع
والسكن مع العائلة

كم تقريبا بيكلفني ( السكن + المعهد + المصروف حق شهر و اسبوع )
يعني باختصار كل شي كم يكلفني تقريبا

ياحبيبي تختلف على حسب الكورس أللي تبي تأخذهـ

أبا أحسبها زين الكورس أللي أنا أخذهـ ( general course ) يعني تدرس تقريبا من 9 ونص الصباح إلى الساعه 1

الكورس والعائلة لمدّة أسبوع ... 110 للعايلة + 170 للكورس = المجموع 280 باوند بالأسبوع

ألحين لمدّة خمس أسابيع ... 280 باوند * 5 أسابيع = 1400 باوند شامل دراسة وسكن

ويبيلك تذكرة باص أسبوعيا ... تأخذها مخفّضه من المعهد بـ 6 باوند (( الأصل بـ 10 باوند ))

يعني صار 1435 باوند

والمصروف يختلف من شخص لشخص لكن أنا أصرف مابين الـ 90 باوند والـ 130 باوند يعني تفرق إذا فيه روحه خفيفه
مشتروات على خفيف ..

فيه بعض الشباب يصرفون 200 باوند أسبوعيا لكن أنا حسبتها لك على صرفيتي أنا .

يعني ألحين 1435 باوند + ( 110 باوند كمعدل * 5 أسابيع ) = 1985 باوند

هاذي الحسبه بسيييطه جدا ولكن الواحد لازم يترك شي للطوارئ ..

... وأي شي ثاني انا حاضر ..

^
^
مشكوور على جهدك ومساعدتك للاخوآن

بس مصاريف الرحلة كم تطلع بالريال السعودي ادا تكرمت !!

شكرا أخوي
أرجوا ان تعطيني اسم القرى الدي بجانب المدينة هده

اولا كل الشكر لك لكرمك في عرض تجربتك ونصائحك للغير

ثانيا اود معرفة أي المناطق افضل لدراسة اللغه لفترة ستة اشهر وقد تزيد؟ لانه حسب ماتفضلت ذكرت بأن Margate ممله في حال المكثوف فيها اكثر من ثلاثة اشهر. (بإختصار اود منطقه أنيسه لا اشعر فيها بالملل و الرتابه)

اتمنى معرفة ماهو الطعام المقدم من قبل العائله كالفطور والعشاء والغداء ومامدى النظافة . . بإختصار هل الطعام يستساغ؟

هل يوجد انترنت في حال السكن عند عائله ؟ وحمام خاص؟ واذا كان بالامكان إرفاق صوره (كنموذج) للغرفه سواء الخاصه بك او غيرها او من قبل احد الاعضاء الكرام ممن كانت لهم تجربه في السكن مع عائله

وجزاك الله خير الجزاء ولكل من مر من هنا

اخي الغالي حفظك الله من كل مكروه

عز الله انك كفيت ووفيت بكل التفاصيل اللي ذكرت

بس تسمح لي بك سؤال بارك الله فيك ( الله يعينك علينا )

- كم مدة دراستك انت في المعهد ؟

- كم يوم الدراسة بالاسبوع

- اليوم كم فيه محاضرة

- هل تكفيني اربعة لو خمسة اسابيع لدراسة اللغة لانني لا استطيع اكثر من هذه المدة نظرا لارتباطي باعمال

علما بان عندي مخزون نوعا ما طيب من الكلمات ايضا عندي الرغبة بالتعلم لانني احتاجها وامارسها بعملي الخاص

وشكرا لك

شكرا لمعلوماتك ......

السلام عليكم شكرا جزيلا لك استفدت من المعلومات هذي كثير بارك الله فيك ..

بس حبيت اسأل هل فيها جامعة طب اسنان تدرس الباكلريوس .!!

وكم تكاليفها يا الطيب ..

وشكرا لك