الموضوع: جوازي فيه الفيزا الامريكية وتم تخريمه لااصدار الجديد

السلام عليكم


مساء الخير جميعا




حابه استفسر انا خذت الفيزا لمدة 5 سنوات ولله الحمد وسفري باقي عليه 18 يوم بس ولما شيكت جوازي لقيت بافي فيه 5 شهور وينتهي ورحت اجدده وللاسف الموظف مو فاهم:112: خذ الجواز وخرمه خرم واحد من النص ومن ضمن الورق ورقة الفيزا وطبعا تعتبر لاغيه او متلفه زي ماسمعت وش اسوي ابي احد مجرب ومتاكد اقدر ادخل وامر فيه في الاميفريشن ولا لازم ارجع لسفاره وهل فيه وسيله اتصال للقنصليه الامريكية في الظهران عشان اعرف وش اقولهم وشلون اوصلهم موضوعي بايميل او تلفون :112:

من جد نفسيتي مره تعبت اخر هالتعب والمقابله والفلوس والدفع راحت بلوشي:112:

مواضيع عشوائيه ممكن تكون تعجبك اخترناها لك:

• فيزا السياحة عاجل افيدونا بارك الله فيكم
• السفارة الأمريكية تلغي الرسوم الأضافية
• امريكـــــــــــا اااااا
• سؤال فني؟ كم مدة الفترة ما بين اصدار الفيزا والسفر الي أمريكا
• إجراءات استخراج الفيزا الأمريكية في الإمارات أبوظبي
• نداء للخبراء
• الأطفال هل نصطحبهم معانا؟؟
• افضل جامعات امريكا لدراسة الماجستير في
• اي سؤال عن سان انطونيو تفضلوا ياشباب لحد يستحي
• استفسار عن مكان سياحي في سان فرانسسكو
• بااااااااااااااااااااااااااااااااااااركولي
• مطارات واشنطن
• أريد أن أسأل هل هناك موقع للمصريين في أمريكا؟
• استفسار عن الخطوط الجوية الكويتية ومطار نيويورك
• يا اهل نيو يورك من هاتن ارجو الفاده
• احذروا من بطاطس ماكدونالدز
• انا مسافر يوم السبت القادم على السعودية الى نيويورك مين معاي بالرحلة؟
• البحث عن الاخ
• خطوات استخراج الفيزا الامريكية سياحة؟
• عاجل حجز الطيران الداخلي لاورلاند والفندق والسيارة

اللي اعرفة اختي ان حقين الجوازات مايخرمون الا الصفحة الاولى فقط واللي فيها الاسم والصورة وبدون مايخرمون الصفحات اللي بالنص, وعادة قبل الجواز القديم اللي فيه الفيزا اذا كان مرفق معه الجواز الجديد لكن كون انه خرم الصفحة اللي فيها التأشيرة فيبدولي انها تعتبر لاغية,بس حاولي تكلمين على السفارة الامريكية في الرياض وتستفسرين منهم احسن ,يمكن يخلونك تجين تطلعين الفيزا بدون موعد وبأي وقت
والله يكتب لك اللي فيه الخير

للأسف اختي كذا تعتبر فيزتك لاغيه .. والله يسامح موظف الجوازات اللي خرم كل الجواز .. يفترض انه حتى تخريم الصفحة الاولى ما يسويها لان الان فيه ختم يختم على ثاني صفحة في الجواز بختم ( لاغي )

عموما الحين صار اللي صار ... انا اقترح عليك ترسلين ايميل للسفارة وتشرحين حالتك .. وفي نفس الوقت تقدمين على موعد طوارىْ .. واحتياطا لو ما تعاونت معك السفارة او ما ردو عليك .. حاولي تشيكين كل شوي على المواعيد لانه اعتقد انك بتحصلين موعد بدري مع كثرة التشيك على الموقع ..

وبالتوفيق ان شاء الله

عفوا هذا ايميل السفارة للاستفسارات :

mailto:[email protected]

والله ماتتصورن الوالد تنرفز وعصب ونادى الضابط وقال هذا النظام حسبي الله عليهم انا ماصدقت اخلص منهم ومن المقابله وربي انقطع قلبي يوم شفت الخرم يعني اي شيء يقدرون يسوونه بس يخرمون ليش مادري الله لايحلله من جد بيرجعني من الصفر احتاج رقم القنصليه في الظهران
ماقصرتوا الله يعطيكم الف عافيه

اختي ارجوك لا تقولين الله لا يحلله .. مهما كان ما توصل لهدرجه

السفارة والقنصليات التابعه لها ما تستقبل الاستفسارات عن طريق التلفون ( حسب ماهو مذكور على موقعهم في النت )

عشان كذا ارسلي ايميل لهم عاجل واشرحي لهم الوضع ..

انتي الله يهديك يفترض انك مجدده الجواز قبل ما تطلعين الفيزا .. على الاقل تفتكين من شيلة الجوازين وانتي مسافره لامريكا ..

يالتوفيق

والله انا ماعمري دعيت على احد بس من اللي احس فيه
يعني رتبت كل اموري ماصدقت كل هالازمه اللي انا فيها تخلص وتذاكري بيدي

ضابط ارعن احمق لايقرى و لايكتب يولونه امور الناس ويحاج ابوي ويقوله هذا النظام وهذا الصح وكل الجوازات تتخرم زين ماشق جوازي وجاب العيد فيني مره وحده

تعرف العذاب في قنصلية الظهران والزحمه والموظفين وبطء الإجراء والتعب كله والرسوم والبنك الامريكي والابلكيشن
تدري اني ماقدر ادخل مع البوابه الا بمليون استفسار وسوؤال وموعد ومافيه مواعد ولازم اشتري معرف جديد وادفع بالفيزا من جديد
تتخيل تصرف احمق وين يودينا وياليته اجراء قانوني لا والله اجراء ثوري على مخ العسكر اللي في هالبلد

مادام التأشيرة تم تخريمها فتعتبر ملغية ولازم تقديم جديد للتأشيرة هذا الشيء سألت عنة بأيميل قبل شهرين تقريبا وردو علي بهالكلام .







المشاركة الأصلية كتبت بواسطة طير
http://www.arabtravelersforum.com/tr...5/#post2741533

حسب رد السفارة على سؤال سابق لي لهم بالايميل الوضع عادي طبعا تاخذ الجواز القديم الي فية الفيزا مع الجواز الجديد بس لازم تتأكد ان مايكون موظف الجوازات السعودية عند تخريمه للجواز القديم خرمو معها الورقة الي مطبوع عليها التأشيرة الامريكية واذا خرموها راح تعتبر ملغية والله يعينك يبيلك التقديم على تأشيرة جديدة .

Dear Sir,


Thank you for your email. You will need to travel to the U.S. using your old passport with the valid visa and your new passport. Please ensure that the Saudi Jawazat does not invalidate your visa by putting a hole in it when canceling your old passport.


Sincerely,


Consular Section

Embassy of the United States of America

Riyadh, Saudi Arabia

الحمدلله سهلة ان شاء الله ( وعسى ان تكرهو شيء وهو خيرأ لكم )