سلام عليكم ورحمة الله وبركاته
كان موعدي بيوم 28-04-09 الساعه تسع الصباح فقلت يا بو خلوفي دق على الخطوط السعوديه شوفلك حجز واطلع قبلها بيوم وامرح بالرياض والى منك خلصت مقابلتك وتيسرت امورك ارجع دقيت على الخطوط السعوديه ادور حجز اللي على الهاتف المجاني يقولي مافيه انسى قلت طيب انتظار قالي ولا انتظار قلت وش الدبره ادق على طيران سما فقالي اخوي انتبه تروح معهم روح على سيارتك ازين قلت اجل شورك وهداية الله بس تراني ابي خوي ان كانك تبي تروح معي رحت بالسياره قالي ماعندك مشكله اروح معك طبعا مشيت يوم 27-04 كان يوافق يوم اثنين الساعه خمس المغرب كان الجو زين ولا فيه لا عج ولا غبار بس مسكت طريق الرياض ويجينا عجاج قلت لخوي رايحين رايحين الله لا يعوق بشر وصلت للرياض الساعه 10 بالليل وسكنت ونمت نومه طيبه وانا اقوم الساعه 7 الصبح وابدل وخذتلي كوفي وقعدت اسولف مع اخوي واخوي يقولي اهم شي لا تعصب ولا تكشر وجهك هناك انتبه خلك وسيع بال قلت خير انشالله
وصلت السفاره الامريكيه الساعه 8:05 وانا امسك سرى موعدي الساعه 9 اشوف العالم لما يوصلون عند البوابه يروحون ثم رجعون بعد عشر دقايق ولا ادري وين يروحون وشفيهم ناقصه اوراقهم والا شسالفه لما جا دوري عرفت وين يروحون العالم قالتلي صورك ماهي واضحه يبيلك تروح تصور قلت وين طبعا قالتلي ساحة الكندي قلت يا عيني وتتكلمين عربي بعد المهم رحت ورجعت ولما رجعت نصيتها على طول قلت شوفي الصور قالت مو لازم روح داخل على طول قلت طيب وانا استناهم يفتحون لي الباب فتحو الباب وسولي تفتيش خفيف وعقبه دخلت داخل ورحت عند باب مكتوب عليه القنصليه دخلت معه ولقيت تفتيش فتشوني واان آخذ رقم واستنى دوري وشافو اوراقي طبعا اوراقي كانت تتكون من
1- تعريفين من العمل بالانجليزي تاريخ تعيينك بالشركه والثاني عن الراتب .
2- وصل تسديد رسوم الفيزا من البنك الامريكي.
3- عبيت الفورمات d-156 , d157 , d158
4-الصور طبعا صورتين .
5- الجواز القديم والجديد .
6- أخذت معاي من باب الاحتياط صوره من العمليات البنكيه لحسابي الخاص لأخر 3 اشهر مختومه .
نرجع للسالفه طبعا خلصت والحمدلله عديت وكانت اوراقي سليمه واللي كانت تراجع اوراقي اخت لبنانيه كانت مبتسمه مع انها كان عليها ضغط من كثرة المراجعين طبعا خلصت منها على الساعه 10:30 قالت لي انتظر الحين راح ينادونك للتبصيم استنيت واستنيت الى الساعه 10:30 طلع رقمي ورحت لشباك 6 فلما وصلت لقيت اخ سوداني كان يتحدث الانجليزيه ومتمسك بها الى ان توقعت انها لغته الأم فخلصنا من عنده وانتظرت وانتظرت وانتظرت واذن الظهر وانا اتوضى واصلي وآخذلي كافي بعد الصلاة وخلص الكافي وآخذ كافي ثاني وانتظر وانتظر الى الساعه 1:30 الظهر فطلع رقمي وقلت وأخيرا جاك الفرج رحت للشباك رقم 8 فلقيت اخت امريكيه وكانت بشوشه وسألتني وكل اسألتها بسيطه وبالاخير قالتلي مبروووووووك اهلا وسهلا بك في امريكا واروح يم شباك فديكس وادفع 125 ريال واقوله ابغى اشوف جوازي في الجبيل الصناعيه وطلعت لسيارتي وكانت الساعه وقتها 1:45 ظهرا والحمدلله الفيزا السياحيه ان شالله تبي تجي مع جوازي بعد عشره ايام .
مواضيع عشوائيه ممكن تكون تعجبك اخترناها لك:
رد مع اقتباس
المشاركة الأصلية كتبت بواسطة cadillaca
المفضلات