الموضوع: اول رحله لأندونيسيا وعندي بعض الاستفسارات

الســلام عليكم ورحمة الله وبركاتة

اخوكم اول مره يسافر اندونيسيا

حجزت والرحله بأذن الله بشهر سبعه هجري

عندي بعض الاستفسارات انتظر الاجابه عليها من اصحاب الخبره



حجزت على الامارتية بـ2580 ريال للشخص الواحد
هل السعر مناسب
علما ان الحجز تم عبر موقع الانترنت

هل اذا رحت للمكتب بطلع لي رسوم اضافيه ولا هذا المبلغ وبس

وهل يوجد مكتب للخطوط الامارتية بالرياض

تقيمكم للخطوط الامارتية بشكل عام

كم مدة الرحله من دبي إلى جاكرتا


االرحله مدتها 13 يوم
المسافرين شخصين
كم المبلغ الي يكفينا طول الفتره هذي

ابي الميزانية المناسبه لشخصين ناوين نفلها ما نبي نخلي مكان


هل الاتنقل بين جاكرتا وبالي والجبل يتجاج لطائره ولا السيارة توفي بالغرض


سمعت ان بالجبل فيه فلل وفيه قلعه وش الفرق


هل استطيع استخدام بطاقة الصراف (الراجحي والرياض) هناك

يعني لو نزل الراتب وانا هناك اقدر اسحبه ولا لا



هذي الدفعه الاولى من الاستفسارات

ناوي استلمكم اسئل الين يوم الرحله




شاكر ومقدر تعاونكم


اخوكم

مواضيع عشوائيه ممكن تكون تعجبك اخترناها لك:

• ترتيب جدول 16 يوم في اندونيسيا
• بعض الطلبات
• ترتيب رحلة لـ اشخاص لمدة ايام مساعدتـــكــم
• فزعتكم لمن قرب يودع العزوبية
• اول مره اسافر وهمتكم ياشباب
• تأثير الإشعاع النووي على أندونيسيا مامدى صحة ذلك من عدمه
• عاااااااااااااااااااااااااااااااااااااجل ومهم الفزعه يا الربع
• شهر عسل يوم والى الان محتار بالسكن
• افضل سكن للعزاب
• وش الحل يالربع
• تقرير رحلتي العائليه الى جاكرتا وبونتشاك وباندونق وبالي 14 يوم
• احتاج لكم ابي احد يرتب لي برنامج بسيط
• لمن هم في اندونيسيا الان
• الجو في اندويسيا
• رحلتي على السنغافورية اكتوبر لوحدي
• انا موجود في الجبل ابي استفسر عن شي
• قـريبا ً رحـلتي لـ أندونيسيـا آرجـو الأفاده
• أستشريكم
• كيف خدمة الخطوط الاماراتية
• أخ جديد بينكم ومحتاج نصيحتكم وارائكم

هلا فيك أخي واتمنى ان استطيع خدمتك بما استطيع
السعر فى الاماراتيه معقول
والطيران رائع يعيبه فقط التوقف
الرحله تستغرق حوالي السبع ساعات ونصف من دبي تقريبا
الميزانيه من 150 - 200 دولار للشخص فى اليوم
الانتقال بين جاكرتا والجبل بالسياره ومن جاكرتا لبالي بالطائره
الجبل فيه الفلل والفنادق والصراحه مافهمت ( قلعه)
تستخدم بطاقات الصراف بسهوله يعني لاتهتم
وأي اسئله اخرى نحن بالخدمه

المشاركة الأصلية كتبت بواسطة بنتاق
http://www.arabtravelersforum.com/tr...9/#post3800869

هلا فيك أخي واتمنى ان استطيع خدمتك بما استطيع
السعر فى الاماراتيه معقول
والطيران رائع يعيبه فقط التوقف
الرحله تستغرق حوالي السبع ساعات ونصف من دبي تقريبا
الميزانيه من 150 - 200 دولار للشخص فى اليوم
الانتقال بين جاكرتا والجبل بالسياره ومن جاكرتا لبالي بالطائره
الجبل فيه الفلل والفنادق والصراحه مافهمت ( قلعه)
تستخدم بطاقات الصراف بسهوله يعني لاتهتم
وأي اسئله اخرى نحن بالخدمه




مشكور اخوي ننتاق

يعطيك الف عافيه


بالنسبه للخطوط الاماراتية هل يوجد لها مكتب في الرياض لاني حجزت عن طريق الانترنت وابي اخذا التذاكر



نحن شخصين وناوين نجلس تقريباً 12 يوم هل ملبغ 10 الاف ريال يكفينا مصاريف وسكن هناك ولا لا


وكم المبلغ الاجمالي المناسب من وجهة نظرك


معليش ثقلة عليك بالاسئله

المبلغ جدآ كافي اناشاء الله

كما تفضل واجابك اخونا واستاذنا بنتاق عن اسئلتك
مكتب الامارتيه بالرياض بيدلونك عليه الشباب او اسال عنه في الموضوع المثبت في القسم العام تحت عنوان
http://www.arabtravelersforum.com/travel165811/
حسب وصف الاخوان في شارع التخصصي امام مبني الاتصالات
بس تاكد بوضع سوال في الموضوع اعلاه او بيجي من يجيبك عنه

سعر التذكره جيد اخوي ومناسب ان مااضافوا عليه تاكس ولا حواقينهم
ان سوو هلحركه فيك ارجع للنت وسو حجز بالاسم الصحيح في الجواز واطلب استلام التذكره من احد مكاتب الامارتيه المحليه
او يكون عندك طابعه وكريديت وتحجز من النت من موقعهم وتسوي طبع للتذكره وراح يرسلون الحجز لايميلك الصحيح اللي مسجل فيه

الصرف كما اجابك الفاضل بنتاق مصروف يومي بين 150 الي 200 دولار
اضرب هلرقم في عدد ايام سفرتك
وطلع منها 50 دولار فيزا لشخصين تاخذها اول ما توصل هناك
و300 الف روبيه = 35 دولار تقربا قيمه تاكس عند رجعتك للسعوديه

انصحك تاخذ الفلوس معك كاش بفئه الدولارات بطاقه الصرف مافيها مشكله بس مكن تتوهق بالبنك احيانا يوقفها اذا كانت عمليه سحبك منها متواليه هذا بخصوص بطاقات الشبكه السعوديه
اما اذا فيزا فالامر عادي
والصرف افضل يكون بالدولارات لان البطاقه تصرف لك المبلغ بسعر البنك وهو اقل من السوق تحول الريال لروبيه بسعر البنك يعني
ورحله موفقه

الله يعطيك العافيه وبيض الله وجيهكم

سوال اخير (ما انعطى وجه)


بالنسبه لسواق

هل اخذ السواق بالمشاور

ولا اخذ سواق معي الرحله كلها


وكم بيكلف السواق باليوم او على الرحله كلها




مشكوورين

ابد وانااخوك سل مابدا لك
السواق في جاكرتا تركب تكسي لونه ازرق اسمه بلو بيرد ما راح تحتاج سواق شخصي معك في جاكرتا وتوفر قروش بعد بالتكاسي
اهم شي تاخذ كرت الفندق معك وتعرف اسم الموقع اللي بتطلع له لان السواقين احيانا تطب بسواق داج لا عرب يولا انجلش

بري جاكرتا بونشاك مثلا تحتاج سياره تكون معك اسعاره بين 450 الي 600 الف بحسب السياره وموديلها
للجيب الصغير انوفا او جيب سوزوكي وكاسر معهم لا تستحي
واذا سياره صغيره سعرها بين 300 الي 500 الف بحسب نوع السياره
الافضل تاخذ جيب لانه ارفع والمناظر تشوفها افضل فيه
السعر اذا مو وقت اجازه كاسر تحت ال 450 الف وخلك شديد بالمكاسره
وخل السعر يشمل البنزين وضرائب الطريق
الطرق عندهم لها ضرائب للطرق السريعه مبالغ بسيطه فريح راسك وخذ سياره كومبليت بيوميتها وكل المصاريف علي السائق
السائقين متواجدين اسئل عنهم وستجدهم في الفنادق او في بوشناك يوجد مكاتب تقدم لك هلخدمه كمكتب اخونا سلطان المزيد او فيه مكتب تلقي جنبه سيارات صافه امام البقاله السعوديه في بونشاك
بالعربي
في جاكرتا تكسي
خارج جاكرتا سياره خاصه واذا شفت نفسك بيوم بتريح وماراح تطلع من الفيلا ممكن تخلي السائق يروح بهل يوم
بس تنتبه انه ممكن ما تلقاه باليوم اللاحق فيلزمك تدور سواق اخر وقتها
السائقين يمنع ذكر اسمائهم او ارقامهم في المنتدي الا من خلال تقارير الاخوان يمكنهم عرض اسمائهم وارقامهم لمن يرغب بذلك

المشاركة الأصلية كتبت بواسطة jaka
http://www.arabtravelersforum.com/tr...9/#post3801504

ابد وانااخوك سل مابدا لك
السواق في جاكرتا تركب تكسي لونه ازرق اسمه بلو بيرد ما راح تحتاج سواق شخصي معك في جاكرتا وتوفر قروش بعد بالتكاسي
اهم شي تاخذ كرت الفندق معك وتعرف اسم الموقع اللي بتطلع له لان السواقين احيانا تطب بسواق داج لا عرب يولا انجلش

بري جاكرتا بونشاك مثلا تحتاج سياره تكون معك اسعاره بين 450 الي 600 الف بحسب السياره وموديلها
للجيب الصغير انوفا او جيب سوزوكي وكاسر معهم لا تستحي
واذا سياره صغيره سعرها بين 300 الي 500 الف بحسب نوع السياره
الافضل تاخذ جيب لانه ارفع والمناظر تشوفها افضل فيه
السعر اذا مو وقت اجازه كاسر تحت ال 450 الف وخلك شديد بالمكاسره
وخل السعر يشمل البنزين وضرائب الطريق
الطرق عندهم لها ضرائب للطرق السريعه مبالغ بسيطه فريح راسك وخذ سياره كومبليت بيوميتها وكل المصاريف علي السائق
السائقين متواجدين اسئل عنهم وستجدهم في الفنادق او في بوشناك يوجد مكاتب تقدم لك هلخدمه كمكتب اخونا سلطان المزيد او فيه مكتب تلقي جنبه سيارات صافه امام البقاله السعوديه في بونشاك
بالعربي
في جاكرتا تكسي
خارج جاكرتا سياره خاصه واذا شفت نفسك بيوم بتريح وماراح تطلع من الفيلا ممكن تخلي السائق يروح بهل يوم
بس تنتبه انه ممكن ما تلقاه باليوم اللاحق فيلزمك تدور سواق اخر وقتها
السائقين يمنع ذكر اسمائهم او ارقامهم في المنتدي الا من خلال تقارير الاخوان يمكنهم عرض اسمائهم وارقامهم لمن يرغب بذلك





مشكور كفيت ووفيت

ويعطيك الف عافيه

أخوي خذ العلم من واحد توه جاي طازج .. التكاسي باليومية أغلب سياراتهم أفانزا (باص تويوتا صغير) يوميته 350 ألف والبنزين وضريبة الهاي واي عليك .. إذا كلمته قول له 350 تبي ولا مع السلامه .. صدقني بيوافق وهو يضحك



خل حسبتك في الصرف إن الـ 000 500 مية ألف روبية = 200 ريال تقريبا
000 100 مية ألف روبية = 40 ريال تقريبا
000 50 خمسين ألف روبية = 20 ريال تقريبا

طبعا حسب سعر هاليومين .. طبق هالطريقة ولاتتعب نفسك بحساب العملة


ونصيحة أيضا .. لاتحاول تدفع مايسمى بالهدية لكائن من كان في تلك البلد .. إلا بحسب نيتك إذا كنت ناوي تتصدق الفقراء والمساكين فهذا شي راجع لك .. لاكن هدية لكن من هب ودب لا وألف لا


وبالتوفيق ,,

بارك الله بالجميــع أفادوك أخي الفاضل

تمنياتي لك برحلـة موفقة ورائعـه ...