السلام عليكم ورحمة الله وبركاته
وعليكم السلام ورحمه الله وبركاته ..
الاعزاء المسافرون العرب تحيه طيبه محمله بالود لجميع الاعضاء
بصراحه اعتبرنفسي من اكثر الزوار لهذا الصرح العظيم خلال الاسبوع الفائت
وبعد التردد والحيره تم اتخاذ القرار للسفر لاندونيسيا كأول سفره خارج الممكله .. واتمنى من المولى التوفيق
أختيار موفق بأذن الله ..
تم اختيار مسار الرحله بناءاً على أراء ومشاهدات وتوصيات الاعضاء
وحانت ساعة الانظمام لهذا الصرح بإستشارات وتوضيح بعض الامور كأول مشاركه وعربون انظمام دائم لهذا المجتمع
واذا في اي تغيير مقترح على مسار الرحله او الايام المقترحه أو أو أو فلا تبخلوا علي
نبدأ بالهدف من الرحله هو الاستجمام وتغير جو وكسر الروتين
عدد الاشخاص : 2 شباب
المبلغ المقترح : 7~10 الاف ريال سعودي بدون التذاكر
تم تحويل مبلغ 5000 ريال الى دولارات
وبقية المبلغ سيتم شحنها على فترات للفيزا عن طريق الانترنت من الحساب الرئيسي
سيكون الاقلاع بمشيئة الله تعالى يوم الثلاثاء المقبل 4 مايو 9:15 مساءاً والعوده الخميس 13 مايو 3:35 مساءاً .. 8 ايام أقامه و يومين سفر
تم الحجز على الخطوط السعوديه جده - جاكرتا - جده بمبلغ 2678 شامله الضرائب تم اختيارها لانها دايركت
المدة قليلة أخي الكريم ...
سيتم اخذ الفيزه بمشيئة الله غداً الاثنين عن طريق السفاره الاندونيسيه بجده لتجنب الزحمه واللخبطه بمطار جاكرتا
زين سويت ..
الوقت المقترح للوصول لمطار الملك عبد العزيز بجده تقريبا الساعه السادسه مساءاً من باب الحيطه ياكثر ماتفوت عليه رحلات
بعد الوصول الى مطار جاكرتا التوجه لكوانترات الجوازات
اخذ الحقائب مع ان اغلبها بيكون معانا بالطائره بتكون حقائب ظهر
التوجه لمكتب كاها لحجز الفندق ومبدئياً سيكون فندق اسيتون مارينا وصرف مبلغ من الدولارات الى روبيه
س: كم السعر المتوقع للفندق؟
سعر الغرفـة بحدود 550 الف روبيه ..
س: كم المبلغ المقترح لتحويله الى روبيه في هذه المحطه ؟
الافضل يوميا تحويل مبلغ 200 دولار شاملة للسكن
والاكل والشرب والمواصلات ورسوم المزارات ..
التوجه لمكتب البلو بيرد لاخذ سيارة اجره
س: كم السعر المتوقع للرحله من المطار الى الفندق ؟؟
لاأعلم بالتحديد أخذته مرة من وسط البلد الى المطار
بسعـر 100 الف روبيه ..
هل يستحسن الذهاب للسفاره لتسجيل الجواز ؟
وهل طريق السفاره على طريق الفندق ام بعد الوصول للفندق واخذ قسط من الراحه التوجه للسفاره؟
يفضل تسجيل الجواز ..
المده المقترحه للمكوت في جاكرتا يوم واحد فقط واغلبه ترتيبات وراحه بعد الرحله
دنيا فانتزي متى افضل وقت لزيارتها ؟
يفضل زيارتها بغير يوم السبت والاحد ..
Fx Plazza هل يعتبر افضل مول لغرض التنزه وليس التبضع ؟
نعم رائـع وكذلك مجمع جراند اندونيسيـا ..
اليوم الثاني والثالث بيكون في بنشاك
تقريبا النشاطات بتكون:
أول يوم تامان سفاري
ثاني يوم حديقة الزهور + البراشوت+ حديقة الشاهي
س: اذا باطلع عن طريق تاكسي, كيف اتفق مع تاكسي ومن وين؟
وهل افضل تاكسي للروحه وتكاسي هناك أم سواق للرحله كامله من جاكرتا الي بنشاك والفتره هناك يكون موجود معانا؟
الافضل سائق مع سيارة لكامل الرحلة ...
اذا باخذ سواق لكل الرحله وين بينام السواق ؟؟ وهل بكون مسؤل عن اقامته ؟
نعم هو مسؤل عن نومه وغالبا في بيته بالجبل بنشاك ..
هل البراشوت تطلع لحالك ولا يكون معاك احد منهم ؟
لم أجربهــا ..
كم السعر المتوقع للمواصلات؟
لاأعلم بالتحديد لاكن أسعار المواصلات ليست بغالية ..
افضل منتجع شبابي في بنشاك يكون قريب من الاماكن اللي ذكرتها فوق والسعر التقريبي؟؟
مجمع فلل جياكرتا + مجمع فلل شيكرو ...
اليوم الرابع: بيكون في باندونق وزيارة المناطق البركانيه والمياه الحاره والمساج ومدة الاقامه يوم واحد فقط
س: نفس السواق اللي بيكون في بنشاك هو اللي يوصلنا لباندونق ويكون مرشدنا؟
نعم صحيح ..
كم المده من بنشاك الى باندونق؟
3 ساعات ...
أفضل فندق او منتجع وسعره التقريبي؟
أفضل منتجع هو منتجع جراسيا سبا بضاحية لمبانق ..
اليوم الخامس والسادس والسابع بيكون في بالي وبيكون عن طريق الطيران من باندونق
س: كيف احجز؟ وكم السعر التقريبي للرحله؟؟ وكم مدة الرحله؟؟
من مكتب كاها بحدود 130 الى 150 دولار للشخص الواحد
ذهاب وعودة والافضل تكون العودة الى جاكرتا ..
وين افضل الاماكن في بالي ووين اسكن وافضل تكون قريبه من النشاطات التاليه:
البراشوت البحري
الرحلات السياحيه للجزر
غوص عن طريق المدربين
الافضل السكن بشاطى كوتا وأنصحكم بفندق الهاردورك او ميركيور
أو ديسكفري هوتيل ...
س: فيه نشاطات اخرى في بالي؟
النشاطات كثيرة جدا جدا ..
احسن جزر وتكون فللله؟ وهل افضل تكون عن طريق مكتب سياحي وترتيب جدول كامل لكل اليوم؟ وكم السعر التقريبي؟
اليوم الثامن نرجع لجاكرتا لاخذ قسط من الراحه والاستعداد للسفر وتعويض مافاتنا في جاكرتا وبتكون من بالي لجاكرتا عن طريق الطيران
س: هل افضل احجز يوم احجز من باندونق لبالي ولا اخليها لما اخلص من بالي وتكون على حسب المزاج؟
نعم أحجز مرة وحدة أفضل واريح لكم ..
كم السعر التقريبي للرحله من بالي الى جاكرتا وش افضل خطوط وكم مدتها؟
س: ودي اغير الفندق يعني مو اسيتون مارينا وين اروح وكم سعر الفندق تقريباً ؟
أنصحكم بفندق كروان بلازا ...
اليوم التاسع والاخير بيكون في المطار من الساعه 12 تقريبا استعدادا للسفر
هذا بيكون خط مسار الرحلـة
انتظر ارائكم على احر من الجمر لان موعد رحلتي بعد يومين تقريبا وابي اطمن
اذا فيه اي اضافه او تعديل او مقترح ياليت وبدون تردد
أخي الكريم خط مسار الرحلـة متعب جدا جدا ومرهق
وأنت ذكرت في أول أستفسارك أن الرحلـة للاستجمام والراحة
والافضل لكم بهذه المدة القليلة على اندونيسيـا هو التالي :-
جاكرتا + جزيرة بالي + جاكرتا
أو
جاكرتا + بنشاك الجبل + جاكرتا
أما في مدة 8 أيام وراح تروحون جاكرتا + بنشاك + باندونق + جزيرة بالي ...
فهـذا متعب جدا جدا وبالاخير القرار بيـدك أخي الفاضل وهذه مجرد
نصيحـة من أخوك الصغير ...
وياليت القى اجابات على استفساراتي
ادري اني طولتها مررره وكتبت قصة حياتي بس عارف ان صدوركم وسيعه للي مثلي وهذا اللي شجعني اكتب الموضوع
وبيكون بروفه للتقرير بإذن الله
شاكر ومقدر تعاونكم مقدما
واوعدكم بالتقرير الوافي اللي يليق بالعرب المسافرين
رحلـــــة موفقــة لك ولزميلك الفاضل ...
رد مع اقتباس
المفضلات