الموضوع: ابغا احجز لجاكرتا بليز

السلام عليكم
كيف الحال ان شاالله تمام وبصحه وعافيه****""
لو سمحتم انا ابغا احجز من جدة لجاكرتا انا وزوجي وثلاثه بنات كبار وطفل واتصلت على مكتب حجوزات وقلي سعر التذكرة 3170 ريال للكبار ذهاب وعودة والطفل 2280 ريال وهذا بتاريخ2 شعبان والله انا شايفه انها غاليه بالله عليكم اذا تعرفون خطوط ارخص دلوني واعطوني رقمهم حتى احجز واشتري التذاكر وياليت الرقم يكون في جدة الله يجازيكم الف خير

مواضيع عشوائيه ممكن تكون تعجبك اخترناها لك:

• مساعدة اهل الخبره في بلاد العمة
• من يعرف هذه المنطقه فليعرفني بها
• تكفون ابي برنامج رائع الى اندونيسيا
• شهر اكتوبر والميزانية يا اهل الخبرة ؟
• عائله كبيره وانتو ماتقصرون
• فيلا فاطمة بالجبل
• ندآء آلى عشـآق آندونيسيـآ بمسـآعدتي
• محتار بين هاذي الفنادق
• أستفسارات متعدده متمنيه خدمتكم
• للمجربين أبحث عن سائق خلوق في كل من باندنوق ولومبوك ؟
• كيف يمكن قضاء يومي في انشول
• الى خبراء السفر
• ارجو المساعده في رحلتي الاولى لاندونيسيا
• تقريري المتواضع لرحلتنا ( جاكرتا_بونشاك_سوكابومي_باندونق)
• ممكن مساعدة ياشباب بخصوص اندنوسيا
• كم تكفيني مصروف انا والمدام في جاكرتا
• استفسار ضروري عن بونشاك؟؟
• كــــرت الدخول لاندونيسيا
• تكفون يالربع المساعدة والنصيحة يالخبراءتراني مسافر جديد
• فنادق جاكرتا وبالي؟فزعتكم

مساء الخير بالنسبه للحجز هناك طيران الاتحاد انا اطلعت على اسعاره ارخص من الخطوط السعوديه تقريبا الشخص ب2500 ريال

اخووي عندكـ اكثر من خيااار

الخطوط الأمارتية ، القطرية ، الأتحاد ، الجارودا الاندنسية

ادخل على موقعهم وحدد تاريخ الذهاب والعودة ويعطيكـ السعر مباشره

وبأمكااانـكـ الحجز عن طريق الفيزا ، الحجز المبدي من الموقع وقطع التذكرة من احد مكاتبهم في جده

وفي الأخير يبقى الخيار لكـ اخووووي

اخواني من خلال بحثي فى مكاتب جده يوم الاربعاء الماضي وجدت زحمه رهيبه عى الحجوزات والاسعار مبالغ فيها

حجزنت على السعوووووووووديه وغاليه صراحه بس خفت يروح الحجز

اختي جارت القمر تصدقي بالله اني رحت وجيت اندونيسيا بملبغ خيالي من الخطوط السعوديه 1750 ذهاب+عوده في شهر مارس 201م 18 يوم اللحين فتره صيفيه يعني اغلب الناس مسافرين مسافرين بعد شهر يناير تنزل التخفيضات على التذاكر انا ماابغاك تكنسلي السفريه بس وقتك نااااااااااااار في التذاكر تحياتي اختي واي استسفار انا تحت الخدمه ...

اولا ان اختكم
ثانيا مشكورين على ردودكم بس هذي الاسعار اللي ذكرتها على خطوط جارودة الاندنوسيه وقالي الموظف في الحجز هذا ارخص شي
اما اخوي عاشق الشلالات انا مااقدر اسافر الا في الاجازة الصيفيه لان بناتي عندهم مدارس وهذه الرحله عشانهم
ثالثا اخوي اللي قال على طيران الاتحاد وغيرة كيف ادخل موقعهم يعني هم عندهم موقع في النت؟ياليت تعطيني الرابط
وكيف احجز عن طريقهم صراحه معرف احجز عن طريق النت****************
واذاكان فيه احد من جدة وحجز بسعر اقل يعطيني رقم المكتب************

اختي العزيزه جارت القمر خشي على قوقل واكتبي الاتحاد للطيران بتلاقي موقعهم وهذا هوه جبته لك http://www.EtihadAirways.com/Saudi-Arabia‏
وهذا موقع طيران القطريه
http://www.qatarairways.com/sa/ar/ho...FQo9ZgodwmkKAA
واي خدمة او سؤال لا يردك الا يدك وكيبوردك .... تحياتي ...

المنتدى يمنع ذكر اي مكتب او غير ........................الخ

أختي الكريمة :-

اليكى موقع خطوط الاتحاد بأمكانك الدخول عليه ووضع تاريخ الذهاب والعودة

وراح تبين معك الاسعار ....

http://www.etihadairways.com/

الاتحاد وبس

بالتوفيق اختي

اذا انتم عائله فالافضل السفر دايركت عن طريق السعوديه اوجاردوا

لان شركات الطيران الاخرى تنزل ترانزيت في بلدانها الاصليه لفترات تتراوح من ساعه

واكثر والترانزيت متعب للعوائل

انا عن سابق تجربه وكان معي شباب اتعبنا الترانزيت كثير

علماً بانني حاجز واستخرجت التذاكر من تقريباً شهر بسعر 3151 ريال والسفر في شهر

7/2010 م

هذه وجه نظري

موفقين

مشكورين اخواني
انا اليوم اتصلت على طيران الاتحاد قال لي سعر التذكره 3800 ريال يعني جاروتا ارخص
الي يعرف سعر طيران السعوديه القطريه يقول لي السعر
وشكرا

السلام عليكم اختيه جارت القمر .. انا من الامارات ..




وحجزنا واستلمنا تذاكرنا ع الخطوط الاماراتيه .. دهاب واياب بـ 2750 درهم ..



وسفرنا بيكون في 18/7/2010 .. ان شاء الله ..




والرحله بتكون دايركت ..




يعني اللي اجوفه ان الاسعار تقريبا متقاربه .. فنصيحتي لج احجزي دايركت احسن لج واااااااايد ..



واحجزي من احينه .. لانه الاسعار بترتفع في شهر 6 .. هذا والله اعلم

مشكور اخوي ساس الاحساس يبغاني اشوف خطوط الامارات والقطريه ان شاالله اسعارها اقل لاننا عايله ونبغا سعر ارخص والمبلغ الزايد اللي في التذكره ينفعنا هناك