الموضوع: فندق شنغريلا دبي شارع الشيخ زايد

السلام عليكم ورحمة الله وبركاته

سؤال لكم يااخواني والخبراء في الأمارات العربية المتحدة خصوصا" دبي

تم الحجز : بفندق الشنغريلا شارع الشيخ زايد
5 ايام 4 ليالي وعطونا يوم مجاني بحدود 4300 ريال سعودي

شرايكم تحسون انه السعر مناسب ..؟
مع العلم الحجز لايشمل الأفطار .. أهم شيء عندي الأفطار خخخ

بس احس مع هالسعر المفروض يكون فية افطار شرايكم يستاهل الفندق

واذا فية صور لاني بحثت وماوجدت وتجاربكم مع الخدمة وتقيمكم له من 10 كم تعطونه

مواضيع عشوائيه ممكن تكون تعجبك اخترناها لك:

• شقه في دبي ؟
• فلاي دبي تبدأ تسيير رحلاتها إلى أرمينيا
• تم تدشين موقع برج خليفة على الانترنت موقع شامل وعامر بالصور والتقارير
• انا حجزت من موقع و ودي اعدل التاريخ فرق يوم فقط
• تجارة الجملة
• اخوي الفارس رايك لو سمحت
• ممكن خريطة دبي يوجد صورة
• لم تعد دبي تروق لي
• ياجماعة الخير هالموقع أسعاره عجيبة
• ممكن معلومات عن اماكن الكاميرا والكمبيوترات
• اول مرة اطب الامارات في حياتي
• طيران الإمارات الرابعة عالمياً بالسعة المقعدية في يوليو
• دبي تستحوذ على اهتمام العائلات السعودية في إجازة الربيع
• منتجع ذا شيدي خورفكان بجائزة الهندسة المعمارية
• فندق
• كيف اشتكي على مكتب تأجير سيارات
• استفسار عن فندق الهوليدي ان البرشاء و فندق الهوليدي ان مدينه الأنترنت
• سؤال يحتاج اجابةعن الخطوط الاماراتية
• مدينة او عالم مدهش
• برنامج السفر الي الامارات لمدة ايام

هو من اول فنادق شارع الشبخ زايد ..


بصراحه سعره اذا غرفه تقريبا 860 درهم يعتبر معقول بالاسعار اللي كانت في السابق , لكن !!


الاوتيل يعتبر قديم شويه مقارنه بالاوتيلات الجديده وخاصه في المنطقه قريب من برج خليفه ( برج دبي )


واذا لابد من السكن في شارع الشيخ زايد اوتيل المونارك افضل بكثير من الشانجريلا


( انا افضل ) اوتيل قريب من برج خليفه افضل ( موقع + جديد ) مثل


الادريس او القصر ( خمس نجوم )

او

قمر الدين او المنزل ( اربع نجوم ) لكن حلوه وفخمه



انا انصحك بزياره رابط الحجز لدى عرب لينك وعندهم عروض حلوه بالمنتدى ( بعضها بالافطار ) .. وهذا رابطهم


http://www.arabtravelersforum.com/travelarab231/


او زيارة هالرابط


http://www.arabtravelersforum.com/travel364080/



فيه مجموعه من الاوتيلات بتفيدك ...



تحياتي لك ,,,

المشكلة تم الحجز والدفع خلاص ماايمدي التغير

عموما" مشكور

بصراحه ومن تجربة شخصية الفندق رائع جدا وفخم والخدمه ممتازه بس اطلبوا غرفه في الأدوار العليا ، ولايفوتكم المطعم المغربي اللي بالفندق ، تحياتي

امممم ان شاء الله بجربة

مشكور اخوي على النصيحة

الفندق فخم جدا وديكوراته الخشبيه راح تبهرك وتعطيك راحه خياليه اثناء اقامتكم جربيه وماراح تحجزي الافيه مستقبلا وعلى فكره كل المستلزمات المقدمه مثل الشامبو والكريمات ... الخ من ماركة ايجنر المشهوره بس أطلبوا اعلى دور متوفر عشان الفيو يكمل جمال الغرفه واقامة سعيده ولو تدرين الفندق هذا غرفه كانت فوق ال 2000 درهم باليوم وماتلقين مكان . وبانتظار تقييمك بعد ماترجعون بالسلامه

ان شاء الله برجع مع تقرير مفصل

ومشكورين اخواني مااقصرتوا فيكم الخير
ريحتوا بالي الله يريح بالكم

مشكورين على النصيحة

صراحة خدمه ومكان راقي مشكورين

انتظروا تقريري بعد العودة من دبي بأذن الله

يوم الجمعة القادم