الموضوع: لو بستخدم السياره في هذا المسار ؟؟؟؟؟

بصراحه انا أحب السفر والتنقل بالسياره أكثر من الطائره المطارات تسبب لي قلق ..

وانا ان شاء الله بروح لشرق أمريكا السنه هذي .

لو خليت الطريق من نيويورك إلى اورلاندوا (سياره) هل بتكون مخاطره ,وبالأصل هل فيه أماكن تستحق المرور عليها ؟ انا سألت عن السموكي ماونتن في الطريق من واشنطن لأورلاندوا ورد مشرفنا العزيز ( على التوجيه لكلام الأخ ابو فيصل ) شكل محد راح هناك غيره ؟؟؟؟؟

مواضيع عشوائيه ممكن تكون تعجبك اخترناها لك:

• ساعدوني يتزوج امريكيبس الفيزهـ؟؟
• قائمة بأفضل مستشفيات أمريكا
• مهممممممم
• بخصوص تأجير سيارة مع سائق
• الي يعرف وست فرجينااااااا يتفــــــضل
• اي مطار افضل سان فرانسسكو ولا لوس انجلوس؟
• اخوي امباكت
• خدمة عاجلة
• دنفر
• نصيحة أخوية طلب خدمة حج وقضيان حاجة
• السفر ﻷمريكا
• مكتبة الكونجرس في واشنطن
• الحجز عن الفنادق احسن
• ضروري وعاجل ابي اسواق بواشنطن دي سي
• مقابلتي في السفارة في الظهران ورقة وردية
• ترانزيت في لندن
• استفسار بسيط
• سائحة في كليفورنياارجو المساعدة
• الجواء حار في نيويورك
• للمقيمين في اميركا

السلام .. انا مشيت من نيويورك الى فلوريدا .. وكان طريقنا ..

نيويورك واخر يوم استاجرنا سياره و رحنا الى بوسطن .. طبعا هي مو في الطريق بس كانت فرصه اننا نشوفها و تكفيها ليتلين او ٣ ليالي ..
المدينه هاديه و حلو المشي فيها بالداون تاون.. نظامها اوروبي شوي ..

و بعدين رجعنا الى اتلانتك ستي .. المدينه كانها لاس فيجاس بس مصغره بس مستواها اقل من لاس فيجاس. حلوه ليلتين ..
المدينه صغيره فيها مجمع تجاري حلو و اوت ليت و فنادق وفيها كازيونهات .. و ممشتى على البحر فيه مطاعم و محلات ..

بعدين واشطن دي سي ..
العاصمه فيها مباني حكوميه واهمها البيت الابيض والكونجريس و بعض المتاحف .. وفي مجمع تجاري حلو مثل تايسون. في فيرجينا.

وبعدها فيرجينا بيتش المدينه على البحر فيها شاطيء بالصيف يكون زحمه وفي عالم و حلوه ليلتين فيها ..

وبعدها مارتل بيتش.. المدينه حلوه وفيها انشطه حلوه ومطاعم و على البحر وخلال زيارتي لها كان مكتوب انها من احلى الشواطي في امريكا ..

وبعدها تقدرون توقفون في مدينة جاكسون فيل في فلوريدا و تريحون فيها المدينه كبيره ما جلست فيها مريتها مرور فقط.

و في الاخير توصلون الى اورلاندو ..

الطريق ممتع خصوصا ٩٥ فيه خدمات وكل شي .. من افضل الطرق الي مشيت فيها في امريكا..

احنا بنسوي جذي ان شالله و بنروح بنسلفانيا و هيرشي بعد زياده على كلام الاخو

يعطيك العافيه fms على الرد ...ماعليك أمر ممكن تعطيني أفضل الشركات المقترحه لإستئجار سياره , والمسافات بين المدن المذكوره .

المشاركة الأصلية كتبت بواسطة SENUORH
http://www.arabtravelersforum.com/tr...8/#post2857696

يعطيك العافيه fms على الرد ...ماعليك أمر ممكن تعطيني أفضل الشركات المقترحه لإستئجار سياره , والمسافات بين المدن المذكوره .



الله يعافيك ..

بالنبسة لاجار السياره انا كتبت موضوع عن بعض الشركات ان شاء الله يفيدك:

http://www.arabtravelersforum.com/travel269604/

المسافات تعتمد على الزحمه و افضل طريقة لمعرفه المسافات عن طريق google Maps

http://maps.google.com/

انا رحت للسموكي ماونتنز الاكواخ فيها جميله والمنظر جميل لكن في الصيف حرررررررر موووووووووت ما تنفع حتى الاسعار فيها تكون رخيصه لانه محد يبيها