هلا والله ...الحمدلله على السلامة ...وانتظر تقريرك وسجلنس من المتابعين وسعيدة اني اضفت شيء بسيط لذاكرتك بباريس







المشاركة الأصلية كتبت بواسطة الاوروبي
http://www.arabtravelersforum.com/tr...4/#post3724524

حكمل التقرير وامري لله وحنزل الصور لم اعرف الطريقه
المهم وصلنا للجوازات وزي ماقلت في البدايه غاية في الذوق وبعدين سلمنا على ابو عبدالرحمن وسالناه من فين ناخذ تكسي وماقصر قالنا تعالو معانا في قطار يودينا لغاية المترو بلاش المهم رحنا وراه وطلعنا بالمصعد للدور الثاني وبعدها فعلا ركبنا قطار او مترو ببلاش وما وقف الا عند محطة المترو ودفعنا ثمن تذكرتين التذكره الوحده 9.50 ورحنا لمحطة شارل ديجول المهم هناك ودعنا ابو عبدالرحمن وشكرناه ونزلنا من المترو الاوقوس النصر قدامنا بصراحه جو روعه غيوم وهتان مع برد خفيف جدا المهم قلنا نتصور قدام الحديقه اللي بجنب المترو وتطل على قوس النصر وانا اصور خووي الا قام يلقط خاتم ذهب الا واحد الاخوان العرب جاي يكلمه على طول تذكرت الاخت قطر 2007 وموضوعها وصحت في خووي ارم الخاتم لاتكلمه هو فهمها واخذ خاتمه ومشا وجلست ادعي لمشرفتنا الغاليه وصاحبي مستغرب قلتله اشرح لك لم نوصل الفندق ونرتاح المهم سالنا كم واحد عن فندقنا مادلونا بس كانو غايه في الادب والاحترام في الرد سامحوني طول التقرير حمدح في الفرنسيين لاني انبهرت من حسن تعاملهم وادبهم مع السياح المهم قلنا عن الفلسفه ناخذ تكسي المهم واحنا واقفين الا تكسي مر واشرنا له واستغربت لان كثير قالو التكاسي ما توقف الا في اماكن معينه قلت الحمدلله ربي فاتحها بوجهنا وركبنا معه ووصلنا لغاية باب الفندق ب4 يورو المكان قريب من قوس النصر بوسط الشانز ودقيقه مشي للشانز بشارع اسمه بيري مقابل فندق واشنطن وقبل فندق كليفورنيا
اخواني سامحوني بكره اكملكم التقرير ولو عرفت تنزيل الصور انشاء الله تكون بصور



ماشاء الله ...زين اجل الحمدلله انك قريت التنبية قبل تروح ماشاء الله

مواضيع عشوائيه ممكن تكون تعجبك اخترناها لك: