+ الرد على الموضوع
النتائج 1 إلى 18 من 18

الموضوع: تفاصيل ماحصل لي في السفاره

  1. #1
    عضو مسجل
    تاريخ التسجيل
    Dec 2014
    المشاركات
    1,962,485

    تفاصيل ماحصل لي في السفاره


    السلام عليكم ورحمة الله وبركاته

    في البداية ودي اشكر كل الاخوان في هالمنتدى الرائع على اللي قدموه ويقدمونه من معلومات وتجارب واللي فادتني كثير في موضوع الفيزا وفي مقدمتهم اخونا وحبيبنا امباكت

    انا واحد من محبي كندا وخاصتن فانكوفر بحكم اني سافرت لها اكثر من مره لكن من فتره شفت مواضيع الاخوان والاخوات اللي سافروا لامريكا وتحمست اني اسافر لها خاصتن بعد ماسمعت ان الاجراءات اصبحت اسهل للحصول على الفيزا وقلت خل نشوف هل امريكا راح تسرق حبي لكندا ولا لا هههه طبعا قريت موضوع اخونا امباكت حق الفيزا وطبقت المطلوب دخلت على الموقع تقريبا على منتصف فبراير واخذت موعد في 14 ابريل وكان هو اقرب شي في وقتها طبعا 14 ابريل كان يوم الثلاثاء الماضي قمت من النوم وصليت الفجر رجعت للبيت افطرت فطور خفيف بعدين توكلت على الله وانطلقت للسفاره وصلت للسفاره على الساعه 6 نزلت ومشيت مسافه بسيطه الين ماوصلت للطابور عند بوابة السفاره كان قدامي 7 اشخاص اللي جاي الحاله واللي معاه عايلته المهم انتظرنا تقريبا حتى الساعه 7 الا عشر بعدين بدأو في إستقبالنا في البوابه كانت فيه وحده امريكيه ومعاه السكيورتي في الغرفه اللي عند البوابه المهم شوي وجا دوري عطيتها الاوراق كامله خلوني اذكرها لكم من باب الفائده

    Forms DS-156 and DS-157
    ورقة الموعد اللي تطبع من الموقع بعد ماتنتهي من تعبئة معلوماتك
    تعريف من العمل
    كشف حساب لثلاث شهور
    إيصال دفع رسوم الفيزا
    الجوازات الجديد ومعه القديم
    والصوره

    المهم شافت الاوراق وقالت اوراقك يامستر ام تمام بس عندك مشكله في الصوره قلت في نفسي ياسلام من اولها قالت رح للاستديو القريب وخذ صوره وارجع لي النكته ان الصوره اللي شافتها كانت تمام وهي ثاني صوره اخذها خلال اسبوع لاني صورت صوره وكانت خلفيتها بالكمبيوتر ولما شفت بعض الاخوان يذكرون في مواضيعهم ان الصور حقتهم رفضت لهالسبب خفت ورحت صورت مره ثانيه وقلت للعامل في الاستديو خل الخلفيه بيضاء عاديه ولاتسوي اي تعديل عليها بالكمببوتر المهم نرجع لسالفتنا سئلت الحرس السعوديين اللي برا عن مكان الاستديو ودلوني عليه رحت هناك وصورت المهم قلت لراعي الاستديو كم الحساب قال 40 ريال !!! طبعا هو يعرف انك مضطر فما راح تقول لا تصدقون ياخوان بعدين يوم رجعت للبوابه لاحظت ان هالامريكيه مرجعه ناس كثيره عشان الصوره عاد هذا الشي خلاني اشك ان بينها وبين راعي الاستديو اتفاق هههه لان بحسبه بسيطه ماراح يقل عدد اللي تردهم عشان الصوره عن 30 شخص نضربها بـ 40 ريال يطلع ب 1200 ريال في اليوم يعني في الشهر اذا شلنا ايام الويكند 24 الف ريال مبلغ مهوب سهل كأني شطحت عن الموضوع هههه ماعلينا المهم اني رجعت للبوابه وتخيلوا يااخوان حتى ماشافت الصوره اللي اخذتها بس اشر لي السكيورتي اللي معها في الغرفه جيت له قال معك جوال قلت ايه عطيته الجوال بعد ماطفيته مع ريموت السياره وحطهم في ظرف بعدين فتحوا لي الباب كان فيه تفتيش مثل تفتيش المطارات حطيت اغراضي في الصندوق بما فيها الاوراق ومررتها اللي كانت عند الجهاز وحده كبيره في العمر من جنسيه عربيه المهم قالت اوكيه سئلتها قلت احتاج احط المحفظه حقتي في الظرف مع الجوال والريموت قالت لا وعطتني رقم عشان لما اطلع بعدين اخذ اغراضي بعد كذا دخلت على ساحة السفاره ثمين مشيت حتى دخلت لمبنى السفاره وكان فيه تفتيش ثاني مثل الاول عديت التفتيش ودخلت كان فيه سكيورتي يوزع ارقام عطاني رقم وقال رح لاول غرفه يمين وانتظر رقمك الغرفه كان فيها ثلاث شبابيك ماانتظرت طويل على طول طلع رقمي رحت للشخص وعطيته الاوراق اخذ الفورمز ودبس الصوره عليها والتعريف وكشف الحساب وإيصال دفع رسوم الفيزا والجواز الجديد وشاف ورقة الموعد بعدين رجعها لي مع الجواز القديم من دون حتى مايشوفه وقال خلاص رح للصاله وانتظر رقمك طبعا هو نفس الرقم اللي اخذته من السكيورتي في بداية دخولي المهم رحت للصاله وانتظرت اقل من 10 دقايق طلع رقمي على الشاشه بجانبه رقم الشباك 6 رحت للشباك كان الموظف عربي قال صباح الخير قلت صباح النور اخذ بصمات الاصابع كلها بعدين قال لي انتظر مره ثانيه الين مايطلع رقمك عشان المقابله رحت وانتظرت ايضا اقل من 10 دقايق طلع رقمي على الشاشه وكان بجانبه رقم الشباك 11 رحت للشباك هنا كان فيه مشكله بسيطه لما جيت للشباك وكان الموظف امريكي شاااايب قال لي رقمك ماطلع قلت له رقمي طالع على الشاشه قال اوكيه لحظه راح دخل وجاب اوراقي ثمين قال لي انتظر شوي عشان بدخل معلومات الشخص اللي قبلك في الكمبيوتر قلت اوكيه بعد ماخلص بدا يشوف ارواقي وهنا كانت المفـــــاجـــــأه شاف اوراقي على السريع وبدون أي سؤااال !!!! عطاني الورقه الخضراء والورقه الخاصه بفديكس وقال مر فديكس وادفع الرسوم قلت يعني خلاص قال ايه كل شي تمام وخلال اسبوع الى اسبوعين تخلص الفيزا وقال لي have a good trip رحت لفديكس وانا مذهول واقول في نفسي معقوله خلاص انتهى الموضوع بهالسهوله الحمدلله دفعت الرسوم لفديكس وطلعت من مبنى السفاره ومريت على البوابه واخذت اغراضي اللي في الظرف وانا طالع شفت ذاك الطابور الطووويل برا ينتظرون دورهم وصلت للمواقف ركبت سيارتي وكانت الساعه 8 وربع يعني الشغله اخذت مني مدة ساعتين ولو ماتاخرت عشان موضوع الصوره كان صارت اقل والحمدلله ان الامور تسهلت وانا في انتظار اتصال فديكس

    المهم نصيحتي للاخوان اللي يبي يخلص اموره بسرعه يجي مبكر يعني على الساعه 6 تكون موجود هناك عشان تكون من الاوائل في الطابور وراح تخلص امورك بسرعه لكن كل ماتأخرت في الوصول للسفاره راح تتأخر امورك وبالتوفيق للجميع إن شاء الله

    سؤال لاخوي امباكت خارج عن الموضوع انا سويت حجز على الاماراتيه الرياض – دبي – لوس انجلوس والعوده نيويورك – دبي – الرياض وطلعت علي التذكره ب5200 ريال تتوقع ان المبلغ مناسب ولا لا وشكرا لك.

    مواضيع عشوائيه ممكن تكون تعجبك اخترناها لك:

    فنادق عطلات



  2. #2
    عضو مسجل
    تاريخ التسجيل
    Dec 2014
    المشاركات
    1,962,485

    رد: تفاصيل ماحصل لي في السفاره

    هلا يغالي ..

    والف مبروك مقدماً


    وبالنسبة للسعر ممتاز ماشاء الله


    تحياتي

    فنادق عطلات


  3. #3
    عضو مسجل
    تاريخ التسجيل
    Dec 2014
    المشاركات
    1,962,485

    رد: تفاصيل ماحصل لي في السفاره

    الف مبروك يا مستر ام :24:

    وعقبال ما تتسهل سفرتك

    ليش ما تشوف على الخطوط السعودية :114:

    لاني اتصلت عليهم عشان اخذ تذكرة لاختي وقالوا لي 4500 ريال جده واشنطن جده

    عارف انه فرق في المستوى بس مدة الطيران اقل

    فنادق عطلات


  4. #4
    عضو مسجل
    تاريخ التسجيل
    Dec 2014
    المشاركات
    1,962,485

    رد: تفاصيل ماحصل لي في السفاره

    اولاً مبروك لك ياخي
    وان شاءالله عقبال ماربي يسهلك امر السفر
    اخي العزيز لدي بعض الاستفسارات ياليت تفيدني فيها بحكم تجربتك
    بخصوص
    Forms DS-156 and DS-157
    هل يستوجب تعبئتها كلها للرجال والنساء ؟

    بخصوص نموذج DS-156
    1) مالمفصود باسماء اخرى في السؤال رقم (3) وفي حال لايوجد اسماء ماذا اكتب
    2)السؤال رقم (4) ايضاً اسماء اخرى لك ولوالدك ماذا اكتب واذا لم يوجد المطلوب
    3) السؤال رقم (10) الرقم الشخصي هل هو رقم بطاقة الاحوال
    4)السؤال رقم (20) عنوان الاقامة بامريكا اذا كنت سائح ولم اعمل حجوزات حتى الان
    للتأكد هل ساحصل على الفيزا أو لا ايضا المفروض ماذا اكتب الجواب

    بخصوص نموذج DS-157
    1) السؤال رقم (3) هل المطلوب كتابة الاسم باللغة العربية
    2)السؤال رقم (4) ماهو الجواب المفروض اكتبه
    3)السؤال رقم (13) مالمقصود واذا كنت لا انتمي لاي منها
    4)السؤال رقم(17) هل المقصود اكتب اين درست المراحل الدراسية وهل ضروري ارقام الهواتف

    وهل افضل احدد خط السير أو اذكر باني لم احدد خط السير

    ولدي سؤال بخصوص الموعد لاحظت ان اكثر الاعضاء يفضلون الذهاب مبكرا للسفاره
    وانا عند حجز الموعد اخترت الموعد الساعه 10.30 ومكتوب يفضل الحضور قبل الموعد بربع ساعه
    كيف اذهب في وقت مبكر وانا موعدي الساعه 10.30 ارجو التكرم التوضيح
    وفي الختام اسف على الاطاله ولك جزيل الشكر

    فنادق عطلات


  5. #5
    عضو مسجل
    تاريخ التسجيل
    Dec 2014
    المشاركات
    1,962,485

    رد: تفاصيل ماحصل لي في السفاره

    الف مبروك مقدما اخوي Mr.M

    :101: كذا كنت وانا اقرأ تجربتك لانها مثل تجربتي بالتمام باستثناء الصور (الحمدالله صورنا كانت تمام)
    بس نفس الشي في المقابله ماسالونا ولا شي...

    الله يسهل لك وتوصل لك الفيزا بسرعه...

    اذا تسمح لي برد على بعض استفسارات الاخ استشاري :






    Forms DS-156 and DS-157
    هل يستوجب تعبئتها كلها للرجال والنساء ؟



    النموذج 156 للرجال والنساء
    اما النموذج 157 فهو للرجال فقط

    ------------------------------------------------






    بخصوص نموذج DS-156
    1) مالمفصود باسماء اخرى في السؤال رقم (3) وفي حال لايوجد اسماء ماذا اكتب
    2)السؤال رقم (4) ايضاً اسماء اخرى لك ولوالدك ماذا اكتب واذا لم يوجد المطلوب
    3) السؤال رقم (10) الرقم الشخصي هل هو رقم بطاقة الاحوال



    في خانات الاسماء الاخرى اكتب NONE

    الرقم الشخصي: اذا كان قصدك الخانه الكتوب بها National Identification Number فهنا يجب ان تكتب رقم بطاقة الاحوال

    -----------------------------------------





    ولدي سؤال بخصوص الموعد لاحظت ان اكثر الاعضاء يفضلون الذهاب مبكرا للسفاره
    وانا عند حجز الموعد اخترت الموعد الساعه 10.30 ومكتوب يفضل الحضور قبل الموعد بربع ساعه
    كيف اذهب في وقت مبكر وانا موعدي الساعه 10.30 ارجو التكرم التوضيح



    بالنسبه للوقت اللي حجزت عليه مايهم عند دخول السفاره, انا كان موعدي الساعه 10 ورحت من الساعه 8 ودخلت وكثير اعضاء قالو نفس الشئ واشوف ان اغلبية الاعضاء ينصحون بالتوجه للسفاره بعد صلاة الفجر على طول... بالتوفيق...
    -------------------------------------------

    بالتوفيق اخوي Mr.M ...
    :smile:

    فنادق عطلات


  6. #6
    عضو مسجل
    تاريخ التسجيل
    Dec 2014
    المشاركات
    1,962,485

    رد: تفاصيل ماحصل لي في السفاره

    المشاركة الأصلية كتبت بواسطة Impact
    http://www.arabtravelersforum.com/tr...7/#post2831477

    هلا يغالي ..

    والف مبروك مقدماً


    وبالنسبة للسعر ممتاز ماشاء الله


    تحياتي



    الله يبارك فيك اخوي ومشكور وماقصرت :smile:

    فنادق عطلات


  7. #7
    عضو مسجل
    تاريخ التسجيل
    Dec 2014
    المشاركات
    1,962,485

    رد: تفاصيل ماحصل لي في السفاره

    المشاركة الأصلية كتبت بواسطة hardsqueezer
    http://www.arabtravelersforum.com/tr...8/#post2832328

    الف مبروك يا مستر ام :24:

    وعقبال ما تتسهل سفرتك

    ليش ما تشوف على الخطوط السعودية :114:

    لاني اتصلت عليهم عشان اخذ تذكرة لاختي وقالوا لي 4500 ريال جده واشنطن جده

    عارف انه فرق في المستوى بس مدة الطيران اقل



    الله يبارك في اخوي ويسمع منك

    بخصوص الخطوط السعوديه انا شايف اسعارهم قبل مااحجز على الاماراتيه لكن بسبب ان وجهتي لوس انجلوس ولان الواحد لو راح على السعوديه راح يكون طفشان لما يوصل واشنطن وماهو رايق يطلع طيران داخلي غير هذا احتمال تروح عليك طيارتك بسبب تأخر اجراءاتك في مطار واشنطن وتدخل في متاهات فقلت خل اشتري راحتي حتى لو ادفع اكثر شوي واطلع من دبي وحتى لو الطيران مدته اطول وفوق هذا انا ودي اجرب الاماراتيه واشوف كيف مستواهم هل هو بنفس المستوي اللي الناس تتكلم عنه

    بالتوفيق لك اخوي

    فنادق عطلات


  8. #8
    عضو مسجل
    تاريخ التسجيل
    Dec 2014
    المشاركات
    1,962,485

    رد: تفاصيل ماحصل لي في السفاره

    المشاركة الأصلية كتبت بواسطة استشاري
    http://www.arabtravelersforum.com/tr...9/#post2832779

    اولاً مبروك لك ياخي
    وان شاءالله عقبال ماربي يسهلك امر السفر
    اخي العزيز لدي بعض الاستفسارات ياليت تفيدني فيها بحكم تجربتك
    بخصوص
    Forms DS-156 and DS-157
    هل يستوجب تعبئتها كلها للرجال والنساء ؟

    بخصوص نموذج DS-156
    1) مالمفصود باسماء اخرى في السؤال رقم (3) وفي حال لايوجد اسماء ماذا اكتب
    2)السؤال رقم (4) ايضاً اسماء اخرى لك ولوالدك ماذا اكتب واذا لم يوجد المطلوب
    3) السؤال رقم (10) الرقم الشخصي هل هو رقم بطاقة الاحوال
    4)السؤال رقم (20) عنوان الاقامة بامريكا اذا كنت سائح ولم اعمل حجوزات حتى الان
    للتأكد هل ساحصل على الفيزا أو لا ايضا المفروض ماذا اكتب الجواب

    بخصوص نموذج DS-157
    1) السؤال رقم (3) هل المطلوب كتابة الاسم باللغة العربية
    2)السؤال رقم (4) ماهو الجواب المفروض اكتبه
    3)السؤال رقم (13) مالمقصود واذا كنت لا انتمي لاي منها
    4)السؤال رقم(17) هل المقصود اكتب اين درست المراحل الدراسية وهل ضروري ارقام الهواتف

    وهل افضل احدد خط السير أو اذكر باني لم احدد خط السير

    ولدي سؤال بخصوص الموعد لاحظت ان اكثر الاعضاء يفضلون الذهاب مبكرا للسفاره
    وانا عند حجز الموعد اخترت الموعد الساعه 10.30 ومكتوب يفضل الحضور قبل الموعد بربع ساعه
    كيف اذهب في وقت مبكر وانا موعدي الساعه 10.30 ارجو التكرم التوضيح
    وفي الختام اسف على الاطاله ولك جزيل الشكر



    الله يبارك فيك اخوي اتوقع اختنا any way ماقصرت اجابت على اسئلتك الله يعطيها العافيه
    بالتوفيق لك اخوي وان شاء الله تتسهل امورك

    فنادق عطلات


  9. #9
    عضو مسجل
    تاريخ التسجيل
    Dec 2014
    المشاركات
    1,962,485

    رد: تفاصيل ماحصل لي في السفاره

    المشاركة الأصلية كتبت بواسطة any way
    http://www.arabtravelersforum.com/tr...3/#post2833453

    الف مبروك مقدما اخوي Mr.M

    :101: كذا كنت وانا اقرأ تجربتك لانها مثل تجربتي بالتمام باستثناء الصور (الحمدالله صورنا كانت تمام)
    بس نفس الشي في المقابله ماسالونا ولا شي...

    الله يسهل لك وتوصل لك الفيزا بسرعه...

    اذا تسمح لي برد على بعض استفسارات الاخ استشاري :



    النموذج 156 للرجال والنساء
    اما النموذج 157 فهو للرجال فقط

    ------------------------------------------------



    في خانات الاسماء الاخرى اكتب NONE

    الرقم الشخصي: اذا كان قصدك الخانه الكتوب بها National Identification Number فهنا يجب ان تكتب رقم بطاقة الاحوال

    -----------------------------------------


    بالنسبه للوقت اللي حجزت عليه مايهم عند دخول السفاره, انا كان موعدي الساعه 10 ورحت من الساعه 8 ودخلت وكثير اعضاء قالو نفس الشئ واشوف ان اغلبية الاعضاء ينصحون بالتوجه للسفاره بعد صلاة الفجر على طول... بالتوفيق...
    -------------------------------------------

    بالتوفيق اخوي Mr.M ...
    :smile:



    الله يبارك فيك اختي ويعطيكي العافيه بالنسبه للصور انا اشوف انها على حسب مزاج الموظفه الامريكيه اللي كانت عند البوابه اتذكر يوم كنت انتظر عشان يدخلوني كانت تشيك على اوراق شخص كبير وكانت معه عايلته المهم قالت له الصور ماهي مضبوطه فكلمها وقال لها وش مشكلتها وحاول فيها بعدين رضت على طول وقالت اوكيه راح امشيها يعني مافي نظام يحكم هالشي اللهم مزاجية هالموظفه !!

    بالتوفيق لكم اختي :smile:

    فنادق عطلات


  10. #10
    عضو مسجل
    تاريخ التسجيل
    Dec 2014
    المشاركات
    1,962,485

    رد: تفاصيل ماحصل لي في السفاره

    اخوي انا موعدي الساعه ١٠ ان شاء الله تنصحني اروح ٦ ومافي مشكله ولا كيف ؟ ومشكووووووووور

    فنادق عطلات


  11. #11
    عضو مسجل
    تاريخ التسجيل
    Dec 2014
    المشاركات
    1,962,485

    رد: تفاصيل ماحصل لي في السفاره

    المشاركة الأصلية كتبت بواسطة sweet_soul
    http://www.arabtravelersforum.com/tr...8/#post2834628

    اخوي انا موعدي الساعه ١٠ ان شاء الله تنصحني اروح ٦ ومافي مشكله ولا كيف ؟ ومشكووووووووور



    اذا في الرياض صحيح لازم بدري .. الي يروح بدري يدخل اول

    لاكن الظهران لا بالمواعيد !!


    بالتوفيق

    فنادق عطلات


  12. #12
    عضو مسجل
    تاريخ التسجيل
    Dec 2014
    المشاركات
    1,962,485

    رد: تفاصيل ماحصل لي في السفاره

    الاخت any way
    اشكرك على الاجوبه الكافيه والوافيه .. وعسى ربي يوفقك
    لكن ما افيه احد افادنا عن نموذج 157
    ايضا اود من الاخوان افادتي عن هذا الجزء والخاص بالعنوان مالمقصود به

    15. Home Address (Include apartment number, street, city, state or province, postal zone and country)
    Street Address Line 1

    Street Address Line 2

    City

    State/Province

    Postal Code

    Country

    فنادق عطلات


  13. #13
    عضو مسجل
    تاريخ التسجيل
    Dec 2014
    المشاركات
    1,962,485

    رد: تفاصيل ماحصل لي في السفاره

    الشكر موصول للاخ Mr.M

    فنادق عطلات


  14. #14
    عضو مسجل
    تاريخ التسجيل
    Dec 2014
    المشاركات
    1,962,485

    رد: تفاصيل ماحصل لي في السفاره

    مشكور اخوي Impact
    والله يجزاك خير على الجهد الكبير الي تقوم فيه

    فنادق عطلات


  15. #15
    عضو مسجل
    تاريخ التسجيل
    Dec 2014
    المشاركات
    1,962,485

    رد: تفاصيل ماحصل لي في السفاره

    حبيبي مستر أم ..

    سؤالين على طاري القروش

    1- هل فيه مبلغ أخذوه منك يوم دخلت السفارة ؟؟ 28 ريال أو حول المبلغ هذا

    2- مبلغ فيديكس للذهاب والعودة كم كان سعره ؟؟

    وشكرا لك

    فنادق عطلات


  16. #16
    عضو مسجل
    تاريخ التسجيل
    Dec 2014
    المشاركات
    1,962,485

    رد: تفاصيل ماحصل لي في السفاره

    المشاركة الأصلية كتبت بواسطة الذكرى الجميلة
    http://www.arabtravelersforum.com/tr...2/#post2840592

    حبيبي مستر أم ..

    سؤالين على طاري القروش

    1- هل فيه مبلغ أخذوه منك يوم دخلت السفارة ؟؟ 28 ريال أو حول المبلغ هذا

    2- مبلغ فيديكس للذهاب والعودة كم كان سعره ؟؟

    وشكرا لك





    1. عزيزي المبلغ الغي من فترة !!

    2.

    130 ريال داخل المدينة ذهاب وعودة للجواز/ الجوازات بالفيزا !!

    240 ريال خارج المدينة ذهاب وعودة للجواز/ الجوازات بالفيزا !!



    موقع FEDEX للتشييك على ارسالية الجوازات :

    http://www.fedex.com/sa/


    وارقامهم للاتصال للاستفسار :

    Saudi Arabia Riyadh 9661 463 3999

    Saudi Arabia Jeddah 9662 683 9999

    Saudi Arabia Dhahran 9663 857 9999

    Customer Service Hours 6 days / 7:00 - 21:30

    Friday closed



    بالتوفيق

    فنادق عطلات


  17. #17
    عضو مسجل
    تاريخ التسجيل
    Dec 2014
    المشاركات
    1,962,485

    رد: تفاصيل ماحصل لي في السفاره

    المشاركة الأصلية كتبت بواسطة الذكرى الجميلة
    http://www.arabtravelersforum.com/tr...2/#post2840592

    حبيبي مستر أم ..

    سؤالين على طاري القروش

    1- هل فيه مبلغ أخذوه منك يوم دخلت السفارة ؟؟ 28 ريال أو حول المبلغ هذا

    2- مبلغ فيديكس للذهاب والعودة كم كان سعره ؟؟

    وشكرا لك



    ماقصر اخونا امباكت جاوب على أسئلتك الله يعطيه العافيه :smile:

    فنادق عطلات


  18. #18
    عضو مسجل
    تاريخ التسجيل
    Dec 2014
    المشاركات
    1,962,485

    رد: تفاصيل ماحصل لي في السفاره

    ابشركم يااخوان استلمت الجواز والفيزا خمس سنوات ولله الحمد لكن كان فيه لخبطه من فيديكس دخلت على موقعهم اليوم ودخلت التراكنق نمبر لقيت مكتوب ان incorrect address رحت اتصلت على رقمهم الرئيسي عشان اشوف وش القصه قالوا ان العنوان حقك ماهو واضح المهم قلت لهم خلاص وصلوه لفرع شارع الاحساء راح استلمه هناك لانه قريب من دوامي قالوا لي خلاص على الساعه 4 العصر راح يوصل هناك هذا الكلام الصبح المهم رحت للفرع بعد الدوام الساعه 5 قالوا لي ان ماجانا شي !!!! اتصلت المغرب على رقمهم الرئيسي وقلت لهم السالفه قالوا ان الجواز مازال موجود في المستودع الرئيسي حقهم في الدرعيه قلت خوووش !!!! المهم عصبت وقلت لهم خلاص خلووه هناك انا راح اروح واخذه ماني فاضي يمرمطوني زياده ومااقدر اصبر اكثر الزبده رحت للمستودع في الدرعيه واستلمت الجواز من هناك

    فنادق عطلات


+ الرد على الموضوع

المواضيع المتشابهه

  1. هل هذا صحيح ماحصل في السفاره الكندية ؟؟ مصيبه ياناااااس
    بواسطة Robot في المنتدى بوابة السفر إلى كندا Canada
    مشاركات: 28
    آخر مشاركة: 02-04-2015, 09:02 AM
  2. تفاصيل مقابلتي مع السفاره في الرياض يوم السبت جون
    بواسطة Robot في المنتدى بوابة السفر الى امريكا الولايات المتحدة
    مشاركات: 10
    آخر مشاركة: 02-03-2015, 07:55 PM
  3. واخيرا رديت علي السفاره الامريكيهاخر مواعيد السفاره
    بواسطة Robot في المنتدى بوابة البعثات مبتعث في الخارج
    مشاركات: 2
    آخر مشاركة: 02-03-2015, 06:20 PM
  4. تفاصيل ماحصل لي في السفاره هذا الأسبوع
    بواسطة Robot في المنتدى بوابة السفر الى امريكا الولايات المتحدة
    مشاركات: 32
    آخر مشاركة: 02-02-2015, 11:59 PM
  5. ماحصل لى بايطاليا
    بواسطة Robot في المنتدى Italy بوابة السفر إلى ايطاليا
    مشاركات: 34
    آخر مشاركة: 01-30-2015, 11:34 AM

المفضلات

المفضلات

ضوابط المشاركة

  • تستطيع إضافة مواضيع جديدة
  • تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
X