الموضوع: فديت اهل دبي دار الحي مساعده دبي يوم واحد ضروري

السلام عليكم ورحمه الله وبركاته

اختكم من الكويت وابي مساعدتكم في جدول لزيارة دبي يوم واحد

احنا 3 اشخاص ومامعانا اطفال والرحله مدتها 12 ساعه تقريبا


وين تنصحوني اروح وابي كافيهات حلللوة لان مافي وقت لمطاعم وجلسات نبي شي على السريع

امممم وابي تفيدوني بعد بالنسبه للتنقل

وللعلم مو مهم عندنا الشوبينق نبي اي مجمع يسوى للزيارة وكافييهات وتمشي وشغل عدل


ناااطرة اقتراحاتكم وماابي تفشلوني لاني انا اللي بنظم الجدول

وشكرا جزيلا

مواضيع عشوائيه ممكن تكون تعجبك اخترناها لك:

• شهر العسل
• أريد مشورتكم في الفنادق التالية
• وينكم يا اهل ابوظبي
• استفسار عن الفيزا الى الشارقة
• عندي كم استفسار ارجو المساعدة لو تكرمتو
• نداء إلي اهل الامارات وابوظبي
• اتمنى منكم اخواني الامارتين المساعده
• عاجلارجو منكم الـ دخول
• عروض طيران و فنادق دبي في شهر
• الترانزيت في مطار دبي
• مسافر لدبي مع زوجتي وين اتمشي
• لأول مره دبي
• شقق في عجمان
• عيد دبي
• اول مرة اسافر دبي ياهل الخبرة
• عروض مذهلة على طيران فلاي دبي
• 10 ساعات في دبي
• ممكن ترشحوا لي فندق
• خبراء فنادق دبي الفزززززززززززعه تكفون
• دبي في عيون رحالة سعودي

وعليكم السلام ورحمة الله وبركاته

دام انها 12 ساعة فقط عيل انصحكم في مول دبي

نعم مول دبي فيه افخم الكافيهات والمطاعم والمحلات التجارية العالمية اللي ما توجد

في المولات الأخرى . وعندكم كذلك النوافير الراقصة اللي يستمتع المشاهد بها .

وعنكم ايضاً سوق البحار القريب من مول دبي . وايضاً الصعود لقمة برج دبي .

يعني ما بتحصلون مكان تستمتعون فيه 12 ساعه غير مول دبي

وبالتوفيق ان شاء الله

الحر بوشاهين

مشكور اخوي ماقصرت

الحين قررت اروح اتلانتس ونشوفه على السريع وبعدها امارات مول ندخل السكي ونتغدى

ونطلع نكمل في دبي مول .......


ها شرايكم ؟؟؟؟؟؟ عفيه ابي تفاعل لاني بعد يومين مسافره

بسال الاماكن اللي ذكرت على درب واااحد يعني مااحصل زحمه ويضيع الوقت علينا ؟؟؟؟؟؟

مرحبا اختي

تخطيط حلو شكلج مدربة كرة سلة

وتقدرين تخلين الخطة كل آتي

الممشى + اتلانتس + مول الامارات + مول دبي

الممشى ما انصحكم فيه اذا توقيته كان في النهار لأن الدنيا حر

وتقدرين كذلك

أتلانتس + مدينة جميرا + مول الامارات + مول دبي

جميعهم على نفس الدرب وبخصوص الزحمة احتمال تكون زحمة من مول الامارات الى

مول دبي في حال صادفتوا مرور الشارع هذا على الساعه 5:30 لأن وقت انتهاء

الدوامات .

وان شاء الله تقضون اجمل الاوقات في بلدكم الامارات

المشاركة الأصلية كتبت بواسطة superwomanq8
http://www.arabtravelersforum.com/tr...3/#post3761652

الحر بوشاهين

مشكور اخوي ماقصرت

الحين قررت اروح اتلانتس ونشوفه على السريع وبعدها امارات مول ندخل السكي ونتغدى

ونطلع نكمل في دبي مول .......


ها شرايكم ؟؟؟؟؟؟ عفيه ابي تفاعل لاني بعد يومين مسافره

بسال الاماكن اللي ذكرت على درب واااحد يعني مااحصل زحمه ويضيع الوقت علينا ؟؟؟؟؟؟



هلا اختي حياك
اخوي الحر بو شاهين ما قصر ولا نقدر نزود علي نصايحه
برنامجك انتي برضه حلو ومميز
اتلانتس بين ساعه الي ساعتين كفايه
مول الامارات وسكاي راح يكون تقريبا" 3 ساعات
وبقية الوقت دبي مول
بالتوفيق اختي