الموضوع: فديت اهل دبي دار الحي مساعده دبي يوم واحد ضروري

السلام عليكم ورحمه الله وبركاته

اختكم من الكويت وابي مساعدتكم في جدول لزيارة دبي يوم واحد

احنا 3 اشخاص ومامعانا اطفال والرحله مدتها 12 ساعه تقريبا


وين تنصحوني اروح وابي كافيهات حلللوة لان مافي وقت لمطاعم وجلسات نبي شي على السريع

امممم وابي تفيدوني بعد بالنسبه للتنقل

وللعلم مو مهم عندنا الشوبينق نبي اي مجمع يسوى للزيارة وكافييهات وتمشي وشغل عدل


ناااطرة اقتراحاتكم وماابي تفشلوني لاني انا اللي بنظم الجدول

وشكرا جزيلا

مواضيع عشوائيه ممكن تكون تعجبك اخترناها لك:

• أفضــل شركة تأجير سيارات في دبي
• شقق روز قاردن
• معلومات عن كامل الفنادق من فئة خمس نجوم في أبوظبي
• الفزعة ياأهل دبيييييييي
• كيف احجز و اروح جزيرة صير بني ياس ورحلة السفاري فيها عاجل لو سمحتم
• القصيم الشارقة من معنا ؟؟؟
• سعر التذكره الرياضدبي الخطوط السعوديه
• فنادق روكو فورتيه العالمية تدشن فندقها بأبوظبي
• عجمان كم تبعد عن دبي وهل به شقق
• نطلب الفزعه من اهلها
• دبـــي دار الحي وبرج العرب بعدسة صور
• طلب مساعده
• اطلب مساعدتكم لأقضي احلى شهر عسل
• استفسارات عن اسواق دبي
• أحد جرب للانشطة الترفيهيه
• أسعار أجار السيارات في دبي ؟
• استفسار
• ما الأفضل دوست مارينا او شقق الواحة أو فندق
• الحجز بواسطة موقع فندق كوم
• ممكن برنامج سفرة لدبي أيام

وعليكم السلام ورحمة الله وبركاته

دام انها 12 ساعة فقط عيل انصحكم في مول دبي

نعم مول دبي فيه افخم الكافيهات والمطاعم والمحلات التجارية العالمية اللي ما توجد

في المولات الأخرى . وعندكم كذلك النوافير الراقصة اللي يستمتع المشاهد بها .

وعنكم ايضاً سوق البحار القريب من مول دبي . وايضاً الصعود لقمة برج دبي .

يعني ما بتحصلون مكان تستمتعون فيه 12 ساعه غير مول دبي

وبالتوفيق ان شاء الله

الحر بوشاهين

مشكور اخوي ماقصرت

الحين قررت اروح اتلانتس ونشوفه على السريع وبعدها امارات مول ندخل السكي ونتغدى

ونطلع نكمل في دبي مول .......


ها شرايكم ؟؟؟؟؟؟ عفيه ابي تفاعل لاني بعد يومين مسافره

بسال الاماكن اللي ذكرت على درب واااحد يعني مااحصل زحمه ويضيع الوقت علينا ؟؟؟؟؟؟

مرحبا اختي

تخطيط حلو شكلج مدربة كرة سلة

وتقدرين تخلين الخطة كل آتي

الممشى + اتلانتس + مول الامارات + مول دبي

الممشى ما انصحكم فيه اذا توقيته كان في النهار لأن الدنيا حر

وتقدرين كذلك

أتلانتس + مدينة جميرا + مول الامارات + مول دبي

جميعهم على نفس الدرب وبخصوص الزحمة احتمال تكون زحمة من مول الامارات الى

مول دبي في حال صادفتوا مرور الشارع هذا على الساعه 5:30 لأن وقت انتهاء

الدوامات .

وان شاء الله تقضون اجمل الاوقات في بلدكم الامارات

المشاركة الأصلية كتبت بواسطة superwomanq8
http://www.arabtravelersforum.com/tr...3/#post3761652

الحر بوشاهين

مشكور اخوي ماقصرت

الحين قررت اروح اتلانتس ونشوفه على السريع وبعدها امارات مول ندخل السكي ونتغدى

ونطلع نكمل في دبي مول .......


ها شرايكم ؟؟؟؟؟؟ عفيه ابي تفاعل لاني بعد يومين مسافره

بسال الاماكن اللي ذكرت على درب واااحد يعني مااحصل زحمه ويضيع الوقت علينا ؟؟؟؟؟؟



هلا اختي حياك
اخوي الحر بو شاهين ما قصر ولا نقدر نزود علي نصايحه
برنامجك انتي برضه حلو ومميز
اتلانتس بين ساعه الي ساعتين كفايه
مول الامارات وسكاي راح يكون تقريبا" 3 ساعات
وبقية الوقت دبي مول
بالتوفيق اختي