الموضوع: استفسار عن موقع تشليح امغره

السلام عليكم

اخوي وانت داش من السالمي شوف طريق الجهراء وامش معاه وتاخذ الدائري السادس لين توصل الجهراء السكراب قريب من منطقة الجهراء

الخوى وفا وكفا

حياكم الله

مشكورين وما قصرتوا ، بس واحد من الشباب يقول السكراب قريب من منطقة اسمها جليب الشويخ ويقولي المنطقة كلها ورش سيارات وقطع غيار ،،،،،
انتم يا اهل الكويت وش رايكم في صديقي

اخوي موقع سكراب امغره بالجهراء وامام مدينة الشيخ سعد العبدالله بالضبط وانا رايح له قبل اسبوعين

مشكور اخوي كويتي الله يجزاك خيرا

السلام عليكم ، أخوي الطريج سهل وأسمحلي أضيف علي كلام الأخ الكويتي أذا مشيت في الطريق السادس راح تشوف مدينة سعد العبداللة علي أيديك اليسار وبعدها بشوي راح تلقي جدامك جسر بس مو كبير ، تأخذ يمين وتكمل تلقي جدامك دوار تأخذه فوق تحت وتصعد الجسر وتكمل سيده تلقي جدامك منطقة السكراب وأنا أنشاءالله يكون وصفي واضح ، وحياك الله .

أضيف على كلام الأخوه ..

بعد ما تدخل من منفذ جوازات السالمي
تمشي تقريبا 100 كيلو
يجيك مخرج على اليمين مكتوب (طريق الدائري السادس)
مع طريق الدائري السادس - راح يجيك جسر تمر من تحت-
والجسر اللي بعده أخذ المخرج يمين - طبعا راح تدخل شارع بدون إضاءه
يجيك دوار ، أخذ المخرج الرابع من الدوار وبعدها تصعد الجسر بإتجاه منطقة أمغره
بعد ما تنزل من الجسر يجيك دوار أمغره

وهذي خريطه ممكن تستعين بها ..
http://www.multimap.com/world/KW
على الخريطة تشوف :
من منفذ السالمي
ثم طريق 70
ثم طريق 6
ثم طريق 605
ثم تلقى منطقة مغرة وهي على الخريطة (Amghara Industrial Area)

مشكورين كلكم على الوصف السهل ، ولله الحمد تم الذهاب الى امغره وقضاء اللزام ،،،،،،،،،