الموضوع: افضل خطوط الطيران للسفر الى امريكا

السلام عليكم جميعا

انا مسافر ان شاء الله مع الاهل من السعودية الى لوس انجلوس في June فياليت الاخوان يقترحون علينا افضل خطوط الطيران للسفر عليها لا يهم سواء كان الاقلاع من الرياض او جدة او الدمام...

الاهم هو انه ما اغير خطوط الطيران(مثلا اسافر على اللوفتانزا و من ثم اركب الديلتا في امريكا للوصول الى لوس انجلوس) اريد نفس الخطوط توصلني الى لوس انجلوس و لا اريد المبيت في اي مدينة قبل الوصول(يعني الانتظار بين الرحلة و الاخرى بالساعات فقط و انا بالمطار)

افضل الخطوط من ناحية الخدمة و الراحة؟؟

شااااااااكرا لكم مقدما...

مواضيع عشوائيه ممكن تكون تعجبك اخترناها لك:

• احتاج شوية معلومات عن نييورك ولاس فيجاس
• ابي حجوزات الطيران الداخلي من لأس فيغاس الي سان فرانسيسكو
• الفيزا والوقت المعطى لاستخراجها
• اسئله واستفسارات خاصة ومصيريهلوس انجلوس وفيغاس
• رقم الفيزا؟؟
• الفزعه بليييييييز
• التذاكر المخفضه لواشطن
• الجو بفلوريدا
• مهم جداااااااا
• إستفسار زيارة لصديقي المبتعث
• الفيزا الامريكية ولكن العام كنت في سوريا
• اختي واخوي و بنت اخوي ينفع معي بنفس المعرف
• ارجـــــو الــمــســاعــده
• اتفاقية الاجواء المفتوحة بين المملكة واميريكا
• استفسار
• خطة رحلتي القادمة الى امريكا منتصف يونيو
• ارجو المساعدة لإعداد جدول الرحلة نيويورككاليفورنيا
• الجواز بينتهي قبل ما تنتهي الفيزا بـ سنة ونص ،، ماذا أفعل ؟
• اول مره اسافر امريكا
• ممكن خدمه جوازي انتهى ولازالت الفيزا ساريه

اخي ما في خطوط واحدة توصلك الى لوس انجليس مباشر, لان كل الخطوط التي تسافر سفر داخلي في امريكا ما ليها طيارات في السعودية
عموماً شوف هالمواقع
http://www.emirates.com
http://www.turkishairlines.com
http://www.gulfairco.com
و عموماً السفرمن جدة بطيران السعودية أحسن لان مدة الطيران منها الى نيويورك تقريباً 11 ساعة و نص (لا تؤاخذني اذا طلع الوقت أكثر)

أنا أسافر عالبريتيش British Airways أحلى شي .... من لندن لى لوس انجلوس دايركت .... و مريحه جدا جدا إذا بتاخذ البيزنس كلاس أو الفيرست ...

عندك السويسرية توصلك للوس انجلس بس طبعا تمر على جنيف اولا

هلا اخوي (نايف نايف)

انا ادري انه مافي خطوط توصلني من السعودية الى لوس انجلوس مباشرة لكن في امريكا انا ابغى انزل في لوس انجلوس فقط ما اريد النزول في نييويورك او غيرها...لكن ما عندي مشكله انزل في فرانكفورت او لندن...
على العموم الله يعطيك الف عافية...و ان شاء الله بزور المواقع اللي عطيتني
الف شكر...

هلا اختي بنت الصقور...
الله يعطيك العافية على الرد....و مثل ما نصحتيني و نصحني كثير من الاخوان بــ British Airways و فعلا هي احد الخيارات خاصة انه مطار هيثرو من المطارات المحببة لي...

على العموم...ننتظر بقية الاراء من الاخوان..و نتخلص من الحيرة :114: و نصل لاختيار الافضل

هلا بحر العيون...

صراحة ما فكرت بالسويسرية...لكن ان شاء الله بسأل عنها

الـــف شــكــر

عليك بالسعوديه ثم من مطار لقوارديا الى لوس انجلس على الا مريكان ايرلاينز او الدلتا

أعوذ بالله ... السويسريه لو بلاش ما أروح عليها .... ضيقه ... زي البريتش ما فيه

هلا اخوي الناصر

مشكور على ردك بس انا ما ابغى اغير خطوط الطيران....شغله طويله صراحة

و الله المؤيدين للبريتش كثيرين يا بنت الصقور...

لقيت الخطوط الهولندية klm من( الدمام - امستردام - لوس انجلوس) و هي الانسب لي من ناحية الوقت.....

وش رايكم فيها؟؟؟؟ هل في احد جربها او سمع عنها؟؟؟؟ :114:

الله يهديك تقارن مطار أمستردام اللى كراسيه تقطع الظهر ، بمطار هيثرو !!! و خصوصا قسم البريتيش ايرويز ... يا سلام بس ... نصيحه عيد النظر اخوى

و الله الجميع يغريني بالبريتيش :107:

حمستوني اركب البريتش و خصوصا انتي يا بنت الصقور....

مشكووووورين جميعا...و اللي عنده اي اقتراح لا يبخل علينا

السلام عليكم
1- السعودية
2- الاماراتية
3- الالمانية
4- البريطانية

يعطيك العافية mrsoh

البريطانية ممتازة

شكرا يالحكيم

الاراء تميل للبريطانية و ان شاء الله اتوفق بالحجوزات
دعواتكم :101:

ياغالين أعتقد البريطانية ماتطلع من السعودية في الوقت الحالي

بالفعل إتصلت عليهم اليوم وأخبروني أن تاريخ 27 مارس هو يوم للبرتش بالسعودية

يعني بعد 27مارس مافيه برتش تقلع أو توصل للملكة

قالوا لي تبينا رح للبحرين معصي وحسبي الله على من كان السبب

البرتش ايرويز ممتازه .. :106: وبعد الفيرجن اتلانتك كثير جيده و يمدحونها العرب اللي راحوا عليها ... بس ما اعتقد ان لها رحلات من السعوديه شوف لك الاماراتيه او القطريه لي لندن هيثرو ومن لندن على طول لي لوس انجلوس .. كراسيها مريحة و ممتازة .. :107:

تحياتي .. عمري قطر :101:

[align=center]
اخوي انا جربت طيران klm الى امريكا
الصراحه ممتازه ومطار امستردام حلو

ان ماجربت البريطانيه مع ان الكل يمدحها
لكن اذا فعلا اوقفوا رحلاتهم من السعوديه, احجز عالـ klm وتوكل على الله وما راح تندم

تحياتي[/align]

يعطيكم العافية جميعا....

اذا ما لقيت على البرتش البريطانيه

لا تاخذ غير الاماراتيه او الكويتيه الى نيويورك او شيكاغو

و من نيويورك او شيكاغو الى لوس انجلوس عبر اميركان ايرلاينز

لاتفوتكم الماليزيه .... اقل من 3000 ريال !! هاذا الكلام قديم والله مادرى عن الحين .. وتنزل فى


نيو وارك ... عن نيويورك 40 دقيقه مع الجسر ... والله يوفق الجميع ....

( ديرتن .. عشت فيها 3 سنينى ... وانا توى صغيرى ... وابوى ضابط تموينى ...)

زي برتش مافيه


مدامك تقول مافي مشكله اذا تقلع من الرياض او الدمام او جده


احجز من البحرين واطلع من البحرين على لندن وتريح في مطار هيثرو وبعدين تواصل

تنبيه مهم ياشباب

اللي بيطلع على البرتش من البحرين فيه ترانزيت في لندن لمدة 10 ساعات وبعدها تقلع الى دنفر كولورادو

طبعاً 10 ساعات ممله جداً جداً مهما كان

في نظام دولي موقع عليه بكندا ان لو الانتظار يزيد عن الثمان ساعات شركة الطيران تأمن للمسافر سكن

فلاتنسى تطلب السكن من مكتب السفريات

انا طلبت واوضاعي اوكيه والسفر قريب جداً فلذلك لازم الاخوان ينتبهون للشي هذا

والتذكره طلعت علي فقط ذهاب 4310 ريال وذهاب عوده قيمتها 7750

بس انا اخذتها ذهاب فقط

اذا طلعت على البرتش من (( الكويت ))

الانتظار بلندن الى رحله دنفر كولارادو فقط ساعه و خمسين دقيقه 1.50

و ما راح تحس فيها لانك بتكون قاعد تنزل من الطياره و رايح للبوابه الثانيه للطياره الثانيه


يعني كأنك نازل من طياره و راكب الثانيه مباشره و تطير

السلام عليكم...
يا اخوان سمعت ان هناك الخطوط القبرصية وانها رخيصة وتوصل الى اورلاندو احد عنده خبر؟

والله اخوي شقردي كويتي هذا هو الحال
يمكن انك سافرت في غير موسم او غير الشهر والله مدري

يعني اول عشر ايام من اغسطس شيكت عليها كلها انتظار 10 ساعات في مطار الهيثرو ثم تطلع الى دنفر

اهم شي موفر لي فندق بكيفهم

المشاركة الأصلية كتبت بواسطة بوسعود


والله اخوي شقردي كويتي هذا هو الحال
يمكن انك سافرت في غير موسم او غير الشهر والله مدري

يعني اول عشر ايام من اغسطس شيكت عليها كلها انتظار 10 ساعات في مطار الهيثرو ثم تطلع الى دنفر

اهم شي موفر لي فندق بكيفهم



اخوي بوسعود

رحلات البرتش من الكويت تطير من الكويت دائما الساعه 8.05 بتوقيت الكويت الصبح و توصل لندن هيثرو الساعه 13.55 بتوقيت لندن

ثم تطير من لندن هيثرو الساعه 15.50 العصر بتوقيت هيثرو متوجهه الى دنفر كولارادو و توصل هناك الساعه 6.20 المغرب بتوقيت دنفر


هذا بالنسبه للذهاب

اما بالرجوع من دنفر الى الكويت

فناها تطير من دنفر الساعه 8.30 بليل بتوقيت دنفر و توصل لندن الساعه 12 الظهر بتوقيت لندن (( ثم انتظار 10 ساعات في هيثرو )) ثم تطير من لندن الساعه 10 بليل بتوقيت لندن و توصل الكويت الساعه 5.30 الفجر بتوقيت الكويت


بالمختصر -- في الذهاب فقط 1.50 دقيقه انتظار --- في العوده فقط 10 ساعات انتظار

طبعا هذا الجدول يوميا للبريطانيه من الكويت طوال السنه

و الكلام كله من مكتب البريطانيه بالكويت

تحياتي لكم جميعا مع اطيب التماني برحله سعيده و غير مكلفه :11ight:

الله يعطيك العافيه ياغالي

الانتظار راكبك راكبك يا في الذهاب او الرجوع بس حلو الواحد يعرف وش له وش عليه يعني السكن يكون إلزامي على الشركه

السلام عليكم ورحمة الله وبركاته

وش رأيكم في افضل شركة طيران الى هيوستن .

الفرنسية , التركية , او الالمانية , الهولندية .

وكيف الاسعار.

شكرالله لكم