استفسار وطلب عاجل

**ahmed1** · 02-03-2015, 03:36 AM

ارجو من الاخوة اعضاء المنتدى الكرام مساعدتي انا محتاج للسكن في جزيرة بشاطيء خاص لي ولزوجتي فاين يمكن لي ايجاد ذلك وهل يتوفر في دول الخليج؟

مواضيع عشوائيه ممكن تكون تعجبك اخترناها لك:

**ahmed2** · 02-03-2015, 03:36 AM

ماعتقد اخوي ان هناك طلبك
ولافي اي دولة بالخليج
ماعدا بعض الشاليهات ممكن كم متر قدامها للشالية
بس شاطئ كامل
يبيلك تستاجر جزيرة
دمت بود

**ahmedgaper** · 02-03-2015, 03:36 AM

اضيف على كلام استاذ ابوطلال .. اول شي اذا تفكر هالفتره ترا حر واايد فالخليج .. عموما اذا تبي فالامارات بقولك فكره حلوه .. او بالاصح اقتراحين :

اول اقتراح : جزيره الفطيسي .. روحها في نص الاسبوع تلاقيها فاضيه تقريبا واذا فيها حد يمكن عايله ولا عايلتين ومحد له دخل بالثاني بس تراها جزيره تقدر تقول عندها فندق نجمتين الا ربع .. يعني لا تتوقعها راهيه وايد .. فيها شاليهات عاديه حق شخصين تقريبا يتراوح سعرها من 800 - 1200 فالليله حسب الموسم .. بس الحلو انها فاضيه وجوها فالليل حلو .. وتقدر تدور في قوقل وتكتب ( نادي الفطيسي للرياضات المائيه وتاخذ فكره عن الجزيره ) بس حط في بالك انه الصور تخدع شوي ..

الاقتراح الثاني واعتقد انه حلو : جزيره صير بني ياس وفيها منتجع توه يديد اسمه منتجع جزر الصحرا بس هو تابع للعلامه التجاريه اناناترا ( ادخل الموقع وخذ فكره عنه ) .. http://desertislands.anantara.com/default.aspx

ونفس ما قتلك روح في نص الاسبوع وحدك تلاقي فيه اجانب والحين ترا ما بتحصل الا ناس معدودين ومحد له خص بالثاني الا فيما ندر اذا انت منحوس وفي قروبات تابعه للشركات بس تجنب الويكند ..

عموما هالمنتجع اول شي غالي (الغالي سعره فيه ).. ثاني شي مشواااار .. يعني من مطار بوظبي (30 دقيقه - 45 ) وبعدين رحله بحريه للجزيره تقريبا 25 - 35 دقيقه ..

واذا بالسياره تقريبا ساعتين - 3 ساعتين + الرحله البحريه ..

والسموحه منك هذا هو اقرب حل لطلبك .. لانه حتى استأجار جزيره راح يكون مكلف جدا .. غير انه اصلا ماعندنا بالخليج جزر للايجار ..