المشاركة الأصلية كتبت بواسطة In Fact
http://www.arabtravelersforum.com/tr...5/#post2819445

بارك الله فيك أخـوي ..
أدري اتعبتك معي
لكن صدقني ما يجيك الا الدعاء مني ومن الوالدهـ

من خلال تجولي في هذا القسم ومواضيعك والضيعه اللي صارت ..
أستخلصت إني اذا جيت أروح للسفارة لازم آخذ التالي .. وهو اللي الحين انا مسويه علماً بأن تأشيرتي للدراسـة :

1- جواز السفر ..
2- تعبئة نموذج DS-156 .. وعبيتـه ..
3- صور مقاس 5 × 5 .. خلفيه بيضاء .. جبناها وخلصنا ..
4- تعبئة نموذج DS-157 .. عبيته لكن فيه شي ناقص .. طلب الإسم بالعربي كامل .. حاولت أكتبه بالعربي ما يجي وش الحل ..!!
5- الإيصال لدفع رسوم التأشيرة من سامبا .. لحد الآن ما جبتـه وإن شاء الله اليوم الصبح أخلصها ..
6- تعبئة نموذج DS-158 .. عبيته لكن في رساله لهم من موقع السفارهـ للعائله لازم تكتبهم كلهم .. انا كتبت عدد الخانات الموجود في النموذج هل يكفي أو لازم أجيب أكثر ..؟!
7- إستمارة الـ I-20 من الجامعه .. هذي موجودهـ ..
8- وصل رسوم السيفيس .. هذا دفعت قيمتـه الـ750 .. لكن ما عرفت آخذ الإيصال .. وش الطريقه لاخذهـ ..!!
9- شهادة الثانوية .. وموجودهـ ..
10- الإثبات المالي لتغطية التكاليف .. هذي موجودهـ مع إني كاتب في النموذج DS-156 إني بروح على حساب الدولـه ..

سؤال1 : هل هذي فقط الأوراق المطلوبة والكامله إذا جيت أروح للسفارة ..؟! أو فيه زيادهـ ..؟!
سؤال2 : أنا إن شاء الله بروح على حساب الدولـة .. لكن يوم رحت أقدم على التعليم العالي قالوا لي جيب اوراقك كاااااااااااامله وتعال لنا .. شامله القبول والضمان البنكي والتأشيرة .. إذا جبتها لنا عطيناك الـok ..
والنموذج DS-156 في إحدى الخانات يسألني من بيدفع التكالـيف ..!!
هل هناك تعارض في هالشي أو ما فيه تعـارض ..!!

وهذا الموعد اللي لقيتـه أقرب شي : 09 June 2009 09:00 AM
ولاحظت بعض الإخوهـ يردد إنه يقدر يدخل كل فترهـ ويشوف إذا فيه إمكانية تعديل الموعد لموعد آخر أقرب ..
يا ليت الرابط والطريقـه ..


والله يجعل مثواك الجنّــه ..





1. ممتاز وكمان الجوازات القديمة لو وجدت !!

2 و 3 ممتاز

4. الاسم بالعربي هو الوحيد يكتب بخط اليد بشكل واضح !!

5. ممتاز

6. ارفق ورقة A4 واكتب غيها باقي افراد اسرتك من اخوان واخوات بنفس المعلومات الي طالبينها !!

7. ممتاز

8. المفروض تطبع التسديد لما تسدده او الايميل الي يجيك وبيرسلولك الاصل على البريد !!

9. الافضل تكون مترجمة !!

10 . ممتاز !!


الاول : ان شاء الله تكون كاملة !!

الثاني : عزيزي انت اكتب على حساب الدولة !! وهم اكيد بيعرفوا الاجراءات واذا سئلوك اشرحلهم الوضع !!


وبالنسبة للموعد الطريقة الوحيدة اذا تبغا موعد اقرب انك تاخذ يوزر جديد بمعلومات وهمية لعدد اشخاص نفسهم الي معاك اذا كان معاك احد ولاكن بمعلومات وهمية كما ذكرت !!

وتدور فيه مواعيد فاضية اول الصباح واخر الليل !!

واذا لقيت شي فاضي على طول تلغي الموعد في اليوزر الاول وتاخذ الموعد الي شفته باليوز الثاني !!



اخر نقطة !! هي انه مهما كانت ساعة موعدك لازم تروح بدري بعد الساعة 6:00 صباحاً
لانه الي يوصل اول يدخل اول ومالها دخل بالمواعيد وهذا فقط في الرياض !!


اتمنى لك التوفيق يارب

مواضيع عشوائيه ممكن تكون تعجبك اخترناها لك: