الموضوع: والله أدريبكم ما بتقصرون

السلام عليكم ........ شخباركم يا أهل الكويت .... حبايبي فديتكم أتمنى انكم تساعدوني وأدريبكم ما بتقصروون

أنا ياية الكويت جريب ان شاء الله .. وعندي جم سؤال ؟؟

1. أي المجمعين أفضل للجلابيات مجمع العربيد وإلا الأوقاف ؟؟

2. أيهما أحلى حديقة الشعب وإلا المدينة الترفيهية ؟؟

3. بغيت أسواق مشابهة لسوق المعلم ( سيتي سنتر السالمية ) ؟ يعني أغراض حلوة وبأسعار مناسبة !

4. أنا بسكن في سارا بلازا بالسالمية .. وبغيتكم تسووون حقي جدول لأربع ايام والأماكن جريبة من بعض في كل يوم ؟؟

بسألكم يقولون العربيد للجلابيات بعيد عن السالمية .. لهدرجة لأني ما أحب المسافات البعيدة !

سؤال أخير: خبروووني عن المطاعم الحلوة خاصة مطاعم السالمية .. انزين لحظة بعد بسألكم بالنسبة لمارينا مول

سمعت ان ينقسم قسمين قسم يطل ع البحر والقسم الثاني مول .. يعني هم مرتبطين ببعض .. يعني مثلا أول شي بسير أتسوق وعقب أبى أسير صوب البحر لازم أروح بسيارة إلا كيف ؟؟؟

شكرا شكرا مقدما

مواضيع عشوائيه ممكن تكون تعجبك اخترناها لك:

• سر ينكشف بعد مرور سنة
• جو الكوووووووووويت
• وين احصل اقمشة رجالية
• مبروووووووووك يالكويتيين التنقل بالبطاقة الذكية بين الخليجي في أكتوبر
• استفسار عن سكن للعزاب
• وين موضوعي
• سؤال عن الطقس في اكتوبر وعن إجازة العيد في الكويت الحبيبة
• فندق كورت يارد ماريوت
• إجراءات وشروط دخول خادمة سائق إلى الكويت بالصور
• ابي عناوين شقق مفروشة معقولة السعر بالكويت عاااجل
• إد هـاردي ؟؟
• اول زياره للكويت
• مجمع سليل الجهراء تفضلوا زوروه من خلال صوري صور جديـــــــــــــده
• ابي مكتب حجوزات للفنادق
• اليك افضل الطرق الى الكويت من الرياض
• استفسار بخصوص تأجير السياره من المطار ولا برا المطار ؟
• بحاجتكم يااهل الكويت لاتخيبون املي الله يخليكم
• معشوقتي
• الان امطار غزيرة على الكويت
• هل توجد تخفيضات ؟

ويييييييييينكم ؟؟؟

مشكووووررررررة ما تقصرين .. ومتى ما ييتوا الامارات ترانا حاظرييين

بسم الله الرحمن الرحيم

ندري فيكم اهلنا وماتقصرون من زمان مو من اليوم واحنا بخدمتكم


اخوج / كويتي1968

1- الافضل مجمع العربيد
2- المدينة الترفيهية و اليوم انا حاط صور لها في تقريري ( رحلتي الي الكويت )
3- دريم مول و موقعة على الدائر الرابع و تقاطعة مع طريق المطار
4- السكن حلو و لو بين جدول شوفي بتوقيعي ( رحلتي الي الكويت ) راح تنظمين جدولك بنفسك احسن

و انا كاتب عن المطاعم الحلوة باكويت و مواقعها و الله يوفقكي يا رب و يشرفي حظوركى بموضوعي

هههههه

لا تحاتي بالكويت ماكو شي بعيد إن شاء الله.

يا هلا بضيوفنا في دولة الكويت

انا عندي العربيد افضل الانه اكبر بوايد من الاوقاف
وبين مدينه الترفهيه وحديقه الشعب مدينه الترفهيه كبيره والشعب قريبه واصغر اشوي بس اذا بتورحون روحو المغرب الانه حر واذا تبين اسواق شعبيه عندج دريم مول بشويخ ومرينا مرتبط بعض بينهم جسر داخل المجمع واللاماكن السياحيه عندج الافنيوز وايد حلو وكبير جدا وعندج المركز العلمي على البحر وايد حلو وعندج مجمع توه فاتح اسمه مو على بالي بس اهو مو بالسالميه وعندج مجمع الكوت هم حلو والمنشر وكويت ماجك والمطاعم طول ماتمشين على البحر في مطاعم وغير المطاعم اللى بالمجمعات

حياج الله اختي في ديرتج الكويت

الدينة الترفيهية أونس احس لما اروحلها جني مسافرة وحلاته تروحين من العصر لان فيها العاب مغطيه ومكيفه مثل القبه الفضائية
وعندح العربيد واااااااااااااااااااااااااايد أحلى وأكبر وموديلاته أب ديت يعني موداثرة مثل الأوقاف لأن شغل الأوقاف تقريبا كله هندي
وعلى فكرة في أكثر من مجمع للعربيد بس اللي أقصدة مجمع العربيد اللي في الفروانية خلف جمعية الفروانيه تلقين كله خياييط وعندهم موديلات معروضة يعني حلاته تروحيله أول ماتجين الكويت علشان يمدي يخلصون دراريعج
والنسبة للأسواق الشعبية عنج دريم مول على الدئري الرابع في منطقة الري وعندج فاشن مل في السالمية شارع سالم المبارك مجابل مارك اند سبنسر وعندج المعلم غي بستي سنتر أعتقد هذيل أفضل الأسواق الشعبية
والسموحه إذا قصرت

وبالنسبة للمطاعم عندج مطعم فريج اصويلح بالسالمية أكل كويتي ومطعم المرسى في فندق مريديان اللي على البحر تخصصة سمك ومطعم عبدالوهاب لبناني يم الأبراج وشرمبي يم الأبراج وهم الخيام إيراني يم الأبراج وهم يمدحون ميس الغانم أنا الصراحه ما عجبني هم لبناني
وأنصحج تروحين القهاوي الشعيية يم مرينا مول على البحر مباشرة موبعيدة عنه تلقين فيها أذا تحبين جاي فحم وجبده وجلاوي وعرايس وصاج ونخي وباجلا يعني قعدة حلوة بس حلاتها بعد الساعة 9 بالليل وهم فيها العاب كهربائية لليهال.

فدييييييييييتكم والله ما قصرتوا ... تسلموووون

بغيت أسألكم عن مجمع العدساني .. وينه ؟؟؟ وشو يبيعون فيه ؟؟ يعني جذيه سوق شعبي ؟؟؟

السلام عليكم

مجمع العدساني في منطقة حولي يكون ورا مستشفى دار الشفاء والبريد .


محلات حق الشباب للتي شيرتات والبنطلونات الجينز والبدل الرسمية وفيه النصر الرياضي .

اسعاره رخيصة ومتنوعه وكل المقاسات موجوده عندهم.


حياج الله واي استفسار حاظرين

والله مشكووووور يا خوووووي تسلم ........ يعني مجمع العدساني ما فيه هدوووووم بنات وحريم .. يعني بس حق الشباب؟

انزين وبعد بسألك : مجمع المخازن الكبرى هذا ويين ؟؟ شنو بضاعته ؟؟ لأن هنيه في الامارات لايعة جبدي من مجمعات الماركات .. والصراحة مليانة ملابس للزلمات والأجانب ما تناسبنا..

يعني خبرني عن الأسواق المشابهة لسوووق المعلم ؟؟؟

مجمع المخازن كلة ملابس شباب من الصين وتركيا ملابس البنات الرخيصة مجمع النقرة الجنوبى بمنطقة حولى

بسم الله الرحمن الرحيم

والله ياختي المخازن مثل العدساني

الا سواق الرخيصة ----- مجمع النقره ( حولي ) - مجمع كويت ماجيك ( ابو حليفة ) شاهبندر الامارات ( الفحيحيل )

بيت اولادنا ( الفحيحيل ) وفي وايد في منطقة الفحيحيل.

وحاظرين ياختي اي استفسار

حبايبي أدري حشرتكم ( أقصد طفرتكم ) بس بغيت أسألكم عن الجزيرة الخضراء حلوووة ؟ تستحق الزيارة ؟ فيها مطاعم وكافيات ؟ يعني فيها قعدات حلووووة ؟

بسم الله الرحمن الرحيم

انا والله ما انصح فيها . ما اشوف فيها شي يسوى الزياره


حاظرين للطيبين

والله انك ما تقصر ياخوووي كويتي أصلي .... ما تقصررررر

امممممم .. والله مستحية من كثر ما أسئل ... المدينة الترفيهية - حديقة الشعب - الاكوابارك - المسيلة المائية .. هذا الأماكن في أيام مخصص للنساء فقط .. وفي أيام للعائلات ... خبروووني متى أيام العائلات .. ؟؟ بليز أبى أيام صحيحة .. عشان بحط جدول وما أبى أضيع وقتي هناك ..

مدينة الترفيهية للعائلات ممنوع دخول الشباب وتغلق يوم السبت فقط.

الاكوابارك يوم الثلاثاء للنساء باقى الايام للعائلات وشباب.

حديقة الشعب للعائلات لايوجد يوم مخصص للنساء

المسيلة المائية يوم السبت والاثنين والاربعاء للنساء فقط اما الاحد ,الثلاثاء , الخميس , الجمعة للعائلات.

نصيحة اخوية لاتذهبى للجزيرة الخضراء تضعت وقت لايوجد بها شىء اذهبى الى الابراج او المركز العلمى افضل

من الجزيرة.

والله هالمنتدى عجييييييييب ... عن جد محد يقصر وياااك .. يعطيكم العافية يا هل الكويت .. أهل الديرة

اى شى تبينة انا حاضر يا اختى العزيزة بخصوص الفندق انشاللة اخترتى

بسم الله الرحمن الرحيم

اختي لا تستحين بالعكس شي حلو ان الواحد يخطط رحلته وتعبكم راحه

هني كل الي تبينه http://www.e.gov.kw/sites/kgoarabic/...tiveSpots.aspx


وحاظرين لاي استفسار

حياج الله اختي

والله اذا بتوصلين قبل تاريخ 21 هالشهر ماعندي مانع التقي فيج وبرسم الخدمه اوديج لأحسن خياطين العربيد لأن مو كل واحد خياطه سنع

انا ان شاء الله رايحه استراليا وبنطب بدبي دار الحي ترانزيت


اذا هذي اول زيارة لج للكويت خل اعطيج الزبد على قولتهم

عندج اليوم الاول: منطقة الفروانية بالتحديد "مجمع العربيد اللي خلف جمعية الفروانيه" طبعا راح يكون زحمه لأن موسم رمضان قريب فيفضل تروحين مبجر الصبح عالساعه عشر وتاخذين لج لفه عدله بالمجمعين ترى اهما يم بعض واحد قديم والثاني احدث منه واذا طلعتي منهم راح تلاقين يم المجمع عاليسار ساحه ترابيه فيها محل انصحجججججججججججج فيه لان اهو احس واحد بالشغل والقصه اسمه "كاشيش" وكذا محل بعد زينين وهذولا اختي بره المجمع مقابلين للساحه الترابيه,,,وعندج بعد المجمع اللي بهالساحه اسمه الخيمه تلاقين بعد فيه عبايات وتحت محلات دراريع وبالدور الثاني انصحج تتغدين بمطعم قيصر او تروحين لمطعم مهراني بالجهه المقابله لجمعيه الفروانيه وعندج كذا مطعم بهالمنطقه مثل ابو شقرا او كريستال او مغل محل

طبعا منطقة الفرواااانيه مو طبيعيه للتسوق وزحمه يادنيا زحمه بالأخص شارع حبيب مناور يكون فيه مجمعات الحمرا مول والعربيد بلازا والعربيد جاليري

عقب الغدا روحي لجمع الافنيوز لأن اقرب للفراونيه وتمشي فيه وتعشى وممكن تلعبين الاطفال بالالعاب الموجوده بهالمجمع الضخم وترى نص يوووم مو كافي له

وهم دريم مول "مثل سيتي سنتر" قريب من الافنيوز

ثاني يوم

روحي لمطقة الفحيحيل عندج كويت ماجيك تسوقي فيه وفوق تغدي ولعب للاطفال وهم بالخارج في العاب

وبعده اطلعي للكوت والمنشر(مجمعين يم بعض) حلوه الجلسات بالكوت وفيه مطعم الميجانا بالداخل

وإذا حصلت لج الفرصه وانتي طالعه من كويت ماجيك ورايحه للكوت والمنشر تقدرين تمرين صالة الروضان وهي صالة مناسبات عامه وهالايام قبل رمضان تصير دايم فيها عروض للمشاغل النسائيه وشغل بيوت اضمن لج ان راح تستانسين فيه لأن تجربه متفرده فيها الكويت

ثالث يوم

عندج حولي

روحي الصبح لمجمع النقره الشمالي او الجنوبي وهو مخصص للملابس النسائيه الكاجوال وهم مجمع العثمان

وعندج بمنطقة حولى خيارات متعدده للمطاعم مثل مطعم حسني فوق سنتر بوينت وهو مطعم مصري او جربي مطعم المحيسن او بيتزا هت وبعد الغدا روحي لمجمع المهلب تقدرين تدشين السينما او تجلسين بالكافيهات للراحه وانصحج بالمحلات اللي تحت وهي اكشاك صغيره عندهم اكسسوارات من لبنان و ايضا ملافع تقليد درجه اولى بأسعار روعه
واذا حااابين العاب للاطفال انصحج بحولي بارك قريبه من المهلب

اليوم الرابع

السالميه

عندج الحوش "القيصريه" ومجمع العنجري متخصصين بالاحذيه

ومطعم فريج صويلح بهالمنطقه قريب من مجمع المارينا موووول حده عجيب واهو في نفس امتداد مجمع الفنار (احب هالمجمع) و مجمع ليلى جاليري و البستان ووووو وهالشارع جدا نشط وممتع لكن لايقارن بالجلسه بالمارينا كرست وهو الجزء اللي عالبحر

وهالاماكن قريبه من حديقة الشعب اذا حابين تروحون لها

مقترحات اخرى
عندج سوق شرق وبجانب البوابه الجسر قهوة الشميمري والجلسه فيه ممتعه وعنده العاب للاطفال
وممكن تطلعبن منه تروحين الابراج وتتعشين في اشهر مطعم بالكويت "ميس الغانم"


اتمنى لج اقامه ممتعه مع ان جونا كلللللش ما يشجع عشان جذي ما ودي انصحج بالاماكن المكشوفه

حلاة الكويت بالربيع والشتاااا ههههههههههه

ايييي صج نسيت اقول لج بعد إذا تحبين المعارض النسائيه

تقدرين تروحين لبيت ديفا و كاريزما و بيت سدرة

وهالبيوت مخصصين للمعارض والمشغولات النسائيه وكل اسبوع او 3 ايام يكون المعروض غير

ومكانهم بجانب المستشفى الاميري

المشاركة الأصلية كتبت بواسطة بيت الكويتى
http://www.arabtravelersforum.com/tr...9/#post4045309

اى شى تبينة انا حاضر يا اختى العزيزة بخصوص الفندق انشاللة اخترتى




هيه حجزت سارا بلازا .. جماعة من الأهل سايرين هالفندق ويقولون حلووو ونظيف وجريب من السوق ..ثاااانكس

المشاركة الأصلية كتبت بواسطة كويتي1968
http://www.arabtravelersforum.com/tr...4/#post4045364

بسم الله الرحمن الرحيم

اختي لا تستحين بالعكس شي حلو ان الواحد يخطط رحلته وتعبكم راحه

هني كل الي تبينه http://www.e.gov.kw/sites/kgoarabic/...tivespots.aspx


وحاظرين لاي استفسار




عااااااااااد انت لك شكر خااااااااااص .. الصراحة ما قصرت ومتابع موضوعي من البداية .. تسلم أخووويه

السلام عليكم
العربيد حلو بس لازم تروحيله اول يوم وصول لانهم يفصلون وياخذ اربع ايام الا اذا عجبك شي جاهز والمقاس مظبوط وترى مكانه بالفروانيه , والاوقاف جلابياته فخمة واغلى شوي بس تقدرين تمرينه لانه صغير فيه محل رانيا حلو
بالنسبه للمطاعم لا تفوتين مطعم ميس الغانم بشارع الخليج العربي روووووووووعه وعندك مطعم فريج صويلح بالسالميه خلف المارينا مول فوق ماركس وسبنسر
في بعد مجموعه من المطاعم بجوار بعض منها الصفدي حلوة بالسالميه بجوار المارينا مول .......

أدري واااايد أهذرب .. يعني واايد أرمس .. يعني وااايد أتكلم .. المهم .. أنا بوصل يوم الجمعة الظهر .. عااادي أسير مجمع العربيد العصر وإلا اليمعة يكون زحمة العصر ؟؟ وإلا في خط سريع من السالمية( فندق سارا بلازا) للفروانية ع طووول بعيد عن الازدحام لأن الوالد بيي ويانا وما يحب ازدحام الشوارع ... وإلا أأجل الرووحة للصبح ؟؟ لا لا قعدة الصبح تعب .. والله ما أدري

كوييتي 1968 أتريااااااك ... أنتظرك يعني

المشاركة الأصلية كتبت بواسطة جنة الخلد مرادي
http://www.arabtravelersforum.com/tr...5/#post4070685

أدري واااايد أهذرب .. يعني واايد أرمس .. يعني وااايد أتكلم .. المهم .. أنا بوصل يوم الجمعة الظهر .. عااادي أسير مجمع العربيد العصر وإلا اليمعة يكون زحمة العصر ؟؟ وإلا في خط سريع من السالمية( فندق سارا بلازا) للفروانية ع طووول بعيد عن الازدحام لأن الوالد بيي ويانا وما يحب ازدحام الشوارع ... وإلا أأجل الرووحة للصبح ؟؟ لا لا قعدة الصبح تعب .. والله ما أدري




حياج بالكويت وتنورينا
اخذوا الدائري الخامس واذا زحمه السادس سيده من خط البحر لي الفروانيه

السلام عليكم

اكيد الكويت راح تنور بحضوركم

اختي ماعندنا مشكله ارمسي لين الصبح حاظرين اذا مانخدم ضيوفنا مافينا خير
كان في مسرحية حق طارق العلي بوسارة في العمارة بس يمكن وقفوا عرضها صار لها اكثر من سنة تعرض

ايام العيد وايد مسرحيات

ان شاء الله توصلون بالسلامه الافضل ترتاحون وعن الزحمة زحمة الشارع وزحمة المجمع ثاني يوم تقعدون على راحتكم الصبح وتتريقون و على الساعه 11 الصبح تروحون من الدائري السادس يمكن افضل مو مزدحم كثر الخامس

واي استفسار حاظرين ولا تستحون اخذوا راحتكم

تفضلي تذكرتكم يوم شفت الدراعات http://www.indexsignal.com/vb/showthread.php?t=248488

مشكووور كويتي 1968 .. فيني فضووول من زمان .. نيك نيمك شو يعني ؟ يعني انت من مواليد هالسنة 1968 ؟؟ ترااااااني فضوووولية من زمان أطمنك ...

هذا سر مايصير اقوله على الهوا مباشرة

دااامك قلت سر ... يعني صح انت من مواليد هالسنة ... عيل لازم ما أقووولك أخووي لازم أقوولك مشكوووور أبوووي تراني مواليد 1985 ... خخخخخخ جكييييييتك

العمر كله يارب يا حضرة المباحث

ويييييييييييييه المباحث مرة وحدة .. بسم الله علي.. يا خوووي لا تدخلني بالسياسة خخخخخخخخخ ... بس انتوا يا الشياب حركات بعد .. ادشوووون المنتديات ومطيحين ع الماسنجر والشااات .. وينه العيوووز عنك ...

ههههههههههههه .. تراني أسولف ... يعني أتغشمر .. لا تزعل .. وتشل في خاطرك

بالعكس ياختي قصدي يا بنتي اخذي راحتج

أقووولك يبه بسألك ؟؟ كم ساعة من مطار الكويت للسالمية ( فندق سارا بلازا ) ؟؟ خوووو المسافة من بيتنا لي مطار دبي ساعتين وحياتك ؟؟ يعني درب ..

هيييه تراني من خور فكان ... انزين أنا بوصل الساعة 2 الظهر يوم اليمعة .. ما شي زحمة هالوقت صح ؟

والنعم والله فيكم

وقت زين ماكو زحمة بالشوارع ان شاء الله توصلون بالسلامه

ينعم بحالك باباتي ..

والله يسلمك ان شاء الله .. ومشكور على كل شي ...

ومبرووووك عليكم الشهر مقدما ..... الله يبلغكم ويبلغنا رمضان ان شاء الله ...

والسمووووحة منك ..

علينا وعليكم والله يتقبل اعمالكم صيامكم وقيامكم

بخدمتكم حتى بعد ماتوصلون اي شي تبون حاظر

أكيد يبه لا تتحسب انك افتكيت مني .. تراني اذية وطفرة .. وهناك بشبك ع النت .. وكل يوم بسألك وين نرووح اليوم .. الحين بخاطره الريال يقووول شو بتسأل هذه أكثر من اللي سألته ..!

لا والله بالعكس اذا مانخدم اهلنا واخوانا مافينا خير وتعبكم راحه ولازم تسألون اذا بتروحون مكان علشان مايضيع الوقت عليكم

أوكي بابا سوالفك حلوة و ما تنمل بس اعذني بسير أكمل باجي أغراضي .... أشوووفك بالديرة ان شاء الله ..

ان شاء الله

السلام عليكم .. شحالكم يا أهل الكويت .. الحمد لله رجعنا بالسلامة من الكويت الشقيقة وعلى قولتكم : بلادكم حلوة حلوة بس الوطن ما له مثيل .. رحلتي للكويت كانت قصيرة 5 أيام تقريبا بس الصراحة وناسة .. ع السريع بكتب لكم الاماكن اللي سرتها وعقب بكتب تقرير مفصل ان شاء الله .. الله يسلمكم سرنا : مجمع الفنار - مارينا مول - مارينا كرسنت (مطعم زيت وزعتر ) - سيتي سنتر السالمية - سنتر بوينت السالمية - أبراج الكويت - الأكوابارك - مطعم فريج صويلح (لذيذ) - مطعم ميس الغانم - مجمع النقرة الشمالي والجنوبي - مجمع العربيد - مجمع المهلب- سوق المباركية .... وكلها أماكن حلوووة ..

السلام عليكم

الحمدلله على السلامه

ناطرين تقريركم واكيد راح يكون مميز

الله يسلمك بابا شلونك ...؟؟ عساك بخيرررر.. عااااد والله انك ييت على بالي بالكويت .. قلت يمكن شفتك في مكان وأنا ما أعرفك....

بخير الله يسلمج

اي شفتج وانتي تاكلين مربين بفريج صويلح

لا يبه ما كلت مربين .. رحت أكثر من مرة فريج صويلح ( الوالد عجبه وتخبل عليه ) كلت برياني دياي ، ومجبووس دياي .. شوربة العدس لذييييييييييذة حيييل

السلام عليكم

عليكم بالعافيه ان شاء الله

ترى مو ناسين وين التقرير؟

وعليكم السلام ..الله يعافيك يبه .....

والله أنا بعد مووو ناسية بس مشغووولة هاليومين بتجهيزات رمضااان .. ولوووية .... وان شاء الله جريب بنزل التقرير

الحمدالله ع السلامه


و التقرير يلا ضروري *_^