الموضوع: بالسيارة حلو الطريق من نيويورك الى بوسطن و الا ما يستاهل ؟

لو حبينا نستاجر سيارة من نيويورك الى بوسطن ... قرات ان المسافة 340 كيلو تقريبا اي 3-4 ساعات صح ؟؟ هل الطريق ممتع ؟

مواضيع عشوائيه ممكن تكون تعجبك اخترناها لك:

• شي غير واضح بالنسبة لي
• استفسار بخصوص كشف من الجوازات لآخر عشر سنين لآخي أو أي أحد واجه مشكلة فيها ؟
• ساعدوني يا اخوانيييييييييي
• سوأل لطلاب أمريكا
• اهم معالم لاس فيغاس
• هل هذا معقول؟ أقرب يوم للمقابلة في الظهران بعد أربع اشهر؟
• فندق في لوس أنجلوس
• إجراءات الزواج من امريكية
• ممكن سؤال عن اسم مدينه مدري وينها بالضبط ؟
• استلمت جوازي الأمريكي والحمدلله
• موقع مواعيد المقابله لايعطي مواعيد عاجل لو سمحتو
• من الفرن إليكم حصرياً
• موعد للمقابله
• استفسار عن مدينة العاب للاطفال
• الأم من الاقرباء المباشرون
• مطلوب حجرة واحدة لمدة ثلاث أشهر بمدينة للأهمية القصوى
• موعدي بالسفاره
• استشارة مهمة
• اخخخ بعد انتظار يوم طلعت الفيزا قصتي العجب معاهم
• معلومة مهمة في الابلكيشن

انا رحت من نيويورك الى بوسطن قبل سنتين ..

الطرق حلوه في امريكا بصفه عامه .. ولكن السؤال هل انتم بيكون معكم سياره ولا بتستاجرونها علشان الطريق وتسلمونها اول ما توصلون؟

واذا كنتم تبون تجلسون في بوسطن بدون سياره في طريقه ارخص من استجار السياره وهي انكم تركبون باص وطبعا يعتمد على عدد الاشخاص. في رحلات يوميا من نيويورك الى بوسطن مباشره في باصات نظيفه وفيها خدمة الانترنت .. السعر يختلف مرات ١٥ يمكن توصل عشرين دولار الاتجاه الواحد.

من الشركات الي جربتها وممتازة
https://www.boltbus.com/

وفي باصات الشاينا تاون ما انصح فيها هذي افضل منها.

شكرا ع الرد ... حنا عايلة .. انا و زوجي و 3 اطفال اصغرهم ابو سنة

الطريق حلو بس طويل 3 ساعات ونص اذا انتي جايه بالطياره نازله نيويورك احجزي تذاكر من نيويورك لبوسطن ساعه تقريبا
اما بخصوص المواقف في بوسطن لازم تدفعين ايجار باركن القريب من الشقه مثلا 300 دولار والبعيد ب200 دولار انتي ومخباج
انا اول شهر خمسه بكون هناك واذا تبين اي شي فالج طيب

المشاركة الأصلية كتبت بواسطة حرم ابن بطوطة
http://www.arabtravelersforum.com/tr...1/#post2777200

شكرا ع الرد ... حنا عايلة .. انا و زوجي و 3 اطفال اصغرهم ابو سنة



بالنسبة للطريق ما اذكره بس ما اذكر شفت شي مميز فيه .. وبالنسبة للباصات عادي لا خمس نجوم ولا ست باص عادي يركبه اي واحد سعره معقول بمعدل ١٥ دولار الاتجاة الواحد..

هذي صورته


وهذا الصورة من داخل الباص..



الصور من الانترنت ..

اشكركم ع الرد ....

بالنسبة للباركينج ما فهمت؟ اذا سيارة بنتستاجرها كم يوم لاننا بننتقل الى ولاية اخرى بالطيارة عقبها ....ليش ادفع شهري؟و بالنسبة للسفر بالطائرة ... بنكون مرهقين جدا من سفرتنا (14 ساعة ) ومع اطفال !! فحاطين في بالنا نريح ليلة في نيويورك و نستاجر سيارة الى بوسطن نستمتع في الطريق ان شاء الله بس قريت ان الطريق ما فيه شئ مميز ....


بالنسبة للباص ... مع الاطفال ما فيه اي متعة بس شكرا ع الصور ...