الموضوع: انا محتار وأبي مساعدتكم ياشباب

اهلين شباب ان مخطط إن شاء الله أروح الصيفيه شهر جولاي مع زوجتي وولدي 7 سنوات وناوي اجلس شهر و محتار وين اجلس في كليفورنيا
ناس تقول لا تتعدى إيرفاين وناس تقول لاهويا وأنا صراحة ما ادري وين استأجر فيه
أرجو المساعدة :110:

مواضيع عشوائيه ممكن تكون تعجبك اخترناها لك:

• امباكت نصائحكم وجزاكم الله خير
• شرح اصدار رخصة القياده الدوليه
• ياخبراء كيف اطلع من نيويورك لشلالات نياجرا وارجع بنفس اليوم
• برنامج تدريبي وترفيه
• استفسار يالربع بليز هل الفيزا السياحيه تطول او لا
• حول إبتعاث التعليم العالي لأمريكا
• لوس انجلوس في الثانكس جفن الرجاء المساعدة
• أمريكا في ديسمبر ؟
• مساعده اخرى يا اخ امباكت
• حبيت أسافر أمريكا وأبغي مساعدتكم لو سمحتوا
• سان فرانسيسكو،،استفسار عن ارقام
• اشرايكم في تخطيط رحلتي ابي مساعدتكم
• تقرير رحلتي لأمريكا في يونيو م إلى فلوريدا
• وفد سيدات اعمال
• لم ازر امريكا من قبل ماهي نصيحتكم ؟
• أريد السفر إلى أمريكا، ساعدوني
• ايش الحل في الطريقة هذا للحصول على الفيزا السياحية ؟
• دخول أمريكا من مطار نيويورك
• ارجوك اخي امباكت
• ارغب في الحصول علي هجرة الي امريكا

أمل التعليق يا شباب

مرحبا أخوي

في الحقيقة إذا تبي تاخذ رايي فأقدر أقول لك
لا تحتار لأن أي مكان بتسكن فيه في لوس أنجليس راح يعجبك
إرفاين ولا أناهيم ولا أورنج ولا سانتامونيكا ولا لونج بيش ولا ...ولا...ولا... يارجل بتعبني حقيقة
أنا أقترح عليك أنك تختار الفندق أو الشقة اللي تعجبك في أي من هالمناطق
وبعدين تتكل على الله ولا تخاف راح تنبسط

الله يسعدكم ويسهل أمركم

والله قريت موضوع على المنتدى للصديق محمد usa اقول احسن شي ويست وود لانها منطقه سياحيه وفي ناس اتقول ارفاين وطبعا والت دزني في اناهيم والقرار بالنهايه لك وبعدين اي مكان في لوس انجلوس اعتقد حلو وبالتوفيق انا بعد رايح شهر 7

انا اقولك .. لاهويا هي منطقه بسان ديغو .. حليوه الصراحه .. وجنبها ليغو لاند وسي وورد

وارفاين كلهااا سعوديييين وهاديه مره بس اسبكتروم هو الخرشه
وهي اقرب لديزني ويونفرسال وهوليوود وسانتا مونيكا

مرحبا

أنت بأذن الله راح تقعد شهر وعددكم ثلاثه ولا معكم طفل صغير بيزعجكم...

فا ليش تقعد في مكان واحد أنت قاطع كل هالمسافه علشان أرفاين ولا لاهويا

هم حلوين بس عاد مب شهر؟؟؟

أرفاين الصراحه ما فيها زود والناس ماعندها غير سبكتروم وحتى هو ما فيه زود

أشور عليك بتقسيم ال 4 أسابيع بين

لوس أنجلوس... تحديداً في منطقة ويست وود الكل يمدحها, أقعد أسبوع فيها ودور فيها قد ما تبغى

وقريب منها سانتا مونيكا ولونق بيتش غير أن هوليوود ويونيفرسال أستوديو قريبه مره منها, وبيفرلي هيلز

واذا ما كفاك الوقت زود على الأيام.

الأسبوع الثاني ولازم تزيد عليه لأن الأماكن كثيره يصير في الجنوب وتحديداً نيوبورت بيتش وما راح تندم نهائياً لأن هذي المنطقه روعه , تبعد

تقريباً 25 إلى 30 دقيقه عن أرفاين و أناهايم وعن سان دييغو ساعه ونصف أو أقل وبكذا غطيت الجنوب كله

ونصيحه رح لسان فرانسيسكو شرحه مره وفيها حياة الطريق بسياره ممتع لكن طويييل الأفضل طياره أختصار للوقت.


وبأذن الله الكل بيساعدك وما راح يقصرون معاك

بالتوفيق

شكرا يا شباب على الردود
أن صراحة ناوي استأجر الشقة لمدة شهر وبعدين أتنقل للمناطق الي في كليفورنيا أو حولها
يعني ليس بالضرورة أني أبقعد كل الشهر في أيرفاين أو سانديغو
يعني ممكن أروح يومين لاس فيقس وأربعة في سان فرانسسكو ويومين في سانتا باربرا وهلما جره
أهم شي المكان يكون شرح وحوله وسائل ترفيه وأسواق وسينماء

أكرر الشكر

حياك الله

الصيف الماضي أخذنا شقه في الماريوت فيلاز لمدة 40 يوم وكنا نسافر ونرجع من جديد لها

والصراحه ممتازه من جميع النواحي الخدمات الأسواق قريبه من الشقه تطل على البحر مباشره

والسينما موجوده وبكثره حولينها.. وهو موجود في نيوبورت كوست يعني بالأصح نيوبورت بيتش وذكرت

لك في الرد السابق موقع هذي المنطقه والمسافات بينها وبين باقي الأماكن الثانيه.

تبعد عن لونق بيتش تقريباً 40 دقيقه لكن الطريق الي تسلكه مره يوسع الصدر وعلى البحر ..

وعن لوس أنجلوس ساعه ونصف اذا الطريق زحمه ... وصدقني ماراح تندم عليها اذا أنت مصر على أنك

تستقر بشقه طول المده فهي الخيار الأمثل مع بعد شوي بالمسافات بس ما تضر.

هذا موقع الفندق

http://www.marriott.com/hotels/trave...-coast-villas/

وأطلع على تقريري في أسفل التوقيع....

تحياتي لك وبالتوفيق يارب

المشاركة الأصلية كتبت بواسطة b1418
http://www.arabtravelersforum.com/tr...5/#post2768815

شكرا يا شباب على الردود
أن صراحة ناوي استأجر الشقة لمدة شهر وبعدين أتنقل للمناطق الي في كليفورنيا أو حولها
يعني ليس بالضرورة أني أبقعد كل الشهر في أيرفاين أو سانديغو
يعني ممكن أروح يومين لاس فيقس وأربعة في سان فرانسسكو ويومين في سانتا باربرا وهلما جره
أهم شي المكان يكون شرح وحوله وسائل ترفيه وأسواق وسينماء

أكرر الشكر






انا من اشد المؤيدين لهذه الطريقه :113:


انك تاجر الشقه لمده شهر ومنها تتنقل من غير ما تاخذ معك شنط



حتي كنا نروح سان فرانسسكو لمده 4 ايام وناخذ معانا شنط صغيره



وباقي الاغراض تكون في الشقه ولاتشيل همها



اخف واريح