الموضوع: افضل المدن البريطانيه لدراسة اللغه

بسم الله الرحمن الرحيم




السلام عليكم ورحمة الله وبركاته



كيف حالكم عساكم بخير ..:24:


اخواني انا نويت ادرس بالصيفيه يعني كورس 3 شهور طبعاً انا الأن طالب ثالث ثنوي وقدامي التصفيه قصدي التحظيريه ونا مستواي باللغه تقريباً 2\10 يعني زفت ..

فحبيت استشيركم بالدوله اولاً ثم بالمدينه ثانياً ..

انا احترت بين بريطانيا واستراليا بريطانيا عيبها ان نصها عرب واستراليا عيبها انها بعيده لكن اكثر الناس يقلون لي بريطانيا افضل من استراليا من ناحيت التعليم فقلت خلاص بريطانيا ..


نبدأ بالمدينه : طبعاً انا ابي مدينه يكون نسبة العرب فيها قليل ويكون فيها معاهد قويه واهم شي الجو ما يكون حر خل نغير شوي لأن عندنا درجة الحراره تاصل الـ 50 درجه انا طبعاً بالسعوديه ... :112:

اما المعهد نرجع له بعد اختيار المدينه ..:24:


سؤال اخير الفيزه البريطانيه كم اجلس انتظرها ..


وآسف على الإطاله ..

مواضيع عشوائيه ممكن تكون تعجبك اخترناها لك:

• الدراسة في امريكا
• موعدي يوم السبت ممكن احد يوصف لي موقع السفارة ؟؟
• يوم الاثنين نتائج اختبار القدرات
• أي حد عايز يدرس في أمريكا ببلاش
• ارجوكم ردو علي بسرعه
• استفسار عن معهد لغة انجليزية
• المعاهد الداخلية
• الجامعات الموقوفه والله تعبنا
• خدمه بسيطه احبابي
• أول استفسار لي بالمنتدى بليز جاوبوني
• جامعة فرجينيا تك
• او سمحتم أبغى أقوى جامعه تدرس الهندسه المعماريه
• أبي اصير طيار
• الرجآآء الدخووول
• يــالله سهلها
• دراسة اللغه هل لندن افضل مكان في بريطانيا ؟
• اكمال الدراسة الجامعية عن طريق الانترنت في اشهر الجامعات الانجليزية والامريكية
• اتمنى انو مسؤولين الوزاره يقرو كلامي وهما فيهم الخير والبركه
• الى محبين العطاء
• طلب المشورة منكم وظيفة أو أبتعاث الى أمريكا

هلا والله خييوو ..

بما ان مستوااك زفت شووي .. أنصحك تاخذ كورس في السعوودية في معهد قوي جداً !!

لأن هنااك بتقعد مدة .. ماراح تتأقلم مع الجو والتغيير !!

وأنا أنصحك بأسترالياا ..

ومعهد EF مدري عنه .. بس بعطيك رابط لكلام الناس عنه :
http://www.arabtravelersforum.com/travel280077/
وهذا رابط لنفس طلبك بس هو بكالوريوس :
http://www.arabtravelersforum.com/travel275715/

والسلام عليكم

الله يجزاك خير اخوي زياد لكن الحين اخترت بريطانيا ..


ابي رايكم في المدينه الزينه ..

ما رئيكم في مدينه نوتجهام .. ************************.وش رايكم باللغه العربيه الفصحى حقتي ..

ياشباب وش رايكم بمعهد Af ..



معهد فاشل و كله لعب ما ننصح فيه



و ايضا احب اؤكد كلام الاخ زايد اذا كانت لغتك ضعيفه لا تتعب نفسك تدرس لغة في الخارج اولا ادرس في بلدك و تعلم جميع القواعد المهمة و الاساسيات بعدها ان شاء الله تستطيع التكيف في دراسة اللغة في الخارج

طيب وشي المهارات الي انا احتاجه اطورها قبل ما اروح ؟؟

شوف أخوي

أنا إنسان مجرب

كثرة العرب أو قلتهم أمر ماله أي قيمة

يعني ماراح يقتحمون عليك الشقة أو العايلة ويرغمونك على الكلام بالعربية !

أنا في مدينة يقولون أن العرب فيها واجد !
لكن دراستي ما تأثرت فيهم . لأني ما أحتك فيهم

معهدي ثلثة سعوديين غير العرب ... ومستواي أفضل منهم مع أن مالي شهر جاي
وهم الي له نص سنة والي له سنه والجديد فيهم له ثلاث شهور وما يعرف أن الصفه تجي قبل الإسم والفرق بين الإسم والصفه
وأنا المسكين الي جاي على وجهي وما اتعامل إلا بالإشارة أول أسبوعين صرت أفضل منه وهو له شهور هنا


بختصار أخوي
كل المعاهد الممتازه في مدينتي واجد فيها العرب . والمدينة ممتازة

في المعهد اجالس السعوديين . وما أتأثرت لغتي أو دراستي فيهم لأن جلستي معهم فقط بالبريكات وكلها على بعضها ما تتعد ساعه إذا جمعتها
فساعه باليوم مع سعوديين أو عرب ماراح تأثر فيك

طيب وش رايك نرجع على المبتعثين الي لهم سنة وست شهور وإلى الأن مستواه مستوى واحد توه جاي
في أول يومين كنت مرعوب لأني حاطن براسي ست شهور وراجع للسعودية
بس شفت أخوياي في الكلاص لهم ست شهور ونفس المستوى ! خفت أصير مثلهم
بس بعد يومين عرفت علتهم وسبب فشلهم

مثل ماقلتلك العرب ماراح يأثرون عليك إذا ما أحتككت معهم ............. وماراح يأثر عليك إحتكاكك بالسعوديين فترة المعهد خلال البريكات لأنها فترة قصيرة جدا
لكن مشكلت ربعنا هو أنهم يتغدون جميع ...... يرجعون لبيوتهم ساعتين ثلاث بالكثير ويطلعون سوا يشيشون ويفسقون ...... وسهر لين نص اليل سوا ! ووسط الأسبوع
الصباح من بكرا يتغيبون والشاطر فيهم يجي نصف الفترة الصباحية .... الفترة الصباحية غالبا مايضيعونها ويجون الأفتر نون
أما نظامي انا فهو الحضور الصباحي بإنتظام ........ إذا تأخرت وما دخلن المدرس ماراح أنتقم منه وأغيب من بكرا عن درسه زي مايزينون بعض الشباب !


يعني ياخوي أنت حريص والله ماراح تضيع حتى لو كان نصف معهدك أو مدينتك سعوديين
ولو كنت في مدينه مافيها إلا خمست سعوديين بس أنت مخربها راح تسهر معاهم وماراح تنفعك المدينة الخالة من العرب !

والمعهد ومن واقع تجربه
يمثل نسبة 30% وهم يهتمون بالقرمر غالبا ....... والكلمات تصير عليك وأنت وشطارتك

العرب موجودين بأنجلترا بشكل كبير ...... لكن صدقني كنت معقد نفسي من هالنقطه وبعد وصولي توضح لي كل شي
كان ضايق صدري لما شفت كلاسي مليان سعوديين !

بس إكتشفت إن تأثير المعهد كله على بعضه قليل مقارنة بإحتكاكك بالأخرين وبالعايلة .... إلخ

سر فشلهم هو سهراتهم مع بعضهم لنص الليل وتغيبهم عن دروسهم
وعدم بذل أي مجهود يذكر ..... أي مجهود


أبذكرك أن أول أسبوعين راح تحس نفسك موقادر على الكلام ولا قادر على الفهم ولا قادر على الحفض وفاشل وغبي
بس بعد ماتحفظ كم كلمة وتعرف القواعد المبدئية وترتيب الجملة مثل أن الصفة تجين قبل الأسم وإذا جا فعل مساعد بين الإسم والصفة تنعكس القاعدة مثل :
The bad car
or
a bad car
or
bad car
بعد إضافة الفعل المساعد is , are
The car is bad
or
a car is bad
or
my car is bad

حبة حبة وراح تكون تساهيل
وترى وجود السعوديين حولك نعمة ماراح تحس فيها إلا لما توصل بريطانيا

وعلى فكرة ترى ضاع من دراستي أسبوع
درسوني أسبوع في المستوى الثاني ثمن نزلوني للمستوى الأول خالص ..... في البداية تحسفت
لكن يوم تذكرت أني تعرفت على السعوديين وعرفت وشلون ماشي النظام وطريقة الدراسة ....... حمدت الله أني بديت دراستي الجديدة وأنا عارف الخطة بدال ما أبدى دراستي وانا مو عارف وش أسوي

أي خدمات أي أسئلة أنا حاضر إن شاء الله

الله يجزاك خير اخوي ...


لكن انا مستواي 2من 10 تقريباً كم كلمه احتاج احفظها كحد ادنا وغير كذا بحكم تجربتك انا ناوي 12 اسبوع ان شاء الله هل هي تكفي ولالا وغير كذا يوم تروح انت كيف كان مستواك هل هو مثل مستواي ولا افضل ..
وكيف صار مستواك بعد ثلاث شهور ..

المشاركة الأصلية كتبت بواسطة [S.A.B]
http://www.arabtravelersforum.com/tr...0/#post3023610

الله يجزاك خير اخوي ...


لكن انا مستواي 2من 10 تقريباً كم كلمه احتاج احفظها كحد ادنا وغير كذا بحكم تجربتك انا ناوي 12 اسبوع ان شاء الله هل هي تكفي ولالا وغير كذا يوم تروح انت كيف كان مستواك هل هو مثل مستواي ولا افضل ..
وكيف صار مستواك بعد ثلاث شهور ..



[size="3"][color="Teal"]
أخوي انا مستواي الأن بقنر وقربت أخلصة
يعني مستواي هو المستوى الإبتدائي خالص
وطبعا مالي إلا أربع أسابيع بس


ومع ذلك أتكلم وأخذ وأعطي أفضل من السعوديين الي بمستوى إلمنتري الي هو المستوى الثاني والي راح أنتقل له الأسبوع القادم إن شاء الله

والله العظيم إنهم ما يعرفون نصف اقرمر الي أعرفه وكلامي أزين منهم وتفاعلي وإنسجامي
أول ماجيت جاني إحباط لأن أقل واحد فيهم له ثلاث شهور ومع ذلك ماعندهم نصف الي عندي الأن

اخوي انا والله ما راح اقدر اردلك ها الجميل ..


والله انك ريحتني لكن وش رايك بالي قالوه الأخوان فوق اني اخذ دوره لمدة شهر بالمعهد البريطاني ..

واحاول بها الفتره احفظ واجمع اكبر عدد ممكن من الكلمات علشان اذا رحت هناك ما ابدا من الصفر يكون مجرد تثبيت معلومات وطلاقة لسان ..
وغير كذا علشان تسجيل الجامعه والتقديم على البعثات طبعاً الكورس هذا انا ابروح على حسابي لكن ابقدم على البعثات وان شاء الله يقبلوني ..

لكن اخوي ممكن اعرف انت باي دولي وبأي مدينه وبأي معهد طيعاً الجواب من اجباري ...

طبعاً انا رحت لمدير شؤون الطلاب بجامعه القصيم وكلمته عن وضعي ..

رد علي وقالي اكثر الطلاب المتفوقين عندنا هم الي اخذو كورسات برا واشار لي بنفس رئي الأخوان الي هم اني اخذ دوره تمهيديه قبل ما اروح و قالي اذا جيت تقدم ملفك قلهم اني ابسجل بالترم الثاني وكلم مدير القبول والتسجيل عن الموضوع وردله انه ممكن اني اقدم ارواقي مع بداية التسجيل لكن ما ابداء الدراسه الا بالترم الثاني ان شاء الله ..


طبعاً ابي رايك بالموضوع اخوي النجدي

منت بطبيعي يا نجدي
والله كنت على اعصابي من كثر ما اسمع مع العلم ان بعض الشباب ملتزم بالدراسه والمذاكره ولكن يواجه صعوبات وربما هي قدراته كذا