الموضوع: ممكن مساعده في نوع الكام

السلام عليكم ..
بصراحه اخدت لفه سريعه ع المواضيع في القسم .. ومرا عجبني تفاعل الناس المحترفه والفاهمه بالمبتدئين ..
الله يجزاكم كل خير ويسهلكم اموركم ..

ابغى اشتري كاميرا احترافيه .. وبقولكم انا ايش ابغى فيها .. وياريت تساعدوني ..

انا استخدامي لها .. في السفر للذكريات .. ومطاعم .. او تصوير في البيت حفلات
يعني ماحصور قطرات ماء والاشياء الاحترافيه دي ..

انا حاليا معايا كانون مدمجه .. بس عيبها
1/ التصوير في الليل مرا فاشل .. مثال : في دبي بالليل لما اصور الابراج المنوره .. مرا مايبان ..
فابغى شي يبين المعالم المنوره في الظلمه ..
ابغي صوري تطلع زي كدا
https://www.google.com.sa/search?q=%...IrLS4QSL3vzeBw

2/لما اجي اصور مجموعه كبيره من الناس مثلا .. لازم الا في الاطراف ما يظهروا

فابغى كام ماتكون فيها هالعيوب ..
ميزانيتي حدود 4000
ولو ممكن تقولولي افضل مكان اشتري منه .. حتى لو طلبيه من النت .. عادي

وابغى اخذ رايكم في العرض
http://www.amazon.com/Canon-Digital-...3377912&sr=1-4

ولكم كل الشكر..

مواضيع عشوائيه ممكن تكون تعجبك اخترناها لك:

• مشكلة وضع الصور في المنتدى
• محتااره شـو اشتري بالضبط
• شباب ابغي مساعدتكم للي جرب هل كيمريتين
• اخواني محتار في كميرا
• ما رأيكم بكاميرة فوجي
• الكام عندي خربانة
• السلام عليكم
• ما رايكم في الكاميرات؟
• خبراء التشك شك والكامات بحاجة لـ إرائكم
• نصيحتكم لشراء كاميرا
• افضل كاميرة تصوير
• استفسآر عن أفضل كآميرآ للرحلآت
• اود شراء كاميرا ديجتال انصحوني بوحدة وبسرعة
• حابه أشتري كام كانون وماني محترفه نصائحكم
• اعطوني رايكم كانون
• ضبط خصائص تصوير الفيديو بالكاميرات
• اريد مساعدة بليز
• سؤال بخصوص كاميرا
• رح قدم على كورس تصوير وبدي كاميرا ضروري ماتزيد عن دولار ؟؟
• ، هل تنصحوني فيها للغوص؟

من كلامك عندك كاميرا كانون Powershot يرجى تحديد الموديل حتى نعرف يمكن العرض الذي تتحدثين عنه ما يعطيك حل للمشكلة الخاصة بالصور الجماعية يعني اذكري اسم كاميرتك الكانون بالكامل
مثال :
Canon Powershot S90
أو
Canon IXUS 990IS
اقرئي اسم كاميرتك و اكتبيه فضلا لا أمرا حتى نعرف مواصفاتها و هذا شيء لا يمكن معرفته من إدراج صورة الكاميرا فقط

مسألة تصوير الأبراج غير واضحة لأن الصورة المرفقة لم تظهر فأرجو وضع الصورة مع محاولة شرح المشكلة يعني هل المشكلة أن الصورة مثلا فيها تشويش عالي ؟ أم هو تشويش ؟ أو شيء آخر ؟

http://lightfragrance.wordpress.com/...5/steady-shot/

الله يعطيك العافيه اخوي ..

نوع الكاميرا الا معايا ديجيتل..
canon digital ixus 110 is

بالنسبه للصور الليليه ..مالقيت عندي مثال لصور خربانه حاليا .. لانو كل الصور الخربانه احذفها ..
بس بشرحلك ان شاء الله تفهم عليا .. ابغى شي واضح زي كدا ..
http://imageshack.us/photo/my-images...0404at122.png/

http://imageshack.us/photo/my-images...0404at122.png/

انا لما اصور ..اذا شغلت الفلاشتطلع الصور خربان كلها اضاءه
واذا صورت من غير فلاش .. لازم يكون في اهتزاز

حتى بكاميراتنا الاحترافيه ماتطلع كذا
الا بترايبود ( حامل ثلاثي )

لكن اشوف ان الكاميرا اللي معك كويسه
ومايحتاج تشتري جديده
لان حسب اللي ذكرتيه من اهتمامات
كاميرتك تلبيّه

بس جربي تشتري حامل ثلاثي الارجل وصوريّ بالليل بدون فلاش للاجسام الثابته
عشان يظهر مثل اللي ذكرتيه
وطبعا اعدادات اخرى ذكرها العزيز
بحارّ الشبكة

وهذا مثال من تصويري .. وفيه النقاط اللي ذكرتها لك
علماً ان وقت التصوير كان الثانية بعد منتصف الليل

طالما طلبك يتضمن شيء يعطيك زاوية عريضة للصور الجماعية للأسف العدسة 18-55 المرفقة بكاميرات الكانون لن تفيدك في تحقيق زاوية عريضة بما يكفي
أقترح عليك مبدئيا تجربة Canon S100 أو باناسونيك LX5 و كلاهما يوفر لك خيارات تحكم متقدمة مفيدة عند استخدام الكاميرا على الحامل الثلاثي للحصول على صور ليلية جميلة جدا و بلا اهتزاز
و كلاهما بحدود نصف الميزانية تقريبا

استاذ حساس ..

صورتك رائعه ماشاء الله ... هو دا الا انا ابغاه ..
ابغى صوري تطلع بنفس جوده صورتك ..



ممكن نوع كاميراتك لو سمحت ..

استاذ بحار الشبكه ..

بالنسبه للكاميرات الا ذكرتها .. انا ماعندي اي خلفيه عنها .. بس بكتب اسمها ..
واشوفها اليوم عند جرير ان شاء الله ..

وبالنسبه لكانون .. اذا ممكن ..ابغاك تعطيني رايك في العرض الا لقيته من امازون ..
وايش رايك بنوع العدسه الثانيه
55-250mm

والله يجزاك كل خير ..

العدسات المرفقة بالعرض جيدة كبداية لكن ما تفيد طلباتك التي قمت بتحديدها في بداية الموضوع .. و بالتالي السؤال في نظري هو: هل تريد الشيء الأنسب لك أو لواضع العرض ؟ أعتقد الشيء الأنسب لك سيكون أفضل
بخصوص جرير ما أعرف أسعارهم في السعودية
لكن بشكل عام في الإمارات أسعارهم أغلى من السوق

اولا انا لا انصحكي بالشراء من امازون لان اغلب البضائع التي لديهم ليست
اصليه حتى الكميرات صناعه تايلنديه وتايون ونصيحه لله ابتعدي عنهم وللتوضيح الصور التي وضعتها كلها صورت بشتر بطئى وعلى حامل ثلاثي اما بالنسبه للنقاوة الصوره لها عده عوامل تساعدك لتخرجي بصوره نقيه اولالها سرعة الشتر فكلما كان الشتر سريع كلما كان تجميد الهدف اسرع
يستثني من هذه القاعده التصوير بشتر بطى على ترايبود (حامل ثلاثي)
ثانيا وجود مانع اهتزاز بالعدسه
ثالثا الحامل الثلاثي
رابعا موازنة الاضائه في الكميرا
بالنسبه للتصوير اليلي لمعالم معينه لابد من ترايبود + سرعة شتر بطيئه + يفضل عدسة وايد انجل اوالعدسه 55-18 لكي تخرجي بصوره عالية الدقه والوضوح (صوره حاده)
بالنسبه للتصوير في مناسبات مثل الاعراس والحفلات الخاصه وغيره داخل غرف غرف وصلات
انتي تحتاجي الى عدسة وايدانجل عدسة زاويه عريضه بالعربي
يعني انتي احتياجك الان
كميرا احترافيه مع عدسه 55-18 + عدسة +وايد انجل وترايبود
هذا كل ما تحتاجينه
وعشان تطلعي بصوره زي صورت اخونا حساس
لابد من وجود ترايبود وسرعة شتر بطية




2700 ريال
Canon 550D
EF-S 18-55mm f/3.5-5.6 IS Lens

Canon EF-S 10-22 USM وايـــــــــــــــــــــــــد انجل

2700 ريال
التكلفه الاجماليه 5400 بدون الترايبود




Nikon D3100 Kit 18-55
Nikkor 18-55mm f/3.5-5.6G VR Lens

2150 ريال

Tokina 11-16mm f2.8 - Nikon وايــــــــــــــــــــــــد انجل

2450 ريال
التكلفه الاجماليه بدون الترايبود 4600


ترايبود
Manfrotto 190XDB Kit

500 ريال

تستطيع شرائها من اي محل للبيع الكميرات اهم شي موديل الكميرا ونوع العدسه لكي لاتختلط عليك الامور في محلات البيع
وتستطيع شرائها عبر الانترنت من موقع كام فور سل





http://cam4sell.com/index.html
اتمنى لك التوفيق

العمده حساس عندنا يامرحبا يامرحبا بمبدعنا الكبير ويالها من لقطه جميله موزونه مثاليه للتدريس .. اهنيك عليها

مشرفنا انشول سلمت يداك واعتقد خيارك الثاني للنيكون مع العدسه العريضه حل مناسب لاختنا الفاضله كما اشار خبيرنا بحار الشبكه والذي نحمد الله على عودته بعد طول غياب بان الافضل هو ما يناسبك .

نقطه هامه لا تهمليها اختنا الفاضله

الاهم من بحثك عن كامره احترافيه ماتشاهدينه من لقطات ليليه اعجبتك لن تقوم بها الكامره لوحدها حتى لو اشتريتي كامرات وعدسات بمليون درهم يجب ان تتعلمي كيفيه التقاطها وتهيئي كامرتك لتكون مناسبه لالتقاط هذا النوع والامر في غاية البساطه لاتخافين مسألة تمرين ومعرفة بعض القواعد .. في المرحله هذه اشتري الكامره التي ناسبتك واكتفي بالعدسه اللي جايه معها وتعالي عندنا بنتعاون على تدريبك خطوه خطوه ومايجي موعد سفركم الا وانتي مصوره محترفه تفاجئين اقاربك بلقطات وصور مذهله وان شاء الله يكون لنا نصيب وتشاركينا ببعض اللقطات الجميله ... الاراده والرغبه اولا ومتى ماتوفرت ستذللي كل الصعاب .

[b][b][b][b]


استاذ بحار الشبكه ..
اكيد ابغى الشي الانسب لاحتياجي .. عشان كدا انا بستشريكم ..
وجرير مثل ماقلت اسعاره غاليه ومحد نصحني اروح اسال عنده ..

لك لكل الشكر والتقدير..

استاذ a n c o l ..


صراحه كلامك جدا مقنع .. وحاسه اني حشتري الكاام وانا مطمنه ان شاء الله انها الانسب ليا ..


وان شاء الله حختار وحده من الا اقترحتهم عليا ..
بالنسبه لكلامك
عده عوامل تساعدك لتخرجي بصوره نقيه اولالها سرعة الشتر فكلما كان الشتر سريع كلما كان تجميد الهدف اسرع
يعني لو بصور طفل يتحرك كتير .. سرعه الشتر حتطلعلي الصور مضبوطه ..
لانو ولدي الله يحفظه ما يهجد ثانيه عشان الصوره ..
فكل صوره خربانه لانو بحركته يسوي زي التغبيش في الصوره :\

وكمان انا اشوف المصورين بضغطه وحده يلقط كم صووره ورا بعض في الثانيه هو دا سرعه الشتر ..؟


اخر سوال اذا ممكن .. لو كنت مكاني حتختار الكانون ولا النيكون ..؟


وربي يجزاك كل خير ..

استاذ UAE _4x4

صح كلامك .. وانا حاليا بحاول ادور في اليوتيوب على مقاطع تعليميه ..
واكيد اذا اشتريت الكام ماحستغنى عن نصايحكم ..
فيكم الخير والبركه ..

لك كل الشكر ..

بالنسبه لنقاوة الصوره اكيد سرعة الشتر من العوامل المؤثره جدا على نقاوة الصوره والشتر هو (الغالق ) فهو يفتح عندما تقومي بالغضط على زر الغالق
وتحريره تاتي حسب السرعه التي يختارها المصور فمثلا انتي تري دائما دعايات لصور فيها قطرات ما او عصير اوحبات رمال صورت في الهوا تخيلي كيف استطاع المصور تجميد هذه الحركه لو لم يرفع سرعة الشتر بصوره كبيره لما استطاع ان يجمد حركة ما او عصير او رمال اوغيره وبنقاوه ودقه عاليه .
وهذا الكلام ينطبق على طفلك اي انكي كلما رفعتي سرعت الشتر كلما استطعتي تجميد الحركه طبعا انتي من الممكن ان الاضاءه احيانا لا تساعد على اعطائكي خيار رفع سرعة الشتر الى سرعات عاليه ولا كن هناك بعض حلول منها على سبيل المثال لا الحصر ان تقتربي من احد النوافذ وخصوصاالتي بجهة الشمال اذا كنتي بمنزل فيه نوافذ الى جهة الشمال لان هذه النوافذ تدخل منها الاضاءه بشكل غير مباشر وتعطي الصوره الوان وسطوع مناسبين
واذا لم يتوفر هذا الحل ما عليكي الا ادارة قرص الاوضاع على الوضع الرياضي كما في الصورهواخذ اللقطه هذا ابسط الحلول



اما المصورين الذين يلتقطون اكثر صوره بضغطه واحده فهذه بسيطه جدا وهي خيار موجود في اغلب الكميرات ما عليكي الا التغيير
من اسلوب التصوير المنفرد اي صوره واحد الى تصوير مجموعه من الصور دفعه واحده كما هو مبين في الصوره



اما سؤالك عن ماذا اختار انا شخصيا افضل الكانون على النيكون وهي مسائلة اذاواق اناس اخرون يفضلون النيكون على الكانون
والشركتين من افضل شركات العالم في انتاج الكميرات
هذه اجابتي اتمنى اني وفقت فيها
واتمنى لك التوفيق

الظاهر يوجد سوء فهم لبعض النقاط
مسألة الصور التي وراء بعض ما تعطيك تجميد للحركة
و سرعة الغالق العالية ما تعطيك بالضرورة صورة واضحة
مثال تصوير الولد الكثير الحركة و القطرات و كل هذه الأمثلة ما تحتاج سرعة غالق عالية و لا تحتاج صور متتابعة من الأساس .. لازم نفرق بين تجميد الحركة و بين مسألة الصور المتتابعة و سرعة الغالق و فائدتها
بالنسبة لمثال تصوير الطفل ، لو ما كان عندنا تحكم بمكان التصوير فتصوير 20 صورة بالثانية لن يفيد في إعطاء صورة واحدة واضحة لأننا سنكون بين شيئين صورة سوداء أو مهتزة و كلاهما غير مقبول و ربما ننجح في التقاط صور واضحة متتالية و بدون أي اهتزاز لكن الصورة غير واضحة لأن الكاميرا لم تنجح في التقاط الهدف بشكل مناسب خاصة لو تم استخدام الزوم في مكان محدود الإضاءة ( أي إضاءة عدا إضاءة النهار )
يمكنك البحث في محركات البحث عن كيفية تجنب الصور المهتزة للاستزادة حول هذه النقطة

عموما لتجميد الحركة العالية السرعة لا بد من استخدام الفلاش ( أو أكثر من فلاش) و اختيار ماركة مثل كانون أو نيكون لن يساعد أبدا في منع الاهتزاز أو عدم وضوح الصورة إن لم تكن الطريقة المتبعة سليمة
عموما طالما صارت الصورة واضحة بالنسبة لطلبك ما تحتاجينه هو كاميرا + فلاش مناسب من غير فلاش الكاميرا لو أمكن
و بالتاي يصبح الاختيار لكاميرا باناسونيك lx5 لأنها أعرض اختيار ممكن يتقبل تركيب فلاش
في حالة الاستغناء عن مسألة ( إظهار كل شيء في الصورة ) الموجودة في أول الموضوع سيصبح عندك خيارات أكثر بحدود 3000 درهم كحد أقصى لأن سعر الفلاش في حالة الكانون مثلا 1000 درهم تقريبا للفلاش 430ex و من الممكن استخدامه مثلا مع 550d أو مع g12 و لكن ليس مع s100 لأنها لا تدعم تركيب فلاش فوقها

استاذ a n c o l ..


من جد استفدت منك كتير ..
جزاك الله كل خير ..

ان شاء الله حرجعلكم تاني مع كامي الاحترافيه