الموضوع: يا أهل الكويت

السلام عليكم ورحمة الله وبركاته ,
أتشرف أخواني وأخواتي أعضاء ومشرفين وزائريين هذا المتندى أن أحضى أولاً بصداقتكم ..
وأتشرف وأتمنى أكون من زوار دولة الكويت , والحمدالله أنا على وشك سفره قريبه إلى دياركم ,,
وأتمنى تساعدوني في بعض الاشياء لأني هذه أول سفره لدولة الكويت , موعد السفر قريب بيكون في 30 /6 /2010
لمدة أربع أيام فقط , الغرض من الرحلة ( السوق أولاً ومن ثم النزهه) عدد المسافرين 3 أنا وأولادي وأريدكم
تساعدوني في وعندي أسئلة وجابوني عليها ودلوني .. الله جزاكم خير إن شاء الله
1- وين أسكن للعلم أريد شقة وما تكون بعيده عن السوق
2- أستأجر سياره أو تاكسي الأفضل
3- أريد برنامج لرحلة 4 أيام
4- المطاعم الي تنصحوني أروحلها

والسموحه إذا كثرت عليكم ...وإذا أحد من إخواني وأخواتي حاب أي شي من الإمارات يامر أمر ,,
تحياتي إختكم الإمارتية - مياسي

مواضيع عشوائيه ممكن تكون تعجبك اخترناها لك:

• بلادي الغاليه
• الفزعه يااهل الكويت فديت روحكم
• شاهدوو جمال وروعة مجمع الكوت لاتفوتك الصور
• اي افضل سويس بيل ولا ريتز السالميه؟
• موقع مسجد مشاري العفاسي؟
• ممكن مساعده؟
• من يفيدني وادعيله؟
• استفسار لأسواق الشعبية بالكويت
• دلوني عالطريق
• جدول سيــاحي لديـــرتــي الغــــاليــــه الكـــــويـــت محـــدث
• أرجو التفضل وإفادتي لإستفساراتي
• الطريق من الامارات الي الكويت
• يخوت للايجار بالكويت
• بنات الكويت وين أحصل البلايز الطويلة التوبات ؟
• مجمع عالمي الاول من نوعه فى الشرق الاوسط قريبا بالكويت
• أهل الكويت ممكن مساعدة ممكلة البحرين
• استفسار لأهل الكويت عن عروض مسرحيات طارق العلي
• مطعم تاكو بيل ومطاعم
• ايش اسوي في تركيا؟؟؟؟
• إذا كنت تبحث عن مخيم أو مزرعة أو شالية لتأجير فتفضل بالدخول

هلا فيج حبيبتي الكويت تنور باهل الامارات .............انا اقول اجري سيارة احسن لك تفترين فيها وين ما تبين
والبرنامج خلي كل يوم في منطقة مثل السالمية روحي المارينا المول والكرسنت على البحر ...المركز العلمي.......تبين سيتي سنتر بعد قريب منهم.........المطاعم القريبة منهم واهم واحد فريج صويلح عند المارينا ........وبعد عندك كذا مطعم في المولات والمارينا كرسنت
ثاني يوم روحي مثلا اذا تبين دراريع الفروانية ومجمع العربيد اوغيره ........اذا ما تبين الفروانية روحي الافنيوز وافتري فيه .....عندج المباركية بعد حلوة مكان شعبي .........روحي نفس اليوم مجمع 360 على الدائري السادس مجمع جديد ........ومثل ما قلت لك فيه مطاعم على كيف كيفك تبين لبناني او كافيهات او مطاعم امريكية وفيه سينمات بعد ........باقي الايام روحي الكوت والمنشر وتمشي بالفحيحيل والاحمدي قريبة منها...روحي سوق شرق يكون قريب من المباركية وتقدرين بعد تروحين الابراج وتودين العيال اذا كانوا صغار اكوا بارك مع انها تصلح للصغار والكبار ......
والمطاعم عندج الكويت متروسة مطاعم تبين ميس الغانم لبناني جلو على البحر بعد ما تعدين الابراج شوي تشوفينه على ايدك اليسار......في مطاعم على البحر بس الصراحة ما جربتها .......
عندك مطاعم الكوت ميجنا لبناني ......وفي مطعم هندي لذيذ الاكل عنده بس ناسيه اسمه ...........اختك فابيولس

http://www.arabtravelersforum.com/user232426/ شكراً عزيزتي على هالمعلومات جزاج الله خير على هالمعروف إذا حابه شي من الإمارات تدللي ..
بس ياليت توضحين لي أكثر وين ممكن يكون السكن المناسب للعوائل ؟

هلا اخت مياسي وحياك الله في الكويت الكويت حبيبه الكل انا سعودي وعايش في الكويت واتمنا لك رحله سعيده بالنسبه لاستفساراتك راح احاول اعطيك فكره بحكم زيارات اقاربي للكويت فعندي فكره عن الشقق احسن شقق
شقق بودل في السالميه في شارع المطاعم
ما يحتاج تستاجرين سياره فالتكاسي كثيره ومتوفره في كل وقت
بالنسبه للمطاعم فكما تكرم الاخوان والاخوات بذكر بعض المطاعم
مثل ميس الغانم قريب من الابراج ولا يطوفك الفطور في مطعم السلطان على البحر
وفيه فرع جديد لميس الغانم في منطقه المهبوله في مجمع مطاعم اسمه سبونز
وعندك فريج صويلح حلو بس زحمه الله يعينك على الانتظار
فيه بعد مطعم هندي في الفححيل في عماره اسمها البرج الاخضر الدور 14 وتشوفين منظر الفححيل في الليل حلو
بالنسبه للتمشيه عندك مجمعات كثيره مثل شرق والافينيوز والمارينا والبيرق وسيتي سنتر حلو تعتبر من اكبر المجمعات
لايطوفك تروحون المركز العلمي في السالميه على البحر حلوو

فيه فندق الريجنسي مسوي عرض غرفه 40 دينار
واي استفسار حاضر والاعضاء ماراح يقصرون معاك
اخت مياسي كنت ابي شغله من الامارات بس ما اعرف اشلون اتواصل معاك

شكراً لكم جميعاً معلومات أفادتني كثير , جزاكم الله خير
http://www.arabtravelersforum.com/user6962/ , maynoona , فوز حياتي
:
وفالك طيب

اخوي دش على موضوع رمز الكويت انا وايد كاتبه شغلات

http://www.arabtravelersforum.com/tr...2/#post3849249

بالنسبة للسكن انصح بالسكن في منطقة السالميه لوجود اغلب المجمعات وتعتبر منطقه حيويه واذا تبحثون عن سكن رخيص فسارة بلازا قريب من المجمعات اما اذا كان السعر غير مهم فالموفنبك وبعده النخيل
وبالنسبه للسيارة انصح بتاجير سيارة لان الكويت مااضيع لان تاجير السيارة ماتتأذون بمشترياتكم وتشقلونها معاكم بكل مكان تروحونه ويامرحبا باهل الامارات

ما شاءالله الجماعه ما قصروا

حبينا نرحب فيكم بالكويت وياهلا ويا مرحبا

حياج الله اختي ام البدر في الكويت

عدل على السالمية
على الريتاج للشقق المفروشة
كل شي عندك بالسالمية
دعواتي لك بالتوفيق