الموضوع: مجمع عالمي الاول من نوعه فى الشرق الاوسط قريبا بالكويت

تكلمت مع مصادر قريبه حيل من رجل الاعمال الكويتي سعود صاهود المطيرى

حيث كرت لى انه الان فى صدد اخراج التراخيص لاكبر مجمع تجاري عالمي بالشرق الاوسط

وشبيه الى حد كبير بمجمعات لاس فيغاس وسيقع المجمع فى منطقه السالميه

فى الارض التى اشتراها بالسالميه اخيرا

ويتكون من 15 طابق

ويضم بالطابق العاشر مدينه ملاهي عملاقه تضم قطارا ينقلك من اعلى الى اسفل

فى بادرة غير مسبقه سيكون لها الاثر الكبير نحو ترسيخ الكويت كوجهه سياحيه

يبدو الامر وكانه خيال فى خيال

لكن هذا هو الواقع وانشالله يكون المستقبل اثباتا لحديثي لكم

وشكرا

مواضيع عشوائيه ممكن تكون تعجبك اخترناها لك:

• ايميل أو تلفون شاليهات الجون بالجليعة
• ايها أفضل بودل او رويال كازا
• افضل محلات الشنط
• شقق وفنادق عزاب وعوائل بالكويت
• رحلة للكويت
• هل يوجد شقق فى منطقة صبحان في الكويت
• اخـر المـشاريـع فـي مـديـنـة الـكـويـتصور
• «الخطوط الكويتية» تبدأ تشغيل رحلاتها من مطار برج العرب في الاسكندرية
• استفسار عن جو في اغسطس
• ماراتون الاطفال مع امنيتي
• «المتحدة للترفيه والسياحة» تطرح مشاريع متنوعة في معرض «سيتي سكوير»
• يا اهل الكويت النشامه
• استفسار لأهـل الكـويت أتمنى الكل يفيدني بأي معلومه
• حابه اعيد في الكويت
• افضل مكان لايجار السيارات
• يا أهل الكويت الكرام استفسار لاهنتوا ؟؟
• نصيتكم يا اهل الكويت
• صور رحلتي ل فيلجا صور للجزيرة الكويتية فيلجا
• طلب لإهل الكويت الطيبين
• أريد شاليه عزاب بيت الكويتي دش أنت والأخوان

انا سمعت بهالشي

وغير الدانسنغ تاور اللي بمدينة الكويت راح يكون برج فريد من نوعه

ويقولون بطور مجمع الفنار ويعيد تجديد ديكوراته

سعود صاهود من الناس الللي مستغلين استثماراتهم داخل الديرة وللأسف اكثر المستثمرين قاعدين يقطون فلوسهم بره الديرة

مشكور اخوي على الموضوع

والله أتمنى من التجار انهم يستثمرون فلوسهم داخل الديرة

وأتمنى من الحكومه أيضا اصدار التصاريح بسرعه وعدم التأخير لأن هاذا الشي الي يطرد الاستثمارات

مشكور على الخبر

الله يبشــرك بالخير هذي الاخبار اللي تونــس
والله يكثر خيره ومن امثاله واتمنى الخبر يصير [صــج] مو بس كلام...
وفعلا كثير من رجال الاعمال الخير اللي ياخذونه من الديرة يقطونه برا ديرتنا
والدليل الفنادق والمجمعات التجارية والسكنية اللي برا وهم نشوفها بالاعلانات لا وبجرايدنا المحلية بعد خخخ..
ومشكور خيؤ ويعطيك الف عافية ع الخبرية

واااو
اول مره اسمع بشي مثل هذاا

عساه على القوه سعود صاهود على كثر الاشاعات الي حوله

بس دامه يستثمرها بديرته عليه بالعافيه ^_*

ماشاء الله
على البركــــــــــــــة

يا جماعه كافينا مولات ما يمديك تشوف مول الا سو غيره ثلاثه !! خل يسون شي يديد , قطار يوديك اي دوله بالخليج , او مثل فيلجا يسونها منطقه ترفيهيه كامله , شي حلو مو مولات بس الحريم نشفوا ريايلهم كل ما طلع مول لازم ينظفون البضاعه الي فيه كلها ! !

[color="Red"][size="5"]ههههههههههههههههههههههههههه

نعم الي متي المولات وهلسيناريو المكرر !!!!!

المشاركة الأصلية كتبت بواسطة بوخويلد
http://www.arabtravelersforum.com/tr...4/#post2166574

يا جماعه كافينا مولات ما يمديك تشوف مول الا سو غيره ثلاثه !! خل يسون شي يديد , قطار يوديك اي دوله بالخليج , او مثل فيلجا يسونها منطقه ترفيهيه كامله , شي حلو مو مولات بس الحريم نشفوا ريايلهم كل ما طلع مول لازم ينظفون البضاعه الي فيه كلها ! !




صح اوافقك الراي 100%
الديرة متروسة مولات و سينمات و مطاعم
نبي شي يديد

الديره حاره و رطوبه ماينفع فيها الا مولات و هذا الصج..

منو له خلق يروح مدينه ملاهي مثلا؟

مشروع البرج الي يمشي فيه القطار ...



أولا أحب أشكر صاحب الموضوع على نقله لمثل هذا الموضوع ومنها إلى الأعلى ولو في صورة او فيديو نكون شاكريلك



في اليابان أو الصين أعتقد راح يسوون برج طوله 900 متر أو أكثر شوي أو أقل ( فيه قطارات توصلك في البرج وهذا غير أن رئيس مجلس ادراتها يروح وايي بالهليكبتر )

وشكل البرج سخيف ومعتاد لكن شي عجيب قطار داخل برج شي عجيب ورهيب الصراحه يعني أبداع في أبداع

فإذا التاجر الكبير سعود المطيري راح يسوي هالمشروع لكن على 15 طابق فتحيه له ومو بعيده عليه وعلى قولة احد الاعضاء إذا قاعد يستثمرها في الديره فالله يوفقه

يعطيكم العافيه على الموضوع
ياليت يتميزون بشيء جديد
مو فالحين برا الكويت استثمارات ومدن سياحيه ومنتجعات

يبيلنا بالكويت استثمارات سياحية حلووه
مثل مدن ومنتجعات بحريه فيها فنادق ومدن ملاهي ورحلات بحريه ونشاطات حلوه تجذب الناس

ويبيلنا مدينة ملاهي متكامله فيها جميع الخدمات من فنادق وانشطه والعاب ومجمعات تجاريه