الموضوع: فيزتي اترفضت منهم لله

انا كان موعدي اليوم واللي عمل معايا المقابله كان واحد اعوذ بالله مكشر وتحس انه واخد قرار بالرفض من قبل ما يتكلم معايا اصلا

المهم انه كلمني من وراء الزجاج وبدون ما احط سماعه علي ودني

صحيح ان الصوت بتاعه كانت يخرج عبر الزجاج ولكن لم اكن استطيع التمييز جيدا ماذ يقول فاضطريت ان اسأله ماذا يقول وبعدين قالي السؤال بالعربي بس وهو زهقان مني علي الأخر وقاعد ينفخ اعوذ بالله وده خلاني مرتبكه جدا في المقابله واكيد ده كان من ضمن اسباب الرفض


المهم هو سألنني كام سؤال وخلاص وبعدين شاف كشف حساب البنك وكان فيه 2000 دولار وسألني عن وظيقتي ومرتبي وقالي للأسف لا يوجد فرصه للسفر هذه المره

نزل علي الخبر كالصاعقه لدرجة اني حتي لم اسأله لماذا الرفض

المهم انا في حاله نفسيه سيئه للغايه ومش عارفه اعمل ايه

ويا تري لو حبيت اقدم تاني عالفيزا يكون بعد ايد ايه انا كانت المقابله عندي النهارده اقدر اقدم امتي تاني يا ريت حد يقولي

مواضيع عشوائيه ممكن تكون تعجبك اخترناها لك:

• ارخص تذاكر سفر من الامارات لامريكا
• استقريت على هذا المخطط و هذه الفنادق
• ايهما افضل san francisco new york miami beach seattle san diego
• مساعده عاجلة للاخوان الخبراء ضروري
• كيف اخذ موعد من السفاره؟بلييييز ساعدوني
• خبراء امريكا ساعدوني اول مرة بروح وخايفه
• لكل من يسأل عن شرائح الجوال الامريكية
• تقرير حديث تراجع أعداد السياح في أميركا
• هـــــام لمن أراد ان يخاطب جامعة امريكيه
• مبارك عليكم ماتبقى من الشهر ابي الفزعه
• بخصوص الموعد
• وين نحصل أفضل الأسعار للفنادق في أمريكا
• استفسار ارجوا الأفاده جزاكوا الله خيرا
• يوم و نص ترانزيت وش اختار ؟ وين أروح؟ سان دييقو لوس انجلس و الا سان فرانسيسكو ؟
• ساعدوني في حل هالمشكله ؟
• امباكت رايك في حالتي وش افضل الحلول
• مطلوب افاده اكثر ابليز
• التجول بالسيارة في ولاية اوهايو مقطع فيديو
• سؤال الى امباكت
• ابي مساعدتكم في قضاء شهر العسل

شكرا اخي يوسف علي ردك الكريم

انا تم رفضي من سفارة القاهره في مصر

عندك حق في كلمة ان الرفض والقبول يكون تبعا لمزاج الشخص الذي يجري المقابله

وللأسف هو اربكني كثيرا لدرجة اني كنت اتلعثم في الكلام بدرجة كبيره ولم انطق بعض الكلمات صحيحه ولم يفهمها مني

وانا اصلا كنت ذاهبه لزيارة صديقه امريكيه لي وعندما قلت له اني معي صوره من باسبورها شاور لي بيده انه لا يريد رؤية صورة البسبور

اني نفسي اعرف يا تري سبب الرفض كان ان لغتي كانت غير قويه ام اني مرتبكه ام ان حسابي في نظره قليل ام ماذا

الرفض اكيد لعدة اسباب ..

من اهمها الراتب .. كشف الحساب غير مطمئنين .. يعني يخاف انه تروحوا امريكا وما ترجعوا !!

ليس لديكم اي شي يخليهم يقتنعوا ان اوضاعكم تجبركم على العودة الى مصر !!

وهذا اهم سبب والسبب الرئيسي !!

اتمنى لكم التوفيق

بالإضافه لكلام المشرف الفاضل ، زيارة صديقه أو صديق في امريكا ليس سبب كافي للحصول على الفيزا ...

انا كان معي اوراق لو كان اداني فرصه او طلبها كان هيقتنع اني راجعه لمصر تاني زي مثلا كنت واخده شهادة وفاة ابويا وبطاقة امي وفيها طبعا واضح ان سنها عدي الستين بتلات سنوات ربنا يديها طولة العمر والصحه ويخليها ليا يا رب وكمان كنت واخده شهادة زواج اخواتي ليتأكدوا ان اخواتي كلهم تزوجوا واني الوحيده اللي اعيش مع امي واخويا الصغير واني لازم ارجع بلدي مصر عشانها
وكنت واخده صوره من بسبور اختي اللي تعيش في السعوديه مع زوجها ليتأكدوا ان امي مالها غيري يعيش معاها
لكن للأسف هو مطلبش مني حاجه منهم ومكنتش عارفه اقدمهم انا من غير ما يطلبهم ولا اعمل ايه
كمان كنت واخده معي عقد يوضح ملكيتي لشقتي واني كمان اؤجرها بمبلغ شهري كويس وكمان الكريدت كارت والفيزا اخدتهم معايا
وبعدين العمل ميطمنش ليه اخي امباكت

هو سألني تعملي منذ متي قلتله منذ 2005 وقالي مرتبك كام قلتله بالمصري ولا بالدولار قالي اي حاجه قلتله 2000 جنيه مصري وكمان انا كاتبه في الابليكشن بتاعي اني ذاهبه لزيارة صديقتي الامريكيه وللسياحه وزيارة اماكن اخري وذكرتها في الابليكشن وكمان كنت عامله ورقه كاتبه فيها بروجرام الرحله بتاعتي والاماكن اللي ناويه ازورها هناك وكمان كنت واخده معايا حجز الطيران وكل ده مطلبش انه يشوفهم انا خلاص بجد ربنا يعلم الحاله اللي انا فيها الوقتي

خصوصا انكم تعلمون مشكلتي انا مش عارفه اعملهم ايه بس عشان يصدقوا اني راجعه تاني بلدي واني مش هعيش هناك احلف علي مصحف ولا اعمل ايه ربنا يهديهم بقي
انا حتي الأكل والله حاسه انه طعم متغير في فمي والماء كل ما اجي اشرب احس ان الماء طعمه لايطاق ولا لي نفس للأكل ولا عارفه انام من ساعة اللي حصل

طالما أن أسباب السفر كانت بداعي زيارة وسياحة

فالمؤكد أنة و بدون تردد قرر رفض طلبك بسبب عدم قناعتة بأن لديكي النية في العودة لبلدك
و لتلافي هذا في المستقبل .. عليك الأنتظار مدة أطول طالما السفر ليس مهم لدرجة كبيرة
ولتكون ستة أشهر أو أكثر

و قد يفيد نوعا ما أن تحصلي على أيميل من صديقتك الأمريكية بدعوتك لزيارتها و تشير فية بأنها ترغب
في إستضافتك لديها

كما أن الهدوء و الأختصار في الأجابات أثناء المقابلة عامل مهم


و الله كريم

متزعليش
الإنترفيو بتاعي كان إمبارح
أنا كنت مجهز أوراق كتير لو كان شاف الموّظف
اللي عمل معايا الإنترفيو ربعها مكانش رد لي الباسبور

أنا بقى تقريبا ً مسألنيش في أى حاجة
غير إنت رايح ليه ؟ قولتله علشان كذا , قالي إنت شغلتك كذا ؟ قولتله أيوه , قالي الأبوين بيشتغلوا إيه ؟ قولتله كذا
بعدين إداني ورقة فيها case number و قالي أعمل تشيك ع الويب سايت بتاعهم

أنا عارف إن الفيزا إترفضت و حتى لو قبلوها ( مظنش يعني ) ها يكون ميعاد السفر راح
.
.
.
قدّر الله و ما شاء فعل , أكيد اللي ربنا ب يعملهولنا هو الأحسن
ف خليها على الله و ربنا يوفقنــا جميعا ً

للأسف اخواني ان السفر بالنسبه لي مهم جدا وهو لان زوجي هناك وهو معه الجرين كارد ولا يستطيع ان يأخذني الا بعد حصوله علي الجنسيه وطبعا قدامه حوالي خمس سنوات ولأن بسبوري وبطاقتي الشخصيه مكتوب فيهم اني لست متزوجه فقررنا انا وزوجي ان اقدم علي فيزة سياحه او زياره واذا وافقو واعطوني الفيزا سأذهب له هناك وبعد الولاده مباشرةسوف اعود لبلدي

احنا قررنا ان الحل الوحيد بالنسبه لنا ان ا قدم علي الفيزا للزياره والسياحه عشان علي الاقل اسافر لزوجي كل سنه لمدة 3 شهور مثلا حتي تمر فترة الخمس سنوات ويحصل علي الفيزا

لأن عمله لن يسمح له بالنزول لمصر الا قليل يمكن كل سنه شهر او يمكن اقل

ويعلم الله اني مكنتش هقعد في امريكا اكتر من مدة الفيزا اللي هي 6 شهور بس لا يعلم النيه غير الله

حرام بجد اللي بيحصل فينا ده

انهم يحكموا ويتحكموا فينا بالشكل ده ويحكمو علي واحد انه يعيش بدون زوجته واولاده الا عندما يسمحون له بذلك

ليه الذل ده

اشمعني بلدنا بترحب بكل الناس اللي تيجي من عندهم وبدون اي مقابلات ولا شيء وهما يفعلون بنا كذا

العمر فيه كم 5 سنوات حتي يضيع بعيد عن زوجي واحنا اصلا من اول ما عرفنا بعض واحنا علي طول بعيد عن بعض حتي ايام الخطوبه يعني لو حسبت في ال10 سنوات اللي عرفنا فيهم بعض احنا عشنا مع بعض أد ايه

هلاقيهم يا دوب كام شهر

بجد انا حزينه جدا ولا يعلم بيا الا الله

وبالنسبه للأخوات اللي بيقترحوا علي اني اقدم تاني

فللأسف في مشكله انتو مش واخدين بالكو منها

اني لو قدمت بعد الولاده هتكون بنتي طبعا حامله لاسم ابوها والبسبور بتاعها سيكون مسجل فيه الاسم بالكامل هيعرفوا انه هناك فمش هيوافقو اصلا اعطائي الفيزا

وكمان حتي لو معرفوش هيطلبو مني بسبور الزوج حتي لو قلتلهم انه في مصر مش هعرف اجيبلهم البسبور بتاعه لانه موجود فيه تأشيرة امريكا

انا بجد في حيره من امري

دي كانت الفرصه الوحيده اللي في ايدي وللأسف ضاعت مني ومفيش حل تاني غير اني اضيع سنين من عمري انا وجوزي بعيد عن بعض الا اذ ربنا بعتنلنا معجزه من السماء تقرب بيننا

غيري السفارة
اذا اللي رحتيها اللي في الرياض روحي الظهران والعكس صحيح

إحنا هُنّا على أنفسنا فكُنا على الناس أهون
لما بلدنا نتعامل فيها أسوأ معامله و تخلّي الواحد عايز يطفش منها و من الدنيا كلها
أكيد الآخرين ها يعاملولنا بشكل أنيل

ماتتصوريش قد إيه أنا كرهت طريقة تعاملهم معانا و دي كانت أول مره ليا
في السفاره الاميركيه في القاهره و معرفش يمكن تكون آخر مره كمان

بس مبقتش عارف هم اللي بيتعاملوا ب فوقيه و للا إحنا اللي نستاهل
علشان من الأول سمحنا إن الأوضاع في بلادنا توصل للي هي فيه دلوقتي

مش عارف أقولك إيه , حقيقي محدش بيحس بالألم زي اللي فعلا ً يتألم
و الحمد لله على كل حال

انا حاسه بيك والله اخي medzi

وفعلا عندك حق احنا اللي عملنا في نفسنا كده ورخسنا نفسنا

والله انا لما رفض الفيزا بتاعتي كنت عايزه اقوله خلاص انت قاعد هنا بتعمل ايه في بلدنا لما انت رافض تخلينا نروح بلدكم يالا روح بلدك

يعني كل واحد فيهم قاعد ومرتاح في بلدنا ومعاه مراته وعياله وبتعامل معامله احسن مننا واحنا اللي مكتوب علينا الشقي

يعني قاعدين في بلدنا وبيتحكمو فينا وهما ضيوف عندنا

وبعدين انا قرأت هنا مواضيع كتير لاخوه واخوات في المنتدي انهم راحوا يقدموا هما واسرتهم والسفاره تعطي الفيزا للأم والاولاد وترفض تعطيها للزوج وكمان العكس

زي ما يكونوا متعمدين انهم يفرقو شملنا وشمل اسرتنا لا حول ولا قوة الا بالله العلي العظيم


اخي سلومي انا من القاهره مش من السعوديه للأسف هي سفاره واحده اللي عندنا

بس يا تري ينفع يا جماعه اني مثلا اسافر لبلد اوروبي تانيه وليكن مثلا لندن واقدم من هناك علي فيزة امريكا ولا لا

بجد انا دماغي هينفجر من التفكير يارب الطف بيا بقي انا من امبارح وانا ضغطي عالي والله واصلا ممنوع يعلي الضغط عليا وانا في الشهور الاخيره من الحمل وحاصلي ورم جامد في رجلي والله حاسه اني هيجرالي حاجه

ادعولي بالله عليكم يفرج كربتي ربنا وينسيني اللي حصل ويجمعني بزوجي ان شاء الله ويلم شملنا انا وهو وبنتي اللي جايه لسه

ربنا كريم يا أختي
و إن شاء الله ما ضاقت إلا ما فُرجت زي ما بيتقال
بتمنى من ربنا يتمم حملك على خير
و المولود الجديد يبقى وش الخير على والده و عليكي

ربنا يفرجها عليكي و علينا و يكتب لنا الخير و التوفيق أجمعين
يا رب

الله يكرمك اخي وربنا يفرجها علي الجميع انه ولي ذلك والقادر عليه

بصراحة إنتي الي صعبتيها على نفسك لأن الي فهمتة من البداية
أنك فقط ترغبين بزيارة صديقة أمريكية و أنك غير متزوجة

لكن بعد الكلام الي في ردك #9

كان المفروض و الأفضل ومن البداية تقدمين إثباتات و أوراق زواجك و أن سبب السفر
زيارة زوجك و تقديم ما يثبت وجودة هناك و القرين كارد ..

اخي يوسف مش انا اللي صعبتها علي نفسي ولا حاجه هما اللي مصعبينها عليا

لاني انا كلمتهم قبل كده في السفاره وشرحتلهم الوضع كله فقالولي مش هينفع نقبل ابدا سفرك لزوجك الا لما يأخذ الجنسيه

عشان كده انا لجئت للحل ده

وكمان نفس ظروفي دي حصلت لواحده صاحبتي وراحت قدمت وقالتلهم علي كل حاجه فرفضوا اعطائها الفيززا وقالو لها خلي زوجك يقدم لكي من هناك عن طريق الهجره وبعد مرو سنه علي الطلب هننظر فيه ونشوف اذا كنا هنوافق اعطائك الفيزا ام لا

وهي عدي عليها اكتر من سنه لحد الوقتي ومفيش رد ولا شئ يعني انا مسبتش حاجه الا حاولت اعملها

وزي ما قلتلك هما مش بيوافقو ان زوجه تسافر لزوجها حتي لو معه الجرين كارد

لازم يكون معه الجنسيه

اخي medzi

انا عرفت انك قدمت في سفارة القاهره من كلامك

ممكن تقولي هما ختمو لك في الباسبور بتاعك ختم بالرفض ولا لا او اي علامه عملوها في البسبور بتاعك ؟ ولا البسبور زي ما هو قبل ما تقدمه ليهم

لا الباسبور زي ما هوّ بس متدبس فيه الــ DS-2019 from

اليوم تم رفضي انا كنت مقدم من لكندا من الكويت
اقدر اقدم مره تانيه بعد وقت قديه وهل اقدر اقدم من مصر ولا لا؟

متى اقدر اقدم مره تانيه بعد الرفض
وهل ممكن اقدم من دوله تانيه اترفضت من الكويت اقدم من مصر ؟