الموضوع: يا جماعه افيدوني بشكل عاجل مشكلة بالجواز

يا جماعه والله متوهق

جوازي ينتهي بشهر اوقس 8

رحلتي لاندونسيا بشهر مايو

قال لي واحد من الشباب لا توهق

لاوصلت هناك ما يعطوني تأشيرة مطار جاكرتا انه لازم يبقى بجوازي اقل شي 6 اشهر هل لازم اجدد الجواز
علي مخالفات مرورية ما ابي اسددها

اكدوا لي هالكلام سليم او لا

مواضيع عشوائيه ممكن تكون تعجبك اخترناها لك:

• الفزعه يااهل الخبره
• ممكن آرائكم في اختيار الفنادق
• لـ خبرااء العمه تفضلووا بالدخول الله يعافيكم
• رحلة عائلية الى اندنويسيا
• سؤال الى أهل الخبرة عاجل
• استفسار يا رواد الارخبيل الكرام في
• أتمني مشاركتكم تخطيط رحلتي
• جدول رحلتي
• اريد ترشيح من الاخوة المشرفين والاعضاءلفنادق في جاكرتا وبونشاك وباندونق
• أسئلة لأهل الخبره ؛
• ابي مساعدتكم بوضع جدول
• السفر الى اندونيسيا في فبراير
• بــــلاد العمـــة واستفسارات من الاحــــبة
• ارشدوني قبل اضيع ،،،،،،،
• إستفسار عن
• خطوط طيران
• طارق والأخوان ابيكم بكلمة راس ممنوع دخول جوالات الكاميرا
• بخصوص تذاكر لومبوك عن طريق الانترنت
• الاماكن القريبة من بعض للجبل وباندونق الجميع يشارك
• أختكم تروفة بتسافر محتاجة مساعدتكم

اخوي الفاضل هذا شي حصل معي في مطارجده
حيث كان باقي على الجواز 6 شهور وينتهي
وكانت معي تأشيرة من قنصليه جدة
لمن شافوا التأشيرة ختم على الجواز

يعني لا استخرجت التأشيرة من سفارة الرياض يكون موضعي منتهي ؟

رايك استخرج التأشيرة من هنا ؟ المطار يطلعوني طيب ؟

يالغالي نصيحة جدد جوازك واحد من الشباب كانت معاه فيزا وباقي على جوازه 4 شهور ما رضوا يدخلونه اندونيسيا الا بعد ما دفع بخشيش 200 دولار

خلك على المضمون احسن لك
لأنه لو المطار طلعوك يمكن في المطار بجاكرتا يعمل لك شويتين ويوصل الحال انك ترجع مع الطيارة اللي انت جاي معاها
تحياتي

أخي الافضل التجديد حتى لاتصبح الاجازه متعبه
تراهم هناك يبحثوا على اي خطأ وعلى فكرة التعليمات انك تعود من المطار لدولتك اذا مدة انتهاء الجواز اقل من سته اشهر

جدد جوازك وريح راسك

شكل المخالفات متلتله .. الله يكون بعونك
سدد المخالفات احسن من المشاكل ببلاد يبحث عن الاخطاء لاجل المبالغ

اذا جوازك باقي عليه اقل من ست اشهر ماراح تدخل البلد
هذا اذا كان موظف الجوازات هنا مفهي وطلعك وجاب لك الطعه
فخلك من فلان قال وفلنتان قال وواحد مشت معه وواحد ما مشت
اقل من ست اشهر جدد جوازك ولا شف لك ديره غير اندونيسيا تقبل بدخولها بهل مده مثل الدول العربيه
والعلم وسلامتك

شف ياغالي بكون واقعي معك.. انا طال عمرك وصلت مخالفاتي الى 3000 ريال وقلت ماراح اسدد المهم جاء الوقت الا لازم اشوف حياتي واسافر وانبسط المهم قالوا وقف يالحبيب سدد علشان تطلع جواز بالاول ضاق صدري المهم فكرت قلت ياولد سدد مصيرك مسددها انا اشوف انك تسدد وتجدد وانا اخوك وصدقني انا عند بنك الرياض لهم 5000 ريال جالس اسددها اقساط بعد ماكنت تاركهم مايقارب السنه .. الواحد لازم يريح راسه لانه يجي وقت تسددها سواء بالقوة والا براحتك ..

جدد وتوكل على الله والاهم سدد

بارك الله بالجميــــــــع أفادوك أخي الكريم ،،

تسمع شوري ....جدد جوازك وأنا أخوك ، ترى الدعوى ماهيب لعب

لأن المشكلة ماهيب في الخروج من هنيا ، المشكلة اذا بغيت تدخل أندونيسيا ، والله ان تعوف روحك

شكرا لكم اخواني


امري لله بسدد مخالفاتي وبجدد جوازي

شكلي بطلع التأشيرة من السفارة بالرياض