الموضوع: الإنترفيو بتاعي في السفارة بعد أيام أطلب نصائحكم و خبرتكم

السلام عليكم و رحمة الله و بركاته

أنا ميعاد الإنترفيو بتاعي في السفاره الأميركيه بعد 3 أيام
أنا متقدّم للحصول على
J - 1 visa as exchange visitor on a USAID sponsored programme
و كان ليّا بعض الإستفسارات و طالب أعرف نصايحكم و خبراتكم بخصوص الإنترفيو

1 - أنا شوفت أخي Impact رد على حد كان بيسأل عن نموذج DS-156 و قاله النقاط اللي ملهاش إجابه إكتب none , طيب النقاط
اللي ملهاش إجابة عندي سيبتها فاضية مكتبتش حاجه

2 - الإنجليزي بتاعي مش كويس بالدرجة الكافيه هل ليكم أى نصائح
في الجزئية دي خصوصا ً إن الأميركان أكسينت أصعب بالنسبه لي من البريتيـــش

3 - أنا قريت كتير عن إني لازم أبرز للقنصل أو الشخص اللي ها يعمل لي الإنترفيو
مدى قوة الروابط الإجتماعيه و الإقتصاديه ليا في مصر علشان
يقتنع إني هارجع بلدي طيب الإقتصاديه هتكلم عن الشغل و كده
بس الروابط الإجتماعيه دي هقولهم عنها إيه مش عارف !!

4 - لو في أى ملاحظات ليكم بخصوص أوراقي اللي هقدمها
أو أى شىء بخصوص المقابلة نفسها يا ريت تقولولي

أتمنى إخواني محدش يبخل عليا بالنصيحة اللي يقدر منكم يفيدني
بخصوص جو الأنترفيو أو أسئلته يا ريت مايترددش و يقولي عنها

شاكر ليكم مقدما ً سعة صدركم و أتمنى تجاوبكم و خصوصا ً الأخ الحبيب Impact

و أتمنى على الله التوفيق لي و لكم إن كان في هذه التجربة و مثلها الخير لا الشر

مواضيع عشوائيه ممكن تكون تعجبك اخترناها لك:

• الرجاء الدخول؟؟؟؟
• اختلااف في التقديم يأ اخ امباكت افيدني
• الفزعه
• سؤال بخصوص الفيزا الامريكيه
• استودعكم الله اللذي لا تضيع ودائعه
• الان ابريل يوجد مواعيد متوفرة في بداية مايو بالرياض
• مساعدة كيف الجو في اورلاندو ولوس انجيلوس في شهر سيبتمبر
• استفسار عن مدينة كينت بولاية اوهايو
• نصيحة للأخوات
• زيارة الاطفال المرافقين لامريكا
• ملاحظات في كتابة العنوان و طالب المساعدة
• هاميلتون
• ياليت تساعودني يا شباب ضروري جداً
• ارجوا المساعده
• اورلاندو بليزززز
• تذاكر مخفضه الي امريكا وكندا
• استفسار عن ديزني
• استفسار هام وعااااااجل يا خبراااااااااء
• ماذا بعد رفض الفيزا؟
• سفره شبابيه الى امريكا في شهر 4

باقي يومين يا جماعة الخير

هلا اخي الكريم ..


1. مافيها مشكلة !!

2. ممكن تطلب مترجم !!

3. اي شي يثبت روابطك وعودتك لارض بلدك !! دراسة ... عمل ... اعالة ... اي شئ!!

4. نتمنى لك التوفيق

شكرا ً يا غالي و ربنا يستر بقى

الله يوفقك ويسرلك الخير

المشاركة الأصلية كتبت بواسطة ® Soul
http://www.arabtravelersforum.com/tr...3/#post2744443

الله يوفقك ويسرلك الخير

ربنا يخليك يا soul على دعوتك الطيبه
لكن قدّر الله و ما شاء فعل , تقريبا ً كده الفيزا إترفضت
بس المشكلة إني مش عارف ليه

خالص تمنياتي لك بالتوفيق إن شاء الله

الله يكرمك اخى الحبيب
بس على فكره اللى اعرفه مفيش حاجه تقريبا اسمها اترفضت
لانها لو اترفضت بيقولك انت غير مؤهل للسفر للولايات المتحده الامريكيه

اما لو اتقبلت بيقولك سيب الباسبور واسحب وصل دى اتش ال

او بيديك case#

وعاده بتتقبل بس بتتاخر شويه نتيجه اجراءات اداريه
فتقريبا اقدر اقولك مبارك عليك الفيزا والله يبعد عنك الفتن
وياريت لو تحكى ايه اللى حصل معاك بالظبط
وبالنسبه لرسوم الس اي بي لسه 740 جنيه؟
والراجل اللنتا قابلته كان الاسمر ولا االابيضانى ابو دوجلاس ولا البنت؟
مع انى اتوقع انه الراجل الابيضانى لانه كان دايما يدى الاجرراءات الاداريه دى
والاسمر بيدى رفض
والبنت انت وحظك
السلام عليكم

انت تقريبا كان معادك هو نفس اليوم اللي كان فيه مقابلتي في سفاره القاهره

يا تري كانت المقابله بتاعتك في شباك رقم كام

وكان رقمك كام انا كانت مقابلتي في شباك رقم 11

كان واحد ابيض كده وشكله يهودي

المشاركة الأصلية كتبت بواسطة ® Soul
http://www.arabtravelersforum.com/tr...0/#post2744770

الله يكرمك اخى الحبيب
بس على فكره اللى اعرفه مفيش حاجه تقريبا اسمها اترفضت
لانها لو اترفضت بيقولك انت غير مؤهل للسفر للولايات المتحده الامريكيه

اما لو اتقبلت بيقولك سيب الباسبور واسحب وصل دى اتش ال

او بيديك case#

وعاده بتتقبل بس بتتاخر شويه نتيجه اجراءات اداريه
فتقريبا اقدر اقولك مبارك عليك الفيزا والله يبعد عنك الفتن
وياريت لو تحكى ايه اللى حصل معاك بالظبط
وبالنسبه لرسوم الس اي بي لسه 740 جنيه؟
والراجل اللنتا قابلته كان الاسمر ولا االابيضانى ابو دوجلاس ولا البنت؟
مع انى اتوقع انه الراجل الابيضانى لانه كان دايما يدى الاجرراءات الاداريه دى
والاسمر بيدى رفض
والبنت انت وحظك
السلام عليكم

تمام كلامك يا أخي
أنا آخدت الــ case number بس تقريبا ً هو قرر يديهالي من قبل ما يشوفني
لأنه متكلمش معايا أكتر من دقيقتين و مطلبش يشوف و لا ورقة من اللي معايا

أقولك ليه سيان كانت إترفضت و للا ممكن زي ما بتقول تتقبل بعد فتره فبالنسبه لي واحد
لأن زي ما إتقال إني أبدأ أعمل تشيك ع الويب سايت بعد إسبوعين
أنا أساسا ً ميعاد السفر بتاعي يوم 1 إبريل يعني الوقت إتدمّر

رسوم الـــCIB و رسوم الـــsevis fees دول إحنا مش دفعناهم
لا أنا و لا أى واحد معايا في نفس برنامج الزماله اللي إحنا طالعين علشانه
مفترض زي ما عرفنا إنه ممول فيدراليــا ً

اللي عمل معايا الإنترفيو كان أبيض و صغير في السن و كان مكّشر كده
إسمه Cristopher J.Brown علشان الــ DS2019 اللي متدبّس في الباسبور هوّ ختمه

ربنا يوفقك يا سول بإذن الله

المشاركة الأصلية كتبت بواسطة سجينة حبي
http://www.arabtravelersforum.com/tr...9/#post2745259

انت تقريبا كان معادك هو نفس اليوم اللي كان فيه مقابلتي في سفاره القاهره

يا تري كانت المقابله بتاعتك في شباك رقم كام

وكان رقمك كام انا كانت مقابلتي في شباك رقم 11

كان واحد ابيض كده وشكله يهودي

هو كان أبيض و صغير في السن و طول الوقت مكشر
كان بيكلمني و أنا ب أرد عليه يكون عمال يبص في الأوراق
أول ما وصلت الشباك كان بيكلّم اللي جنبه وماسك ورقي و عمّال يعلم فيه

أنا شاكك إنه كان شباك 11 بس مش متذكر أوي
هو تقريبا ً كان تالت أو رابع شباك في الممر

أنا كنت رقم 31

تقريبا هو اللي انت بتقول عليه والله هو اللي عمل معايا المقابله

انا كنت رقم 36 والله ممكن اكون شفتك سبحان الله لاني اول ما كان بيبدأ في رقم 30 كنت بستعد عشان رقمي قرب وافضل متابعه الارقام والناس اللي بتدخل

انت كنت لابس بدله سوداء او كحلي تقريبا ومعاك حاجه زي فايل كده او دوسيه كده لونه رصاصي غامق

ماشي بس زي ما إنتي شوفتي كانوا بيقولوا 30 مثلا ً بعدين يرجعوا يقولوا 512
مكانوش ماشيين بالترتيب

إحنا كنا تلاتة الاول تبع نفس البرنامج
الاول ماجد و ده كان طويل و بدوجلاس
و لابس تقريبا زي ما انتي بتوصفي و ده كان رقم : 3

و احد تاني كان رقمه : 30 و أنا كان رقمي 31
بس إحنا التلاته أخدنا نفس الورقه بتاعت الــ case number دي

ايوه هما فعلا مكنوش ماشيين بالدور خالص

انا بفكر اني اتصل بيهم واقولهم اني عايزه اعيد المقابله تاني عشان انا مكنتش فاهمه كويس من اللي عمل معايا المقابله واني ملحقتش اوريله كل اوراقي ومفيش سبب مقنع للرفض

ايه رأيك

بس مش عارفه اتصل بيهم علي نفس الرقم اللي هو 090070600 ولا في رقم تاني للحاجات دي والشكاوي ولو تعرف اميل القنصل او تلفون القنصل يبقي كويس يا ريت تقولي لو تعرف اي معلومه اقدر اتصل بيهم عليها

وان شاء الله يارب توصلك الفيزا ومتترفضش باذن الله

ويا ريت لو تقولي فين الموقع اللي اقدر ادخل عليه عشان اشيك علي طلبي واشوف اللي حصل فيه وايه الرقم اللي ادخله انا يوم ما اتصلت بيهم عشان اخد منهم معاد المقابله ادوني رقم كده في التلفون وهو مكون من 7 ارقام بس مش عارفه هو ده ولا ايه

المشاركة الأصلية كتبت بواسطة سجينة حبي
http://www.arabtravelersforum.com/tr...7/#post2746897

ايوه هما فعلا مكنوش ماشيين بالدور خالص

انا بفكر اني اتصل بيهم واقولهم اني عايزه اعيد المقابله تاني عشان انا مكنتش فاهمه كويس من اللي عمل معايا المقابله واني ملحقتش اوريله كل اوراقي ومفيش سبب مقنع للرفض

ايه رأيك

بس مش عارفه اتصل بيهم علي نفس الرقم اللي هو 090070600 ولا في رقم تاني للحاجات دي والشكاوي ولو تعرف اميل القنصل او تلفون القنصل يبقي كويس يا ريت تقولي لو تعرف اي معلومه اقدر اتصل بيهم عليها

وان شاء الله يارب توصلك الفيزا ومتترفضش باذن الله

ويا ريت لو تقولي فين الموقع اللي اقدر ادخل عليه عشان اشيك علي طلبي واشوف اللي حصل فيه وايه الرقم اللي ادخله انا يوم ما اتصلت بيهم عشان اخد منهم معاد المقابله ادوني رقم كده في التلفون وهو مكون من 7 ارقام بس مش عارفه هو ده ولا ايه

إعذريني أنا مش هأقدر أفيدك أوي لأني زيك دي كانت أول مره ليا
و في حاجات كتير مش عارفها
و حاجات أكتر إهتميت بيها بدرجه جامده و طلع ملهاش لازمه

إمكانية إنك تتصلي تاني و تقولي عايزه مقابله جديده مش عارف
الإيميل اللي أعرفه ليهم هو ده : mailto:[email protected]

و التليفونات اللي أعرفها لهم هي 090070600 للأرضي و 2100 من فودافون

الموقع اللي فيه ب أشيّك على حالتي أهو
http://egypt.usembassy.gov/consular/niv8.htm
اللي معاه رقم الحاله ب يدّخله و يشوف إيه التطوّر اللي حاصل
بالنسبه لي مثلا كل ما أعمل شيك يقولي ما زال الطلب تحت الإجراءات الإداريه

الرقم ده غير رقم الإنترفيو , رقم الإنترفيو طلع ملوش لازمه و لا حد سألني عنه

ده كل اللي أعرفه و إن شاء الله لو عرفت حاجه جديده هبقى أكتبها هنا

و ياريت الخلوق الأخ impact يشاركنا المسأله دي !

ربنا يكرمك و يوفقك إن شاء الله و شكرا ً على دعوتك الجميله
أنا مشكلتي إن ميعاد السفر متحدد يوم 1 إبريل و تقريبا ً مبقاش في وقت

ربنا يصلح لنا كلنا الأحوال و يفرجها علينا

الله يكرمك يا رب وتتحل مشكلتك ان شاء الله

طيب ايه رأيك تبعت لهم اميل وتقول لهم ان معاد سفرك 1 ابريل وانت عايز الرد قبل المعاد عشان ميروحش عليم معاد السفر يمكن يتحركو شويه

ربنا يسامحهم علي اللي بيعملوه في الناس والله وكأننا رايحين الجنه يعني

بيتحكموا فغي الناس بطريقه وحشه

مش عارف إذا كان ده ممكن ينفع معاهم و لا لأ
أنا حاسس إني مخنوق بشكل مميت و الله

يا ريت impact يقولّنا إيه رأيه ؟
الأيام ب تفوت و الأمل في الموضوع ب يموت معاها

أستغفر الله العظيم

الله يسهل امورك يا اخي !!
زعلت كثير على الي صار لكم !!
لو عندي خبره في امور الفيزا كنا ساعدنا بس مع الاسف ما باليد حيله الا الدعاء للجميع بتساهيل وبالتوفيق ان شالله

بس الخيره في ما اختاره الله
خذها بـتفأول والله كريم

معلش والله انا مقدره اللي انت فيه ربنا يييسرلك امورك يا رب ويردو عليك قبل المعاد يا رب احنا مفيش قدامنا غير الدعاء

يمكن ربنا يقبل مننا ان شاء الله

تخيل انا مشكلتي برضو كبيره ومالهاش حل اصلا وتعبت من التفكير فيها لاني لو معرفتش اخد الفيزا قبل الولاده هيبقي من المستحيل اني اعرف اخدها تاني وباقي علي الولاده شهر ونص بس لاني ساعتها هتكون بنتي مكتوبه باسم ابوها في الجواز وطبعا يبقي لازم يطلبو مني بسبور زوجي وقسيمة الزواج وكده هيعرفو انه في امريكا وانه معاه جرين كارد فطبعا هيرفضو

يعني من الاخر مش هينفع اقدم عليها

يالا الواحد مالوش غر ربنا بقي وسيبها علي الله انت كمان وجرب تبعتلهم بس اميل كده يمكن ربنا يكرم ويردوا عليك وبتقهموا الموضوع ويبقي سبب من اسباب القبول ان شاء الله وتيجي تبشرنا

انه ولي ذلك والقادر عليه

اتمنى ارسال ايميل لهم ومن ثم الانتظار ..

والله بسهل امركم ان شاء الله ..

المشاركة الأصلية كتبت بواسطة shaaadn
http://www.arabtravelersforum.com/tr...2/#post2749672

الله يسهل امورك يا اخي !!
زعلت كثير على الي صار لكم !!
لو عندي خبره في امور الفيزا كنا ساعدنا بس مع الاسف ما باليد حيله الا الدعاء للجميع بتساهيل وبالتوفيق ان شالله

بس الخيره في ما اختاره الله
خذها بـتفأول والله كريم



ربنا يكرمك على دعوتك الجميله يا shaaadn









المشاركة الأصلية كتبت بواسطة سجينة حبي
http://www.arabtravelersforum.com/tr...2/#post2749702

معلش والله انا مقدره اللي انت فيه ربنا يييسرلك امورك يا رب ويردو عليك قبل المعاد يا رب احنا مفيش قدامنا غير الدعاء

يمكن ربنا يقبل مننا ان شاء الله

يالا الواحد مالوش غر ربنا بقي وسيبها علي الله انت كمان وجرب تبعتلهم بس اميل كده يمكن ربنا يكرم ويردوا عليك وبتقهموا الموضوع ويبقي سبب من اسباب القبول ان شاء الله وتيجي تبشرنا

انه ولي ذلك والقادر عليه



آه أنا عرفت مشكلتك ربنا معاكي و يوفقك و يكون في حل
و يجمعك إنتي و زوجك على خير إن شاء الله

عارف من بعد اللي عملوه ده إحساس الواحد فينا ب يبقى عامل ازاى
أتمنى لك التوفيق من كل قلبي و ربنــــا كريـــــــــــم

أنا حاولت بعتت لهم إمبارح بس الإيميلات تقريبا ًفيها حاجة غلط

المشاركة الأصلية كتبت بواسطة Impact
http://www.arabtravelersforum.com/tr...4/#post2750734

اتمنى ارسال ايميل لهم ومن ثم الانتظار ..
والله بسهل امركم ان شاء الله ..



إزيك يا إمباكت , يا رب تكون بخير
أنا بعتت رسالة إمبارح للإيميل اللي معايا للسفارة
[email protected]

ف جالي الرد الأوتوماتيك إن الإيميل ده مفيش رد على الإستفسارات
للي بتوصله و إن لك لو عايز تستفسر عن كذا تبعت إيميل للبريد الإلكتروني كذا , و منها
For case-specific questions concerning Non-Immigrant Visas,
please click on the following link to send an email to mailto:[email protected].

تمام أخدت الإيميل ده [email protected] و بعت له
ف جالي رسالة فشل الإرسال و إن الرساله موصلتش
Delivery Status Notification (Failure)

This is an automatically generated Delivery Status Notification.
Delivery to the following recipients failed.
mailto:[email protected]

مش عارف أعمل إيه ؟
و أبعت لهم إيميل إزاى , لما إيميلاتهم المكتوبه مش قادر أوصلها ؟
إيه رأيك !!

السلام عليكم

أنا جرّبت الإيميل ده تاني mailto:[email protected] و تم الإرسال بس الجميل
إن الرد اللي وصلني كان كالآتي

شكرا ً على رسالتك , تذّكر إن طلبك مازال معلّق نتيجه إجراءات إداريه ضروريه
و أدخل الموقع كل شويه و إعمل شيك و هكذا

!!!

السلام عليكم و رحمة الله و بركاته

حبيت أعرفكم إني و أنا ب أعمل تشيك على الموقع الخاص بالــ case check وجدت الرد التالي

رجاء إرسال جواز السفر لمكتبنا عن طريق خدمة البريد السريع DHL خلال 30 يوم
من تاريخ تلقي الرد [23/03/2009] .بخلاف وجود أى ظروف طارئة ، نأمل فى أن نتمكن
من إصدار القرار بخصوص التأشيرة خلال عشرة أيام من تاريخ استلام جواز السفر.
رجاء الضغط هنا لمزيد من المعلومات عن خدمة البريد السريع الدولى DHL.

مش عارف يعني إيه القرار بخصوص التأشيره !! هم لسه ها يقرروا ها آخدها ولا لأ ؟
عموما ً هو السفر كمان 7 أيام و القرار مكتوب في خلال 10 أيام

في كل الاحوال عايز أقول
للعزيز إمباكت متشكر جدا ً على مجهودك معايا و مع كل الناس
للعزيز سول ربنا يكرمك على دعواتك الطيبه و تتوّفق بإذن الله
للعزيز شااادن ربنا يوفقك و متشكر على شعورك الحلو

أما أختي سجينة حبي
عايز أقولك متزعليش ,قل قدّر الله و ما شاء فعل و الله يمكن ها تستغربي
شوفي كنت إزاى متضايق من اللي حصل ,لكني بالله دلوقتي متضايق أكتر سبحان الله
خالص دعواتي ليكي بالتوفيق و السداد و السعاده

يا رب قدّر لنا الخير حتى و إن رغبت عنه أنفسنا
و قدّر لنا تجنب الشر حتى و إن رغبته أنفسنــا

السلام عليكم
والله اعلم ان الفيزا كده مقبوله ان شاء الله
بس انت ابعت الجواز فى اسرع وقت
لانهم مش بيطلبو الجواز الا لما يكون فى موافقه
ومش تضايق اخى الحبيب ربنا عارف الخير فين
وربنا يصلح حالك ويوفقك

الفمبروك مقدماً

ان شاء الله بيصدرولكم الفيزا ..

بالتوفيق وفي انتظار البشارة

الف شكر ليك اخي medzi علي الكلام الجميل ده

ويارب يا رب يكون فعلا هيدوك الفيزا والله هدعيلك ان شاء الله

بس انت بس متتأخرش عليهم وابعتلهم البسبور بسرعه وادعي لربنا كتير عشان ان شاء الله تتسهل امورك وطمنا عليك

طيب انتي بتقول انك متضايق الوقتي اكتر ليه

عشان معاد سفرك ممكن يعدي يعني ؟ ولا عشان خايف لا قدر الله من الرساله اللي بعتوها

متقلقش والله وسيبها علي الله ان شاء الله هتتسهل امورك

اما بالنسبه لي فانا بفكر جديا اني اعيد المقابله تاني ويمكن ربنا يسهلي الامور المره دي واهو هكون عملت كل اللي بوسعي والباقي علي ربنا ورجاء من كل الاخوه والاخوات في المنتدي يدعولي ان ربنا يسهلي الامور ان شاء الله

السلام عليكم يا شباب سول , إمباكت و سجينه

ربنا يكرمكم على مشاركتكم الحلوه و دعواتكم
و الله أنا ودّيت الباسبور للـــ dhl يوم الأربعاء اللي فات و للآن مفيش جديد
أنا عارف إن السفاره أجازه يومي الجمعه و السبت
ربنا يستر إن شاء الله
هو ميعاد السفر خلاص فاضل عليه يمكن حوالي 48 ساعه أو أكتر شويه

لكن اللي ربنا يعمله أكيد هو الخير

وكل الله ... وحاول تكلمهم .... وزي ماقلت اللي يسويه ربي هو الخير

وموفق حبيبي

الله ييسرلك الخير
عسى ان تكرهوا شيئا وهو خيرا لكم
السلام عليكم

:114::114::114::114:انا معيدى يوم 5/4/2009 محتاج مساعدتكم انا طالب بالفرقة الثالثة عايز اعرف الاوراق المطلوبة لكى اقدمها وكمان انا مقدم سياحة وذاهب عند خالى هو معة الجنسية الامريكية هل ابرز لة جواز سفر خالى وعندما يسالنى ما الغرض من الزيارة ماذا اقول هل يوجد اوراق او ابلكيشن املا داخل السفارة يارت ترود عليا مفيش وقت

السلام عليكم و رحمة الله و بركاته

إزيكم يا شباب
حبيت أعرفكم إن الحمد لله أخيرا ً الباسبور خرج بسلامة الله من السفاره و فيه الفيزا
الدي إتش إل كانوا ناويين يخلوه لبكره و يبعتهولي ,لكن نظرا ً لضيق الوقت الشديد أنا روحت لهم و جبته
و إن شاء الله السفر بعد بكره بمشيئه الرحمن

خالص شكري و دعواتي ليكم إنت شركاء رحلة العناء دي
سجينة حبي , شااادن , سول , عبد الله جار
إمباكت
ربنا يوفقكم جميعا ً و يوفقني للخير

سلام عليكم

مبارك عليك يا ميدزى
وربنا يوفقك ان شاء الله
واهم حاجه تحرض على دينك فى السفر
السلام عليكم

مبروك وتروح وترجع بالف سلامة

® Soul
ربنا يخليك يا جميل
ما تقلقش مصحفي و سجادتي أول شىء في شنطتي
ربنا يكتب لنا الخير و القرب منه على الدوام
اللهم آمين

Impact
مشرفنا الجميل , الله يسلّمك و يبارك فيك

الف الف مبروك لخي ميدزي وربنا يرجعك بألف سلامه يا رب

وابقي طمنا عليك من هناك

السلام عليكم
أنا متشكر جدا يا جماعة ربنا يخلكو . أنا بكلمكم من مريلاند ولو تعرفو حد في أوكلاند بكاليفورنيا يبقى جزاكم الله خير لاني ريح هناك لمدة شهر ومعرفش أي حاجة عن ظروف الحياه هناك . السلام عليكم