الموضوع: خبره بالكويت

اهلين...
كيفكم ؟
انا انشاء الله بعد اسبوع رايحه الكويت
انا ورجلي
اولا
وش رايكم بفندق المارينا
وثانيا
كيف بيكون الجو وقت روحتنا لان يقلون الجو هالايام حلو عندهم
وثالثا
وش احسن الاماكن سواء اسواق او مطاعم او كافي او اي شي ثاني بس يكون حلو...

انا المده اللي رايحه فيها للكويت 5 ايام فقط

مواضيع عشوائيه ممكن تكون تعجبك اخترناها لك:

• ممكن اسعار الشقق بالكويت
• يوغرتينو للآيس كريم
• منو يساعد ولد ديرته
• ودك تتعرف على خدمات مطار الكويت تفضل
• فريج عقاب مطعم للأكلات الشعبية الكويتية بعدسة عسل
• تايم سكوير للأجنحة الفندقية حولي بعدسة عسل
• مسرح المبارزه بالدعيه وين موقعه بالضبط ؟؟
• شاليهات فيها مسبح
• استفسار
• فلوسي ضاعت في فندق مارينا مول ولا اسفدت من الزيارة
• استفسار يا اهل الكويت بخصوص طيران الجزيرة في البحرين
• اعرف اسماء الاسواق بس حابه اعرف قربهم لبعض
• ▐▐▐ ▐▐▐ ثلوج عبدالله المبارك قطعه ▐▐▐ ▐▐▐
• ابغي اعرف ياأهل الكويت شورايكم
• صور لشارع الخليج ومدينة الكويت
• يوم البحاره بالصور
• أفضل المشاوي التركية على أصولها بالكويت
• يا أهل الكويت نبي منكم مساعده
• الثوب الكويتي ثوبين ام ثوب؟
• العشاء على انغام نهائي كأس الخليج

المشاركة الأصلية كتبت بواسطة شــاكلين
http://www.arabtravelersforum.com/tr...7/#post3779460

اهلين...
كيفكم ؟
انا انشاء الله بعد اسبوع رايحه الكويت
انا ورجلي
اولا
وش رايكم بفندق المارينا
وثانيا
كيف بيكون الجو وقت روحتنا لان يقلون الجو هالايام حلو عندهم
وثالثا
وش احسن الاماكن سواء اسواق او مطاعم او كافي او اي شي ثاني بس يكون حلو...

انا المده اللي رايحه فيها للكويت 5 ايام فقط



يا هلا و مرحبا فيك

فندق المرينا رائع و على شارع الخليج و نظيف وراقي

الجو حلو لاهو الحار ولا هو البارد

الاماكن كثيره

المركز العلمي
مجمع الافنيوز
مرينا مول
مجمع 360
المدينه المائيه اكوابارك
منتزة الشعب
المدينه الترفيهيه
سوق المباركيه
و في غيرها كثير

بالبداية حياكم الله بارضكم الكويت وتنورونها

وانشالله اني اقدر افيدكم بمعلوماتي

أول شي بالنسبه للجو
الجو طبعاً مثل دول الخليج الظهر الجو حار بس تعودنا عليه وبالليل الجو متعدل وجيد


ثانياً بالنسبه للامكان :
الكويت فيها مجمعات وايد حلوه ومنها الافنيوز / المرينا / سوق شرق / 360 / الفنار ....إلخ وهذا المجمعات فيها سينما وفيها العاب للاطفال وبعد فيها مطاعم وفيها قهاوي طيبه وقعدتها ما تنمل


ومن احلى الاماكن الترفيهيه بالكويت طبعا لان حر فلازم تزورون المدينه المائية / القريه المائيه وهم تقدرون تروحون حديقة الشعب أو المدينه الترفيهيه أو المركز العلمي ....إلخ

وعدنا اماكن شعبيه مثل القهوه الشعبيه لازم تزورونها وهم لازم تروحون قهاوي سوق المباركيه للان القعده هناك وايد حلوه


وثالثاً بالنسبه للفندق :
الفندق ممتاز من حيث الفخامه والموقع والغرف وكل شي يعني اختياركم للفندق 10 على 10


اتمنى من الله اني وصلت لكم بعض المعلومات على الكويت
وموفقين انشالله ورحله سعيده والله يحفظكم

مشكورين وماقصرتوا
غير الاسواق العاديه
ابي اسواق بضايع الكويت

وبعدين ناس قالولي روحي مري بشارع الاحمدي

وبعدين انا وزوجي فقط
ماعندنا اطفال

هلا اختى حياج الله

الاخوان ما قصروا بالردود واى استفسار احنا جاهزين للرد بايللى نقدر عليه يالغاليه

بالنسبه لشارع الاحمدى يقصدون ان فيه زينه ولمبات تزين الشوارع للاحتفالات ومناظر تستحق المشاهده

بصراحه ,شركه البترول مزينه الشوارع بمناظر مبهره بس للامانه ماادرى ان كان الى الحين او شالوهم !

وبما انكم خفيفين بدون اطفال انصحكم بزياره الافنيوز مول كبيررررر وفيه عده كافيهات مميزه ومطاعم

تستحق التجربه منها مطعم رايس يقدم الاكلات الكويتيه الشعبيه بتقديم حديث ومميز وجديد وعليكم بالعافيه

ها بس ترا اسعاره مرتفعه شوى ! بس يستحق التجربه ,وعندكم مطعم فريج صويلح بالسالميه شعبى واسعاره

حليوه بس اكله حلو ,

وبالنسبه للاسواق 360 مول جديد وحلو ,,,اما المولات العاديه المتواضعه اسعارهم عندكم بالفروانيه

الحمراء مول والعربيد مول وفى ابو حليفه كويت ماجيك وفى السالميه اسواق المعلم او يسمى سيتى سنتر السالميه

واى استفسار حاضرين ,

حاضرين للطيبين

اذا ما عندك اطفال انصحكم بالمشي بمجمعات الافنيوز و360 والمرينا وطبعا التمشي على البحر بالليل وقعدون على مطاعم وقهاوي المرينا الي على البحر وهم تروحون سوق المباركيه لان اسعارهم وايد مناسبه ومن المجمعات الرخيصه مثل ما قالت اختي ام البدر المعلم / المحاميد / الحمرا مول / سوق الفروانيه والجليب


وحياكم الله بديرتكم

وهم بعد انصحكم بهل مطاعم وضروري تروحون لهم لان اكلهم وايد حلو

مطعم شيلز موجود بالافنيوز وهم موجود بالبدع بس احلى مكان الي على البحر بجانب أبراج الكويت

مطعم الأبراج على البحر القعده فيه وايد حلوه والاكل هم بعض لذيذ

مطعم المياس مطعم لبناني من احلى واطيب المطاعم بالكويت

مطعم الصنوبر مكانه وايد حلو على البحر واكله هم بعد جميل

مطاعم شعبيه

مطعم فريج صويلح اكل كويتي وشي مرتب وفيه اماكن للعايلات

مطعم أيام زمان اكل كويتي وشي مرتب وفيه اماكن للعايلات

مطاعم سوق المباركيه بس انصحكم تروحون عشا مو غذا لان القعده بره حلوه بالليل


وموفقين وحاضرين للاسئلة

مشكورين
اختي ام البدر والاخ فيصل

والابراج حقتكم هل تستحق الزياره او لا
وفيها مطاعم واذا فيها وش احسن مطعم
وبكم سعر التذكره


وش احسن محل عندكم يبيع عبايات حلوه


وفيه اماكن عندكم حلوه تكون بعدالساعه 12 بالليل او لا

العبايات روحي الفروانية في كذا مجمع مثل العربيد وفي بعد دراريع يخاصونهم لك بعد يوم او بنفس اليوم اهم شي في الفروانية روحي الصبح ايام الدوامات لانه زحمة العصر او الليل ....وفي بعدفاتحين محلات جديدة باسواق القرين للشغلات الكويتية وهذا السوق جديد يعني ما عليه دوس بس تحصلين عبي ودراريع شغل بنات الكويت وتقدرين بعد تروحين المعارض تلاقين عروضهم بالجرايد
احلى الاماكن في الليل عندج المطاعم والكافيهات اللي جم فندقكم قعدات حلوة وممشى جميل على البحر والمرسى .....المهم عليكم بالعافية واختياركم للفندق وايد زين

المشاركة الأصلية كتبت بواسطة شــاكلين
http://www.arabtravelersforum.com/tr...0/#post3784460

مشكورين
اختي ام البدر والاخ فيصل

والابراج حقتكم هل تستحق الزياره او لا
وفيها مطاعم واذا فيها وش احسن مطعم
وبكم سعر التذكره

والله هى حلوه من حيث انها ابراج الكويت شعار لدولتنا الغاليه وتصعدون لها بالاصانصير

وتقعدون بالكره الدواره تدور فيكم وتشوفون الديره عن بعد ,, وسعرها يشمل اتوقع وجبه خفيفه

مثل كولا او شى من هالقبيل ,ان كنت حابه تشوفينهم ممكن تمرون على شارع الخليج وتاخدين جوله


وش احسن محل عندكم يبيع عبايات حلوه
عبايات جاهزه موجوده بس حسب المقاس ان كان مقاسج من المتوفر ممكن تحصلين بالمحلات العاديه

موجوده بكثره بالفروانيه والفحيحيل والمباركيه اما المحلات المميزه بجوده بضاعتها وغلاء اسعارها

عندنا الفيصيله

مميز جدا ولكن اسعاره مرتفعه وعندنا المحجبه لهم فرع بالكوت وعبايات نجد موجوده بالرايه

وفيه اماكن عندكم حلوه تكون بعدالساعه 12 بالليل او لا




بعد ال12 بالليل تقفل المولات تقريبا كلها بقرار من وزاره الداخليه لاسباب امنيه ما لكم الا التمشى

عالبحر والمطاعم وموفقين بزيارتكم

المشاركة الأصلية كتبت بواسطة شــاكلين
http://www.arabtravelersforum.com/tr...0/#post3784460

مشكورين
اختي ام البدر والاخ فيصل

والابراج حقتكم هل تستحق الزياره او لا
وفيها مطاعم واذا فيها وش احسن مطعم
وبكم سعر التذكره


وش احسن محل عندكم يبيع عبايات حلوه


وفيه اماكن عندكم حلوه تكون بعدالساعه 12 بالليل او لا




أما الأبراج حقتكم
الأبراج ممتازة و إذا كنتوا مازرتوها أبدا ً ضروري تزورونها خاصة منظر الكويت من أعلى شيء مبهج
الأخوان ماقصروا بصراحة ماخلوا شي لكن تذكرت مجمع الكوت و المنشر بالفحيحيل جنوب الكويت 30 كيلو تقريبا ً المجمع شرح و فيه جلسات حلوة ع البحر و فيه مطعم ( الميجانا ) مطعم لبناني من أروع المطاعم في الكويت جلسته حلوة و أكله لا يعلى عليه

صباح الخير
تم تاجيل موعد سفرنا الى الاسبوع الجاي بسبب ظروف عمل زوجي

بس عندي استفسار
هل احجز الفندق عن طريق النت ام عند الذهاب الى الفندق
قصدي بالسعر بالنت اغلى ام لا
واذا فيه مواقع حجز رخيصه للفندق حطوها
لان صار الفندق 5 ليالي
بـ 7800 ريال سعودي ...