الموضوع: تجربتي مع الشنقن من السفاره السويسريه بالكويت

السلام عليكم ورحمة الله وبركاته



بدش في الموضوع على طول ...!!


أنا حجزت لسفر بتاريخ 22 / 6 / 2011م وكان التاريخ 25 / 5 / 2011م فأعتقدت أن الوقت كافي لأصدار الفيزا الشنقن من السفاره السويسريه في الكويت لكن الصدمه عند مراجعتي لها
بتاريخ 26 / 5 / 2011م


وهي انهم يعطونك موعد لتقديم الأوراق المطلوبه وهي كالآتي :-

1- صوره البطاقة المدنية.
2- صورة الجواز.
3-صوره شخصيه مكشوف الرأس خلفيه بيضاء.
4- التأمين الصحي.
5- حجوزاتك من الطيران والفنادق.


وكنت جايب الطلبات وشغلي عدل 100 %



وبعد الأنتظار الطويل في الدور وتوجهي لشباك السفاره أنصدمة برد الموظفه لي بأن موعد تقديم المستندات والجوازات بتاريخ 21 / 6 / 2011م أي قبل السفره بيوم واحد


وبعد تقديم المستندات والجوازات تطلع بعد عشر أيام يعني بتاريخ 2 / 7 / 2011م ... وأحاول افهمهم أن الوقت غير كافي وان سفرتي بالتاريخ الفلاني لكن لا حياة لمن تنادي


يعني السفره و كل الحجوزات والذي منه راح يتأجل لموعد آخر ..!!



نصيحتي للأخوان الكويتيين اللي ناوين يسافرون لسويسرا مراجعة السفاره بالأول لأخذ الموعد وبعد ذلك يرتب سفرته
بعد الموعد بعشر أيام على الأقل .


عنوان السفاره السويسريه : قرطبه قطعه 2 شارع 4





وسلامتكم

مواضيع عشوائيه ممكن تكون تعجبك اخترناها لك:

• سويسرا بشهر يناير
• جدول لـ مدة 7 ايام في سويسرا ( شهر عسل )
• بعد وصول مطار جنيف
• ساعدوني في موقع الفندق عشان الفيزا ممكن تتغير
• ايام في سويسرا محتاج نصيحتكم و خصوصا الحبيب ابو عزيز خبير سويسرا
• هل قطارت وباصات سويسرا تروح لكل معالم سويسرا أو احتاج سيارة؟
• ░▒▓ عاوزين نسافر يأخذكم إلى بلد هايدي وفندقها الجميل░▒▓
• سويسرا شهر
• استفسار ؟ هل اعدل خطة الفنادق ام لا ؟
• استفسار بخصوص تأجير السيارة
• بعد السلام مشاركتي الأولى وجدت كوخ لستة أشخاص هل يمكن حجزه لسبعة
• شباب ايش رايكم بهذا البرنامج
• بلييييييز ي حلوين
• عاجل ابي مساعدتكم لسفره عائليه لسويسرا والنمسا
• مساعدتكم في اقرب فرصه حول جبال الالب
• هل يوجد مطاعم عربية او تركية في انترلاكن
• هـل تستحق انترلاكن ليالي ؟؟
• لوقانو لمدة يوم واحد واحتاج لخبرتكم
• جدولي في جنيف هل يحتاج الى تعديل ؟ انتظر ابداعكم
• أفكار مميزة لقضاء شهر عسل رومانسي ومثالي

جزاك الله خير على التنبيه

صراحه صدمه

يعطيك العافيه

طيب حاول بسفارة المانيا .. اقل من اسبوع خالصه
وما تطلب حجز الطيران
بس حجوزات الفنادق

احجز حجز وهمي لاكثر مده بالمانيا .. يعني اذا سفرتك 14 يوم احجز من 6 الى 10 ايام بفندق بالمانيا سياسة الالغاء مجاني حتى يوم الوصول .. وبعد ما توصل سويسرا باذن الله الغي الحجز ..
بس ضبط حجوزات الفنادق بحيث اكثر فندق في المانيا

وصوره حديثه
ونموذج الشنقن
والتأمين الصحي
وصورة الجواز

وبعدها يحجزولك موعد مع السفاره
بعد الموعد بيومين بتطلع الفيز ان شاءالله

الله يكون في عونك
ما عليه خيره ان شاء الله

انا سويت الفيزا قبل شهر وطولت تقريبا 10 ايام او اكثر تقريبا

وعلى حسب علي ان لازن تسوي فيزا للدوله الي بتقعد فيها اكثر

اتمنى ان هذا ما يقلل من عزيمتك
هونها وتهون

بصراحه الله يعينك ،، والله يهداهم حيل صعبو اجراءات الفيزا الواحد يكرهه يسافر والسبه الفيزا
ماعليه خيره ان شاءالله


بس حبيت اسالك السفاره العصر تبطل او لا؟؟ يعني اقدر اقدم اوراقي الصبح او العصر ولازم انا اروح ولا ريلي يوديلهم الاوراق؟
وحبيت اسالك شنو الصوره الراس مكشوف!!! يعني اقط حجابي! والتامين الصحي من وين ايبه؟

هذا الاجراء طبق من 1/5 فقط .... لتفادي الزحمة نظرا لمحدودية امكانيات السفارة السويسرية ( كلهم موظفين)

انا مسافر في مثل وقتك 18/6 وقدمت الفيزا في شهر 3 بدون موعد ولا تعقيدات . اذكر دخلت السفارة وما لغيت احد غيري....واستلمت الجوازات بعدها بيومين فقط .... هذا فايدة التقديم بكير.


لذلك انصح الجميع بعمل جميع اجراءات السفر بدري ليس فقط الفيزا بل كذلك السكن وتذاكر الطيران للحصول على احسن العروض والاسعار ولتفادي الزحام واي تأخير

عزيزي بوسعود ممكن تشوف السفارة الاسبانية يخلصونك خلال ايام في كم مكتب بالدولية يساعدون بموضوع الفيزا

في بداية شهر مايو رحت لهم
وعطوني موعد 29 _5
وسفرتنا آخر يونيو
قلت لها عندي سفرة ثانية في آخر مايو وأحتاج الجوازات معاي
وعطتني موعد في منتصف شهر خمسة
وبعد أسبوع استلمنا الجوازات
وطلعت الفيزا أصلا خالصة من ثاني يوم سلمت لهم الجوازات
احتمال خلصت بسرعة لأنه كل سنة ناخذ الفيزا من السفارة السويسرية
عطونا بس 3 شهور
ورديت الاسبوع اللي فات وخذيت موعد علشان فيزا للبيبي ستر وعطوني 7 يونيو يعني قريب
يمكن علشان جواز واحد
طبعا زوجي وقت اللي استلم الجوازات طلب منهم موعد لفيزا للبيبي ستر في البداية الموظف قال
تعال بموعد اخذ المواعيد وخذ لها موعد لكن حاول مع الموظفة وعطتنا الموعد بنفس الوقت اللي استلمنا فيه الجوازات الحمدلله


حاولوا فيهم مرة ثانية شوفو لكم طريقة
والفيزا الألمانية ما يستلمون الجوازات إلا عن طريق مكتب معين واحد هو المفوض من قبل السفارة

المشاركة الأصلية كتبت بواسطة missuk
http://www.arabtravelersforum.com/tr...0/#post5449050

بصراحه الله يعينك ،، والله يهداهم حيل صعبو اجراءات الفيزا الواحد يكرهه يسافر والسبه الفيزا
ماعليه خيره ان شاءالله


بس حبيت اسالك السفاره العصر تبطل او لا؟؟ يعني اقدر اقدم اوراقي الصبح او العصر ولازم انا اروح ولا ريلي يوديلهم الاوراق؟
وحبيت اسالك شنو الصوره الراس مكشوف!!! يعني اقط حجابي! والتامين الصحي من وين ايبه؟




بعد إذن صاحب الموضوع


إختي السفارة ما تبطل العصر

من الساعة 9 الصبح لغاية الساعة 11 أو عشر ونص تسليم الجوازات طبعا يكون عندك موعد مسبق

من الساعة 11 لغاية الساعة وحدة الظهر تيين تاخذين موعد لتسليم الجوازات

من الساعة وحدة الظهر ولغاية الوحدة ونص استلام الجوازات

لا عادي صورة بالحجاب اللي هو غطاء الراس

بالنسبة لمنو يقدم عادي انا رحت وخذيت الموعد وشفت الطلبات وسألتهم جم سؤال
وزوجي راح سلمهم الجوازات
ولما راح يستلمهم قلت خلنا نحط موعد نطلع فيزا للبيبي ستر مع إنه كل صار لنا 3 سنوا نطلع لها فيزا معانا
لكن هالسنة شوي ترددنا
وفالوقت اللي استلم فيه الجوازت خذا موعد لها مع انه ممنوع أخذ المواعيد له وقت محدد

التأمين في أكثر من مكان تاخذين منه حتى البنوك قامت تطلع تأمين

مشكوره حبيبتي مع القرآن انا صراحه كانو يسون هالسوالف اهلي وتذكرت التامين صاجه كنت اطلعه من بنك الوطني
بس اشوف الاجراءات شوي تصعبت يعني ليش ناخذ موعد وجذي

الله يعينك سولك فلم اكشن ##########

المشاركة الأصلية كتبت بواسطة بيبسي كولا
http://www.arabtravelersforum.com/tr...6/#post5448536

جزاك الله خير على التنبيه

صراحه صدمه

يعطيك العافيه





ويجزاك خير بيبسي وأبشرك تم تأجيل الموعد ليوم 6 / 7 و كل طقه بتعليمه ؛)

المشاركة الأصلية كتبت بواسطة j.prog
http://www.arabtravelersforum.com/tr...4/#post5448544

طيب حاول بسفارة المانيا .. اقل من اسبوع خالصه
وما تطلب حجز الطيران
بس حجوزات الفنادق

احجز حجز وهمي لاكثر مده بالمانيا .. يعني اذا سفرتك 14 يوم احجز من 6 الى 10 ايام بفندق بالمانيا سياسة الالغاء مجاني حتى يوم الوصول .. وبعد ما توصل سويسرا باذن الله الغي الحجز ..
بس ضبط حجوزات الفنادق بحيث اكثر فندق في المانيا

وصوره حديثه
ونموذج الشنقن
والتأمين الصحي
وصورة الجواز

وبعدها يحجزولك موعد مع السفاره
بعد الموعد بيومين بتطلع الفيز ان شاءالله





كلامك كله عدله والسفاره الفرنسيه خلال اسبوع كل شي خالص بس دولة الدخول سويسرا


وأنا ياخوك نظامي نظام شايب ياكل شي بالسليم ولا بلاش


وأخاف يصير شي بالمطار لو تأخير بسيط يعكر المزاج ويحوس السفره .



ومشكور ع المرور

المشاركة الأصلية كتبت بواسطة بو يوسف q8
http://www.arabtravelersforum.com/tr...0/#post5448720

الله يكون في عونك
ما عليه خيره ان شاء الله

انا سويت الفيزا قبل شهر وطولت تقريبا 10 ايام او اكثر تقريبا

وعلى حسب علي ان لازن تسوي فيزا للدوله الي بتقعد فيها اكثر

اتمنى ان هذا ما يقلل من عزيمتك
هونها وتهون




الأوربيين مو متفقين مره دولة الدخول ومره دولة المكوث ومره أنت عربي



الأمور طيبه ابشرك بس 60 دينار زياده ع التذاكر وتفداك

المشاركة الأصلية كتبت بواسطة missuk
http://www.arabtravelersforum.com/tr...0/#post5449050

بصراحه الله يعينك ،، والله يهداهم حيل صعبو اجراءات الفيزا الواحد يكرهه يسافر والسبه الفيزا
ماعليه خيره ان شاءالله


بس حبيت اسالك السفاره العصر تبطل او لا؟؟ يعني اقدر اقدم اوراقي الصبح او العصر ولازم انا اروح ولا ريلي يوديلهم الاوراق؟
وحبيت اسالك شنو الصوره الراس مكشوف!!! يعني اقط حجابي! والتامين الصحي من وين ايبه؟




يعين الجميع وأن شالله خيره على قولتج


مو صعوبات مذله وربي تحلفين مو رايح سياحه رايح عمليه انتحاريه


رقم ودور وعلى الصامت بدون كلام السكرتي هندي وينافخ



ايييه نسيت موقف يوم كنت بالسفاره وحده جايه على موعد تسليم الجوازات


وهي ذاكره بالموعد عدد الجوازات 7 ولما قدمة الجوازات طلعت الجوازات 8


تعالي شوووفي وربي طلعت شوي وتبجي من القهر نست عدد العايله

المشاركة الأصلية كتبت بواسطة mbsa
http://www.arabtravelersforum.com/tr...4/#post5451814

هذا الاجراء طبق من 1/5 فقط .... لتفادي الزحمة نظرا لمحدودية امكانيات السفارة السويسرية ( كلهم موظفين)

انا مسافر في مثل وقتك 18/6 وقدمت الفيزا في شهر 3 بدون موعد ولا تعقيدات . اذكر دخلت السفارة وما لغيت احد غيري....واستلمت الجوازات بعدها بيومين فقط .... هذا فايدة التقديم بكير.


لذلك انصح الجميع بعمل جميع اجراءات السفر بدري ليس فقط الفيزا بل كذلك السكن وتذاكر الطيران للحصول على احسن العروض والاسعار ولتفادي الزحام واي تأخير

عزيزي بوسعود ممكن تشوف السفارة الاسبانية يخلصونك خلال ايام في كم مكتب بالدولية يساعدون بموضوع الفيزا






أكيد الصيف زحمه وخصوصا الجاليه الأسيويه كلهم يفيزووون حق سويسرا



بالنسبه للمكاتب اللي بالدوليه مع أحترامي لهم كلهم ماعندهم سالفه



والصدمه راح اقولك أنهم ياخذون منك الجوازات ويروحون حق مكتب ##########

dاخذون عليك زياده

. لأن رفيجي سوا


الفيزا في مكتب أسمه########## و عطوووه جواز مو جوازه واتصلوا عليه

#####وانصدم أنهم اللي يخلصون الفيزا واقل من عشرين دينار من المكتب الثاني



وسلامتك

المشاركة الأصلية كتبت بواسطة مع القرآن والإيمان
http://www.arabtravelersforum.com/tr...0/#post5451920

في بداية شهر مايو رحت لهم
وعطوني موعد 29 _5
وسفرتنا آخر يونيو
قلت لها عندي سفرة ثانية في آخر مايو وأحتاج الجوازات معاي
وعطتني موعد في منتصف شهر خمسة
وبعد أسبوع استلمنا الجوازات
وطلعت الفيزا أصلا خالصة من ثاني يوم سلمت لهم الجوازات
احتمال خلصت بسرعة لأنه كل سنة ناخذ الفيزا من السفارة السويسرية
عطونا بس 3 شهور
ورديت الاسبوع اللي فات وخذيت موعد علشان فيزا للبيبي ستر وعطوني 7 يونيو يعني قريب
يمكن علشان جواز واحد
طبعا زوجي وقت اللي استلم الجوازات طلب منهم موعد لفيزا للبيبي ستر في البداية الموظف قال
تعال بموعد اخذ المواعيد وخذ لها موعد لكن حاول مع الموظفة وعطتنا الموعد بنفس الوقت اللي استلمنا فيه الجوازات الحمدلله


حاولوا فيهم مرة ثانية شوفو لكم طريقة
والفيزا الألمانية ما يستلمون الجوازات إلا عن طريق مكتب معين واحد هو المفوض من قبل السفارة






حاولت وحاولت ماكو فايده




وجزاج الله خير أختي

المشاركة الأصلية كتبت بواسطة violetq8
http://www.arabtravelersforum.com/tr...4/#post5454984

الله يعينك سولك فلم اكشن ##########





شدعوه ماسويت


بحكم وظيفتي دايم يمر علي السفير السويسري ... قلت اول ما اشوفه بنقز في حلقه

وبطلبه طلبه يخلصني ...!!


وتمر سيارة السفاره


بس للأسف العلم مو مرفوع يعني السفير مو داخلها ... ووقف السايق هندي اسمه ميلان

وشرحت له السافله قال اوكي اشوف الموضوع واليوم الثاني دق علي قال ( والله أنا مايقدر بابا سوري )

ونطرت الأسبوع بس ماكو حظ ما ممر





تم التأجيل وعسى أن يكون في الأمر خير

ماعليه خيره ان شاء الله ,, بس بسالك وين حجزتو بجنيف وجم يوم بتقعدون فيها وبتاخذون سياره او لا؟
انا بخاطري بسياره بس ريلي مسكرها من كل صوب مايبي سياره كلش

الله يعينك صراحه أخوي اذا ماقصيت تذاكر طيران جرب شوف السفاره الفرنسيه اذا يطولون جرب الألمانيه اذا عادي عندك تطب هالدول وتطلع منهم لسويسرا

أنا قدمت على السفارة الألمانيه يوم الخميس وطلعت الجوازات يوم الأحد بعد الظهر استقبلتهم من مكتب #####

بصراحه امورهم سهالات الحجز كان وهمي ودشيت وطلعت السفارة بأقل من 5 دقايق لا اسؤله ولا شي من تدش تسلملم الموظفه جوازاتك بالاغلب عربيه الموظفه تشيك مو ناقصه تعطيك موعد تقولك الموعد الفلاني الجوازات خالصه

المشاركة الأصلية كتبت بواسطة missuk
http://www.arabtravelersforum.com/tr...8/#post5461708

ماعليه خيره ان شاء الله ,, بس بسالك وين حجزتو بجنيف وجم يوم بتقعدون فيها وبتاخذون سياره او لا؟
انا بخاطري بسياره بس ريلي مسكرها من كل صوب مايبي سياره كلش





أن شالله خير


والله جنيف للحين ماحجزت فيها ... لأني ناوي أجلس فيها يوم قبل الرجعه بس


اليوم هذا متوفر راح احجزه وأنا في انترلاكن ان شالله



السياره أهم شي بالسفره حريه وخصوصيه أكثر بعد واريح



وعلى فكره ترا يومية السياره ماتزيد عن عشرين دينار يعني سهلات



بس أهم شي اللغه شلونه فيها ؟

المشاركة الأصلية كتبت بواسطة alaizme
http://www.arabtravelersforum.com/tr...2/#post5461732

الله يعينك صراحه أخوي اذا ماقصيت تذاكر طيران جرب شوف السفاره الفرنسيه اذا يطولون جرب الألمانيه اذا عادي عندك تطب هالدول وتطلع منهم لسويسرا

أنا قدمت على السفارة الألمانيه يوم الخميس وطلعت الجوازات يوم الأحد بعد الظهر استقبلتهم من مكتب #####

بصراحه امورهم سهالات الحجز كان وهمي ودشيت وطلعت السفارة بأقل من 5 دقايق لا اسؤله ولا شي من تدش تسلملم الموظفه جوازاتك بالاغلب عربيه الموظفه تشيك مو ناقصه تعطيك موعد تقولك الموعد الفلاني الجوازات خالصه





والله ياخوك حاولت أجل السفره وصلخوني



والعالم كلهم ينصحوني افيز من الفرنسيه وفيزت منها والله يستر في مطار جنيف

سؤال كم رسوم الفيزا مع التامين الصحي

عبدالله رسوم الفيزا 24 دينار لكل جواز

والتأمين الصحي لمدة شهر 10 دنانير


المجموع 35 دينار


ودينار مني زياده تصوير المستندات


وسلامتك

مشكور حبيبي بوسعود عشان انا لقيت مندوب يخلص الفيزا كامله 50 دينار

موفق أبو نجم


خمسين يستاهل ولا البهذله صراحه .... أنا أنطر جوازاتي من الفرنسيه والله يسهلها

ابو سعود اللغه من ناحيتي ممتازه واعرف اتصرف ورايحه اوروبا اكثر من مره واعرف ,, حتن اهوا رايح بس مع اهله ومن زمان بس ماكو فايده مسكر عالموضوع ويدري اني شاطره بالانقليزي بس مادري شفيه!!

##########

تسافر وترج لسلامة ان شاء الله

المشاركة الأصلية كتبت بواسطة missuk
http://www.arabtravelersforum.com/tr...2/#post5497222

ابو سعود اللغه من ناحيتي ممتازه واعرف اتصرف ورايحه اوروبا اكثر من مره واعرف ,, حتن اهوا رايح بس مع اهله ومن زمان بس ماكو فايده مسكر عالموضوع ويدري اني شاطره بالانقليزي بس مادري شفيه!!

##########






اقولج خليه على راحته يمكن مايعرف يسوق ولا متخوف بعد كم يوم من السفره حني عليه وفي مكاتب بكل مكان
والسعر مايفرق على حسب تقارير الأخوان .