الموضوع: بخصوص اجهزه الاب توب الشخصي في المطارات

السلام عليكم

سؤال

للفاهمين

بخصوص اجهزه الاب توب الشخصي وش فيهم في المطارات
يقولون يشوفون الاب توبات واي برامج ماهي اصليه فيها تتعرض للمسائله

هل هذا صحيح

حنا ماغير نسوي فورمات للاب توب بخمسين ريال لكامل الاب توب ماندري اصلي واالا ماهو اصلي

السؤال الاهم

كيف نعرف ان البرنامج الويندوز اصلي

شكرا لكم

مواضيع عشوائيه ممكن تكون تعجبك اخترناها لك:

• مابين نيويورك و هيوستن
• احد يعرف عن هالموقع شي
• أبي موقف للسيارة رخيص شيكاغو وصولي بعد بكرا
• السفر سياحة او جرين كارد
• من ضمن الأسئلة التي توجه لك قبل دخول أمريكا ايران
• ابي رايكم يا اهل الخبرة
• ارجو ممن لديه الاجابه ان لا يبخل علي بها بخصوص الفيزا
• مساعدة في إيجاد سكن مشترك
• وش الحل يا جمااااااااااااااااعه ؟؟؟؟؟؟؟
• فندق ؟
• محمد وامباكت والخبراءمساعدة مطلوبه
• صديقى سعودى سنه مقيم بالكويت غير موظف وليس طالب
• سؤال موجه للخبراء اميركا
• ارجو المساعدة بخصوص الولادة في امريكا بفيزة سياحة ضروري
• السفير الأميركي لا قيود أمام الأردنيين للذهاب إلى الولايات المتحدة
• سوال بسيط هل يتطلب فيزا لمن لديه جواز سفر كندي ؟؟
• أسعار الفنادق في نيويورك غالية
• ارخص تذاكر الى واشنطن
• موقع تعبأة الطلب يعلق شكل كبير وش الحل
• مطلوب خطة رحلة عائلية سياحية الى امريكا

عزيزي ...

صحيح .. البرامج المنسوخة ممنوعة ..

واذا تبغا تعرف .. اي شي يحطه له العامل لما تسوي فورمات بي 50 ريال منسووووووخ

لان هذي البرامج اغلى من كذا بكثيير !! 600 وانت طالع

الانتي فايروس لحاله 120 وانت طالع !!

ولازم يعطيك شهادة الملكية للبرامج الاصلية عند تنصيبها !!

بالتوفيق

مشكور لصاحب الرد

شكرا على الاجابه

ولكن

السؤال
هنا

ماذا يفعلون اذا وجدوا الكمبيوتر فيه برامج غير اصليه

نبي نعرف مثال الويندوز يعني كيف اعرف اول شي انه اصلي

ثم ماذا لو وجدوا انه غير اصلي

فيها مسائلة ويمكن توصل الى الحبس والغرامة !!

اللي يبي يروح امريكا لازم يمشي على قوانينها ومايجيب لنفسه اي شي مثال على ذلك البرامج المنسوخه صح ساعات تمر ومايفتشون جهازك بس ساعات يكون الموظف رايق لك ويفتشه ويفتحه بعد

من الاشياء المهمه وجود الاستكرات على اللاب توب تدل على ان الويندوز اصلي والاستكر يكون مثبت وعموما اجهزه جرير يكون الويندوز فيها اصلي

والله ما ادري

الواحد ما يبي يجيب لنفسه الشبهه ولا يبي يلفت نضر احد بس معليش يعني شي زي لاب توب ضرووري احس

قلت اني باخذه قالولي اشتر من هناك بس بيكون الكيبورد انقلش وخرابييط مدري احسه مو ضاابط

بس وش نسوووووي

عادة اللاب توب يجي معاه ريكفري Recovery CD يكون فيه الويندوز الاصلي وبعض البرامج الاصلية ليش ما تعمل الريكفري وتريح رأسك

كيف يا جماعه قلقتوني!
ضروري ناخذ الاب توب معانا ومو متاكده ان البرامج كلها اصليه! فيه برامج كثير شرايتها من مواقع من النت مصدرها! شلون؟
السؤال الي يسدح نفسه هل التدقيق على كل البرامج ولا بس الوندوز؟!!؟

على قوله اخونا بليز ما يردون الا الفاهمين والي سافرو امريكا هالسنتيين بليز عشان لا نروح وطي

بصراحه انا ماقدر افيد احد لان البرامج الي ب لاب توبي كلها اصليه والي يبي يتفادى هالمشاكل وبرامجه مو اصليه يروح يشتري recovery cd ويسوي فورمات حق الجهاز ماله.. اريح وتفتكون من القلق!

انا أأيد كلام أخواني بعمل فورمات للجهاز عن طريق recovery cd أو في بعض الاجهزه من نفسها في تضغط اف 11 يمكن او شئ من هذا القبيل ولا تعورون روسكم وسلامتكم

والله انا طبيت اكثر من مطار ولا مره بطلو الاب توب مالي وقبل لاسافر كنت حيل خايف من هالشغله لانه كل البرامج الي بالاب توب كانت منسوخه حتى الويندوز بكبره بس سبحان الله يمكن تطيح بواحد اقشر ويقعد يبطل ويشوف
نصيحه مني اشتر لاب توب بامريكا والكيبورد سهاله اذا انت حافظ الحروف او اشتر كيبورد وايرلس اذا السالفه عصلقت
وبعدين اذا دخلت ومعاك شي منسوخ استعبط عليهم قولهم شاريه جذي
هني كل شي يمشي بالاستعباط لاتسوي نفسك عارف اي شي

ما جاني رد محدد يا اخون
التركيز على الوندوز فقط انه يكون اصلي واكيد الي عندي اصلي !
ولا على كل برنامج بجهازك ؟

سؤالي الثاني : ايش تنصحونا ابي الزبده بليز يا الربع

التدقيق اذا وجد بيكون على جميع البرامج ..

الزبدة : خلك في السليم وفرمت جهازك وحط فيه برامج اصلية !!

بالتوفيق

المشاركة الأصلية كتبت بواسطة shaaadn
http://www.arabtravelersforum.com/tr...5/#post2954495

ما جاني رد محدد يا اخون
التركيز على الوندوز فقط انه يكون اصلي واكيد الي عندي اصلي !
ولا على كل برنامج بجهازك ؟

سؤالي الثاني : ايش تنصحونا ابي الزبده بليز يا الربع



اختي

الموضوع سهل جدا :101:

اعملي فورمات عن طريق الريكفري سيدي Recovery CD راح يكون الوندوز أصلي :24:

ما اعتقد انك تحتاجي كل البرامج هناك

وبعد ماترجعي بالسلامة رجعي البرامج اللي عندك

انا أعمل كده :smile:

واذا بحط كمبيوتري بالشحن يعني بجنطة الشحن مو معاي بالطياره
تعتقدون يفتحونها ويفتشون بعد
انا زوجي جم مره يروح امريكا ولاب توبه معاه ولا مره فتشوه
ماندري والله شنسوي

انا اقول نزل الويندوز الاصلي والبرامج الاصليه ماتكلفك عشرين دينار من الشركه نفسها صاحبه الجهاز
وادخل امريكا وبعدين نزل الي تبيه من الانترنت وبخصوص الاخت الي تقول احطه بجنطه الشحن انا
كنت حاطه في الهاند باق بجنطته وبطلو وشافوه ومحد قالي شي والخووف كله من مطار نيويورك
او المطار الي مافيه زحمه لانه الموظف ماعنده شغل بس اذا مطار مضغوط صدقني ماله خلقك