الموضوع: اليوم كانت مقابلتي واخذو جوازي ؟؟ مالسبب

السلام عليكم ورحمة الله وبركاته

اسعد الله اوقاتكم بكل خير

اليوم ولله الحمد من الساعة 7.30 ص في عز البرد مسنتر في طابور له اول ماله آخر عند السفارة الامريكية بالرياض ...

ولابد من بعض الافلام اللي تصير مثل احد النماذج ناقص وردوني عند الباب ورحت لمكتب وسواه لي من جديد بخمسين ريال (شغل سفري)

المهم الحمد لله سويت المقابلة بعد جهد وجهيد ولا طلعت الى الساعة 1 تقريباً كان يوم عصيب ...

ابرز ماحدث واريد تعليقاتكم لا هنتو:

انا رايح دراسة لمدة 6 شهور (لغة) في سياتل بعد ثلاث شهور ان شاء الله _ على حسابي الخاص مع العم اني موظف ...

1- حاولت مراراً اقدم كشوف الحسابات ولم يحتجاونها فقط سالوني من سيقوم بتحمل التكاليف قلت انا.
2- حاولت مراراً اقدم ورقة حجز السفر ولم يحتاجون او حتى يطالعونها.
3- المقابلة لم تستر سوى 3 دقايق ومن بعدها قال لي سيتم ارسال الفيزا مع الجواز لك بعد اسبوعين (واعطاني كرت ازرق وقال سلمه لفيدكس )
4- لم يسالني اين سافرت.
5- لم يسالني عن جوزاتي القديمة؟؟

6- ابرز الاسئلة:

لماذا اخترت هذه المدينة والجامعة بالذات؟
طلب مني درجات دراستي في الجامعة وقلت له في البيت مع العلم اني رايح ادرس لغة !!
سالني ليه بتدرس لغة؟
وانا اجاوب قص كرت وقال لي بعد اسبوعين بنعطيك جوازك والفيزا!!

انا بصراحة انهبلت ولا صدقت لان المقابلة قصيرة جداً جداً (مقارنة بمقابلات الشباب هنا وفي السفارة امامي بعضهم يجلس 10 او 15 دقيقة اما انا 3 او 4 دقائق فقط ؟؟)

لغتي كانت ركيكة بعض الشي وضحك علي في بعض الكلمات اجيبها له من بعيييييييييد يالله توصل.


السؤال الاهم واللي ابي جواب تكفون /


هل اخذ الجواز وكلامه لي دليل على قبولهم اعطائي الفيزا ام هذا فقط احتمال ؟

لان اللي اشوفه معظم الشباب هنا اللي صار له 160 يوم واللي 90 يوم ما جاه رد ( هل يمكن يلطعوني هالمدة بدون جواز)

وش معنى اخذهم لجوزاي وعدم اطالة المقابلة وعدم سؤالي الاسئلة المعتادة ؟؟ هل ارتاحو لي :109:ام بيكرشوني :110: ام بيسحبون فيني وبعد اسبوعين بيقولون للاسف :112:

الله لا يهينكم انتظر ارائكم ...

ولكم مني جزيل الشكر والعرفان ،،،

مواضيع عشوائيه ممكن تكون تعجبك اخترناها لك:

• بالنسبة لإنتهاء الجواز وتجديده قبل السفر
• مساعده في شحن
• اخوي والاخوه الكرام هل ممكن تغيير المعهد بعد استخراج الفيزا الدراسيه؟
• مساعدة في تعبئة طلب الفيزا
• لاية واشنطن مدينة سبوكن
• الله يدلكم على كل خير ساعدوني مافي غنى عنكم يا العرب
• شهر العســل في امريكا
• شقق نيويورك
• الي من لديهم الخبرا في امريكا
• استفسار
• ارجو المساعدة
• حوار بين أم ريوم و بدزني
• تمثال الحرية و متحف الشمع و امباير ستايت ايش تقترحون اماكن زيادة
• هل تعيق اللحية إصدار الفيزا
• ساعدوني ساعدوني ضروري جدا
• لاهل الخبرة ارخص خطوط طيران ل نيويورك من دنفر
• أيهما أفضل؟؟
• ابغى معلومان عن الـهونولولو
• أركب تاكسي أصفر بنيويورك
• فيزا العلاج، متى يوصلون الجوازات؟

بكل اختصار .. احب ان اقولك مقدماً الف مبروك الفيزا ..

ما دام وعدوك واخذواجوازك بيجيك ان شاء اله حتى يمكن اقل من اسبوعين

بالنسبة للاسئلة تختلف من شخص للاخر .. وحتى الكشوفات والحجوزات تختلف ممكن ياخذونها وممكن لا ...

اتمنى لك التوفيق

الله يعطيك الف الف الف عافية اخوي امباكت

بصراحة مدري وش اقولك

ياليت كلمة شكر تكفيك

وانا انتظر لو بغو ياخذوني مع الجواز بس اهم شي افيز ...

الحمد لله ابشركم اعطوني فيزا خمس سنوات

بالضبط انتظرت اسبوع واحد فقط وجتني الفيزا ...

بالتوفيق ،،،