الموضوع: رحله مدّتها ايام

السلآم عليكم : )
ياحلوين أنا عندي استفسارات صغيره ياليت ألقى لها أجوبه عندكم
أن شاء الله نآوين نزور الكويت بعد اسبوعين بالضبط
هل التوقيت مضبوط وألآ ؟؟
عائله مكونه من 6 اشخاص معنا كلنا [ 5 كبار -طفله ]
ودّي بشقق تكون نظيفه ومكانها حلوو .. ورايكم أحجز قبل وألآ اذا جينا نلقى بالراحه ؟
وان شاء الله بنجي عن طريق السياره : ) أبي أماكن حلوه بس أهم شي الشقق
وتقريباً اسعارها بالسعودي كم ؟

ويعطيكم العافيه مقدماً

مواضيع عشوائيه ممكن تكون تعجبك اخترناها لك:

• الاردنية تسير رحلات بين عمان والكويت
• أريد مطعم إيراني راقي ونظيف
• زائـــرة من السعودية الى الكويت
• ممكن ارقام بعض الشقق الفندقيه
• ابغى مطاعم سعودية؟
• طيران الخليج؟؟؟
• غدانا بمطعم فريج عقاب للمأكولات الكويتية
• اطلب منكم خدمه يا أهل الكويت ؟
• ابحث عن مكتب استيراد في كوانزو
• عبود و مطعم كايزن الياباني
• وش الحل؟
• انا بحاجة الى توضيح
• مركز تصوير
• اقترب موسم الشتاء درجة الحراره بتاريخ يناير صوره
• حفظ الله الكويت واهلها الكرام لدي بعض الاستفسارات اعزائي
• لاهل الخبرة بليز ساعدوني
• تعديل لموضوعي مــنــزل ديكســون مع الصور
• ابغى اسواق تبيع تقليد ماركات ضروري بكره بسافر
• من السعودية بعد منفذ الرقعي كيف أصل إلى المباركية
• منتجع بلومون

اختى الكريمة فى شقق وايد بالكويت بس اتمنى انج تحددين المبلغ المطلوب فى 30 فى 40 فى اسعار وايد بس انتى حددى المبلغ الى تقدرين علية راع اعطيج ااسماء الفنادق

هلآ والله : )
انا أبيهـآ بحدود الـ40 - 50 يعني ماتتعدى الـ 50 دينار
بس ماادري اذا الشقق عندكم اجارها مرتفع او لآ
ووش افضل لي آخذ شقه او فندق بما انّا عائله وبتنحسب علينـآ كم غرفه وكذا : )

يعطيكم العافيه :$

اختي نعناعه

زيااره حلوه يكون وقت التنزيلات و المهرجانات والاحتفالات

بس الجــو اليوم وامس بــرد مو طبيعي فأنصحج تجيبين ملابس دافيه


و مرحبا فيج بالكويت

اختج

الله يحييك :$ مشكووره يابعدي ع النصيحه
أيه أعتقد انكم مثل جوّنا بالرياض جمممده : )

اختى العزيزة بالنسبة للجو صارلنا ثلاث ايام الجو بارد جدا درجة الحرارة من 16الى 8 اما بخصوص الفنادق اسعار

الفنادق الفايف ستار الغرفة الدبل 45 دينار مع الريوق اما الشقق انا اعرف شقق فندقية قريبة من البحر سعر الشقة 45 دينار فيها ثلاث غرف صالة وحمامين ومطبخ.

^
ياحبي لك مشكوووره ماقصرتي
:$ طيب ماابي اللي جنب البحر اعتقد اسعارها بتكون اغلى عشان الموقع بس
طيب ممكن أسم ورقم شقق أقدر أحجز منها وأبي يكون موقعها حلوو
مع العلم أني اول مره ازور الكويت ولآ اعرف المواقع فيها يعني ماادري اذا المنطقه اللي بتقولونها لي بتصير بنص الكويت او بطرفها وبعيده عن الأماكن العامه والفعاليات :$
واشكركم جداً :$

انا واحد وليسة وحدة

اما بخصوص شقق الفندقية:

بلازا اتيلية:

http://www.arabtravelersforum.com/re...ekuwait.com%2F



بودل للشقق الفندقية:
http://www.arabtravelersforum.com/re...oudl.com.sa%2F



فندق كونتننتال اربع نجوم اسعارة ممتازة:


http://www.kcontl.net/main_07dec.htm

المشاركة الأصلية كتبت بواسطة بيت الكويتى
http://www.arabtravelersforum.com/tr...2/#post3572652

اختى العزيزة بالنسبة للجو صارلنا ثلاث ايام الجو بارد جدا درجة الحرارة من 16الى 8 اما بخصوص الفنادق اسعار

الفنادق الفايف ستار الغرفة الدبل 45 دينار مع الريوق اما الشقق انا اعرف شقق فندقية قريبة من البحر سعر الشقة 45 دينار فيها ثلاث غرف صالة وحمامين ومطبخ.



والي يعافيك فيدنا باسمها والله لايهينك
لانى دايم اخذ في الهوليدي ان بدون فطور وغرفه عاديه ب 45
والا قدام الهوليدي اخذته ب40 او 45وبدون ريوق
وقد اخذت سفير 80 غرفه عاديه
دلنى على هذي دبل وفطور ب45 شي حلو يعني غرفه وفطور امكن 35 شي حلو
اسفه ياصاحبت الموضوع طلبت شغله في موضوعك
بس لانه لفت انتبهى اسعر

معليش اخوي آسفه :$

يعطيك العافيه ع اللي حطيّتهم بس هذي فنادق وانا أبي شقق
مايصير عندكم شقق فندقيه واسعارها حلوه مابين الـ 40-50
..

أختي أو اخوي

اختي الكريمه شقق بودل الفندقيه ممتازه وبالسعر الي طلبتيه بودل احد فروع بودل الي بالسعوديه للخليوي على شارع عمر بن العاص شارع المطاعم وانت على شارع الخليج ويمينك المارينا تلف يمين من عند ثاني اشاره وبيقابلك دوار من عنده بتشوف شقق بودل

خدمتهم ايضا مميزه والنت متوفر وتتميز على الكورنيش من ناحية الاثاث الراقي والنظافه وسعرها اقل من الكورنيش

سكنت في سويت غرفتين وصاله وتكرم تولتين ب 45 دينار شامل الفطور اذا حبيت تسكن ببودل اطلب بودل 1 اللوبي فيه والفطور الصبح فيه

رقمهم 0096525757999

هلا فيكي يا نعناعة و انا اشوف شقق بودل هي الاكثر شعبيه
و في غيرها اكيد و كثير با انا شخصاا لم اسكن منها قط
بس الاخوان و الخوات ما يقصرون معاكي و لو تبين تعرفين اكثر عن الكويت و اسواقها و مجمعاتها
شوفي في توقيعي ( رحلتي الي الكويت ) راح تعرفين اكثر عن الكويت من اسواق شعبية و اماكنها و شاليهات و غيرها و لو ان التقرير مستمر حتى الان

حياج الله بديرتج الكويت

بالنسبة للشقق يمدحون شقق بودل وايد والاحلى موقعه بشارع المطاعم اي شي تبينه تطلبونه ويوصل لي عندكم

أتمنى لج رحلة سعيدة وممتعه وبالنسبة للجو ترى يحير عملي حسابج وحطي معاج الثقيل والخفيف احتياط البارحة

ماشاء الله الامطار ما وقفت يعني عملي حسابج

حياكم الله ويشرفنا تواجدكم بديرتكم الثانيه الكويت

وأنا أقولج أولا أنتي من وين راح تجين يعني من أي طريق ...
يعني من عند منفذ الرقعي أو من عند منفذ الخفجي
لانج أذا كنتي بتجين من الرقعي فاأنا أنصحج تسكنين في فندق سليل الجهراء طبعا وفيه شاليهات وفي مجمع
وفيه منتزه عائلي حلو طبعا الجهراء هي اول منطقه راح تقابلج اذا جيتي من منفذ الرقعي والسعر 38 دينار
أوو تسكنين الرقعي الفنادق اللي فيه أسعارها من 45 الى 75 دينار أو بالفروانيه طبعا فيه بالرقعي شقق للأيجار رخيصه أعتقد سعرها خلف المخفر أو قريب من عنده والسغر اليومي 25 دينار يعني تقريبا 300 ريال
أما أذا كنتي جايه من منفذ الخفجي فاأنا انصحج تسكنين السالميه والأفضل أنج تحجزين بالتلفون لانه الفتره هذي راح يكثرون عندنا الخليجين
على فكره حنا عندنا بالكويت الفنادق أكثر من الشقق .. وترى السالميه فيها شقق بس ماأعرف جم أسعارهم
أسف على الأطاله وأتمنى أني قدرت أفيدج

أخوي ولد الكويت بنجي بأذن الله عن طريق [ الرقعي ]
يعطيكم العافيه والله وماقصرّتو :$
بدق على بودل وبشوف وبالنسبه اذا هذي اسعارهم فيآسلآم مررره بطله : )

السالميه افضل مناطق السكن للسائح

دامكم بتجون عن طريق الرقعي أول منطقه بتمرون عليها منطقتي ...
حياكم تقهوى وتعشوا عندنا ..
حياكم الله بديرتكم

ان شاء الله تكون رحله سعيييييييييييده وموفقه