الموضوع: حفظ الله الكويت واهلها الكرام لدي بعض الاستفسارات اعزائي

السلام عليكم ..
مشرفين واعضاء بوابة دولة الكويت الكرام
ان شاء الله يوم الخميس القادم سوف اصل الى دولة الكويت الغالية على طيران الجزيرة
انا وزوجتي واثنين من ابنائي الصغار واود ان استفسر عن خيارات السكن ماهو الافضل كون مدة الاقامة هي يومين فقط وايضا التنقل هل يفضل استئجار سيارة خاصة من المطار ام ان التاكسي يظل الخيار الافضل واريد برنامجا لمدة يومين اذا امكن وكيف هي الاجواء هل هي بارده في هذا الوقت من السنه والسموحه على الاطاله بالاسئله
وجزاكم الله كل خير ...

مواضيع عشوائيه ممكن تكون تعجبك اخترناها لك:

• وينكم يابنات الكويت وينكم يالصباحيات وين بنات الديرة تكفوووووون
• تكفووون ساااعدوني بليز
• ياجماعة انا جاي الكويت في فبراير
• شيلات
• شوركم يا أهل الكويت
• لمحبي الدرابيل حلويات درابيلنا
• مهم جدا الرجاء الدخول
• اين اجد خريطه لطرق الكويت و منشأتها
• لو سمحتوا ، موقع فندق بودل عن طريق قوقل ايرث
• الف مبرووك الاشراف للاخت
• محلات
• موقع الخطوط الجويه الكويتيه الجديد
• السالميه او الفحيحيل بالسكن ؟
• استفسار عن الاوراق المطلوبة للسفر
• عندي استفسار لاهل الخبرة فقط
• اين يقع الجامع الكبير إمامه الشيخ مشاري العفاسي
• افضل طرق الصرافه
• طلب مساعدة في شراء سيارة من الكويت
• الكويتيون يفضلون شركات الطيران المحلية على غيرها
• افتتاح الأفنيــوز اكبر مراكز التسوق بالكويت والمنطقة

اهلين فيك اخوي انشالله توصلون بالسلامه وحيالله ضيوف الكويت تنورونا بزيارتكم وبالنسبه للسكن انا اقترح عليك انك تسكن شقق فندقيه لانها انظف واريح لك وغالبا تكون قريبه من الاماكن السياحيه بالديره بس بالنسبه للمده ترى يومين واااايد قصيره مايمديكم تستانسون او تشوفون شي على الاقل يبيلك 5 ايام عشان يمديك تروح اغلب الاماكن الحلوه عندنا وبالنسبه للتنقل احسن شي طبعا التاكسي وشكثرهم بالديره وانشالله بالنسبه للجدول انشالله بضبطلك خووش جدول للطلعات :2b006: بس انت قولي شنو الاماكن اللي تحب تروحلها يعني تحب الاماكن المفتوحه والا مجمعات كشخه والا اسواق ومطاعم شعبيه والا اماكن تصلح للاطفال ملاهي يعني !! لان بصراحه يومين واايد وقت مو كافي ولاراح يمديك تلحق مادري ونسيت اقولك الجو هاليومين عندنا باارد وعجييب ولي عوده ان شاء الله :2bezv:

بالنسبه للسكن اخوي هذي من افضل وانظف الشقق الفندقيه بالكويت وموقعهم واايد ممتاز قريب من المجمعات والاسواق والمطاعم واسعارهم زينه خصوصا انهم راح يسون عروض على اول شهر فبراير بمناسبة مهرجان هلا فبراير عندك بودل للشقق الفندقيه بالسالميه حلوين واايد وهذا رقمهم 25757999 ورقم ثاني لهم 25757886 وهذا الاعلان مالهم

وعندك شقق حلوه بعد وموقعها ممتاز بشارع المجمعات بالسالميه وكل شي قريب منها واسعارها زينه اسمهم سارا بلازا وهذا البروشور الاعلاني لهم















هذي ارقامهم تـلـفــون : 8/7/6/25755304 - 00965
وهذا موقعهم تقدر تشوف الاسعار والغرف
الموقع الالكتروني : http://www.saraplaza.com/

يعطيك العافية اخوى اتمنى انك تقول جم مقدرتك بالفلوس لانة اغلبيت الفنادق الخمس نجوم مسوين عروض الغرفة

الدبل 45 دينار مع الريوق اذا تبى اعطيك ارقامهم بس حددلى مقدرتك بالفلوس وبالنسبة للسيارات فى شركات تاجر

سيارة مع السايق 22 دينار من الصبح الى الليل معاك ودل كل الاماكن بالكويت اذا تبى انشاللة اساعك بالفنادق السيارة

المشاركة الأصلية كتبت بواسطة سندبادة
http://www.arabtravelersforum.com/tr...0/#post3564109

اهلين فيك اخوي انشالله توصلون بالسلامه وحيالله ضيوف الكويت تنورونا بزيارتكم وبالنسبه للسكن انا اقترح عليك انك تسكن شقق فندقيه لانها انظف واريح لك وغالبا تكون قريبه من الاماكن السياحيه بالديره بس بالنسبه للمده ترى يومين واااايد قصيره مايمديكم تستانسون او تشوفون شي على الاقل يبيلك 5 ايام عشان يمديك تروح اغلب الاماكن الحلوه عندنا وبالنسبه للتنقل احسن شي طبعا التاكسي وشكثرهم بالديره وانشالله بالنسبه للجدول انشالله بضبطلك خووش جدول للطلعات :2b006: بس انت قولي شنو الاماكن اللي تحب تروحلها يعني تحب الاماكن المفتوحه والا مجمعات كشخه والا اسواق ومطاعم شعبيه والا اماكن تصلح للاطفال ملاهي يعني !! لان بصراحه يومين واايد وقت مو كافي ولاراح يمديك تلحق مادري ونسيت اقولك الجو هاليومين عندنا باارد وعجييب ولي عوده ان شاء الله :2bezv:



الاخت الكريمه سندبادة
شكرا لكِ على ردكِ الراقي واهتمامك بموضوعي وانا عارف انه المدة جدا قصيرة لكن لظروف العمل لااستطيع تمديد المدة عموما اود ان اعرف افضل المجمعات الحديثه بالكويت واريد ايضا اماكن لاستمتاع الاطفال وافضل المطاعم
ولو تكرمتِ بعمل برنامج صغير ومرتب اكون شاكر لكِ اختي العزيزه وجزاكِ الله كل خير ..

المشاركة الأصلية كتبت بواسطة بيت الكويتى
http://www.arabtravelersforum.com/tr...0/#post3564467

يعطيك العافية اخوى اتمنى انك تقول جم مقدرتك بالفلوس لانة اغلبيت الفنادق الخمس نجوم مسوين عروض الغرفة

الدبل 45 دينار مع الريوق اذا تبى اعطيك ارقامهم بس حددلى مقدرتك بالفلوس وبالنسبة للسيارات فى شركات تاجر

سيارة مع السايق 22 دينار من الصبح الى الليل معاك ودل كل الاماكن بالكويت اذا تبى انشاللة اساعك بالفنادق السيارة



اخي العزيز بيت الكويتي شكرا على ردك الكريم وبالنسبه لقدرتي الماليه فليس هناك مشكله بس اذا امكن تعطيني اقتراحاتك بالنسبه للسكن وجزاك الله كل خير ..

حياك الله بين اهلك بديرتك الثانيه الكويت

المجمعات عندك بالسالميه مرينا مول و شارع فهد السالم كله مجمعات

عندك مجمع الافينيوز كبير جدا

عندك سوق شرق على شارع الخليج

جميع المجمعات السابقه فيها اماكن ترفيهيه للاطفال وسلسله من المطاعم العالميه

مجمع الصالحيه هذا للماركات و مجمع الرايه

مرحبا اخوي بو احمد انشالله تكون استفدت من ردود الاخوان لانهم ماشالله ماقصروا وانا احب اضيف على كلامهم
تقدر تروح لسوق المباركيه يعتبر هالسوق تراثي وشعبي ويمثل الكويت قديما وفيه محلات دراريع وبشوت والخام الرجالي ومحلات الصرافه ومحلات البخور ويعتبر رخيص وينفع تاخذ منه هدايا وفي محلات الدرابيل والرهش والحلويات الكويتيه الاصيله واذا خلصت في مطاعم شعبيه خارجيه مفتوحه تقدر تتعشى فيها بس القعده وااايد بسيطه يعني اذا تحب جذي
بالنسبه حق سوق شرق تقدر تروح هناك عند مرسى القوارب وتأجرون لكم قارب ياخذ فيكم جوله بالبحر تقريبا ربع ساعه ويرجع وناسه حلوه التجربه والمجمع بعد حلو وفيه خووش كافيهات خارجيه قعدتها تشرح الصدر
وعندك بعد المركز العلمي اللي بالسالميه في داخله اكواريم حلو للاسماك وسمك القرش وتتفرج على الحياه البحريه والبريه بأنواعها امامك يصلح حق الاولاد راح يستانسون عليه
واذا تبي مدينة ملاهي كامله عندك المدينه الترفيهيه تذاكر دخولها ب3دنانير ونص وتصلح للاطفال والكبار فيها العاب ومطاعم ومحللات بيع اشياء تذكاريه ومحلات تصوير وطباعة صوركم على التيشيرتات او الميداليات والحركات هذي خلال نص ساعه حلوين للذكرى