المشاركة الأصلية كتبت بواسطة draculaghost
http://www.arabtravelersforum.com/tr...1/#post2585893

السلام عليكم و رحمة الله و بركاته

المشرف القدير الأخ Impact :
لقد عدت لتوي من السفارة الأمريكية بالرياض و بعد تقديم كل الأوراق و المستندات اللازمة و إجراء المقابلة الشخصية تم رفض التأشيرة و أخبرتني من أجرت معي المقابلة بأن الرفض لسبب أنها أحست بأنني لن أعود من الولايات المتحدة إلى السعودية مرة أخرى و أعطتني ورقة فيها كلام مشابه :112:
أعتقد بأن السبب هو أنني قمت بالتقديم من السعودية
سؤالي الآن هو هل يمكنني التقديم من مصر خلال الأيام القادمة
و إذا كان ممكن فهل سأضطر لاحضار خطاب قبول آخر ( i-20 ) ؟
و هل يجيب دفع رسوم الـSEVIS مرة أخرى أم لا ... المشكلة ليست في الدفع و لكن أريد أن عرف فقط ؟

أرجو الإفادة و جزاكم الله خيراً



بص أنا هاكلمك كلام من تجربتي، مش معنى كدة أني خبير، أو كلامي هو الخلاصة، بس واضح أنك صغير السن، وقليل الخبرة ومحتاج أي مساعدة فأي رد ممكن ينفعك، زي مابيقولوا هنا في امريكا: أحنا بنعمل Brain storming مع بعض.
أولا:ً ياسيدي أعرفك بنفسي، أنا مصري أمريكي ومقيم بأمريكا من حوالي عشر سنوات.
ثانياً: من خبرتي أعتقد أنة لم يتم رفض طلبك بسبب أنك قدمت من السعودية، بالعكس زي مانصحك الأخ أمباكت فرصتك كانت أحسن في التقديم من السعودية مادمت مقيم فيها بقالك فترة مش بس زيارة عابرة، على أساس أنهم في السفارة بيبصولك على أنك شخص مقتدر نسبياً عن المصريين المقييمين في مصر وأحتمال أنك تروح ماترجعش أقل شوية.
هاضربلك مثال بنفسي: أنا قدمت على الفيزا في سنة 1996 لما كنت عايش في لندن، وكنت هناك بأدرس ومدة أقامتي كانت أقل من سنة فهم قالولي في السفرة لازم تكون مقيم على الأقل سنة عشان نقدر نديهالك وأدوني جواب بالمعني دة ونصحوني أقدم في السفارة الأمريكية في بلدي الأصلي (مصر) أول ما أرجع وفرصتي في الحصول على الفيزا ستكون عالية، وفعلاً هذا ماحدث.
لكن خد عندك مثلاً حالة هي العكس تماماً، وهي حالة أخي، حاول يقدم على الفيزا من مصر هو وعائلتة عشان يجوا يزورونا، لم يعطوها لة، نصحتة يقدم في السفارة الأمريكية في الكويت لأنة مقيم بها، وفعلاً قدم وأعطوهم كلهم الفيزا.
ثالثاً: لازم نفرق مابين حاجة أسمها Application received وحاجة تانية اللي هي Rejected.
Application received دي معناها أنهم أستلموا الطلب بتاعك ولم يتم الموافقة علية الأن لأي أعتبارات هم شايفينها، وبيبقى في امكانية أنك تقدم تاني بعد كدة بفرق مدة بين المرة السابقة والتالية حسب القواعد المنظمة في هذا الوقت.
Rejected معناها الرفض التام لأعطائك الفيزا من حيث المبدأ ودة بيكون لأي سبب من الأسباب - غالباً لأعتبارات أمنية – ودة معناة أنك لا يمكن هتاخد الفيزا ولو عملت اللالي (تغيير الباسبور وماشابههة مابينفعش لأن أسمك بيكون محطوط عندهم بلاك ليست في الداتا بيز وخصوصاً بعد أحداث 11 سبتمبر).
بناء على ماسبق وقلتة لك أنك تقدم لما تنزل مصر دة امر تقديرة راجع ليك أنت، بس في رأيي فرصتك في الحصول على الفيزا في هذة الحالة ضعيفة إلى شبة معدومة.
رابعاً: إذا قررت تقدم في السفرة في مصر طبعاً هيطلبوا منك كل الأوراق اللي طلبوها منك في السعودية تاني، لو الأوراق دي لسة معاك مش لازم تطلع أوراق جديدة ما عدا حساب البنك لازم مايكونش تاريخة اقدم من تاريخ المقابلة بأسبوعين.
والله أعلم.

مواضيع عشوائيه ممكن تكون تعجبك اخترناها لك: