الموضوع: محتاره بين أورلاندو وبين لوس أنجلوس

بصراحة عازمين على السفر شهر 7 لمدة شهر أنا مع زوجي معانا ولدين 7 سنوات و سنتين طبعا من الكويت، كنا ناوين فلوريدا بس مثل ما قريت في المنتدى إنه شهر 7 حر ورطوبة وإحنا مو مصدقين ننحاش من حر الكويت فقررنا تغيير الوجهة للغرب للوس أنجلوس والمناطق المجاورة لها، ودي برنامج لمدة شهر على المناطق (لوس أنجلوس، سان دييغو، لاس فسجاس، سان فرانسيسكو) وعندي بعض الإستفسارات:

(1) ما هي أفضل خطوط أحجز فيها؟ وهل تنصح أحجز من الحين على الإنترنت أو أنتظر أو أحجز الطيران من السفريات أفضل؟
(2) هل يفضل إختيار الوصول للوس أنجلوس ومن ثم تأجير سيارة وإختيار مكان المغادرة مطار سان فرانسيسكو، لأني سمعت أن سعر الطيران يزيد إذا خليت مكان المغادرة غير مكان الوصول حتى بالنسبة لتأجير السيارة؟
(3) يا ليت تعطيني أفضل الأماكن الترفيهية و لألعاب للأطفال ؟
(4) مراكز تسوق مشهورة ومعروفة في ولاية كاليفورنيا؟ لأني بصراحة ناوية أتسوق عدل والله يعين زوجي علي ، وهل متوفر أماكن شحن بأسعار مناسبة للشحن للكويت؟ لأني خايفة ياخذون علينا وزن زايد في المطار.

ومشكور مقدما والله يوفقك دوم.

مواضيع عشوائيه ممكن تكون تعجبك اخترناها لك:

• جديد طريقة تسديد رسوم السفارة الأمريكية عن طريق سامبا بالصور
• في أمريكا ما نوع الجوالات التي تعمل أم ؟
• برنامج سفرتي احتاج ترتيب الأماكن
• لدي موعد فيزا خطوبة واجهل نوع الاسالة في المقابة
• جهاز الاي باد الأمريكي
• دليل السياحة في أمريكا الولايات المتحدة
• افضل سن للاطفال للسفر الى امريكا
• سؤال عن استخراج الفيزا للاطفال
• استفسار بخصوص فيزا طفل ضروري
• أماكن الصلاة في أمريكا
• الاوضاع في لوس انجلوس بعد وفاه مايكل
• تذاكر السي ورد والورد ديزني واليونيفيرسل باورلاندوا
• عندي كم استفسار ياليت تجاوبو عليهم
• بروح سان انتونيو وين الأماكن السياحية؟واذا فيه دورات حلوة وين؟؟ووين مكان رومنسي؟؟
• مشكلتي الكبيرة مع وكالة سياحية رأيكم مالحل
• استفسار بخصوص الجارمن
• مساعدة بخصوص تحويل العملة
• أرجو المسـاعدهـ
• امريكا ولا بريطانيا محتاره
• يوم في كالفونيا ارجو المساعده شباب

مرحبا أختي

كاليفورنيا كل شيء فيها حلو الجو البحر الطبيعه والجبال الخضراء

المنتزهات و الملاهي لجميع الأعمار وطبعاً السوق وما أدراك ما السوق

سواء كنت في لوس أنجلوس سان فرانسيسكو أو لاس فيغاس سوقهم

رائع جداً.......

يعني ما راح تتحسفون على زيارتكم لها نهائياً.

بالنسبه لطيران لا تسافرون على البريطانيه الصراحه غاليه بكل درجاته وما تستاهل
نهائي.. ونصيحه سافروا على الإماراتيه وما يحتاج أمدحها من روعة خدماته.. أو
لوفتانزا فيه كثير جربوها ويمدحونه.

بالنسبه للأماكن الترفيهيه للكبار والصغار في لوس أنجلوس والمناطق المحيطه بها

Universal Studios

Disneyland... في مدينة أنهايم

Knott's Berry في أنهايم قريبه من ديزني وعباره عن مدينة ألعاب ومدينه مائيه
وتنفع للصغار والكبار ومعها منتجع خاص فيها

Legoland تنفع للصغار أكثر شيء

Six Flags ألعاب خطره وللكبار

في مدينة San Diego

San Diego zoo's Wild animal park

Sea World

بالنسبه للتسوق لوس أنجلوس وما حولينها

Fashion Island في نيوبورت بيتش

Mission Viejo Mall في ميشون فييهو نفس الأسم

South coast plaza في Costa Mesa

Spectrum center في Irvine

وطبعاً الروديو درايف في بيفرلي هيلز,و مول هاي لاند في هوليوود


سان فرانسيسكو مكان واحد وفيه كل الماركات والمحلات الكبيره

Union Square مره حلو

وفيه Fisherman's Wharf.. Pier 39 ممتع فيه عروض ومحلات صغيره

لاس فيغاس كلها سوق وأهمها بلاتزو التابع لفندق فينيسيا والفورم
التابع لفندق سيزرز بلاس ورااااااائع جداً وكل الماركات فيه .


رحله موفقه

تسلمين يا حياتي على هالمعلومات شاكره لج من أعماق قلبي يا عمري

وزيادة على الي قالوه الشباب في out let في لوس انجلوس وطريق سان ديجو وطريق لاس فيجاس
كل الماركات وبأسعار مخفضة وغير عن السوق لايفوتك مرة حلو واسعار معقولة جداااااااااا وماركات

هذا الموقع فيه سوق الماركات المخفضة الـ out let وكل موقع كاتبين لك الماركات الموجودة فيه ...http://www.premiumoutlets.com/centers/

انا ماحبيت امر بدون لا اعلق ..

لكني مااقدر احكم لأني بصراحه ماشفت غير فلوريدا لحد الان وادمنتها ..

امريكا كلها حلوه .. وفلوريدا مثل ماقلتي حر ورطوبه ..

لكن اللي سمعته انه لوس انجليس جوها مايختلف عن جو فلوريدا فالصيف .. ولكن الجو جاف اكثر من اورلاندو .. يعني تقدرين تقولين مثل جو البحرين وجو الكويت .. جو البحرين حار ورطب .. وجو الكويت حار وجاف ..

لكن الحراره تُستحمل .. بس تبقى حــــر ..

اخالفك الراي يا Ozyee بالعكس انا رحت في الصيف كاليفورنيا .....لوس انجلوس وارفاين جوها بالصيف روعة بالنهار ومافي حر ابدا ..وبالليل يصير برد لدرجة انك تحتاج جاكيت
عكس فلوريدا تماما الي نهار وليل حر ..

تسلم doudi على الإفادة بخصوص ال Outlet مشكور وايد، أما بالنسبة لOzyee السفرة الياية راح أخليها حق أورلاندو بس أبيج تشوقين وتقنعيني فيها

العفو وحاضرين

المشاركة الأصلية كتبت بواسطة khaled

بصراحة عازمين على السفر شهر 7 لمدة شهر أنا مع زوجي معانا ولدين 7 سنوات و سنتين طبعا من الكويت، كنا ناوين فلوريدا بس مثل ما قريت في المنتدى إنه شهر 7 حر ورطوبة وإحنا مو مصدقين ننحاش من حر الكويت فقررنا تغيير الوجهة للغرب للوس أنجلوس والمناطق المجاورة لها، ودي برنامج لمدة شهر على المناطق (لوس أنجلوس، سان دييغو، لاس فسجاس، سان فرانسيسكو) وعندي بعض الإستفسارات:

(1) ما هي أفضل خطوط أحجز فيها؟ وهل تنصح أحجز من الحين على الإنترنت أو أنتظر أو أحجز الطيران من السفريات أفضل؟

عندك طيران الاتحاد اللي يميزها ( اجراءات دخول امريكا تسوينها في مطار ابو ظبي يعني توصلين امريكا كأنك جايه من رحله داخليه )
الاماراتيه ، القطريه

(2) هل يفضل إختيار الوصول للوس أنجلوس ومن ثم تأجير سيارة وإختيار مكان المغادرة مطار سان فرانسيسكو، لأني سمعت أن سعر الطيران يزيد إذا خليت مكان المغادرة غير مكان الوصول حتى بالنسبة لتأجير السيارة؟

ايه نعم يزيد لكن ماظن بشكل مرتفع ، بأمكانك البحث في اكسبيديا ويطلع لك مقارنه اكثر من ٤ شركات وسعر كل نوع من السيارات

(3) يا ليت تعطيني أفضل الأماكن الترفيهية و لألعاب للأطفال ؟

يونيفيرسال استديو ، ديزني لاند ، سيي وورلد سان دييغو ( وفيه اماكن كثييييره جدا للاطفال لوس انجلوس ولكن لم نذهب اليها وبأمكانك البحث بالتقارير الموجوده )

(4) مراكز تسوق مشهورة ومعروفة في ولاية كاليفورنيا؟ لأني بصراحة ناوية أتسوق عدل والله يعين زوجي علي ، وهل متوفر أماكن شحن بأسعار مناسبة للشحن للكويت؟ لأني خايفة ياخذون علينا وزن زايد في المطار.

ساوث كوست بلازا ( اكبر مجمع تجاري بالمنطقه ) ، اوت لت يبعد ساعه او اكثر عن لوس انجلوس الصراحه يستاهل العنوه له ( ترى فيه كثيير اوت لت بلوس انجلوس ولكن هذا اكبرهم وموجوده كل الماركات ( بالنسبه للشحن ماعندي خبره ) لكن لاتخافين تقدرين تشوفين بموقع الطيران كم الاسعار لكل حجم زايد وتحددين بعدها اذا ناويه تزيدين بالرجعه


ومشكور مقدما والله يوفقك دوم.

"ان اصبت فمن الله وان اخطئت فمن نفسي والشيطان‏"